إعـــــــلان

تقليص
لا يوجد إعلان حتى الآن.

النجيمات كتعرفوهم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • النجيمات كتعرفوهم

    السلام عليكم ورحمة الله تعالى وبركاته

    الله يجازيكم ويخلي ليكم ما عز عليكم وينصر اسلامنا

    اللي كتعرف طيب النجيمات مفورين مع الدجاج تكتب لي الطريقة الله يحفضها كنت في المغرب وجات واحد السيدة وجابت طبسيل قداش تبارك الله طحت فيه عميااااااااااا:s12229:ا الله يجازيها بالف الف خير معمرني مكليت بحالو وخا كنت كناكلو من زمان ولكن هد السيدة تبارك الله طيباتها غزااااااااااااااالة

  • #2
    النجيمات بالدجاج

    المقادير
    نصف كلغ النجيمات ديال القمح
    دجاجة صغيرة
    3 مطيشات محكوكين
    بصلة كبيرة محكوكة
    القزبر مربط
    م ص البزار
    م ص سكين جبير
    ضويمة الزعفران
    م ص السمن
    كنور ديال الدجاج
    م ص الملح
    شوية الزيت

    الطريقة
    نوضع الدجاج في الكوكوت و نعملو المقادير كاملة ونشرملوه وضعه فوق العافية و نشحروه مزيان حتى ياخذ لون و نضع الماء اللي يطيب فيه و نخليوه يطيب في هاذ الوقت ناخذ النجيمات نذهنوهم بالزيت و نفوروهم في الكسكاس في برمة فيها الماء لمدة ساعة تقريبا عاد نقلبوهم في القصعة و نحلوهم يبردو يكون الدجاج طاب نزولوه من المرقة نغطيوه جانبا و نزيدو المرقة و ندورو فيها النجيمات و نبقاو نحركو باش ما يلصقوش و مرة مرة نذوقوهم و لم يطيبو و ينشفو من المرقة نوضعوهم في قصرية مع الدجاج مدفون وسطهم راه ما تشبعوش منهم غير جربوهم


    قال تعالى : ** مَن يَعْمَلْ سُوء اً يُجْزَ بِهِ ** النساء123

    تعليق


    • #3
      دجاجة مقطعة +بصلة محكوكة+الملح+سكين جبير+ابزار+ربيع مربط+شوية كنور
      يتشحر مزيان من بعد نضيف الماء ليطيب فيه في البرمة وندهنو النجيمات بشوية الزيت ونديروهم في الكسكاس يفورو شوية عاد نضيفهم للمرق ونخلوهم يطيبو ملي يوجدو نزيدهم شوية السمن وبصحة والراحة.


      قال تعالى : ** مَن يَعْمَلْ سُوء اً يُجْزَ بِهِ ** النساء123

      تعليق


      • #4
        دجاجة مقطعة +بصلة محكوكة+الملح+سكين جبير+ابزار+ربيع مربط+شوية كنور
        يتشحر مزيان من بعد نضيف الماء ليطيب فيه في البرمة وندهنو النجيمات بشوية الزيت ونديروهم في الكسكاس يفورو شوية عاد نضيفهم للمرق ونخلوهم يطيبو ملي يوجدو نزيدهم شوية السمن وبصحة والراحة.


        قال تعالى : ** مَن يَعْمَلْ سُوء اً يُجْزَ بِهِ ** النساء123

        تعليق


        • #5
          جربي طريقتي وردي علي الخبار
          تاخدي الدجاج القدر اللي حبيتي
          البصل 3 او اربعة تقطعيهم بحال الكسكس
          ملح بزار سكنجبير خرقوم فقط لا غير مع قبطة ديال الربيع قزبر ومعدنوس عمليهم فالبرمة
          تاخدي النجيمات تعملي الزيت وملحة وتفوريهم تفويرة وحدة
          من بعد مايطيب الدجاج كتاخديه تعمليه فكاسرونة اخرى هو والبصل كامل
          وتديري فالبرمة النجيمات وتخليهم يطيبو حتى يشربو مزيان والى بانو ليك ماطايبينش والماء قلال زيدي كاس سخون
          التقديم
          كاتخدي النجيمات فطبسيل او قصرية
          وتعملي فوقهم الدجاج والبصل
          وبالصحة والراحة
          الى النجيمات اللي كليتي مفيهمش مطيشة هادي هي الطريقة 100ف100


          تعليق


          • #6
            عملت مكرونة بالدجاج

            اخترت هالنوع من المكرونه




            مقدار نصف كيلو

            ونفس الكمية تقريبا دجاج

            معدنوس مفروم + شوية الكرافس

            صلصلة طماطم

            ملعقة كبيرة طماطم مركزة

            ابزار ملح زيت زيتون سكنجبير شوية كركم

            ماجي او جمبو دجاج

            ورق الغار (ورقة سيدنا موسى)

            ثوم مهروس




            الطريقه




            في طنجرة نضع الدجاج مع الصلصلة والتوابل حتى ينسجم

            نضيف الماء الكافي لنضج الدجاج

            وبعدها نضيف المكرونه مع التحريك




            وهذه صورة مقربه


            قال تعالى : ** مَن يَعْمَلْ سُوء اً يُجْزَ بِهِ ** النساء123

            تعليق


            • #7
              المقادير
              2 بصلات متوسطه مقطعه جوانح
              دجاجه كامله مقطعه إما على أربع أو ثمانيه قطع
              التوابل : الملح + سكنجبير + ابزار مخلط ابيض و اسود + القرفه+ الكركم
              معلقه صغيره ديال الزعفران شعره و معلقه كبيره سمن
              (أنا مادرتوش لأنه كيضرني و عوضته بضامه ديال السمن )
              2 معالق كبار ديال الكسبرة و البقدونس مقطعين
              2 معالق كبار زيت المائده + 2 معالق كبار زبده (أنا درت الزبده حيث مادرتش السمن)
              500g نجيمات ( و خودي نجيمات يكون لونهم اصفر و إذا كانو ديال السميده يكون أخير )

              الطريقه بالصور :
              كنديرو البصله + الزيت و الزبده يتشحرو شويه
              نزيدو الدجاج و التوابل و الربيع ضامه ديال بنة السمن (أو السمن)و نخلليوهم يتشحرو
              ندهنو النجيمات بشي 2 معالق كبار زيت
              كنغطيو الدجاج بالماء الكافي باش يطيب و ناخدو الكسكاس ديال الكوكوط و ندهنوه
              بشويه دالزيت و نحطو فيه النجيمات منين تبدا تصفر الكوكوط نحطو الكسكاس
              و نخلليو النجيمات تفور طول مده طبخ الدجاج
              منين يطيب الدجاج نرفعوه من المرق و و ندهنوه (بالزبده أو السمن أو الموتارد) و نحطوه فشي طاوة
              باش نحمروه في الفرن
              و النجيمات نزولوهم من الكسكاس و نحطوهم فشي إناء
              على ما نزيدو الماء فالكوكوط باش يطيبو
              كنزيدو الماء فالكوكوط و نضيف عليه شويه ديال التوابل سكنجبير و القرفه
              و طبعا الملح إذا كان ناقص (يعني كذوقي و اللي شفتيه ناقص زيديه )
              أنا شخصيا كنكثر فيهم القرفه كتعجبني
              منين كنزيدو الماء و التوابل فالكوكوط كنسدها باش تصفر شويه
              و كنحط الزبيب طبعا مغسول و منشف يفور غير واحد 5 حتى ل 10 دقايق
              فالكسكاس باش منين نزوقو بيه ما يجيش قاسي
              كنزولو الزبيب من الكسكاس و نحلو الكوكوط و نضيفو النجيمات
              على المرق و نخلليوهم يطيبو على نار متوسطه (النجيمات كيكونو مغطيين بالماء )





              و منين يبداو يشربو المرق كنبقاو نحركو مرة مره باش ميشدوش فالقاع
              ديال الطنجره و نخلليوهم حتى يشربو تماما و نرفعو الطنجره من على النار
              و نخلليو النجيمات شويه فالطنجره معريه باش يشدو مزيان و ينشفو (لازم يكونو ناشفين و ما معجنيش )


              و نقدموهم كيما فالصورة
              و نزوقوهم باللوز مسلوق و محمر و الزبيب


              قال تعالى : ** مَن يَعْمَلْ سُوء اً يُجْزَ بِهِ ** النساء123

              تعليق


              • #8
                أختي شوفي هاد الروابط
                http://www.anaqamaghribia.com/vb/sho...E1%CF%CC%C7%CC

                http://www.anaqamaghribia.com/vb/sho...3-%C2%D3%DD%ED

                http://www.anaqamaghribia.com/vb/sho...E1%CF%CC%C7%CC


                قال تعالى : ** مَن يَعْمَلْ سُوء اً يُجْزَ بِهِ ** النساء123

                تعليق


                • #9
                  السلام عليكم ورحمة الله وبركاته
                  أنا كنصحك تعتمدي الوصفة ديال الأخت عطاء الله راه هي اللي كنتسعمل حتى أنا والله ماتشبعي منهم كايجيو لذاذ بزاف وبالصحة و والراحة

                  تعليق


                  • #10
                    mlle 7awa2
                    شكراااااااااااااااااا ولهلا يخطيك والله يسهل عليك ما اصعاب اختي عرفتي السيدة اللي طيباتها غزااااااااالة هي اصلا طيابة في الاعراس وانا كناكلها كطيبها ماما كتجي زوينة ولكن هد السيدة تبارك الله دارتها غزاااالة وخا حنا في اسفي معروفين بالنجيمات هههههههههولكن انا مكنعرفش انطيبهم ههههه

                    تعليق


                    • #11
                      عطاء الله شكرا انا نيت اكليتهم بلا مطيشة والله يجازيك اختي تعدبتي وكتبتي الله يحفضك ويعطيك متمنيتي يا ربي

                      تعليق


                      • #12
                        تبارك الله عليك اختي


                        تعليق

                        المتواجدون الآن 1. الأعضاء 0 والزوار 1.

                        أكبر تواجد بالمنتدى كان 2,525, 26-09-2016 الساعة 21:58.

                        يعمل...
                        X