إعـــــــلان

تقليص
لا يوجد إعلان حتى الآن.

ملحق ركن اللقاء المفتوح رقم2

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #21
    :)تبارك الله على الاخت ايمان كزا غبرا هي غبري علينا اوا واش دوك القراشل و الكيك ديال اللقاء مفتوح ولا خديتهم من المنتدى.
    مبروك الملحق الجديد اختي سوسو ولكن حبدا لو بقا ضمن المواضيع المتبتة باش يسهال علينا الامر خصوصا انه داب خصنا نبداوا نقلب بين المواضع حتى نلقاوه .










    تعليق


    • #22
      صبااااااااااااااحكم مبرووووووووووووووووك الحادكات


      معلومة عن ااالخوخ

      الافضل فيه هو الي غير معالج كيميائيا

      لا يجب غسل الخوخ بالماء و الملح لكن بالماء العادي فقط للحفاظ على مكوناته و قيمته

      نوارة الخوخ الا تغلات و اضيف لها العسل كتساعد الاطفال على النوم


      الاوراق كتنفع اصحاب الضغط المرتفع


      نواة الخوخ تنففع للمصابين بالسرطان
      5الى 7حبات من لوزة نوا الخوخ تاخد متفرقة باليوم
      sigpic

      تعليق


      • #23
        وصفة من الاخت رشيدة من تزنيت


        الكاشير

        الوصفة الاولى خالي من الدهون


        500غ كفتة دجاج
        4فصوص ثوم صغار
        ملح ابزار
        كاس خبز مطحون
        بيضة
        زيتون مقطع

        كتخلطي العناصر كلها و تجمع ببيضة
        تعمله فكاس الكاشير او في بلاستيك غدائي او خنيشات سباكتي
        و تعملها فكوكوت مع شوية الحامض باش متكحلش ل 45د و ها هو واجد
        sigpic

        تعليق


        • #24
          الوصفةة الثانية

          كاس عنبة رز عادي
          250غ كفتة دجاج
          ملح ابزار
          ورقة موسى
          حبة قرنفل
          نصف كاس سميدة رقيقة
          ضمة دجاج
          2فص ثوم
          تحميرة كامون
          نصف كاس
          3بيضات
          زيتون
          هريسة اختياري

          رز مسلوق مع ورقة سيدنا موسى و حبة القرنفل


          رز يبق واقف و نطحنوه مع الكفتة و نضيفه المقادير كلها
          ممكن نطحنه كلشي
          و نعملوه فكاس الكاشير وو نخليوه 45د و هاهو واجد

          الكاشير الاول كيخرج 800غ
          و الثاني كيلو


          و بصحتكم الحادكات


          فااااااااااااصل و نعود
          sigpic

          تعليق


          • #25
            نصائح من الاخت رشيدة من تزنيت


            لمحاربة الذباب

            حامضة تقسم طريفات ممكن على 4 و تتك فوسط الحامضة باعواد القرنفل

            و نفس قطع الحامض ممكن اعادة استعمالها بدهن الاحدية او و البلغة و تعيدي المسح بزويف و نعيده مسحه بالفازلين و ممكن مسح الصيكان




            كنمسحوا الطنجرة بالحامض بعد الحكان بجيكس و نوضعوا فيها الماء و بعد الغلية نمسحوها
            كتحيد ديك الزروقية


            العسل باش نحافظ عليه
            كنعملوه فحمام مريم

            للمحافظةعلى المربى الي كنصنعه فالدار
            الطريقة كتنفع مع الفريز المشمش الخوخ و ممكن نخله الخوخ و الشهدية
            كيلو الفاكهة و 600غ سنيدة و تنسم بالحامض او فاني او النعناع او قرعة عواد و تترك على نار مهيلة حتى يعقد و نحسه بيه طاب

            نعقمه القراعي 10د و نكبوه فيه المربة و هي سخنة و نغلقه القرعة و نقلبوها و نخليوها 24د و بهاد الطريقة ممكن احتفاظ بالقريعات لمدة سنة


            للحصول على فلان طبقات


            فلان ناخده و نخليوه يبرد فالثلاجة
            ناخده فريز و به شوي السكر و نخليو حتى يطلق الماء ديالو و نزيدوه على الفلان بعد ما يتماسك و نضيفه طبقة جديدة دالفلان و هكدا



            الحرشة الرومية

            500غ سميدة رقيقة
            نصف لتر حليب
            ملح
            2معالق زبدة
            4سكر
            2الى 4ملاعق زيت
            واحد فاتي
            و 2خمارات


            كنخلطه كل المقادير و نعملوها فمول و الاحسن فمقلة ثقيلة دوجدة مدهونة بالزبدة و نعملوها فالفرن حتى تتحمر من تحت و فوق
            sigpic

            تعليق


            • #26
              مشاركة جميلة من وجدة


              حريشة بالتمر

              كيلو سميدة الحرشة نوع ممتاز
              نصف كيلو تمر
              زبدة 250غ
              ملح و شوي الزيت


              نوجده الحرشة عادية بالسميدة و الملح و الزيت
              مليت تطيب نفرتتوها
              نفوره التمر بالكسكاس و نخلطوه مزيان مع الزبدة و نخلطه بالحرشة المفرتتة
              و نقدموه

              القزبر و المعدنوس و الكرافس ننقيوهم و نقطعوهم على زوج و نعملوهم فالكونجلتور نهار او لياة و نطحنوهم و نستعملوهم عادي

              المربى

              5 الارنج
              2حامضات
              الارنج تقلعيلهم العلف و القشور وواحدة تحتفظي بالقشرة
              و الحامض نحيديلهوم العلف
              و تقطعيهم و تعمليهم 2 لتر ماء و كيلو و نص سكر و نخليوهم ايطيبو نصف ساعة
              و من بعد نطحنوه فالخلاط او ماكينة الخضرة و نعملوه فالقرعة و نخليوه يبرد غنحصلوا على مربى عاقد


              الارنج ممكن نغسلوا بيه الدجاج بدل الحامض
              sigpic

              تعليق


              • #27
                زهرة من الرباط


                حوت فالفران

                كيلو الشطون
                4بطاطا
                4مطيشة


                الشطون كنقيه كنحيدولو غير الراس و المصارن
                مطيشة كنقطعوها بكري على نص نرشوها بالملحة و نقلبوها باش تستقطر الما و الملح
                نعملوها فالفرن ابق شادة راسها
                بطاطا مسولقة و شادة فراسها كيف كنحيدوهم من الماء و نحطوهم فالماء البارد
                كنخدو الخبز يابس معدنوس الملح و الابزار و الثومة مدقوقة و ممكن نضيفه شوي الازير
                نخلطه بقطيرة زيت المائدة و يكون غبرة
                الحوت نوضعوه فصينية و نرشه عليه غبرة الخبز و نوضعوه فالفرن

                بطاطا دويورات ونعملوها فالجناب و نعملوا عليه معلقة الخبز
                و مطيشة نعمروها بيه و نرسلوها للفرن بعد ما انبللوها بشوية المرقة
                و بصحتكم
                sigpic

                تعليق


                • #28
                  تحضير المربى و الاحتفاظ به مدة سنة خارج الثلاجة
                  المقادير
                  كيلو من الفريز (او مشماش/ ماندرين / خوخ / شهدية /حب الملوك / كرموص )
                  600 غرام سنيدة
                  نخلطو الفاكهة اللي عندنا مقطعة مع السكر ونديروها في طنجرة ثقيلة ونزيدو عليها النسمة اللي بغينا حامض( او فاني او عواد قرفة او عريش نعناع )ونديروهم فوق نار مهيلة ختى يوجد المربى
                  نعقمو القراعي في الماء فوق البوطة 10 دقائق وغير نطفيو عليهم العافية نديرو فيهم المربى وهما سخان و نسدو مزيان القراعي و نقلبوهم ونخليوهم مقلوبين مدة 24 ساعة ثم نحتافظو بيهم حتى لعام خارج الثلاجة ولكن غير نحلو القرعة نديروها في الثلاجة

                  تعليق


                  • #29
                    السلام عليكم ورحمة الله تعالى وبركاته عليكم احبابي في الله كنشكركم اخواتي على احاسيسكم النبيلة وانا ايضا ابادلكم نفس الشعور لهلا يخطيكم علي او كنشكر الحبيبة سوسو على الملحق الجديد الله يدخلو علينا كاملين بالصحة والخير على الجميع وجزاك الله خيرا اختي كما ابلغ تحياتي الى العزيزة على قلبي ام شدى اتمنى ان تكوني بالف خير لقد دخلت باش نكتب لقيت اخواتي كتبوا بارك الله .فيهم وجزاهم الله بكل خير.

                    تعليق


                    • #30
                      فرحت بزاف و اكثر عندما لقيت ريحانة ماشاء الله عليها ناشطة و باغيا تكتب الله يعطيها الصحة و العافية من كل اعماق قلبي احبك كثيرا كثيرا و الله يشهد علي اتمنى ان اراك بادن الله و الله ما كرهت انت و الحبيبة على قلبي أم شدى لي تنحباه من خالص قلبي
                      و أشكرحسناء ايمانتانوت الصديقة الجديدة و الله يدوم هده المحبة بيننا و يخلي هدا المنتدى عاليا و في الصفوف الأولى حسناء لحبيبة كلفتها بكتابة شهيوات شميسة ديال يوم الجمعة و راها قايمة بالواجب الله يجعله لها في الميزان المقبول
                      تنشكر حمامة الحادكة و اشكر كل العضوات لي تتدخل لهدا الركن و اشكرا كثيرا المشرفات الرائعات لي تيبدل المجهود باش يكون الكل على خاطرو الله يعطيهم الصحة و العافية
                      المهم أقول أن هدا الركن ادا نجح فهو بواسطة الله سبحانه و تعالى و بالحبيبات على قلبي و العضوات لي تستسع كل واحدة و تتسابق باش يفيدوا ليما تسمعش اما كيكون في العمل او ..........بيزو لكل واحدة دخلت و مرحبا بكل واحدة جديدة هنا لأن هدا الركن للجميع و اسمحوالي لأننى طولت عليكم و شكرا مرة أخرى

                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      يعمل...
                      X