بغيت طريقة تحضير ورقة البسطيلة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بغيت طريقة تحضير ورقة البسطيلة

    اخواتي الكريمات الله يجازيكم بالخير الا ما وريوني طريقة الورقة في الدار لي كتدار في مقلة طيفال.و لكن الشكر الجزيل.

  • #2
    اختي كتاخدي الدقيق فورص و تزيدي ليه الملح و تزيدي الماء و الديريه في ملنكس يتطحن خاصوا يكون في كثافة كتشبه البغرير .

    كالديري الماء في كسرولة و تحطي فوقها طيفال كتاخدي شيتة جديدة و منين تسخن طيفال غطسي الشيتة في الخليط

    و دهني بيه طيفال كلها غير بينما تسالي الدهين رفعي جانب من الوقة راه غادي التبعك الورقة كاملة .

    دهني بالزيت و حطيها .و عاودي نفس العملية .

    راه كتجي رقيقة و غادي تصدق ليك ان شاء الله .

    تعليق


    • #3
      اختي بالنيابة عن اختنا ام الحلوين هاو ليك الرابط http://www.anaqamaghribia.com/vb/showthread.php?t=6804

      تعليق


      • #4
        هادو رابطين اختاري لي يناسبك

        http://www.anaqamaghribia.com/vb/sho...D3%D8%ED%E1%C9
        http://www.anaqamaghribia.com/vb/sho...D3%D8%ED%E1%C9

        تعليق


        • #5
          اخواتي الحبيبيات محبة الخير pouce و myriama اشكركن جزيل الشكر على الطريقة ديال الورقة.غير هو لدي استفسار الله يعطيكم ما بغيتو في خاطركم واش منين نمرر الشيتة تنمررها غير مرة وحدة بلا منعاود نفس البلاصة اللي درت فيها العجين .و شكرا جزيلا و سمحوا لي على الازعاج

          تعليق


          • #6
            المشاركة الأصلية بواسطة أم حفصة مشاهدة المشاركة
            اخواتي الحبيبيات محبة الخير pouce و myriama اشكركن جزيل الشكر على الطريقة ديال الورقة.غير هو لدي استفسار الله يعطيكم ما بغيتو في خاطركم واش منين نمرر الشيتة تنمررها غير مرة وحدة بلا منعاود نفس البلاصة اللي درت فيها العجين .و شكرا جزيلا و سمحوا لي على الازعاج
            اختي بالنسبة لورقة الاخت ام الحلوين راه جربتها
            تتجي زوينة
            غير جربيها وبلنسبة للشيتة نا درت و عاودت على نفس البلاصة بلحق بالزربة
            الى بغيتها رقيقة خففي العجنة بغيتها موسطة قصحيها شوية
            ها تطبيقي
            http://www.anaqamaghribia.com/vb/showthread.php?t=33527
            انشاء الله تخبرينا بنجاح الورقة فقسم لوصفات المجربة
            [frame="2 98"]
            اللهم اغفر لوالدتي وارحمها واعف عنها
            واكرم نزلها ووسَع مُدخلهاا واغسلها بالماء والثلجِ والبْردِ
            ونَقّهِا من الذنوب كما ينقى الثوب الابيض من الدنس،
            وارحمنا إذا صرنا إلى ما صارت إليه وجازها بالحسنات إحسانا
            وبالسيئات عفوا وغفرانا وافتح أبواب السماء لروحها برحمتك
            يا أرحم الراحمين.
            [/frame]


            تعليق


            • #7
              بارك الله فيك اختي مغربية و افتخر.انا عجباتني اللي درت ديال الروز و عمرتي بهم الورقة.ولادي تيحماقو لي على الروز غادية نجرب الورقة و الوصفة ديالك و نرد عليك الخبار.لهلا يخطيك الحبيبة و لهلا يخطي علينا ام الحلوين

              تعليق


              • #8
                اختي مغربية و افتخر شكرا مرة اخرى راني جربت الورقة في الاول تطيب و لكن تتهرس معرفتش علاش.و جاتني رقيقة بزاف .و طبقت الوصفة ديالك ديال الروز جات غزالة مبقات حتى وحدة الله يعطيك الصحة

                تعليق


                • #9
                  الغزالة ديالي أم حفصة الورقة تتهرس على وداش نشفت بزاف حاولي تهزيها من المقلاة قبل ما تنشف بزاف أما من ناحية الرق غير ثقلي العجينة شوية ما تكونش جارية بزاف بين وبين

                  تعليق


                  • #10
                    ام سندس كدايرة الحبيبة شكرا للايضاح.غادية نعاودها دبا و نعاود نرد عليكم الخبار

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X