عاونوني لله راني حايرة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عاونوني لله راني حايرة

    السلام عليكم ورحمة الله وبركاته
    اخواتي انا عيد زواجي قرب ومعرفت منهدي لراجلي وعاد كيتسالني كادو دعيد ميلادو معتيتوش ليه كنت يا الله ولدت ودابا خاصني نجمعهم ليه ب2
    عطيوني شي اقتراحات
    من غير شي عشييوة رومانسية حيت سالكنة مع واليديه
    ومن غير الساعة فايتة شريتها ليه
    ومن غير الريحة حيت البارفان ديالو تيجيبو معاه من برا
    ومن غير الشكلاط حيت مكاياكلوش
    :( والله الى حرت
    عطيوني شي افكار الله اجود عليكم من خيرو
    الحمد لله حمدا كثيرا طيبا مباركا فيه

  • #2
    [frame="3 80"]
    السلام اختي تقدري تهدي لو مصحف اللي هو من احسن الهدايا او شي اية قرانية يديها معاه لبلاد الغربة شي بكية ديال المسكة فلاش ههههههههههه اختي هاذ الجوج بانو ليا مزيانين انتي راك تعرفي اش لي كيعجب هديه ليه الله يكمل عليكم بالخير
    [/frame]
    [frame="7 80"]

    اللهم اغفر لوالدتي وارحمها واعف عنها
    واكرم نزلها ووسَع مُدخلهاا واغسلها بالماء والثلجِ والبْردِ
    ونَقّهِا من الذنوب كما ينقى الثوب الابيض من الدنس،
    وارحمنا إذا صرنا إلى ما صارت إليه وجازها بالحسنات إحسانا
    وبالسيئات عفوا وغفرانا وافتح أبواب السماء لروحها برحمتك
    يا أرحم الراحمين.

    [/frame]

    تعليق


    • #3
      انا مع راي الاخت ممكن تهديه مصحف لي كيكون في علبة خشبية مزوقة و الا كان راجلك عملو مكتبي يعني كيكون في المكتب بزاف ممكن تهديه شي ديكور ديال الكريستال يحطو في المكتب باش يشوفو يتفكر الكريستالة ديالو كاينين في واحد المحل في الرباط وسط المدينة زوينين منظر فيهم رائع

      تعليق


      • #4
        السلام عليكم انا عندي رأي آخر
        علاش متعطيهش شي حاجة تكوني مصيبها بيديك
        شوفي نتيا شنو كتقني و صيبه ليه
        أولا شريليه خاتم و قولي لمولاه يكتب فيه سميتك
        أولا إلا كانت عندو طموبيل
        خيطيليه مخدة صغيرة على شكل قلب يعلقها فطموبيل و كتبي فيها أحبك و كتبي سميتك باش ديما يشوفها و يتفكر أنك كتبغيه
        ولا مكنتيش كتعرفي تخطي شوفي شي خياطة هي تخيطهاليك و قوليلها شنو باغا ديري فيها
        و بالنسبة ليوم لي غتقدمي فيه الهدية وجدي ليه مزيان و إليك بعض الأفكار الرومانسية
        - غدي ديري شغال ديالك بكري و غدي تجيبي الورد و شمع يكون صغير و غدي ديري طريق بالشمع من حدا باب الدار و نتيا غدا حتى لمكان طبلة الأكل و غدي ديري فهداك الطريق الورد المشتت فالأرض و غدي تصيبي بطاقات رومانسية و جميلة و كتبي فيها الإتجاه لي يسلك فيه فحال شي لعبة
        غير يفتح باب الدار يلقاك طافية الضوء و شعلا الشموع و محددة بيهم الطريق و حدا الباب البطاقة الأولى مكتوب فيها "مرحبا بك حبيبي و نور عيوني واصل طريقك لتجد حبك الحقيقي"
        و غير يزيد شوية يلقى بطاقة 2 مكتوب فيها "تقدم أكثر حبيبي لم يبق إلى القليل أعشقك"
        و مني يوصل لباب البيت لي محضرا فيه المفاجئة غدي يلقى بطاقة 3 ملصقة بالباب و مكتوب فيها افتح الباب و أغمض عينيك يا روحي"
        ومني يفتح الباب غدي يلقى المفاجئة و هي عبارة عن غرفة مزوقها بالوروود و الشمع داير بالطبلة فالأرض و ديريه على شكل قلب بحيت الطبلة و الكراسا يكونو وسط القلب
        و تكون موجدة ليه الأكل لي كيبغيه
        و موسيقى رومانسية و هادئة
        المهم بلاما نطول عليك أنا راني خيالية كثر من الازم هههههههههه
        لا بغيتي أي أفكار نزيدها ليك فالرومانسية أنا موجودة
        غير لي بغيت نقوليك راه الهدية ماشي مهم تكون فاخرة أولا غالية المهم أنا من عندك واخا تكون حتى قبلة
        تحياتي

        تعليق


        • #5
          فكرة اخت قمر زوينة تخيلتها وعشتها هههههه غير في الخيال ههههه زوينة الفكرة بزاااف وملي يكون ماشي عطيه مصحف كيف قالت الاخت نور الفردوس
          الله يسعدكم اختي

          تعليق


          • #6
            واو هته انه عاندي نافس الموشكيله

            تعليق


            • #7
              المشاركة الأصلية بواسطة meriem01 مشاهدة المشاركة
              واو هته انه عاندي نافس الموشكيله

              إلا بغيتي أي استفسار فعالم الرومانسية و كل ما يحبه الرجال أنا موجودة

              تعليق


              • #8
                السلام عليكم ورحمة الله وبركاته
                هديلو كلمة قولي لو أنا أحبك أكثر من نفسي أينما تكون قلبي وحبي لك يمشي معك ومعيييييييييييييييييييييييييي اليهااااااااااااااااااا الهبييييييييييييييييييي

                تعليق


                • #9
                  اختى قمر السيدة قالت ساكنة مع دارهم وراكي رومانسية وزيادة تباركله عليك
                  غادي تشهيها مسكينة وهى مسكناش بوحدها
                  تقدري تهديليه مصحف بحال اللى قالو الاخوات والخاتم فيه اسمك او ديكور يعنى بحال هاد الشى
                  ومتنسايش البرفان من عند الحبيبة مشي بحال اللى شراه هوا تقدري تجيبى نوع زوين او ماركة كايبغيها كتفرق معاهم بزاف واخا عندو
                  الله يسهل عليك ويسعدك
                  لاتجعل الله اهون الناظرين اليك

                  تعليق


                  • #10
                    آآآآآآآآآآآآآآآه آسفة والله ما نتبهت ليها
                    خسارة والله
                    سمحيليا والله مقريت هاد المعلومة
                    أوووه شوفي أنا عندي ليك الحل واخا ساكنة معا دارهم
                    يمكن ليك توجدي ديكشي لي قلت ليك غير فبيت النعاس ديالكم
                    واخا ديكشي غدي دييره أقل مني لي قلت ولكن مفيها باس مكينش أحسن من المفاجئات الرومانسي واخا تكون بسيطة
                    و أنا فنضري هادا أجمل هدية تقديميليه

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X