إعـــــــلان

تقليص
لا يوجد إعلان حتى الآن.

خلاصة شعارنا حتى شي حاجة ماضيع تجميع التجارب

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • خلاصة شعارنا حتى شي حاجة ماضيع تجميع التجارب



    في هذا الموضوع سيتم تجميع كل نصائح و تجارب "حتى شي حاجة ماضيع" بإذن الله ليسهل التصفح



    السلام عليكم
    اتمنى الكل يكون بخير
    من خلال حياتنا اليومية كرميو مجموعة من الاشياء تنضنو بانها غبر صالحة ولكن الى عرفنا كفاش انستعملوها تقدر تكون نافعة لدا كنطلب من كل اخت لي عندها شي فكرة فهاد المضوع تقترحا علينا باش تعم الفائدة للجميع
    والله يجعلو في ميزان حسناتكم
    راني مصورة بعض الاقتراحات ولكن للاسف مبغاتشي تدخل لي حيت عندي مشكل في البيسي
    غير نصلحو انشاء الله ونزلهم
    كنت تنمنى نكون اول مشاركة ولكن ماباليد حيلة
    البركة فيكم

    هاأشنو تعملي بعلبة الطن
    عمليها قوالب بريوش و المادلين
























    اشنو تعملي بعلبة حليب الاطفال او علبة مركز الطماطم لكبيرة
    عملي فيها خبز الطوست لمدور





    الطريقة . : زولي ليها ديك الحافة الي تتكون فالفوق ودهنيها مزيان بالزبدة ورشيها بالطحين وعملي فيها لقياس ديال العجين وخليها حتى تخمر ودهنيها بالحليب وغطيها ببابي المنيوم ودخليها الطيب











    وخليه حتى يبرد وقطعيه بموس منشار وقدميه لاطفالك بالصحة




    ويمكن تعمليه حتى في علبة الطماطم المركزة الصغيرة



    باش تعملي مقبلات للمناسبات



    باش منضيعوشي الخبز في تقطاع الحجم لتيناسبنا



    هاهو الرابط ديال الطوست ليبغاتو مرحبا
    http://www.anaqamaghribia.com/vb/sho...%ED&highlight=

    لبقات ليك الكرواصة وبردات عمليها بيتزا قسميها على 2 وعمريها بليحبيتي وعملي عليها الفرماج محكوك
    او ساندويتش فتحيها من الوسط وعمريها بالطن والكاشير والبيض مسلوق والفرماج مربعات ودهنيها من الفوق بقليل زيت الزيتون وعملي فوقو الفرماج محكوك
    ودخليهم للفرن حتى يدوب الفرماج










    لشاط ليك البارزيان /الباكيط/
    قطعية ودهنيه بزيت الزيتون وعمليلو الاي حشوة تكون طايبة تيحبوها اولادك ونزلي فوقها فرماج مربعات ودخليها الفرن غير تسخن شويش ويترخف الفرماج واحد 2د وقدميها بالصحة







    ها اشنو اعملت بالبطاطا بيري
    صايبت لولدي لبيري بالبطاطا والفرماج والحليب ومبغاشي ياكلها وعز علي نرميها
    وزدت عليها بعض المقادير وعملتها كرص طلع فوق الوصف
    نزلتو غي في المطبخ 3ايام وهو طري كانه عاد طاب حتى تسالى


    باش دوبي الشكلاط بسهولة ها الطريقة









    تتعملي كاسرول فيها الماء فوق النار و نزلي فيه الشكلاط يكون في ميكة ومسدودة وفمها للاعلى باش ميدخلي ليها الماء ويفسد كلشي
    غير يبدا يدوب طفي وخليه يكمل الدوبان غير في الماء طايب
    وكدليك الابيض كوني حريصة معاه راه حساس جدا
    يمكن غير الكاسرول ديالي مبانشي فيها الماء




    لتقطيع الشنيك بكل سهولة


    غير رولي العجين وقطعيها مباشرة بواسطة الخيط بلا متكنجيليها

    عملي الخيط تحت رولو العجين


    ولفيه عليه وقطعيها



    كيجي مقاد فتقطاع وشكل واحد



    وقطعيها
    المسالة بسيطة جدا
    يمكن تقطعي حتى المسمن المدور بهاد الطريقة



    سر نجاح المسمن
    دائما يتعمل في بلاستيكة يرتاح









    لكريم شونتيي لمبغاتشي طلع ليك مزيان وجاتك مطلوقة
    زيدي عليها واحد دانون وحك نيسلي وكاكاو مراو فاني او كولي اي فاكهة وخلطي كلشي
    وعمليه في المجمد حتى يجمد
    وهاهو عند كلاص رائع



    لبقى ليك الدنجال مقلي والفلفلة
    معسيهم مزيات وعملي لاصوص طوماط طيب وزيدهم عليها وها زعلوك عندك واجد




    في السابق قلنا نغرسو احواض من الربيع والنعناع واعشاب عطرية ونسقيوهم بالماء لتنغسلو به النعناع والخض وغيرهم
    ها نتيجة التطبيق ديال الربيع









    منين تشري النعنان العبدي او لكناوي وتنقيه حتافضي بجدورة او السيقان ديالو وغرسيهم في محبق وعمليه في البالكو او شي مكان مهوي
    وبقاي تسقيه بالماء لتغسلو به الربيع او الخص او النعنان او .....
    ومن بعد مدة قصيرة ها النعناع عندك طبيعي والريحة ومنضر روعة وغير عريش منو يكفي


    تطبيق للنعناع العبدي او لكناوي



    تتغرسيه في محبق


    وكيف قلنا سابقا تتسقيه غير بالماء لتنغسلو به النعناع او الخص او...



    هاهو واجد بصحتك كويس دالشاي كناوي نيت هههههه



    ومنين تقطعي منو متزوليشي الجدور ديالو قطعي بمقص من التحت وعاودي اسقيه راه تيخلف من جديد




  • #2
    ريم تبارك الله عليك موضوع في غاية الأهمية الله يجعلو فميزان حسناتك
    نبدا بحاجة كولشي تيعرفها ولكن ماشي مشكل ياك
    القشوردماطيشة تنجمعهوم فالكونجيلاتور حتى نجمع كمية ونطيبها ونصايب بها لاصوص صوماط
    الخبز تنحاول مانلوحوش تنصايب به لاشابلور
    وإلى بقات خبزة كاملة تنقطعها على جوج ونديرها بيتزا تتجي زوينة
    لي عودة للموضوع
    sigpic



    تعليق


    • #3
      على ذكر الخبز اختي شاكرة النعمة الى بقات خبزة شايطة تنعمل بيها الفيسة العميا او التردة كتجي غزالة
      ممكن نعملو شرائح ونعملو في البيض مخلط مع الحليب ونقليه في الزيت
      كيجي بحال البينيي غزال

      قشور الكروفيت مكنرميهمش كنيبسهم في الفرن وتنطحنهم وكتبقى عندي بنة الحوت فاش مبغيت نستعلها كنكهة
      قشور اللوز حتى هما كنيبسهم وكنطحنهم ونعملهم في اي حلوة بغيت نسمهاباللوز

      الراس ديال الحوت مني كنقي الحوت مكنرميش الريوس ديال الحوت كنعملهم في طنجرة مع 1جزرة وحدة وحدة من الحاجة يعني من الخض شوية الكرافس والربيه حبوب ابزار وتنعملهم يطيبو فوق البوطة حتى يطلق نسمة الحوت مزيان نخليه يبردونعملو في مربعات الثلج وندخلهم المجمد ونبقا نسم بيهم اي حاجة فيها الحوت

      الكيس ديال الحمام مني كيصبح غير صالح كنحك بيه اواني الجيكس كيخرجهم كيشعلو

      مني كنمشيو للحمام ونغسلو شعرنا بالغاسول الى بقا علينا الغاسول ممكن نستغلوه والنتيجة روعة
      تاخدي الغاسول تديره فشوية ديال الماء و من بعد تطلي بيه لافابو ديال الماعن ديال اينوكس كلو و تخليه ليلة كاملة فالصباح غسليه و شوفي النتيجة

      بقاياصابون الطاوس ولا الحجرة كنزيد عليهم 2لتر ماء سخون وكنخليه ليلة كاملة فالصباح كنزيد عليه رابعة اومو ونصف طاسة اوني وكيعطيني4 او5 طاسات من عجين صالح لغسيل المواعن

      نضيف ملعقة عصير الحامض مع الروز باش يجي بيض
      لكل زلافة روز نضيف معلقة من العصير

      الى تحرقتلك الطنجرة نديروا
      الما و الملح فالطنجرة المحروقة 15د و نغسلوها
      او
      2م بيكاربونات الصودا مع الما سخون نخليهم مدة و نغسل

      لازالة رائحة العطرية من الطحانة ندير فيها قطع الخبز المحمص و نطحنوه فيها كيمتص الروائح

      نضيف قبصة الملح لبياض البيض ملي نبغيو نطربوه باش كيطلع بزربة

      باش تهناي من ريحة البيض
      استعملي دائما بعض قطرات عصير الحامض مع البيض في اي وصفة كانت سواء حلوى او معجنات او طرطات لان زفورية البيض كاتخصر النكهة

      ملي كتبغي تصايبي بسيطلات اصغار ومكتوفريش على المول ديالهم ولهادا استعملي بكية الفرماج مدوبل خاوية ديال لفاش كيرى كتوضعي فيها الوريقات وعاد كتعمريهم وملي تكملي تسدي البسيطلة قلبيها على الوجه الي التحت وبهادا كيجيوا البسيطلات مقادين وبنفس القياس احسن ماكتعمريهم غير هاكاك وكتكري العملية حتى كتسالي

      باش الكلمار ما يطرطقش في القلي
      قطعي الكلمار دوائر و رقديه في الحليب مع رأس ملعقة صغيرة من البيكاربونات الصود و مليحة و ابزار.
      ملي تبغي تقليه اسقطريه و ديريه في الدقيق عاد ديريه في زيت ساخن .حتى و حدة ما تهز الرأس .

      الا درنا كيك بالشكلاط نغبر المول بعد ما دهناه بالشكلاط غبرة باش منى نقلبها ما يجيش فيها الطحين ابيض وحتى بالنسبة لاى حلوة فيها كوبيل حتى هى نغبر الطابلة فين نطلقها بكوبيل

      مين كنديرو كيكة بدانون فالغالب ماكيجيشي المذاق اديالو باين الى ابغيت يغلب مداق دانون فالكيكة خلطي المقادير العادية اديال كيكة ومين اتخلطي بالطحين ضيفي دانون هو الاخير و تشوفي الفرق

      باش الكيس ديال الحمام يبقى احرش
      الكيس أو الخرقة ديال الحمام دغية دغية كيرطاب و ما كيبقاش يحك مزيان ، كيولي حافي
      إيوة إذا بغيتيه يبقى مدة طويلة حرش شوية و كيقضي الغرض بلا ما تشري كل ساعة الجديد ملي ترجعي
      من الحمام صبنيه بالتيد إيه التيد و تشوفي كيف يولي ثم شلليه و انشريه ينشف و ردي علي الخبار.

      المشاركة الأصلية بواسطة lattifa2 مشاهدة المشاركة
      ما شاء الله سهام ...شكون تفيدنا اكثر على فتات الحلوى لي بقات من بعد العيد ههههه
      انا شخصيا كنطحنهم ونخلطهم مع الشكلاط مدوب او نستلي مع اضافة بعض المكسرات ونعملهم في كويغطات الحلوى
      او نطحنهم ونعملهم كقاعدة لتشزكيك عوض البسكوي

      الا بقات القهوة لما عمرت لبريق يعني شاطت مترميهاش ديريها فالقالب ديال مربعات الثلج وخليها فالمجمد ولما تغلي لحليب وتكبيه فالكاس ديالك زيدي المربع ديال القهوة وهانت حصلت على قهوة حليب

      التومة الحمرا او البيضا كتفرك شوية باش نزلو منها القشرة والنباتة ومن
      بعد نهرمشوها فى المهراز مع الملح
      نديروها فى طبسيل مفرش بطرف التوب او ورق ابيض وتشمش حتى تنشف وتطحن فى
      الخلاط وتغربل وتنديروها فى قرعة


      تنفورو التومة ولما تبرد تنعصروها فى قرعة ونضيفو الزيت حسب كمية التوم
      وقبصة الملحة نحركوها ونسدوها

      تومة الى كانت كتيرة نديروها فى بلاستيك ونخبيوها فى المجمد كتبقى طول
      العام

      منين تلصق لينا الحلوة فاللاطة ديال الفران نديرو اللاطة فوق البوطة على
      نار مهيلة بزاف بحال الشمعة و منين تبدى تسخن نزولوها بشي حاجة غدي تقلع من
      اللاطة بسهولة

      باش ماتفيضش لينا الطنجرة منين نسلقو الخضر ندهنوها من الداخل بالزبدة
      نطلعوها على الجناب ثم نسلقو فيها الخضر كيطلع الماء حتى لحد الزبدة و يوقف
      حلمـي أن أكون .،
      بالقرب من الكعبة .،
      أصلي تحتھا وفي أخر ,..
      سجدة ملك الموت يھمس بأذني
      (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً ))

      اللهم توفني و أنا ساجدة بين يديك


      تعليق


      • #4
        السلام عليكم ورحمة الله وبركاته
        موضوع غزال اختي الله يبارك فيك
        واحد النصيحة اخدتها من المنتدى وجربتها واعطت نتائجها وهي الى شاطت لك السميدة مفورة خدي مقدار منها زلافة صغيرة مثلا وعجني عليها الخبز تيجي الخبز رطب وهشييييييييييييييش
        sigpic

        تعليق


        • #5
          لما تشري الكروفيت عزيزتي تنقيهم عزلي الرؤوس بوحدهم والقشرة بوحدها

          القشور يغلاو في الماء مع 1 حبة خيزو 1 بصلة 4 حبات من القرنفل ورقة سينا موسى حبات من الابزار شوية الملح لما يغلي مزيان نخليوه حتى يبرد تماما ونصفيه ونضعه في طاوة ديال مكعبات الثلج ونضعه يتجمع

          ملي نبغيو نصاوبو بايلة نوضعو فيها 2 او3 ضامات منه

          ندوزو لرؤوس الكروفيت

          نغسلوهم مزيانمن الرملة ونوضعوهم في الفران حتى يتحمرو مزيان باش نعرفوهم تحمرو ناخدو راس كروفيت بين ايدينا ونفركوه بحال ما كنديرو للزعتر اذا تفرتت نخرجه ونخليوه حتى يبردو ونطحنوهم في مولينكس ونحتفظا بيهم في قرعة الزجاج في الثلاجة ملي بنغيو نصاوبو شي شهيوة بالحوت نديرو 1 معلقة من بودرة الكروفيت .


          هاد معلومه كنت لقيتها فواحد منتدى انا هنا تتباع عدنا كروفيط مقشر

          بالنسبه خبز لكرم تندير بيه خبر مفقود كانت دارتو شميشه تنقاطعو طريفات ندهنو بزابده نستفي في طاوه تهي مدهونه بزبده من بعد تنخلط بيض وحليب و سنيده علي حساب خبز لاكن مول صغير غير بيضه و 2 كيسان حليب نخويه علىخبز ندير زبيب من فوقو و ندخلو فران يطيب تيج غزال



          لا تملكين العربية وتريدين التخلص من اللوحة؟ تفضلي من هنا..
          http://www.anaqamaghribia.com/vb/sho...9246&highlight

          دليل الأعضاء :

          http://www.anaqamaghribia.com/vb/sho...C3%DA%D6%C7%C1

          تعليق


          • #6
            لالة ريم عجباتني فكرة علبة طن من اليوم منلوحهم ههههههههه أنا عندي فران صغير مدخلاتش ليا فيه لاطة مادلين دبا جبتي ليا الحل الله إعطيك الصحة
            أنا نشارككم بلي كنعرف
            حتى أنا كنستعمل الخبز في التردة ولا كنديرو فالبيض مخلطمع الحليب شوية سنيدة ونقليه فالزيت ولا كنقطعو طريفات صغار وكنخوي عليه بيضة باش إفزك شوية ونخلطو مع بطاطا مصلوقة مقطعة طريفات شوية ربيع وشوية رماج محكوك ونديرهم كويرات ونحمرهم فالزيت ولا شوية الزبدة
            وجنيحات دجاج لي كيكونو صغار أكثريا كنلوحوهم كنحتفظ بيهم فالمجمد و كنسم بيهم الشربة ولا ماء لي كنطيب فيه روز
            إلى تفكرت شي حاجة نرجع نقولها ليكم

            تفكرت قشور ماطيشة فيما تنقيو ماطيشة جمعو قشورها فالمجمد حتى تولي عندكم كمية كبيرة وخرجوها ديروها فكوكوط مع الما ميكونش كثير وخليوها طيب و طحنوها فماكينة مطيشة باش تحيد جلفة وديروالخليط فقراعي زاج سدوهم ديروهم إتبخو شوية وخليوهم على برا كتنفع في كلشي حريرة لا صوص واقرعة لي تحلو خشيوها فالثلاجة


            تعليق


            • #7
              عندي فكرة اللي تندرأنا

              بنسبة ليمون و حامض ملي نغاسلووه و nmashoh من ماء

              ملي نديرو به عصير ألا شي حاجة

              قبل nhako قشرة ديالو ف حكاكة ديال حامض بوحده و ليمون بوحده

              و نديرو ف قيس بلاستيكي و ندره ف تلاجة و ها منسم ديال حامض و ليمون موجود باش نسمو كيكة ألا gars .........

              كانتمننا تعجبكم فكرة واخا كلشي تاييعرافها هههه



              رب ارزقني وارزق اخوتي بالذريه الصالحه المعافاة..رب لا تذرهم فردا وانت خير الوارثين..رب هب لهم من الصالحين وبشرهم بغلام حليم..رب ارزقنا جميعا وارزق المحرومين يا رب العالمين

              تعليق


              • #8
                المشاركة الأصلية بواسطة fiirdawas مشاهدة المشاركة
                عندي فكرة اللي تندرأنا

                بنسبة ليمون و حامض ملي نغاسلووه و nmashoh من ماء

                ملي نديرو به عصير ألا شي حاجة

                قبل nhako قشرة ديالو ف حكاكة ديال حامض بوحده و ليمون بوحده

                و نديرو ف قيس بلاستيكي و ندره ف تلاجة و ها منسم ديال حامض و ليمون موجود باش نسمو كيكة ألا gars .........

                كانتمننا تعجبكم فكرة واخا كلشي تاييعرافها هههه
                فكره زوينه انا لكان كتير ترقدو و ندير طيقتك نحكو نديرو في بواطه فريكو نعصرو ندير عصير في مكعبات تلج باش لحتاجيتو لقاه



                لا تملكين العربية وتريدين التخلص من اللوحة؟ تفضلي من هنا..
                http://www.anaqamaghribia.com/vb/sho...9246&highlight

                دليل الأعضاء :

                http://www.anaqamaghribia.com/vb/sho...C3%DA%D6%C7%C1

                تعليق


                • #9
                  موضوع زوين الله يعطيك الصحة والاستفادة غتكون كبيرة ان شاء الله
                  نكتب لي تفكرت دابا
                  فاش نصايبو القهوة هاداك التفا لي كييبقا في الصفاية
                  - نديروه في لمحيبقات لي عندنا كيطرد الحشرات
                  - نمسحو بيه ادينا كيزول ريحة البصلة والتومة منهم


                  تعليق


                  • #10
                    السلام عليكم


                    -منين تشري الكيس ديال الطحين هاداك الخيط لتتكون مخيطة به زوليه وغسليه مزيان بجافيل والمسحوق ونشفيه وخزنيه
                    ومنين تبغي اطيبي الدجاج كتفيه بيه او تعملي اللحم ملفوف عمليه مكان خيط المطبخ
                    في بعض المرات متيكونشي متوفر عندنا خيط المطبخ تيكون بديل ليلو
                    -ومنين تغسلي الربيع او النعناع في شي باسينة تيكون الماء كثير مترميهشي تقدري تسقي بيه النباتات ديالك وهانتي وفرتي في الماء

                    -الزيت لتنقليو فيه الدجاج المحمر مرميوهشي
                    نقليو فيه جميع انواع السمك الازرق /سردين -شطون -اشرن....../ تيجي مداق غزال
                    -زيت قلي البطاطة ندهنو بيه الاطفال مكان الحفاظة تيمنع الطياب

                    الفقاص لتفتت ليك طحنيه جيدا وجمعيه بشويش دالزبدة مدوبة وعمليه كقاعدة لتشيزكيك
                    او جمعيه بالحليب مركز او بالمربى وزيدي عليه بعض الفواكه الجافة وعمليه كويرات وفنديه في الشكلاط ثم في الكوك وعمليه في كويغطلات

                    المسمن لشاط ليك طروفا وقصاح شويش بخريه في الكسكاس حتى يطرى وعمليلو لاسوس دالرفيسة وسقيه واكلة هنية

                    لعضومة دالتمر نجمعوهم ونعملوهم في الفريكو
                    ومنين نبغيو نطيبو الكرعين او اللحم قاصح متيبغيشي يطيب او اللوبية رميو معاهم واحد لعضيم تيفتيهم

                    شرائح خبز الطوست لشاطت لينا نعملوه بودينك
                    نزوليليه لحوف ديالو اي الجوانب ونقطعوه على2 على شكل مثلث ونستفوه في مول مستطيل دالكيك ونرشو عليه شويش دالزبيب مرطب في ماء الزهر ونصب عليه خليط من البيض والسكر والحليب مثلا لكل 1/لتر حليب 4بيضات والسكر حسب الدوق ونعملوه يطيب في الفرن في حمام مائي

                    الزبدة البلدية لرجعات فيها هاداك المداق ديال المرورة منين تطول وخا في الثلاجة مرميوهاشي
                    نملحوها بالزعتر وزعيترة وازير وورقة الرند وعود سكين اجبير والملح الحية
                    نصبو على هاد المواد الماء طايب ونخليه حتة يبرد مزيان ونملحوها بيه وها السمن ممتاز عندنا

                    قشوروعضومة التفاح مترميهمشي
                    عمليهم في قرعة وصنعي منهم خل التفاح

                    الفوطة منين تقدام ومتبقايشي تستعمليها مترميهاش عمليها جفاف كتخلي الارضية تتشعل

                    زيادة على لقالو الاخوات على الخبز
                    لبقا ليلك البارزيان /الباكيط/ قطعيه دوائر مائلة وعمليلو لعمارة دالبيتزا ورشي عليه الفرماج محكوك ودخليه الفرن غير يدوب الفرماج
                    واقتراح تاني عمليه في المجمد حتى يقصاح وحكيه وهاهي عندك لاشابلير

                    قشور البرتقال او الحامض
                    قبل ماتعصريهم زولي هاديه القشرة الرقيقة ديالهم بموس البطاطا وعمليها تنشف مزيان في الفرن مطفي وطحنيهم وعمليهم في قراعي وخزنيهم وبقاي تستعمليهم كمنسم للحلويات او الكيك او حسب الرغبة ديالك بدل الفاني
                    واللب عسليه اي عمليه فواكه معسلة

                    فكرة اخرى لقشور البرتقال والحامض انا تنعنلها دائما كستعمال يومي معمرني ترميهم شحلا ماكانت الكمية
                    تتغلي هادوه القشور في الماء حتى تيطلقو وهاداك المحلول تتجفي بيه تيخلي الارضية نقية ومعقمة وفي نفس الوقت هاديك الريحة لتيطلق عند الغليان تتعطر البيت

                    الحليب لخسر ليك زيدي عليه قطرات من الخل او الحامض وقبصة ملح وخليه حتى يبرد وصفيه في شي ثوب رقيق وهاهو عند الجبن البلدي بصحتك
                    دائما مع الحليب في بعض المرات تنفيضوه في كاسرونة دالعدن وتيشيط اي تيعطي ريحة الشياط في هاد الحالة نخويوه في اناء اخر و نفزكو فوطة نقية ونعصروها من الماء ونغديوه بها ونبقاو نعاودو العملية حتى تتزول الريحة دالشياط

                    لقدر الله وغفلنا على الاكل فوق النار وحرق لينا ما نزيدوشي عليه الماء ابدا
                    نزولو برفق داكشي ليفالطنجرة ونعملوه في صحن وللسق في القاع وتحرق نخليوه وناخدو طنجرة اخرى ونعملو فها شويش دالزيت وبصلة مقطعة جوانح رقيقة ونخليوها حتى تنزل عاد نزيدو عليها داكشي لكنا تنطيبو نعملو اللحم ثم الخضرة
                    ونزيدو عليه شويش ديال العطرية والقوام والماء و تكمل طياب عادي

                    لبقا ليك الارز او ليباط طايبين
                    عمليهم كراتان
                    لكانوطايبين بلاصوص عمليهم في المول وصبي فوقهم البشاميل ورشي الجبن محكوك ودخليهن للفرن يتحمرو تيجي مداق رائع
                    ولكانو بالحليب زيدي عليهم شويش دالبشاميل وخلطي كلشي ورشي الجبن ودخليهم الفرن او عملي طبقات طبقة معجنات وطبقة مثلا كفتة بالصوص وفي الاخير عملي البيشاميل والجبن ودخليهم تكراتيناو وبالصحة

                    اتفل او لقامة ديال الشاي نغسلو بها القراعي لتيكون فيهم الزيت تيزول بسهولة ومتتبقاشي فيهم الريحة دالزيت او نعملو ليهم تفل القهوة

                    لبقات ليك الحرشة فتيها وعمليها رفيسة

                    لبقات ليك كرواصة بالحق الممتازة المورقة
                    عمليها ام علي
                    وليبغات المقادير والطريقة ديالها انا رهن الاشارة

                    قشور الخيار عمليهم في المكان دالنمل تيهرب منو
                    الشطة صوص منين تقدام مسحي بيها رؤوس لعوينات الكويزينيار
                    الطالك منين يطول عندك عمليك في الاحدية اعز ك الله لكانت رجلك تتعرق


                    قشور البيض مسلوق فتيهم وعمليهم كسماد للغرس

                    قشور البنان /الموز/
                    مسحي بيهم وجهك
                    كدلك مسحي بيهم الحقائب و الاحدية الجلدية

                    الرماد دالفحم
                    حكي بيه الاواني النحاسية تيرجعهم تيشعلو
                    وعمليه كدلك في لمحبق دالغرس كسماد


                    عندك خيار كتير و خايفة ليخسر ليك
                    تجريبتي المتواضعة لتنعمل
                    اي خضرة متتصبرشي بحال الكورجيط لخيار الربيع ........
                    تتعمليهم في توب مقطن دالمطبخ وتويهم فيه وتعمليهم في الثلاجة تيصبرو مدة طويلة
                    ونتمنى من الاخوات لعندها شي فكر ماتبخلشي علينا بها الكل يستفيد

                    المقلة دالبغرير لمبقاتشي تطلع البغرير او دوزتي فيها ليدام مثلا طيبتي فيها ليكريب
                    عملي فيها الحليب ومنين يغلى زيدي عيه شويش دالنخالة وحركي مزيان حتى تشرب الحليب بالكامل وتنشف
                    تترجع بحال عاد شريتيها
                    هادي تجربة شخصية



                    عندك كيوي بالزايد قشريه وقطعيه ورشي عليه شويش دالسكر وعمليه في اكياس صحية وعمليه في المجمد

                    لعندك اي حليب مرطب مبقيتيشي تتستعمليه او نتهت الصلاحية ديالو
                    مسحي بيه اللوح دالبلاكار او اي خشب عندك

                    الطجين لتشقق
                    عمري مكان الشق باصفر البيض تيلتحم الشق

                    فرشات الاسنان لقدامت
                    غسلس بيها المجوهات
                    نضفي بيها الكلافيي
                    نضفي بيها اليد دالثلاجة وكدالك الجلدة ديالها
                    نضفي بيها حافات الروبيني د لافابو
                    وجميع الاماكن ليمتتوصلسي ليلهم الشيتة لكبيرة

                    بقايا الكيك
                    في كؤوس لتنقدمو فيهم المثلجات عملي قاعدة من التحت ديال الكيك وسقيها بشيش دالسيرو ثم طبقة من الفواهك مقطعة ثم طبقة كريمة وهكدا حتى النهاية وزيني بالكريم فريش ورشي اللوز او الفيرميسال وقدميه بارد
                    او عملي طبقة كولي اي فاكهة ثم طبقة الكريمة ثم الكيك وهكدا حتى النهاية وزيني دائما بالكريم فريش ويتقدم بارد

                    لتبقى ليك الدجاج او اللحم دالمناسبات
                    فتيهم وعملي بيهم
                    اما بسطيلات فردييين او حتى بسطيلة كبيرة اما مالحة
                    شحري بصلة مع التوابل والربيع وزيدي عليها الفطر والزيتون المصير و الشعرية الصينية والفرماج وخلطي كلي وعمري بيه
                    او حلوة
                    زيدي اللوز مقلي وعملي دغميرة دالبصلة والبيض وعمري كيف العادة
                    او عمليهم كراتان
                    او بريوات
                    او رغيفات في الفرن..............................................


                    البخاخ ديال الصابون الخاص بالزجاج والمرايات منين يتسال حتافضي بيه
                    -عملي فيه الماء والشبة مطحونة ورشي بيه الركاني تيمنع تكون العنكبوت /رتيلة/
                    -وعملي فيه جافيل ورشي بيه الحيوط والسقف ليفيهن لغمال ومتحكي ماوالو منين غادي ينشف مغاديشي يبقى الاثر دالغمولة نهائيا
                    -والبخاخ الصحي يعني متكونشي فيه مواد كيماوية
                    -عملي فيه الحليب ورشي بيه المعجنات لمتيدهنوشي بالبيض
                    -او عملي فيه الزيت للرش الطاوة اواي حاجة تتدهن بالزيت

                    الخضرة للوات
                    عمليها في ماء مثلج دقائق قليلة وراها غادي تجمع راسها

                    واحد النصيحة منين سمعتها من اللقاء المتوح وانا تنعمل بها
                    الجلدة دالكوكوط منين تشريها جديدة دهنيها بالزبدة عاد ركبيها
                    منيني تبغي تحلي الكوكوط متعمليهاشي تحت الماء ابدا ولخفت من البخار ينتشر في المطبخ
                    زولي الصفارة وغطي مكانها بثوب وخليها حتى يخرج المخار عاد فتحي
                    بهاد الطريقتين غادي تنساي تشري الجلدة
                    انا كنت من قبل واكلاني كل مرة خاصني وحدة حتى رجعت نشري بالصطوك
                    ولكن الحمد لله ديا معلتشي حتى على متى ركبتها

                    -صوص فينيكريت
                    لكرا ليها الخل وجاتنا زايدة في الحموضة
                    نضيفو ليها شويش دالسكر على حساب الكمية لعامليين تينقص من حدة الحموضة
                    -العصير لعملناه حلو زايد نضيفو لو عصير الحامض تينقص من الحلاوة دالسكر

                    ليبات لقدامو نعملو فيهم النباتات والازهارالعطرية /خزامى-قرنفل-ورد -نقطة زيت عطري في قطعة قطن /
                    وعمليهم في بلاكار الملابس وفي ركاني الصالون وفي اي ركن في البيت


                    -والتقاشر دالقطن مسحي بيهم الغبرة

                    لستعملتي بياض البيض وبقى ليك الاصفر عمليه في كاس او زلافة وغطيه بالماء وغطيه ببابييي فيلم وخليه في الثلاجة تيبقى صالح لمدة 3ايام

                    اكياس الشاي واكياس المانصنية /البابونج/ ليتنعطيو للاطفال من المغص
                    منين نستعملوهم نعملوهم كمادات للعينين تيزولو النفاخ وترتاح العين

                    صابلي منين تبقى لينا نطحنوها ونعملوها قاعدة ليتشيزكيك
                    او نزيدو عليها من بعد مانطحنوها الكوك و الفواكه الجافة /لوز -زبيب- كركاع -كاوكاو ....../
                    ونجمعو الكل بالحليب المركز ونكورو ونعملوهم في الشكلاط مدوب ثم نفندو في الكوك او الفيرميسيلوتقدميهم في كواغك الحلوة
                    -ويمكن تمعي الكل بالشكلاط وتحربليهم بحال الفقاص دهنيهم بالشكلاط وتخليهم حتى يجمد عليهم الشكلاط وتقطعيم مربعات او على شكل فقاص وتقدميهم في الكواغط دالحلوة

                    نفس الشيء بالنسبة لحلويات اللوز بحال /الملوزة وما شابه......./
                    نضيفو عليهم من بعد الطحن الكوك والفواكه ليعندنا مهرمشة ونجمعو بالشكلاط ابيض او الحليب المركز ليمتيحبشي الحلاو بزايد يعمل الحليب مركز مسوس وتكور وتفند في اللوز فيلي وتقدم في كواغط
                    او حسب دوق كل وحدة المغربيات فنانات تبارك الله

                    الى تحرقات ليك الماكلا في شي طنجرة اولا طجين اولا كوكوط كتاخدي الملح والماء
                    وتخليه يغلى 15 دقيقة وتحيديه وتغسليه عادي.
                    او الماء والخل ولما يبدى يغلي تحكي بملعقة خشب وهو تيغلي تتزول الحراق بسهولة

                    قلنا من قبل قشور البيض نعملوهم كسماد للنباتات المنزلية
                    كدلك الماء ليتسلق فيه نعملوه للنباتات بشرط ميكونشي فيه الملح او الحامض
                    لان الملح تتيبس النباتات وتتقتلهم
                    هادي فكرة اخرى لعندك شي نبات مزعج وبغيتي تخلصي منو رشي عليه الملح

                    عملي في كيس المكنسة الكهربائية بعض القطرات من الريحة لمتستعمليهاشي اوشي ريحة عندك
                    منين تتخدميها تتخلي ريحة مزيونة في البيت
                    دائما مع الريحة انا تنعمل غلاقة في الماء الكافي وتنجفف بيه البيت

                    طريقة رائعة لتنظيف زجاج النوافد بدون ماء شفتها وجربتها في الحين النتيجة مبهرة وحبيت نعطيها ليكم
                    المسالة بسيطة جدا عندك تقاشر/ الجوارب/ دالنيلو مسحي بيهم ناشفين الزجاج تيرجع تيشعل
                    دخلي يدك في التقشيرة ومسحي بيها ناشفة وشوفي النتيجة بنفسك

                    لحفظ الخضروات الورقية في الثلاجة طازجة لأطول فترة ممكنة قبل غسلها ضعيها في أكياس ورقية حتي لا تتعرض لتيار هوائي بصفة مستمرة ولا داعي لوضعها في أكياس من البلاستيك إلا إذا قمت ِ بغسلها وتجفيفها ثم لفها بفوطة نظيفة ثم تضعين الفوطة داخل الكيس البلاستيكي فهذه الطريقة تحفظها لكِ ليومين أو أكثر جاهزة للأكل الفوري منها.

                    تزال رائحة الطبخ عن اليدين بفركهما بالخل .
                    تزال رائحة البصل عن اليدين بفركهما بورق البقدونس .
                    تزال رائحةالثوم عن اليدين بفركهما بتفل القهوة .
                    تزال رائحةالسمك عن اليدين بفركهما بالليمون .

                    الطارط بالفواكه باش تقطعيها ويبقى شكلها جميل
                    عملي السكين في ماء مغلي ومسحيه وقطعي بيه
                    ونفس العملية في كل مرة

                    كيفاش تسلقي البيض المهرس
                    يمكنكِ تغليفه في ورق الألمنيوم ثم إسقاطه في الماء المغلي
                    .أما إذا كان البيض سليم من الشروخ فيوضع في ماء فاتر عند سلقه حتى لا يتكسر .

                    لنكاصات دالضو والبوانيي دالابواب
                    حكيهم بالجيكس ناشف بال ما بلا والو ومسحيهم تيرجعو تيشعلو

                    الدجاج لفوت في الطياب وتحل
                    زولي لغطا دالطنجرة وخليه حتى يبرد تماما راه غادي يشبر راسو
                    عاد هزيه برفق وعمليه في مول دالفرن وزيريه مع بعضياتو لكان بزاف
                    اما لكان غبر واحد عمليه على جنبو ودخليه للفرن يتحمر من بعد ما تكوني دهنتيه بالزبدة

                    الكرعة الحمرا للقيتيها باسلة
                    تسلق مع السكر بضع دقائق وتستعمل

                    زيت الزيتون لقدامت
                    زيدي فيها بضع حبات زيتون اخضر وتترك في مكان مظلم 4ايام تترجع بحال الجديدة

                    دجاج باش متزولشي ليه الجلدة دالصدر
                    منين تكوني تتنضفيه فصلي الجلدة على الصدر متبقاشي لاسقة فيه بحيث دخلي يدك مابين الجلدة واللحم بلا ماتقطعيها
                    وشملي مزيان ما بينهم وخليه حلى ضهرو ليلة كاملة حى يشرب شرمولة مزيان
                    وفي الطياب متغطيشي الطنجرة كاملة غير النصف فقط
                    وفي الاول نزليه على جنابو وفي ربع ساعة الاخيرة عاد على صدرو
                    طريقتي الخاصة متتزولش لي الجلدة

                    الكرعة السلاوية لجاتك باسلة
                    رقديها في الماء والملح قبل الطهي

                    الكرعة الحمرا لكانت عنك بزايد
                    عمليها
                    عصير
                    مربى
                    الفيزر تيفسدها متعليهاشي فيه ابدا

                    الدلاح لجاك باسل عمليه عصير

                    لعملتي المربى وجاك حلو بزاف زيدي فيه عصير الحامض

                    لعملتي العسل وجاك قاسح
                    عمليه فوق نار هادئة وزيدي عليه قليل ماء مغلي وخليه غير يتجانس وطفي عليه
                    الماء على حساب الكمية ليعاملة واش قليلة اوكثيرة عينك ميزانك

                    لبقا ليك في اخر الشهر بقايا من اللحم والدجاج والصوصيط والكفتة كل حاجة منها غير شوية
                    قطعي الكل بالتساوي وشحريهم كل واحد لوحده مع قليل بصل وتوابل ومن بعد خلطيهم كاملين مع بعضهم
                    وعملي قاعدة بالعجين المكسر مالح وصبي فيها الخليط كامل
                    وطربي البيض الكافي مع قليل كريم فريش دالطبخ وصبيه فوق الكل ودخليه الفرن يطيب
                    وهانتي عندك كيش بدوق مميز

                    لبقى ليك الارز مسلوق طحنيه مع قليل جبن وكوريه وعملي فيه ثقب وعمريه بالجبن محكوك وعاود كوريه من جديد بحال الكبة
                    وفنديه في البيض ثم في الشابلير وقليه في الزيت غزير وبالصحة هاد الفكرة خديتها من الشيف يسري



                    منين تعملي البرقوق مشماش سفرجل ..... معسلين
                    زيدي في الاخير م ك مربى مشمش وم ك زبدة تيجي منضر ومداق رائعين

                    لبقى ليك البرقوق او المشماش او الكرموس معسلين دالفرح
                    لكان مزيودة فيهم المرقة داللحم في اطياب
                    عمليهم في بواطات وعمليهم في المجمد ووقت ليحتجتيهم خرجيهم وسخنيهم عادي
                    ولكنو معسلين غير بالماء والسكر التعسيلة العادية
                    عمليهم مربى معسيهم اوطحنيهم وزيدي ليهم السكر لحتاجو وخليهم فوق نا مهيلة حتى يعقادو وزيدي عصير قليل حامض وبالصحة

                    منين تتعملي البسطيلة تيبقى هادوك الجناب دالورقة او شي ورقة مقطعة تتاخديها
                    تندوزيها في المكينة دالرزيزة وترشوها بالزبدة مدوبة وتنعملوها اعشاش
                    وتنزينو بها البسطيلة
                    لكانت حلوة تتعمري الاعشاش بالمكسرات
                    ولكانت مالحة تتعمريهم باي حاجة مالحة مقطعة رقيقة بحال كورنيشو وزيتون وفطر او طيبيهم خاويين وعاد عمريهم ببيض السمان مسلوق او غير البيض العادي مقطع على 8
                    وزيني بيهم البسطيلة من الفوق



                    منين تشري النعنان العبدي او لكناوي وتنقيه حتافضي بجدورة او السيقان ديالو وغرسيهم في محبق وعمليه في البالكو او شي مكان مهوي
                    وبقاي تسقيه بالماء لتغسلو به الربيع او الخص او النعنان او .....
                    ومن بعد مدة قصيرة ها النعناع عندك طبيعي والريحة ومنضر روعة وغير عريش منو يكفي

                    باش تتهناي من سراق الزيت الصغير ديال المطبخ عملت لو واحد 3 الحوايج ومع عرفتشي اشنوليجاب الله عليه السبب
                    المهم عملت الكافور وبايكون غبرة واحد الصاشية تتباع ب5دراهم تتخلط مع دانون صغير
                    تتعمليهم في الركاني واي بلاصة تيتواجد فيها من بعد غادي تفاجئي بالجيوش دصراق الزيت لغادي تلقاي ميتين

                    باش تقشري الزنجبيل الطري بلا ما ضيعيه قشريه بالملعقة الصغيرة راه تتزول غير القشرة الرقيقة

                    لتخنقو ليك لعيون دالفورنو عملي فيهم بضع نقاط من الخل



                    الميكة ديال السباكيتي مترميهاشي
                    منين تخويها حتافضي بها
                    طيبي فيها الكاشير لمكانسي عندك اللاطة ديالو





                    عند ادجينز متيتستعملشي ها شنو تعملي بيه :حامل نباتات في المطبخ

                    تستطيعن أن تستغلي بنطلونك الجينز القديم في تزين جدار المطبخ أو البلكون ، كحامل للنباتات،




                    الجرائد معمر ترميهم
                    مسحي بيهم النوافد الزجاجية والمرايات
                    من بعد مترشي عليهم الصابون الخاص بيهم مسحيهم بثوب مسحة خفيفة ثم مسحي بالجريدة تيرجعو تيشعلو

                    ها اشنو تعملي بالجرائد الاشهارية
                    عمليها كورني
                    ملاحضة
                    تيقولو اليمنيوم غير صحي يمكن تعوضيه بورق سيرفيريزي




                    شوفو المراة المغربية اشنو عملات بالبلاستيكة





                    هاد الفكرة عجباتني ونقلتها ليكم
                    بالنسبة للمبتدئات غادي تسهل عليهم المهمة



                    للقتي البطيخ باسل /الشمام / مترميهشي
                    عمليه عصير او مربى
                    او قشريه وقطعيه مربعات وعمليه في المجمد ووقت لبغتي تعملي العصير تلقايه موجود




                    لنبت ليك شي راس دالثوم
                    عمليه في كاس طويل وعملي عليه الماء غير يغطي الجزئ السفلي ديالو وخليه ومرة مرة زيديه الماء لقل
                    وغادي تحصلي على الثوم القصبي




                    الرولو الورق منين يسالي
                    مزال عندو مهام اخرى
                    انظر الصور


                    غلفيه بورق الهدايا او ثوب مزركش



                    الكيسان لمبقيتشي تستعمليهم او بقاوشي كاملين
                    عمليهم لحمل الشموع




                    علبة كلينيكس منين تسالي
                    عمليها لحمل الاكياس البلاستيكية



                    هاد الفكرة عجباتني بزاف
                    باش يكونو الملابس الداخلية اكثر تنسيق وفي مساحة اقل





                    التقاشر دالصوف
                    عملي فيهم الاحدية اعزك الله للحفاض عليها



                    غلاف النضاضر ها اشنو تعملي فيه



                    بلاستيكات ديال مكعبات الثلج لمبقيتيشي تستعمليهم
                    ها اشنو تعملي فيهم



                    باش تحافضي على نضافة السيارة
                    عملي كيس للنفايات في خلف الكرسي الامامي



                    منقول















                    افكار بعلب الشومبوان







                    باش تحافضي على النتاف ومقص الاظافروغيرهم من الضياع
                    عملي قطعة مغناطيس /الهند/ في الصيدلية ديالك ولسقيهم فيها



                    شوفو اشنو تعملو في قشرة البيض
                    نعمروها بالشمع مدوب


                    ونعملو وسطها
                    فتيلة ونشدوها كيف ما في الصورة




                    ومنين تجمد نقشرو البيضة





                    وها حنا حصلنا على شمعة بشكل بيضة



                    منقول

                    غلايق المونادا
                    عمليهم اكسيسوار للمرايا





                    فكرة لعلبة النسكافيه



                    الأدوات :



                    1-علب نسكافي كبيرة أو صغيرة


                    2-خيط خاص من الخيش +قطعة من الخيشة العادية



                    -غراء المسدس+ورق مقوى صغير



                    الطريقة سهلة جداً

                    1-قومي بغسل علب النسكافي جيداً وقومي بتنقيعها في ماء ساخن لمدة 5 دقائق لكي تستطيعي نزع الورقة الملصقة

                    عليها ثم نشفيها جيداً.

                    2-أحضري الخيط والغراء وقومي بلصق الخيط من طرفه أسفل العلبة الزجاجية ولفي الخيط على العلبة بعد وضع الغراء في كل مرة ولا تضعي الغراء كله على العلبة لأنه سريع ويجف بسرعة ولا تستطيعي لف الخيط بطريقة منظمة لذلك لا
                    تستعجلي وقومي بالعملية خطوة بخطوة لا تلفي الخيط كله على الزجاجة بل أجعلي جزء منها مكشوف .


                    3- قومي بلصق قطعة من الخيشة بعد قصها بشكل دائرة على الغطاء من أعلى وبعدها خذى الخيط وألصقيه بدقة على
                    الجوانب لكي تخفي حواشي الخيشة ولفيها جيداً على الغطاء بالكامل .



                    4-بعد ذلك قومي بقص قطعة صغيرة من الورق المقوى كما ترغبين بها أما بشكل مربع أو سداسي أو دائرة وألصقيها على

                    العلبة ومن ثم تستطيعين أن تحفضي فيها اي شئ ترغبين فيه وتكتبين علي الورقة .








                    تعليق


                    • #11
                      ريم حتى انا بحال الاخوات الا بقا الخبز عندي نحلو على جوج ونعمل منو بيتزا الكدابة على قولت لينا او الا شاط الباكيط كنقطعو بحا الفقاص ونغمسو في خليط ديال البيض ولحليب ونقليه في طفال حتى يحمار ...يجي فن
                      اذا غاب اسمى عن البال ودفن جسمي في الرمال.....فهذا هو خط يدي..... لا تزال قبورنا تبنى ونحن ماتبنا ................ياليتنا تبنا قبل ان تبنى






                      .gif[/IMG][/URL]
                      اوسمتي




                      G][/URL]
                      ربي ارحم أبا لم يحرمني شيئا و لا تذقني حياة دون أمي ! — triste

                      تعليق


                      • #12
                        أنا عندي أفكار كثيرة و مفيدة ,نواعدكم كلما تذكرت شي حاجة نكتبها ليكم.دابا تفكرت وحدة.

                        لاصوص ديال الكسكس إلا شاطت لوحي فيها بطاطا مقشرة أأطراف حتى تصلق و طحني كلشي و ها صوبة واجدة في دقائق و كذالك مفيدة بزاف.وحدة أخرى تفكرتها تاني ههه
                        لاصوص ديال الرفيسة إلى شاطت ,كنرمي الشعرية أو لسان الطير كتجي غزالة منسمة بالعطرية والسمن.قبلوا علي راه يالاه تعلمت الردود فقط.عندي بزاف الوصفات ولكن مازال مكنعرف نحط المواضيع ولا الصور.إيوه غير صبروا حتى نتعلم هههه.

                        الخميرة الكيماوية إلا سالا ليها تاريخ الصلاحية ما كنرميهاش كنعملها مع مسحوق التصبين في الة التصبين للحوايج البيضين و الخوامي كخرجو نقيين بزاف.ادعيوا معايا أنا وجميع المرضى بالشفاء العاجل كلما قريتوا إسمي.أمانة عليكم

                        تعليق


                        • #13
                          السلام عليكم

                          فقط حبيت نقدم نصيحة بخصوص ورق الالمنيوم انا كنت نستعمل لكن قريت مرة انه خطر عندما نعرضه للحرارة مثلا كي نغطيو بيه البلاطو ونحطوه في الفرن لانه مع الحرارة يكون تفاعلات وتاثر على الاكل اللي في الداخل ...لكن استعماله دون حرارة لا خطر فيه ....ارجو انني افادتكن


                          ذا خفتي على الطحين او السميد ما يسوسش حطي في الوسط ورقات الغار ....الرند ...خاصة في هاذ السخانة

                          قد يكون تنظيف الأرض من البيض الذي يقع عليها وينكسر من أصعب المهمات التي تعترض ربة المنزل إلا أن الحل بسيط ويكمن في رش القليل من الملح على البيض لتجديه بعد ساعة مثلا سهل المسح والإزاله عن الأرض .

                          .للحفاظ على لون الجنز ضعيه في الماء الممزوج بكمية كبيرة من الخل وهذا كي لا يفقد لونه الحقيقي وبامكانك استعمال طريقة اخرى وهي وضع اللباس في حمام من الماء المالح طيلة الليل ثم اغسليه بطريقة عاديةمازال الكثير..........................

                          لازالة الرائحة من الثلاجة ضعي قطعة زبدة او كاس حليب غير مغطى رح يمتص كل الروائح والمعروف ان كل مشتقات الحليب تمتص الروائح

                          تعليق


                          • #14
                            تبارك الله عليكم كاملين

                            نصائح في منتهى الروعة

                            انا غانبقى ندخل نسرق غير الافكار حيت ما عندي ما نزيد على هاد الشي تبارك الله عليكم

                            فكرتوني في الربيع ديال الباربا كايبقلوهم

                            طروفات ديال الكيكة ايلا يبسو كانديرهم في قوالب الفلان ونكب عليهم الفلان

                            لي عودة ان شاء الله
                            sigpic

                            تعليق


                            • #15
                              السلام عليكم ورحمة الله وبركاته تبارك الله عليك أختي ريم مواضيعك غزالة ومفيدة وبغبت نشارك معاكم حتى أنا وكلما تفكرت شي نصيحة نجي نكتبها باش نفيد ونستافد والله يجعل كل شي في ميزان حسناتنا يارب
                              بالنسبة لقشور الحامض كيف كتعرف جميع كنحك القشرة باش نستعملها فالحلويات ونعصر اللب تم كناخد هديك الجلدة لي كتبقى من العصير كنجمعها فالبلاستيك ونحتافض بها فالمجمد وملي نبغيو نبخر شي حاجة كناخد جلدة ونرميوها فالماء بيش متكحالش البرمة كتبقى بايضة ومنحتاجوش نبقاو نحكو فيها ملي نساليو الطياب كتبقى بايضة مكتكحالش نتمنى هد النصيحة تفيدكم كيف ستافدت حتى أنا منكم . ونتمنى الأخوات يكثر الدعاء لبعضياتنا وجزاكم الله خيرا




                              تعليق

                              يعمل...
                              X