ساعدوني إخواتي جزاكم الله خيرا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ساعدوني إخواتي جزاكم الله خيرا

    أنا تزوجت حديثا (7 أشهر) خلال هذه المدة لم أطبخ ولا مرة الحريرة المغربية لأنني لم يسبق لي أن أعددتها و زوجي طلبها مني مرارا .
    أرجوكم ساعدوني بالطريقة و المقادير من فضلكم
    و جزاكم الله خيرا .

  • #2
    مبروك عليك الزواج وخا معطلة شوية
    اختي ادخلي فهرس شهيوات رمضان او القسم الخاص بالشوربات وستجدين ان شاء الله كل ما تريدين

    تعليق


    • #3
      السلام عليكم و رحمة الله نعالى وبركاته

      الف مبروووووووووووك اختي و الله يسخر ليك ويسعدك.

      بالنسبة للحريرة راها ساهلة ماهلة..انا نقول ليك طريقتي اوكي.

      اول حاجة ناخد الماء و كنطيبوا مزيان و ناخج كمية اللي نحتاج ديال الحمص

      ونقيه ونديروا فشي كاسرول و نخوي عليه الماء الطايب ونغطيه ونخليه يترخف حتى للصبح

      اولا يلا نسيتوا بالليل نديروا في الصباح ونخليه حتى العشية .

      ايوا الالة في العشية كناخد دالك الحمص يكون ترخف لينا, وناخد الكوكوط وناصها بالماء

      وندير فيها الحمص و شوية ديال الملحة و نسدها و نزيرها ونردها فوق البوطة يطيب الحمص.

      في هذه الاثناء نوجد الشرمولة ديال الحريرة وهي : كناخد 5 او 6 مطيشات ونقسمهم على زوج

      ونحكهم في الحكاكة و ناخد نص بصلة صغيرة و نحكها حتى هي, ثم نجيب الربيع اي القزبور

      و المعدنوس و الكرافس حتى هو راه مهم جداااا في الحريرة ..تاخد المهراز ونقطع فيه الربيع

      ديالنا وندير فوقه القليل من الملح و ندقوا مزيان ..ولما يدق نضيفوا فوق الطماطم و البصلة

      اللي حكيت, ثم اخد العطرية المكونة من نصف ملعقة صغيرة سكينجبير و نصف م ص ابزار

      وشوية الملحة ما تكثريش لاننا درناها مع الحمص و مع الربيع + شوية الزعفران و نصف م ص

      التحميرة( المهم العطرية عينك ميزانك انت و القدر اللي غادي ديريه ديال الحريرة )

      ثم اخد القليل من لحم الدجاج واقطعه مربعات صغار شوية ويلا كانت الكبدة و القنصة او لا

      اللحم الاحمر لان اللحم في الحريرة كيعطيها مذاق رائع..( انا لا استعمل كنور ابدا)

      ايو هذه المقادير نضيفها على الطماطم و البصلة و نغطهم حتى يطيب الحمص, تبقاي تردي البال

      يلا سنشف ليك الحمص من الماء...ايوا لما يطيب الحمص داك الماء اللي فيه نخليه اوكي ونرمي

      فيه ديك المقادير اللي كنا خليناها على طرف.

      ونسد ثاني وملي تدور الصفارة نحسب شي ربع ساعة ولا 20 دقيقة..ونحل ثاني ويلا بان لي

      الماء قليل نزيد شوية على حساب القدر اللي بغيتي.

      ونكون وجدت الطحين اللي غادي ندور به الحريرة ( كناخد الطحين الفورص و نديروا فشي

      اناء صغير ونكب عليه الماء دافئ شوية و نخدموا بيدي مزيان حتى يتطلق الطحين

      وما يبقوش فيه دوك الكويرات الصغار..) وقبل ما نضيفوا ندير شوية ديال الشعرية

      والمحمصة ونخلي الناء يغلي.

      شوفي ومالي يبان ليك الماء كيغلي و تيغي ديري الطحين نصيحة لك خوي في

      الحريرة كاس من الماء البارد باش ما يتجمعش ليك الطحين.

      ايو وتبقاي تخوي في الطحين و انت كتخلطي بالمغرف وفي هذه اللحظات ضروري

      تبقاي جنب الكوكوط لانه خاصك تبقاي تخلطي في الطحين حتى يطيب.

      وباش تعرفي الطحين طاب ليك راه ملي كيكون كيطيب كتبان ليك البيوضية ديالوا

      في الالوسط شوية و في الجناب و كتبقى تزول من الوسط و هي غادة للجناب

      حتى كتختفي بالمرة صافي..وتكوني طلقتي شي 1 ملعقة كبيرة ونصف و لا 2 معالق ديال

      مطيشة الحك فشي زلافة بشوية الماء بارد و ملي يطيب ليك الطحين زيدي المطيشة و خليها

      تغلي شوية و هاالحريرة واجدة بالصحة و الراحة اختي..

      حاولت نكتي ليك الطريقة بالتفصيل الممل وهذه طريقتي الخاصة و الكل كتعجبوا..

      اتمنى تصايبيها و تعجبكم و بالصحة و الراحة.






      تعليق


      • #4

        تعليق


        • #5
          merci bcppppppppppppppppppppppppp a khoti manssach khirkom walah o khossossan amoura2008

          تعليق


          • #6
            تستاهلي كل خير حبيبتي اية

            ان شاء الله تجربيها و تجيك غزالة و تفرحي زوجك بها

            كنتمنى تردي علينا حبيبتي aya

            و بالصحة و الراحة كلنا اخوات هنا



            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            شاركي الموضوع

            تقليص

            يعمل...
            X