حلوة لسان الطير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلوة لسان الطير

    انا عضوة جديدة
    بغيت من السيدات لي تعرف طريقة عملالحلوة لي على شكل لسان الطير تعطيني المعلومات
    ولكن جزيل الشكر

  • #2
    نتمنى تلقاي الجواب انا اول مرة نسمع بيها
    ويمكن نستافد معاك
    اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

    تعليق


    • #3
      السلام عليكم
      اختي الوصفة في هذا الرابط

      http://www.anaqamaghribia.com/vb/showthread.php?t=13380
      اذا لم يعمل الرابط فابحثي في الصفحة 99 الوصفة للأخت المشتاقه إلى الجنه
      موفقه باذن الله

      تعليق


      • #4
        الف شكر

        الشكر الجزيل على الرد السريع ان شاء الله غادي نديرها وتصدق لي مزيانة
        دعيومعايا قربت موعد الولادة قرب

        تعليق


        • #5
          السلام عليكم
          الله يسهل عليك الولادة و يرزقك الذرية الطيبة

          تعليق


          • #6
            الله يسهل عليك الولادة

            تعليق


            • #7
              السلام عليكم و رحمة الله تعالى و بركاته

              لكل منا طريقتها فعمل حلوة لسان الطير
              لسهولتها مبقات تخطى حد من الدار
              و اليوم غنشارككوم طريقتي




              و طريقتي ساااااااااهلة

              كتبقى تقنية العمل هي هي لا تغيير

              التغيير الوحيد هو المكونات

              و طريقتي تحتاج

              كيلو دقيق فورص نوعية جيدة
              رابعة الزبدة لدة
              ملح
              خنيشة الزا فاني مشي الخميرة
              نص كاس ماء زهر و ما تبقى كمليه ماء عادي للعجين

              هنا استعملت نصف الكمية فقط





              اولا نبسسه الزبدة و الطحين
              و احسن طريقة لعمل دلك و هدا سر ههههه خليوه عندكوم
              نستعملوا الحكاكة دالخضرة
              كنقطعوا الزبدة و ناخدوها فيدينا مع كمية الدقيق و نحكوها من الجهة الصغيرة
              و غتلاحظوا ان الطحين كيتبسس فمدة صغيرة و الزبدة مكيبقاليهاش وجود





              نضيفه الزهر و الماء شوية شوية للحصول على عجين يكون قاصح
              نعجنوه مزيان
              و نشكلوه كويرات بحجم بيضة نخليوها ترتاح نصف ساعة





              نطلقوها رقييقة مع رشيشة الطحين
              و نصهدوها على الطاجين
              متخليوهاش تنشف




              شوفوا كيف رقيقة قبل و من بعد ما طابت
              و لونها متغيرش




              كل ما نطيبوا حبة نعملوها فوق اختها الي طابت و نغطيوها مزيان باش متنشفشي معانا

              شوفوا كيف طالعين غزاالين و لون وااحد





              طريقة التشكيل الكل كيعرفها

              كنلفوها خفف
              و منضغطوش و منزيروهاش
              خليوها مرخوفة فاللوية
              لصقوها فالاخير بخليط دقيق و الماء
              و احتفظوا بيها دائما مغطية




              نقليوها فزيت سخوونة لكن على نار متوسطة الحرارة
              نطفيوها فالعسل و نخليوها تقطر



              و قدموها كيف حبيتوا
              مرشوشة بلوز او زنجلان
              منقول
              Read more: http://www.anaqamaghribia.com/vb/sho...#ixzz23v3rNwch

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              شاركي الموضوع

              تقليص

              يعمل...
              X