عتقوني الله يعتقكوم من النار

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عتقوني الله يعتقكوم من النار

    السلام عليكم ورحمة الله تعالى وبركاته اخواتي العزيزات اتمنى ان تساعدنني راجلي باغي يعرض على واحد صابو عندو عزيز بغيت نصايب شي شهيوة تحمر وجه راجلي قدام صاحبو اللي عندها شي فكرة تعتقني بها باش نوجاد شنو خاصني ولكن جزيل الشكر حبيباتي انا انتظر هنا

  • #2
    الحبيبة انا بغيت نساعدك و لكم وضحي لي بالضبط شنويغيتي
    واش طبخ مغربي ؟او منوع و واش بغيتي ديري اكلة وحدة مع السلطات
    و لا جوج ؟ وضحي ليا و انا نساعدك بلي كنعرف على عيني و راسي

    تعليق


    • #3
      السلام عليكم ورحمة الله تعالى وبركاته

      سيري اختي نور الهدى الله ايفرشك بالرضى و ايغطيك بالرضى 25 مشاهدة حتى وحدة ما بقيت فيها المهم كنشكرك بزاف الحبيبة انا بغيش شي شهيوة مغربية تكون واعرة زعمة ماشي عادية مع شي شليضة كتشرف و ما ننسى لك هاد العروف الزين ديالي وشكرا بزاف

      تعليق


      • #4
        اختي راه مو جود الكثير من الاكلات المغربية اللذاذ

        البسطيلة ديال الحوت و لا الدجاج و لا اللحم ولا الدجاج و نتي ختاري الي غادي يناسبك

        الي يمكن ليا نصحك بيه هوا انالمنتدى راه فيه الكثير والكثير من الشهيوات ما عليك غير تقلب ي و تختاري على خاطرك حينت غادي يكون الشرح بالصور او ضح ليك .

        الله يو فقك و تحمري الوجه لراجلك .

        تعليق


        • #5
          الف سكر اختي محبة الخير الله يجعلو في ميزان حسناتك با دابا نشوف و نختار شكرا حبيبتي

          تعليق


          • #6
            ختي السلام عندي لك افكار
            تقدري ديري اللحم تفوريه و من بعد تحمريه
            \فالفرن و تفرشي ليه الخس و تحطيه الوسط
            و تدوري بيه الخضر مسلوقة الجزر اللوبيا الباربة
            البطاطا و الخيار و الروز بالتون و الفطر و الماييز
            اي حاجة تعجبك و تزوقي بالبيض و مطيشة
            و اللحم تزوقيه بالفرماج و الزيتون
            و من بعد تقدمي كسكس التفاية
            انا كنعرف ان معظم الرجال كيعجبهم اللحم محمر او مشوي
            و كنظن غيعجبو الحال راجلك و صاحبو

            او ممكن ديري بسطيلة الحوت
            او الحوت تشرمليه و ديريه فورق المنيوم يطيب فالفرن
            و تفوري الخضار حيت كتجي لديدة مفورة و ديري ليها الليقامة
            ديال شلاظة و تحطي داك الحوت وسط البلاتو و دوريه بالخضار منوعه
            و ديري فوقو صلصة مطيشة من بعد ما تكوني درتي ليها ليقامة ديال شرمولة
            و شحرتيهامزيان و تزقي بالكروفيت مسلوق و الزيتون

            المطبخ المغربي فيه بزاف الوصفات لديدة و كتشرف
            شوفي شنو بغيتي و قولي لي و انا نعاونك بالافكار
            و نتمنى هاد الشي الي اقترحت عليك يعجبك

            تعليق


            • #7
              السلام عليكم ورحمة الله تعالى وبركاته

              اختي نورالهدى ماخليتي ليا مانقول الله اعطيك شي حجة نتي اوراجلك والله الحبيبية ديالي ماننسى لك هاد الخير ماحييت كنتمنى تراسليني الا قبلتي عليا حيت انا مزال ماعندي 100 مشاركة على العموم شكرا على ردك الراءع اللي اكيد غادي نستافد منو شكرا

              تعليق


              • #8
                اختي انا كان راجلي عرض على صاحبه مكيكلش لحم درت لحم بيبي قطبان رقدتهو في العطرية و الموطارد وشوية الحامض وشوية الزيت بلدية و قدمتهم مع صوص blanche درت معلقة كبيرة موطارد و 2 معلق زبدة و معلقة طحين و خلطت مريان و ردت كاس ماء دوبت فيه ضامة البنة بقري و ضعت على النار ونا كنحرك لما عقدات زدت الشمبينيو بعد ما حمرتو ف شوية الزبدة وقدمتها دافئة مرافقة مع القطبان و الشلاضة فيها الخضر مسلوقة و مطيشة و الخيار و الخس وشوية ديال الكرفيت و المايونيز و لفوكا كيجي زوين المهم كل ما كيخص الشلاضة وبعد ذالك درت حوتة ف الفرن مشرملة و ملي وجدات درتها ف بلاطو و فوقها لصوص طومات طابة و مشحرة و زينت بالكروفيت مقلية غير غسلتها مزيان وقليتها منقيتهاش كتجي محمرة و كتعطي ديكور زوين و ف الدسير نزلت طبق الفواكه مشكلة و كيسان كبار فيهم منظر زوين و درت فهم اليمون معصور وفيه طريفات التفاح بنان فريز كيوي وشوية سكر كنتمنى هادشي يعجبك

                تعليق


                • #9
                  نسيت شوية الملح والبزار ف صوص بلونش

                  تعليق


                  • #10
                    السلام عليكم ورحمة الله تعالى وبركاته

                    اختي روز لك مني الف شكر وتحوة تحية خاصة الاجل مشاركتك ومساعدتك ليا الحبيبة ديالي الله يرزقك اللي تمنيتي قولي امين غادي نحاول نطبق افكار ديالك تبارك الله على دةقك الراءع شكرا حبيبتي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X