Houta fi lfaran

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • Houta fi lfaran

    السلام عليكم ورحمة الله وبركاته

    kidayrin albnate labass 3likom

    3andi houta kbira galte lia lwalida n3amarha wa ndirha fi lfarane walakin ana brite tgolo lia achman tarika tadiro wa bache tatrafko had lhouta
    samholi llah yirham lwalidine
    تعلمـت ما نجــــرح حـــد
    بــاش مـا نتجـرحــش

  • #2
    اختي ادا كانت الحوتة كبيرة ولحمها ابيض انا احسن طريقة كتعجبني بيها هي الطريقة ديال تطوان يعني حوتة شمالية

    تاخدي البصلة وتقطعيها جوانح وعمليها تتقلى فشوية دالزيت

    حكي مطيشة وقطعي المعدنوس وزيدي عليهم الابزار والزعفران وسكنجبير شوية والملح والزيت وملعقة دمركز الطماطم خلطي مزيان المقادير وشرملي بيهم الحوتة خليها على جنب

    ادا بغيتي ديريه طاجين بالبطاطا ديري غير 2 بصلات اولا ادا مبغيتيش البطاطا كتري من البصلة حتى 4 بصلات كبار

    خليهم حتى ينزلو فالزيت مزيان وديريهم فاناء اللي كيدخول للفرن عملي البصلة فالاناء وديري فوق منها الحوتة مشرملة وحتى التشرميلة اللي بقات
    وعملي معاها حفنة دالزبيب ومرقي بشوية دالمرقة وغطيها بالمنيوم ودخليها للفرن

    اما ادا بغيتيه مع بطاطا ملي تشرملي الحوتة قطعي البطاطا دوائر

    و1 فلفلة حلوة
    و1 جزارة الفلفلة والجزر ديريهم فاسفل الطاجين دير فوق منوم البطاطا دوائر ومن فوق الحوتة مشرملة والترميلة اللي معاها والبصلة اللي شحرتي فالاول و2 دوائر حامض من فوق الحوتة وديري المرقة وخليه يطيب فوق البوطة ملي يطيب يبقى غير شوية دالمرقة دخليه للفرن يتحمر من الفوق وبالصحة والراحة

    اما ادا كنتي تسرديه لفران ديال الزنقة كتسرديه من الاول يعني بلا مطيبيه فالبوطة وحتى النوع الاخر يمكن تسرديه لفران الشعبي كتجي اللذة اكثر

    انا هدشي اللي كنعمل ولكن كنطيبو غير فالدار حيت مهنا فران شعبي

    تعليق


    • #3
      baraka llah fik akhti ma3nadi mantsalk walah makasarti

      llah yirham lwalidin
      تعلمـت ما نجــــرح حـــد
      بــاش مـا نتجـرحــش

      تعليق


      • #4
        مكين مشكل اختي حنا هنا باش نتعاونوا....وجربيها وردي عليا الخبار

        تعليق

        المتواجدون الآن 1. الأعضاء 0 والزوار 1.

        أكبر تواجد بالمنتدى كان 2,525, 26-09-2016 الساعة 21:58.

        شاركي الموضوع

        تقليص

        يعمل...
        X