القرعة الحمرا و الخضرا ما عرفت ما ندير بيهم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • القرعة الحمرا و الخضرا ما عرفت ما ندير بيهم

    السلام عليكم
    انا فين ما كنحصل فشي حاجة كنجي نطلب منكم المساعدة
    بالحق ما كتحشمونيش و كتهلاو فيا:D
    دابا بابا جاب بزاااااف ديال القرعة الحمرا و حتى الخضرا هاديك اللي كبيرة و مضورة عرفتوها بلا شك
    و انا ماعرفت ماندير بيهم و حتى كسكسو اللس كيجيو فيه زوينين ما كنعرفش ليه:confused:
    و المشكلة الدار كلهم مسافرين كاينا غير انا و يايا فالدار
    اللي كتعرف شي وصفة زوينة وساهلة نقدر نديرها بيهم تعتقني الله يرحم ليها الوالدين
    شكرا مسيقا

  • #2
    اهلا الغزالة
    اش داك ما تسافريش مع اخوتك ايوا هانتي حصيلتي

    بالنسبة للكرعة الحمرا الزين ممكن تعسليها و تعمليها كونفتور
    و ممكن تعملي بيها العصير


    باش تعسلي الكرعة الحمرا تنقيها و تفوريها وملين تطيب تعمليها فطاوة مع شوية السكر و 2معالق زيت و قرفة مطحونة
    و تبقاي تعسلي فيها على نار مهيلة حتى ترجع حال الكونفتير
    و احتفضي بيها
    ممكن تستعمليها مع الطواجن الحلوة تزوقي بيها اللحم من فوق
    او ممكن تحمري شوية شوية دالكركاع فالفرن و تعسليه مع شوية دالسكر خليه يبرد و هرمشيه و ضيفيه للكرعة و عمليه كويرات و زيني بيها الطواجن و بصحتك الزين


    الكرعة الخضرا الا كانت هديك الي كنعرف كتجي غزالة معمرة
    و الحشوة انتي و ما حبيتي
    رز مشرمل
    او رز و كفتة اللحم
    او رز و الحوت
    و بصحتك

    يالنسبة للعصير الكرعة الحمرا ملين تفوريها ضيفيلها خزو مسلوق و عصير الليمون و طحنيه مزيان و متنسايش السكر و بصحتك الزين
    sigpic

    تعليق

    المتواجدون الآن 1. الأعضاء 0 والزوار 1.

    أكبر تواجد بالمنتدى كان 2,525, 26-09-2016 الساعة 21:58.

    شاركي الموضوع

    تقليص

    يعمل...
    X