إعـــــــلان

تقليص
لا يوجد إعلان حتى الآن.

عندى مشكل مع الكيكة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عندى مشكل مع الكيكة

    السلام عليكم اخواتي الاعزاء عندي مشكت مع الكيكة مكتنفخش ليا انا كندير فيها جوج ديال الخمارات حمرين الزا امكنحلش عليها الفران معرفتش فين كين المشكل

  • #2
    هانتي ياأختي الفران خاصو يكون دااااااافي ماشي سحون وتحطيه على نار مهيييلة
    ويلا عندك الصبر ديري طريقة البياض بوحدو والصفار بوحدو وهويها مزيان

    تعليق


    • #3
      شكرا على الرد مرة ندير الفران سخون عاد ندخلهة امرة اخرى كندخلهة ديركت بلا منسخنه منها كيسخن والكيكة كتخمر مخليت مدرت كطلع ليا شوية صافى ماشي بزاف

      تعليق


      • #4
        اختى فاللقاء المفتوح قالت وحد السيدة تضعى ملعقة من الماء الغازى مع المقادير راه كتجى منفوخة جربيها على الله
        sigpic

        تعليق


        • #5
          السلام عليكم اختي.غدي نعطيك مقادير الكيكة ديالي كتجي غزالة و كتنفخ لي داقها عندي كيقول لي كيكة كتجيك منفوخة وبنينة.مهيم منطولش عليك.
          المقادير:*5 بيضات بحرارة المطبخ
          *1 كأس كبير سكر سنيدة(كأس ديال كوكا)
          *1كأس عنبة زيت ماعامرش.
          *3/4 كأس عنبة حليب
          *عصير نصف حامضة والقشرة ديالها كلها محكوكة+قريصة ملحة
          *2 كأس كبير طحين أو 5،2(نفس لي عبرتي بيه السكر)
          *2 خمارة حلوة +1 إلى كانت متوفرة
          الطريقة:
          +في إناء نظيف فصلي بياض البيض و طربيه مزيآاآن بحركة عمودية من فوق لتحت حتى يولي كثلج
          +في إناء آخر و بنفس الطراب طربي أصفر البيض مع السكر غير حتى يندامجو ثم الزيت ثم لحليب ثم عصير الحامض و القشرة محكوكة و الملحة ثم طحين مغربل مع الخميرة وخلطي......و هنا حاجة مهمة جدا جدا :خاص منين ضفي طحين وتخلطي خاص طراب يمر بصعوبة فالخليط و إلا زيدي 1/2 كأس طحين أوأكتر وغالبا هذا هو لقياس لي غتحتاجي.إيلا مركزتيش على هادالنقطة كيكة غادي تنفخ و منين تخرجيها من الفرن تفش.
          +من بعد ضيفي للخليط بياض البيض المطرب فمرة وحدة تم بملعقة خلطي بشكل دائري من لفوق لتحت حتى يندمجوومنين تكوني كتخلطي هزي المعلقة للأعلى باش دخلي لهوا.سكبيها فمول دائري(لكبير)مدهون بالزيت ومرشوش بالطحين؛ يمكن ترشي على الوجه زبيب و اللوز. وشعلي الفران و دري لعافية قليلة و دخلي لكيكة مباشرة بلا ميسخن الفران و سدي عليها نصف ساعة بلا متحلي الفران.
          منين دوز نصف ساعة حلي الفران و دوري كيكة وخليها ففران لفوق حتى طيب فمرة يعني كيكة من فوق منين كتقيسيها كتلقايها قاسحة وتحمرات شوية، عاد نزليها لتحت باش تحمر من فوق لكين بقاي حداها حيت دغيا كتحمر.خرجيها من فران وخليها تبرد فمول.عاد ديرها فبسيل.
          صدقيني كتجي لذيذة و منفوخة مغتصدقيش شحال كتنفخ ومنين كتقطعيها كتلقاي فيها بحال لعيون و هذا دليل على أنها مهويا مزيان.و بالصحة و الراحة.







          حنان

          تعليق


          • #6
            بارك الله فيك اختي حنان
            sigpic

            تعليق


            • #7
              بارك الله فيكم جميعا

              تعليق


              • #8
                بارك الله فيك اختي khidmat din و شكرا لتقديرك







                حنان

                تعليق


                • #9
                  i3mili kika ta9ila m3a 3 sachiyat khamira wa mil3a9at khal wala tansay an tou3ali yadayki jaydan onti taskoubina lkhalit bil9alab wachokran


                  تعليق


                  • #10
                    ا ظن انك كتكتري ليها الزيت لاربع بيضات نضع كاس عنبة ماعامرش

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X