إعـــــــلان

تقليص
لا يوجد إعلان حتى الآن.

مشكلتي مشكييييييييييلة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مشكلتي مشكييييييييييلة

    السلام عليكم
    صراحة انا باغة نتعلم نطيب و خصوصا تنقية الحوت و الدجاج متكنتخايلش راسي غادي نتعلمهم
    مشكيلة ان ماما متخلينيش نطيب حيت كتبقى واقفة على راسي بنكير وواخا ادا خلاتني بوحدي ماغادي نسلمش من استهزاءات ديالهم في الدار
    ماعرفاش شنو نعمل انا عندي رغبة اضافة انا في عمري 23 عام يعني كبيرة
    عفاكم نصحوني

  • #2
    الله ياودي الله , بلا ماتبقى تنتاظري هاني جيت ..هههههههههههه

    شوفي اختي انا ماشي خبيرة ولكن اللي نصحك بيه هو الصبر
    حاولي تتعلمي ولا تخلي تصرفات امك تحبط من عزيمتك , بل جعليها حافز وكوني كالنخلة كلما قذفناها بالحجارة القت ثمارها , وكذلك انت كلما استهزؤوا منك لا تلقي لهم بالا بل ادهشيهم مما صنعت يداك

    فاخواتنا الفاضلات في مطبخ اناقة لن يقصرن معك في شيء , هناك وصفات جد سهلة يمكن لاي مبتدئة تحضيرها
    حتى انني اعطي لاولادي ذي السبع والتسع سنين فرصة تجربتها , والله يا اختي الا لذيييذة ولو ان الشكل ماتيكونش هو هذاك ........ تنشكر فاولادي هههههههههه صدق من قال ( كل قرد عن موا غزال )

    ان شاء الله تجربيها وتسدي ليهم فامهم , خاص غير انت تحداكي شوية وحاولي تبداي بالوصفات المجربة والبسيطة اللي سبق تجربتها من طرف باقي العضوات وممكن بعد فترة ان شاء الله نسمعوا بانك اصبحت مشرفة منتدى الطبخ .

    الله يسهل عليك ما صعاب , وما تنساي ان التوفيق من عند الله فعليك بالتوجه اليه قبل البدأ باي عمل
    سمحي لي اذا ثقلت عليك بكلامي ان شاء الله يدخلوا الحادكات ويفيدوك اكثر
    [blink]السلام عليك ورحمة الله وبركاته ومغفرته[/blink]

    تعليق


    • #3
      اولا الطبخ كيكون نفس كيف ما كيقولو المصرين نفسها حلو فالطبيخ ومعناتها انك لما تبغي تطيبي تكون كتطيبي بالحب هدك الوصفة ماشي غير بحالة كتادي مهمة او عقوبة ومرة مرة شوفي برنامج الطبخ الي كيكون فالتلفزة بحال شميشة ولكن منين كتكون تقدم البرنامج ديال شي مدينة اخرى وعليك بالصبر كيف ما قالت ليك الاخت مهاجرة
      اه نسيت نقول ليك حاجة انا شحال من حاجة مكنتش نعرف نطيبها ولكن ماما منين مرضت وتوليت للكوزينة وليت كنعرف بلهلى يجزيه لية كيف ما يقولو الشدة تصنع العضماء وكنت ما كنتخيلش راسي نعمل ملوي او السفة ديال الشعرية ولكن منين لقيت راسي مضطرة وليت كنحاول نعرف ونتعلم اش ندير باش نفك راسي ودبا وليت شاف فالطياب ههههههههههههه غير كنضحك معاك المهم وليت نقدر نطيب اي شي تطلب مني ونزعم نقي الدجاج والحوت لي كنت نعيفهم سمحلي فرعت ليك راسك يله حولي واجتهد وانسي ماماك وتعاليقها را خويا كيقيل هالكني كيقول لما ما مالك مخلينا لبنتك تسطجي فينا وانا ولا بيهمني .



      تعليق


      • #4
        المشاركة الأصلية بواسطة انا في انتظارك مشاهدة المشاركة
        السلام عليكم
        صراحة انا باغة نتعلم نطيب و خصوصا تنقية الحوت و الدجاج متكنتخايلش راسي غادي نتعلمهم
        مشكيلة ان ماما متخلينيش نطيب حيت كتبقى واقفة على راسي بنكير وواخا ادا خلاتني بوحدي ماغادي نسلمش من استهزاءات ديالهم في الدار
        ماعرفاش شنو نعمل انا عندي رغبة اضافة انا في عمري 23 عام يعني كبيرة
        عفاكم نصحوني
        [align=center]

        شوفي الحبيبة انا ملي كنت في دارنا ما كنتش نحمل شي حد اراقبني من غير خواتاتي صغارات كنقول نكون ليهم قدوة
        كنت كنصاوب الي بغيتو ملي كتخرج ماما تمشي تزور شي حد اولا اتقضي و ملي كاتجي كتلقا كلشي واجد و كانت مسكينة كتشجعني
        كنت ناخد من مصروفي و نشر المقادير الي كنحتاج في التحضير لشي حاجة شفتها اولا تشهيتها
        اولا كنت نسد علي راسي في المطبخ حتي كنسالي ونحل الباب ههههه
        اما نهار تزوجت وبعدت كيقولوا خوتي الله علي .... فين مشات راها مبرعة راجلها وحنا بقينا بلاش ههههههه كنت نتريني فيهم وذاك الشي الي نفع ههههههه
        [/align]




        تعليق


        • #5
          [align=center]



          في البدء أرحب بك أختي بالمنتدى

          أهلا بك ومرحبا نجيبو ليك التمر والحليب


          أما على مشكيلتك

          غادي نديرليك نوستالجيا على حياتي

          كونت ماكانعاونش ماما بحجة لقرايا وكان قاتلني لعكز. وشحال ماكاندخلش لكوزينة

          وملي كاندخل ماما كاتبدا تخاصم عليا على شغلي لعوج وكنهرب وكانسمح فلكوزينة

          هيا مسكينة صحابليها راغانتعلم هاكاك

          كونت إلى درت لفواطا كاتجيهم غريبا هههه

          ولكن ملي بغيت نتعلم .. شمرت على كتافي .. وهجمت على الكوزينة

          كونت كانخلي ماما لحبيبة حتى كاتخرج من الكوزينة .. خصوصا ساعة القيلولة

          عاد كاندخل .. وكانختار الوصفات اللي بغيت.. يا إما من الكتب أو تلفزة.. ومرة تصدق ومرة لا

          حتى تعلمت شوية بشوية..والمراقي والطياب التقيل ماتعلمت ليه حتى مشيت للجامعة ملي بقيت بوحدي حصلت

          واحد النهار بغيت ندير اللوبيا اليابسة وماعرفتش وتاصلت بماما بالتلفون قولت ليها : قوليلي مقادير اللوبيا وبقات كادحك

          أما دابا الحمد لله هانا فداري وكاندير كولشي ووليت احسن من اللي ضحكو عليا فشي أيام.. ومازالا كانتعلم ومازالا كانحرق الماكلة وشي مرة كاتجي باسلة خصوصا إلى درتها بلا خاطر

          كاتجي مافيها مايتشاف

          غي زعمي ..وديما كونت كانقول راه حتى واحد ماتزاد عارف. كولشي كايتعلمو الإنسان

          ياربي نكون فدتك واخا طولت عليك .. سمحيلي
          [/align]


          تعليق


          • #6
            شوفي الزين مدام انت عندك رغبة في التعلم راه غادي تعلمي و تولي حادكة و فاين تبان حداك شميسة هههههههههه
            عرفتي الأمهات فهاد القضية الله يهديهم راه التشجيع و التعليم من الصغر مهم و حتى انت دبا ما كاين مشكل اعتمدي في البداية على المشاهدة بمعنى احتكي بالواليدة في المطبخ كمساعدة و شكري ماماك على طيابها و أكثري من الأسئلة و شوية بشوية ماماك غادي تكلفك تنقي الحوت (الحوتة الأولى طبعا غادي تكون بلا معالم و الثانية شي شوية و من بعد صافي الحوت غادي يهرب خخخخخخخخخ)
            الله يسر أمورك أختي و كيفما قالوا الأخوات حتى واحد ما تزاد عارف أو معلم
            الزين نحن في انتظارك غير آمري

            حملة الصلاة خيـــــــــــر من النوم

            تعليق


            • #7
              شكرا بزاف على الردود والله فرحتوني باهتمامكن بي
              انشاؤ الله غادي نعمل بنصائحكم
              والله عندي رغبة كبيرة نطيب كاكنتو تشوفو كمبيوتر عندي عامر ملفات الطبخ وكنتمنى نطبق ولو وصفة بلحاق ماما عندها فكرة ان الله عطاني غير في قراية صحيح انا مهتمة بدراستي والحمد لله علاين نسالي السلك الثالث
              بلحاق في جميع الحالات انا انثى

              تعليق


              • #8
                [read]
                السلام عليكم
                شوفي الحبيبة شكون هادي فينا اللي ما تغسلاتش بالنكير د لميمة. و منين تتقلقي الحمد لله منين قلبك ما مييتش. و ما نكرات لميمة الا و بغاتك تكوني احسن.
                انا بعدا الخير للي دارتو فيا ماما هيا منين كايضرني الجوع كاتخليني حتى نوض الراسي و بشوية بشوية وللا عزيز عليا ندخل للكوزينا.
                و مانساش نشكر هاد المنتدى العزيز اللي وراني بزاف و خللى ماما غير كاتشوف
                [/read]

                تعليق


                • #9
                  الصراحة عندك الحق ا سحورة انا يلاه كتاشفت هاد المنتدى قبل مكانعرفو ماكنت كنعرف ندير والووووووووووووووو. ولكن دابا الحمد لله. الصراحة من كل قلبي كنشكر وحدة وحدة ...كل وحدة بسميتها....ام الصالحين ام الحلوين حسناء الرودانية مجاهدة نور الاسلام.
                  او اللي نسيتها تسمح لي. المهم كل من ساهم في الطبخ ا خط اي وصفة.
                  كيف ما قات سحورة خليت الدار غيكيشوفو.باش زعموني هاد الوصفات ا وعجبوني كيصدقوا.
                  كنشكر جميع المشرفات او العضوت.
                  كنباركليكم رمضان امرحبا بيا عندكم.:d
                  لا اله الا انت سبحانك اني كنت من الضالمين

                  تعليق


                  • #10
                    فكرتيني واحد النهار تكون شو 8 سنين دابا ما كانتش ماما حيت حتى فحال ماماك ايوا قالي راسي ندير القريشلات
                    وانا عمرني في حياتي ما عجنت ايوا درت الما بلا قياس و ما بغاتش تجمع لي العجينة و تسالا لي الدقيق جمعت داكشي ردتو في ميكة و لحت في الزبل ماما جات تقلب على الطحين ما لقاتش ايوا و هي تبان ليها لميكة في الزبل و حلاتها ما تلقا غير عجينتي ما نقوليكش اش دارت ليا ولا لي جا تعاودها ليه
                    المهم كلشي كيتنسا واخا هاكاك را ماتبتش كانخليها حتى تخرج و ندخل نخربق في الكوزينة

                    تعليق


                    • #11
                      [align=center]
                      فعلا كيف قالو الاخوات غير خص تزعمي

                      واللي ما جربش ما غاديش يتعلم

                      حتى انا خواتاتي الكبار شحال كانوا ينكرو عليا حيت كان يبان ليهم كا نعرف والو

                      ولكن انا كنت نلاحظ اللي كيطيب غير ما نبغيش نطيب

                      حتى اليوم فاجاتهم بحداكتي المخبية

                      بقات اللي بغات الحلوى تطلب مني
                      اللي جاها الضيوف نعاونها

                      الحمد لله بصح صدعوني كل مرة في تمارة في الاول كنت مهنية هههههههه
                      [/align]
                      sigpic

                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      يعمل...
                      X