إعـــــــلان

تقليص
لا يوجد إعلان حتى الآن.

عندي العراضة ديال صحاب راجلي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عندي العراضة ديال صحاب راجلي

    السلام عليكم أخواتي .نتمني تكونو بألف خير في هدا الشهر الكريم،طلبي باين من العنوان راجلي غدي إعيط علي صحابو للفطور أوطلب مني نوجد شهيوات غزاااااالن أو بالخصوص حيت غدي إكونو معاه شي وحدين جزائرين إوا ختكم تلفات أو قلت نجي نسول خواتاتي اللي مغديش إبخلو علي بالمساعدة أو راه غدي إكونو9أشخاص.عافكم متبخلوش عليا الله إجزيكم كل خير أو العراضة راه يوم الإثنين مبقي والو
    راح ذاك الزمان وناسه وجاء هذا الزمان بفاسه


    ]

  • #2
    السلام عليكم ورحمة الله وبركاته
    الحريرة المغربية
    مسمن مغربي
    مخمرااات معمريين
    طاجيين
    عصائر
    شباكية
    تمر شاي وقهوة
    كيك
    بيييتزا
    بسطلات
    والله افقك اختي .....


    وحي القبور

    http://www.anaqamaghribia.com/vb/sho...098&highlight=

    تعليق


    • #3
      السلام علكم اختي ام شعيب
      المهم كانت عند عراضة ديال صحاب راجلي الاسبو ع لي فات غنكول ليك اشنو وجدت حتى انا كونت تالفة
      درت جوج ديال المائدة الاول درت فيهاالتمرمع الحليب في الكيسان +الحريرة الحمظة+الشوربة بالخظرة بش لمتيشربش الحريرة +الشباكية التمر البيض مسلوق الشريحةوالعصائر حيت الرجال عزيز عليهم العصير درت عصير الحليب بالفوكة عصير البرتقال المهم المائدة تكون متناسقة كول واحد بالكاس ديالو قدامو والزلافةتحت منهاالطبيسلة المهم انت تعرفي كتقدي المائدة راه الجزائرين واعرين في الظبخ......
      المائدة التانية مكترتش المعجينات درت فيها الصينية ديال اتاي +القهوة والحليب +البيتزا درتها بالدجاج +البريوات بالحوت +المحنشات صغار بالحوت+بالبطبوت صغير عمرتو بالكفة ومطيشة +الكيكة +بغرير +المسمن +معهم زلافة ديال العسل زلافة الزبدةالبلدية زلافة ديال املو لي بغا يسقي البغرير والمسمن.... زوقي الطباسل بالخوس وطراف ديال الحامض المهم اكو ن داكشي مقاد ....نسيت كباب ديال بيبي درتو في طبسيل زوقتو بالخوس والخيار وطراف ديال مطيشة 0

      العشاء وجدت البسطيلة ديال الدجاج +الطجين معسل باللحم والبرقوق +المونادة الديسير درت الكريم كرميل ومعه الفواكه

      كنتمنى انكون فيدتك اغلب الوصفات لي درت خديتهافي اناقة مغربية المهم راجلي شكرني بزاف كال ليا حمرتي ليا وجهي

      تعليق


      • #4
        شكرا لكوم أخواتي علي المساعدة أو الله إجعلها ي ميزان حسناتكم،

        أوتبارك الله عليك أختي تححيت الله إعطيك صحيحتك
        راح ذاك الزمان وناسه وجاء هذا الزمان بفاسه


        ]

        تعليق


        • #5
          بسم الله الرحمن الرحيم مشكوووووور والله يعطيك الف عافيه

          تعليق


          • #6
            شوفي الحبيبة بالنسبة الفطور ديري هذه الإقتراحات
            بسيطلات صغار ديال الدجاج أو الحوت إلى ممتوفرش عملي هذي كنعوضها بديا الحوت إختراعي هههههه
            1 ورقة بسطيلة ،الطون فمقلة ديري شوية زيت ،العود صوص صوجا ملح ابزار ربييع يتشحر
            زيدي ليه خزو محكوك زيتون أخضر مقطع الهريسة فرميسيل (شعرية الشينوا)السبانخ إختياري
            دهني الورقة مزيان بالزبدة حطي الحشو وفرماج محكوك ودخليهم الفران يتحمرو
            ديري بريوات كروفيط مع السبانخ أو البطاطا و الفرماج
            بطبوط صغير معمربالكفتة والزيتون مقطع أو الكاشيير محكوك الفلفلة والزيتون أسود أو الطون و خزو نتي واش تبغي
            الحريرة ضرورية
            تمر شباكية
            ديري حرشة صغيرة بغرير مسمن عادي أو بالشحمة وديري حتى مسمن مقلي و مطفي فالعسل
            البيض كرواصة ...
            العصير ديال اأفوكا عصيرالبرتقال مهم ديري 2 أنواع أنا يعجبني ختراعي
            عصير البرتقال نخلط معاه الفوكه لي عندك التفاح البنان الدلاح الفريز....لي عندك
            إوا ملي يرجعو من التراويح حطي براد ديال أتاي مع التمر الشباكية سلو المسمن مطفي فالعسل كيكة ...
            فالسحور ديري الدجاج سوا صاينة أو فخاد و جناح محمرين
            سلقي الروز وشحريه مع الزبدة ملح ابزار ثوم ربيع خرقوم إختياري وتحطي عليه الدجاج محمر
            ديري شلاظة و زعلوك زيتون
            فالدسير ساوبي كريم كراميل سواء ليكيتحضر أو ساشيات
            إو حبيبة نتمنى إقتراحات ديالي تعجبك إلى معرفتيش شي مقادير قوليها نعطيهم ليك










            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            يعمل...
            X