عتقوني الانقات الله يعتقكم من النار

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عتقوني الانقات الله يعتقكم من النار

    السلام عليكم ورحمة الله وبركاته

    عندي 2 المشكيلات مع الحلوة
    1 مرات كثيرة ملي كنصاوب شي شكيل محشي بالعقدة ديال اللوز كيكون فالمنظر هو هداك غير كيطيب كيولي حاجة اخرى مثلا شكل الثومة ملي كيطيب كيولي كي الكورة كيتلغاو دوك اللفصوص وحتى الكعب الي منقوش كيتنفخ ويطير النقش وماشي بعيد يتفرقع وتخرج العقدة من شي بلاصة
    2 المشكيل الثاني عندي مع الشكلاط الاسود ملي كندوبو يااما كيتحرمص وما كيدوبش سائل ويائما الاداب ملي كنطلي بيه الحلوة ماكيعطيش داك الشكل الانسيابي يعني كيبقى معربز
    اما الشكلاط الابيض غير فالاحلام فقط الي يمكن لي ندوبو ونخدم بيه اما فالواقع مستحيل
    الي عطاتني النصيحة والسر بغيت ربي يعطيها ماتمنات
    وشكرا جزيلا


  • #2
    السلام عليكم
    اختي يمكن نقدر نفيدك بتجربتي المتواضعة
    هد المرة جربي دوبي الزبدة الي غادي تعجني بها العجين وكدلك الزبدة الي غادي توضعيها في العقدة وكدلك استعملي سكر كلاصي بدل سنيدة
    وملي تكوني كتطلقي العجين ديري الزيت ماشي الدقيق
    اما بالنسبة للشكلاط ملي تبغي دوبيه ديريه في انية تكون ناشفة من الماء وكدلك متحركيهش حتى ايدوب وزيديه شوية ديال الزيت وحركيه مزيان نفس الشيء بالنسبة للشكلاط الابيض طبعا غادي ندوبوه في بان ماري ماشي على البوطة نيشان
    انا شخصيا كانخد زلافة كبيرة وكنديرها في فم البقراش باش كنضمن ان الماء مايوصلش للشكلاط ديالي
    ايوا جربي او ردي عليا الخبار
    بالتوفيق ان شاء الله

    تعليق


    • #3
      السلام عليكم اختي
      بالنسبة للحلويات المحشية كيف قلتي بعقدة الللوز بحال الكعاب
      نحب نقول ليك مخاصكش طيبيه في نفس اليوم اللي عدلتيه فيه خاصو يبات باش يشرب و ينشف مزيان و قبل مطيبيه ضروري تكيه بشي ابرة 4 تكات او تلاتة من لتحت ديالو باش ميطرطقش و باش ميتنفخش ......

      بالنسبة للشكلاط ديريه في حمام مريم في كسرولة تكون ناشفة و حتى المعلقة اللي بيتي تحركيه بيها تكون ناشفة ممكن ضيفي ليه ملعة ديال الزيت.

      نتمنى نكون فدتك وخا غير شوية و اي استفسار حبيبتي انا رهن الاشارة

      تعليق


      • #4
        أختي لبنات كفو و وفه داك شي نيت لي كنت غادي نقولك ب نسبة ل شوكولا ماشي قولها نقدرو نزيد فيها زيت غير مايواسسلووش ل ماء و لا ل بخار مش ماينيديش ليك أ حاجة أ خرى ماديريش ل حلوة لي ستاعمالتي فيها شوكولا ييبس ف تلاجة راه متبقاش صالح راه كيف تحطيه يبقى مندي أ داك شي لي قلتلك أخت سارة على حلويات لوز هو لي كانيستعميل تانى غير مبتدئة كانيتعليم من لبنات الله يجازيهم كل خير .












        تعليق


        • #5
          اختي ممكن الخميرة السبب او العجين تايكون جاري اوتاتكثري السكر والله يصاوب
          sigpic

          تعليق


          • #6
            لا في هدوك الحلويات مكنديروش الخميرة

            تعليق


            • #7
              السلام عليكم اختي بالنسبة لحلوة اللوز كاينين 2 حاجات اللي يخليو الحلوة تفركع وميبقاش منظرها زوين اما السكر يكون زايد كثر من قياسو واما الفران كيكون مجهد يعني باش تخشي الحلوة في الفران تنقصي من العافية تبقى مهيلة والشكلاط نفس للهدرة اللي بغيت نقوليك قالتهاليك سمراء على الشكلاط

              تعليق


              • #8
                براك الله فيكم اخواتي اكيد فدتوني حيت ماكنديرش الزبدة مدوبة كنديرها جامدة
                كندير سكر كلاصي غير فالعجين والعقدة كندير فيها السنيدة واش حتى هي ندير فيها السكر كلاصي
                ماكنديرش لخميرة ابدا حيت كنستعمل وصفات اناقة مغربية ديال الاخوات
                ما كنتكهاش خصوصا الا نقشتها بالمنقاش وماكنخليهاش تبات عاد نطيبها
                بالنسبة لشكلاط انعمل كل ماقلتو ليا عليه بالحرف غير بالنسبة لزيت حتى يدوب الشكلاط عاد نضيفو ياك
                والله يجازيكم بالخير وهدا هو المظنون فيكم اخواتي

                تعليق


                • #9
                  اختي عندي افادة ليك بالنسبة الشكلاط قلت كتزيد الزيت بعد ما كيدوب الشكلاط لا زيد الزيت مع الشكلاط قبل ما تشعلي النار عليه كيدوب مزيان انا هادي طيقتي مضمونة 100 ب100
                  sigpic








                  تعليق


                  • #10
                    السلام عليكم اختي نصيحتي لك في الشكلاط مين يتقطعلك اما تكوني كترتي الزيت و الحل هو زيدي شوية حليب واحد 3 معالق كبار هكدا غادي يدوب عادي و حتي مين يخسرلك ماتدهشيش زيدي لحليب و شوفي
                    اما الشكلاط الابيض عندي نفس المشكل

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X