إعـــــــلان

تقليص
لا يوجد إعلان حتى الآن.

اريد طهي الدجاج بحال العرس

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اريد طهي الدجاج بحال العرس

    اريد طهي الدجاج بحال العرس اللي كتكون فيه ضغميره ديال البصله كتحمقني ارجو من الأخوات اللي كتعرف كفاش كيطيب الدجاج والضغميرة إعاونوني وشكرا

  • #2
    اوا غادي نقول لك اللي كنعرف
    تاخد الدجاج نغسلوه مزيان و نخليوه يتسقطر
    5البصلة مشلضة+ 5 ضروس ديال الثومة محكوكة + القزبور و المعدنوس مقطع مزيان + الحامض مصير كنحيد ليه داك اللب ديالو و نحتفضو بالقشرة و نحيدو ليه الزريعة+ الزيت العود و الرومية+ الملح + لبزار + سكينجبير + خرقوم مدقوق +السمن الحر+ و الخرقوم الملون الزيتون بلا عظم
    كنخلطه المقادير مزيان و كنشرمل الدجاجة و نجمع ليها رجليها بشي خيط و نزيد عليها باقي الشرمولة و تقلى مزيان ثم نزيد لها الماء الكافي و نغطي عليها حتى طيب مزيان
    كناخد الزيتون بلا عظم كنصلقو حيت كيكون مالح ثم نصفي منه الماء و نزيد عليه المرقة و قشور الحامض مقطعين بطريقة طولية
    ملي كيطيب الدجاج مزيان كنحيدو الدجاجة من المرق و لصوص كندوزوها في مكينة ديال مطيشة باليد ..و الدجاجة كنقليوها في الزيت
    هادي هي الطريقة اللي كنعرف نتمنى تستفدي منها و الله يجيب شي طريقة اخرى

    تعليق


    • #3
      ينقل الى قسم خاص بطلبات العضوات

      تعليق


      • #4
        تقريبا نفس طريقة الأخت الناس للناس
        إلا أن الدجاج من اللي يطيب، تديريه في الفران، وأترك الدغميرة تعقاد، وفي النهاية أضيف الحامض والزيتو




        لتنظيم المسابقات

        [





        بداية الحمية في 12/06/2012[/CENTER]

        تعليق


        • #5
          نعم اختي كيجي غزال و بنين

          تعليق


          • #6
            السلام عليكم أختي janat1 أنا تنستعمل للدجاج تقريبا نفس طريقة الأخت الناس للناس مع بعض التغييرات البسيطة مثلا القزبور و المعدنوس تندقهم في المهراز و تنضيف له جميع التوابل لي تكرمات الأخت الفاضلة الناس للناس و ذكراتها غير مثلا إلا استعملت نصف ملعقة بزار تنضيف ملعقة كاملة ديال سكين جبير و تنضيف أيضا شوية ديال الزعفران الحر شعرة تنسخنو ونفركو بين إيدي و نضيفو على التوابل و الربيع و الثومة و السمن و أيضا لب الحامض المصير تنطحنو و نضيفو و ما تنديرش الملحة بل تنستعمل ماء الترقاد ديال الحامض المصير حيت تايكون مالح بزاف و تنفرك بكل هاد العناصر الدجاج و تنحاول ندخلهم ما بين اللحم و الجلد و ندخلو الرجيلات ديال الدجاج في ثقب خاصنا نعملوه من البطن مني نكونو تنظفو فيه أو فقط كيفما تفضلت الأخت الكريمة الناس للناس فقط نربطو الرجيلات بخيط و توضع الدجاج فشي إناء و تنخليه مرقد فالشرمولة ليلة كاملة في الثلاجة بعد ما تنغطيه بالبلاستيك الغذائي و في الغد تنشنف البصل شوية بزايد حيت حتى أنا من عشاق الدغميرة و الكبدة ديال الدجاج تنطحنها و نضيفها حتى هي تاتعطي واحد اللذة ممتازة و نحطهم فطنجرة عادية و نضيف كمية كافية من الماء شوية بزايد المهم حتى يتغطاو و نصب هداك الشي لي بقى لي من الشرمولة ديال الدجاج و ملي تغلى الطنجرة تنقص النار و نخليها تطيب فالماء و البصل فحال إلا تتصلق هههه عرفتي علاش ماتنقليهاش حيت تاتكون شربات الشرمولة ديالها مزيان و أيضا باش نحافض على الجلد ديالها لي هو حاجة مهمة جدا للدجاج محمر لأنه مني تانقليه تيلصق لي الجلد في قاع الطنجرة وتايتقطع. المهم نخليوها تطيب واحد نصف ساعة بلا ما نغطيو عليها الطنجرة باش ما يتطرطقش لينا الدجاج و مني تانتأكد أنه طاب تانهزو بشوية و نسقطرو من المرق و ندهنو بشوية الزبدة و السمن و ندخلو الفران مسخن على أعلى درجة حرارة باش يتحمر غير الجلد و ما يبسش لي الدجاج من الداخل و فهاد الأثناء تانجهد النار على المرق و نضيف القدر الكافي من زيت الزيتون تانكون غليت شوية الزيتون في الماء تانصفيه و نضيف عليه شوية من مرق الدجاج و نغليه فيه شوية تاني و نضيف الحامض المصير و نخليهم مع بعض شي خمس دقائق تقريبا صافي نبقاو نحركو فمرق الدجاج بملعقة خشبية فوق نار مجهدة حتى كاتوقف الدغميرة ديالنا و تبان لينا الزويتة بوضوح ونصبو الدغميرة في طبق التقديم و نوضعو فوقها الدجاج و نزينوه بالحاض مصير على شكل x و نوزعو الزيتون فوق الدغميرة حول الدجاج و تنقدمو مرفوق بالبطاطس مقلية أو الشيفلور مصلوق و مشرمل و مقلي بالبيض أو المعقودة أنا و اللي قسم الله و السلطات بطبيعة الحال و اللي ذاقو فعلا تايحماق عليه حيت بيني و بينك تايجي احسن من ديال العراس بلا فخمة على الله. أتمنى أختي janat1 أنني نكون زدتك شي معلومات جديدة. و اللي احتاجيتيها أالحبيبة ما تردديش احنا أسرة واحدة الحمد لله و بالتوفيق أختي إن شاء الله.تقبلي مروري أختي الكريمة:)

            تعليق


            • #7
              فعلا اللا مولاتي الحادكة ام ادام الطريقة لا كلام ولا .... الله يعطيك الصاحة كتجي هايلة.غير رائحتها كتشهي.

              تعليق


              • #8
                شكرا للأخت أم ادم 2007والأخت الناس للناس على المعلومات فعلا كنت محتاجه ليها وهنطبقها الله يعطيكم لي كتمناوه

                تعليق


                • #9
                  1. نعم أختي أنا طريقتي كنطحن القزبر ومعدنوس والثوم وبسبيسة وقعقلة وكنطيب الدجاج وكنحمر في الفرن

                  sigpic

                  اللهم

                  اَرحم من اشتاقت لهْم اَرواحنا

                  وٌهْمْ تٌحْتً الٌترْابْ..!
                  وٌهْمْ تٌحْتً الٌترْابْ.

                  تعليق


                  • #10
                    كندير نفس الطريقة اللى كتيو الاخوات حاجة وحدة كنقلى الدجاج فى الزيت
                    sigpichttp://www.anaqamaghribia.com/pic/images/euh5oe5meyo2nkmgj1ah.jpg

                    تعليق


                    • #11
                      salam ana kandir darika dyal akhwate ghi ana tndhen djaj b smen kbl mandkhlo l four

                      تعليق


                      • #12
                        تبارك الله عليكم خلاص

                        تعليق


                        • #13
                          حتى كندير نفس الشرمولة اللي قالت عليهاالاخت غي انا كنزيدلو الموطارد ندهنو بها من الليل وفي الصباح ندخلو للفران مياشرة من بعد مندبرو في ورق الالمنيم ونقسلو الفران مزيان ونخليه تقريبا الصباح كلو في الفران وفي هاد الوقت كندير المرقة بوحدها والله اللي كلاه عندنا في الدار كيحمق عليه تيجي مقرمش ومحمر

                          تعليق


                          • #14
                            المشاركة الأصلية بواسطة أم آدم2007 مشاهدة المشاركة
                            السلام عليكم أختي janat1 أنا تنستعمل للدجاج تقريبا نفس طريقة الأخت الناس للناس مع بعض التغييرات البسيطة مثلا القزبور و المعدنوس تندقهم في المهراز و تنضيف له جميع التوابل لي تكرمات الأخت الفاضلة الناس للناس و ذكراتها غير مثلا إلا استعملت نصف ملعقة بزار تنضيف ملعقة كاملة ديال سكين جبير و تنضيف أيضا شوية ديال الزعفران الحر شعرة تنسخنو ونفركو بين إيدي و نضيفو على التوابل و الربيع و الثومة و السمن و أيضا لب الحامض المصير تنطحنو و نضيفو و ما تنديرش الملحة بل تنستعمل ماء الترقاد ديال الحامض المصير حيت تايكون مالح بزاف و تنفرك بكل هاد العناصر الدجاج و تنحاول ندخلهم ما بين اللحم و الجلد و ندخلو الرجيلات ديال الدجاج في ثقب خاصنا نعملوه من البطن مني نكونو تنظفو فيه أو فقط كيفما تفضلت الأخت الكريمة الناس للناس فقط نربطو الرجيلات بخيط و توضع الدجاج فشي إناء و تنخليه مرقد فالشرمولة ليلة كاملة في الثلاجة بعد ما تنغطيه بالبلاستيك الغذائي و في الغد تنشنف البصل شوية بزايد حيت حتى أنا من عشاق الدغميرة و الكبدة ديال الدجاج تنطحنها و نضيفها حتى هي تاتعطي واحد اللذة ممتازة و نحطهم فطنجرة عادية و نضيف كمية كافية من الماء شوية بزايد المهم حتى يتغطاو و نصب هداك الشي لي بقى لي من الشرمولة ديال الدجاج و ملي تغلى الطنجرة تنقص النار و نخليها تطيب فالماء و البصل فحال إلا تتصلق هههه عرفتي علاش ماتنقليهاش حيت تاتكون شربات الشرمولة ديالها مزيان و أيضا باش نحافض على الجلد ديالها لي هو حاجة مهمة جدا للدجاج محمر لأنه مني تانقليه تيلصق لي الجلد في قاع الطنجرة وتايتقطع. المهم نخليوها تطيب واحد نصف ساعة بلا ما نغطيو عليها الطنجرة باش ما يتطرطقش لينا الدجاج و مني تانتأكد أنه طاب تانهزو بشوية و نسقطرو من المرق و ندهنو بشوية الزبدة و السمن و ندخلو الفران مسخن على أعلى درجة حرارة باش يتحمر غير الجلد و ما يبسش لي الدجاج من الداخل و فهاد الأثناء تانجهد النار على المرق و نضيف القدر الكافي من زيت الزيتون تانكون غليت شوية الزيتون في الماء تانصفيه و نضيف عليه شوية من مرق الدجاج و نغليه فيه شوية تاني و نضيف الحامض المصير و نخليهم مع بعض شي خمس دقائق تقريبا صافي نبقاو نحركو فمرق الدجاج بملعقة خشبية فوق نار مجهدة حتى كاتوقف الدغميرة ديالنا و تبان لينا الزويتة بوضوح ونصبو الدغميرة في طبق التقديم و نوضعو فوقها الدجاج و نزينوه بالحاض مصير على شكل x و نوزعو الزيتون فوق الدغميرة حول الدجاج و تنقدمو مرفوق بالبطاطس مقلية أو الشيفلور مصلوق و مشرمل و مقلي بالبيض أو المعقودة أنا و اللي قسم الله و السلطات بطبيعة الحال و اللي ذاقو فعلا تايحماق عليه حيت بيني و بينك تايجي احسن من ديال العراس بلا فخمة على الله. أتمنى أختي janat1 أنني نكون زدتك شي معلومات جديدة. و اللي احتاجيتيها أالحبيبة ما تردديش احنا أسرة واحدة الحمد لله و بالتوفيق أختي إن شاء الله.تقبلي مروري أختي الكريمة:)
                            الله اخاليك الاخت لما عونيني صحبتي هنا مكتعرفش طيب وعندها طهارة اوا قتلي نطيبلها فطهارة ونا الحمد الله عندي شويا مع الطياب ولكن انا خيفا من هد المسؤولية اوا مشفت هد الوصفة ديالك تبرك الله عليك وكنتمنى تزيدي تفيديني الله ارحمليك الواليدين عونيني خيفا نتحشم
                            sigpic

                            تعليق


                            • #15
                              الله اجازيكم بالخير

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X