إعـــــــلان

تقليص
لا يوجد إعلان حتى الآن.

الغزلان شوفوا معايا هاد العجينة ديال الطرطا مبغاتشي تطلعلي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الغزلان شوفوا معايا هاد العجينة ديال الطرطا مبغاتشي تطلعلي

    السلام عليكم ورحمة الله وبركاته
    الخوت كيف عاملين نتمناكوم تكونو بخير وعلى خير
    البارح جبرت راسي معندي شغل قلت مع بالي بلاتي نعدل شي طرطة باش تبرد علينا فهاد الحرارة جبت المقادير كاملين وفي الاخير الكيكا ديالا مطلعتليشي انا نعملكوم هنا المقادير والطريقة لعدلت بها الطارطا ولعرفت فيكوم علاش مطلعتلشي تقولالي الله يجازيكوم بخير
    نخليكوم مع المقادير لتسعمل فيها


    100 غرام ديال الطحين

    20 غرام ديال شكلاط نوع igbelle chocolate

    120 غرام ديال السكر كلاصي


    الملح




    نبداو مع الطريقة


    زيدت 120 غرام ديال السكر





    نزيد على داك المقادير شوية ديال الملح


    ها كلشي واجد فواحد الزلافة عملت الماء سخن باش نطلع البيض




    وبديت نطرب


    انا هنا دخلني الشك داك البيطات مبغوشي يطلعو ولا يتقالو عييت منطرب موقاع والو
    قلت مع بالي يمكن هكداك كيبقاو خليني حتى نكمل على البسطا ديالي ونشوف
    المهم خلطت الطحين مع الشكلاط


    وزدتو على الخليط وخدمتو من الشمال لليمين


    دهنت الطاوة بالطحين


    هرقت داك الخليط ديالي


    حتى نهنا كولشي مزيان دخلتا نالفران ويا رتني مدخلتا ملي خرجتا تصدمت :confused:
    ها هي كيف جات
    عندكوم تضحكو علي اولا نقلكوم غير ضحكو حتى انا ضحكت على راسي


    بلعاني قطعتا باش تشوفو كيف خرجات:mad:
    الله يفكرنا في الدين والشهادة ماشي عدلتا البارح وليبارح :p
    انا كنستنا تكتشفو معايا شني لمعملتشي هو هداك باش مطلعتشي على قلبي نعاود هاد الطرطا كتجي غزالة :)
    اللهم انفحنى منك بنفحة خير تغننى بها عمن سواك
    اللهم ارزقني زيارة مباركة لمكة المكرمة وأسقني من ماء زمزم

    3alamiNet
    مدونتي (أشياء تخصني)

  • #2
    الحبيب ربي هي عورتلا عينا :pومعندا داك الكيكة شي حل:eek:
    اللهم انفحنى منك بنفحة خير تغننى بها عمن سواك
    اللهم ارزقني زيارة مباركة لمكة المكرمة وأسقني من ماء زمزم

    3alamiNet
    مدونتي (أشياء تخصني)

    تعليق


    • #3
      السلام عليكم اختي
      هو انا كنظن ان المشكل في الفران ماشي في المقادير
      نتي درتي 5 البيضات و 120 غ طحين هذا يعني ان الكيك خفيف بالتالي خصك تنقصي الفران و تخليها وقت اطول قبل ما تحلي عليها يعني على الاقل نصف ساعة حتى ساعة الا ربع عاد تطلي و انتي دايرة بالك لانها ممكن طيح فجأة
      من جهة اخرى الكيكة الى كانت هاكا فاش تا تطفي الفران تخليها فيه ما تخرجيهاش ديك الساعة باش ما تبقى شادة الحجم ديالها و ما تفش لانها كيف قلت ليك خفيفة
      و الى كنت من النوع المزروب بحالي و بغيتها طيب ليك دغيا ما عليك الا انك تزيدي الدقيق و تقليها غير شوية
      هذا اللي بان ليا اختي و الحادكات ديالنا ان شاء الله يفيدوك

      تعليق


      • #4
        اختي كان عليك طربي ابيض البيض بوحدو والاصفر بوحدو ايلا طربتيهم ب2 مرة واحدة مايطلعوش

        تعليق


        • #5
          السلام عليكم ورحمة الله وبركاته

          اختي انت باين فين عندك العيب كيفما قلتي البيض اللي مابغاش يطلع ليك , اختي مرة اخرى مثل ما قالت لك اختي ام المتقين, حاولي تطلعي الابيض بوحدو حتى يولي ثلج و طربي الاصفر كذلك و من بعد خلطيهم غير بالمعلقة الخشبية بشوية باش يبقى البيض طالع و عاد زيدي عليهم المقادير الاخرى على حسب الوصفة
          ثاني حاجة خاص المقاديرلازم تكون دقيقة و بالقياس اللي عندك يعني خاص يكون قياس دقيق جدا ما تزيدي في شي و تنقسي من شي من راسك ابدا باش تطلع ليك الكيكة بحال للي بغيتي

          تعليق


          • #6
            حبيبة الخطا باين بزاف نتي معملتيش خميرة حمرا هي اللي مطلعاتش ليك الكيكة والبيض علاش مطلعش لان خاص البيض بوحدو والصفر بوحدو عملي 2 خمارات حمرين
            اسعدني تواجدي في هذا الجمع المبارك
            شكرا لكل من تبدل من اجل نفع اخواتها في الله


            تعليق


            • #7
              كيفما قالولك البنات اولا خصك تطربي الاصفر بحده والبيض بحده ثانيا خصك ديري الخمارة الزا مع الدقيق بش تطلعلك طارط مزيان
              وبصحتك مسبقا

              يقول الإمام الشافعي رحمه الله :

              يخاطبني السفيه بكل قبح**** فأكره أن أكون له مجيبا
              يزيد سفاهة فأزيد حلما**** كعود زاده الإحراق طيبا
              إذا نطق السفيه فلا تجبه**** فخير من إجابته السكوت
              فإن كلَمته فرَجت عنه**** وإن خليته كمداً يـــمــوت.





              تعليق


              • #8
                السلام عليكم ورحمة الله وبركاته

                اليك الطريقة للاخوات للي عندهم مشاكل مع البسكوي
                زلافةسكر
                زلافة فورص
                اربع اصفر البيض
                اربع ابيض البيض
                نصف خمارة
                الطريقةبالتفصيييل الممل
                نضرب ابيض في البيض مع قبصةملح حتى يطلع كالثلج نقلب الاناء وهو لا لا صق في قعر الاناء ....
                ((الاناء ممسوح من الماء والبيض كدلك لان قطرةمن الماء لن تنجح البسكوي ))
                مللي طلعنا ابيض البيض نظيف الاصفر شوية بشويةمع التطراب المستمر ....نظيف السنيدة...مع التطراب
                نوقف التطراب ونظيف الدقيق مع نصف خمارة ونخلط باملعقةمن الفوق للتحت وندخلها للفرن تستغرق وقت قصير للطهي وهوهوالبسكوي واجد
                نزلت ليك الوصفة وخى ضيق وقتي كل من استفادت منها .ولا تنسوني من خالص دعائكم...اللهم رضاك والجنة



















                وحي القبور

                http://www.anaqamaghribia.com/vb/sho...098&highlight=

                تعليق


                • #9
                  السلام عليكم ورحمة الله وبركاته
                  الحبايب ربي يخليكوم على الشرح
                  انا عودتا مرة اخرى طرب البيض مع بعطو شوية عاد بديت كنزيد عليه المقادر اخرى السكر هو لمخلهشي يطلع
                  هاد الكيكة خس الاصفر ديال البيض يطرب مع ابيض البيض باش تجي فحال لكنت شفتا
                  الله يستركوم دينا واخرة
                  اللهم انفحنى منك بنفحة خير تغننى بها عمن سواك
                  اللهم ارزقني زيارة مباركة لمكة المكرمة وأسقني من ماء زمزم

                  3alamiNet
                  مدونتي (أشياء تخصني)

                  تعليق


                  • #10
                    السلام عليكم ورحمة الله وبركاته
                    ام الحلوين شكرا اختي على الطريقة ربي يوقاف معاك والله يرضي عليك دنيا واخرة ويرضي على الجميع
                    مرة اخرى كنشكركوم بزاف اخوتي
                    اللهم انفحنى منك بنفحة خير تغننى بها عمن سواك
                    اللهم ارزقني زيارة مباركة لمكة المكرمة وأسقني من ماء زمزم

                    3alamiNet
                    مدونتي (أشياء تخصني)

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X