سفرجل معسل

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سفرجل معسل

    السلام عليكم
    اخواتي بغيت نطيب سفرجل معسب باللحم و ماكنعرفش لي عندو شي طريقة يقولالي الله يجازيكم

  • #2
    السلام عليكم
    اختي غادي تقطعي سفرجل سنانف و تديريه فى الماء يتصلق ومنين يقرب يطيب زيدي ليه سكر و قرفة وخليه يتعسل

    تعليق


    • #3
      ديري مرقة اللحم بوحدها ملح بزار زعفران ربيع مقطع زيت بصلة مقطعة خلي المريقة حتى توقف بالنسبة للسفرجل مسيحه وماتحيديش ليه القشرة وقطعيه إما على 2 أو 4 على حسب الحجم ديالو وطيبيه في الماء مع شوية ديال القرفة وملي يقرب يطيب ضيفي ليه سكر سنيدة حسب الدوق ديالك وبداي تعسلي فيه حتى يعقاد وحطي االلحم و المرقة في الطبسيل و ديري فوقو السفرجل معسل وبالصحة و الراحة أختي و أربعة

      تعليق


      • #4
        شوفي الحبيبة اول حاجة تنطيب اللحم
        تندير معاه الملح+الابزار+سكينجبير+قرفة+خرقوم+زعفران حر+تنشلظ 2 بصلات كبار+ربيع
        الا كنت غادية ندير طاجين متنمرقش نهائيا تنخلليه تيسخن مزيان و تنقص البوطة بزاف و نخلليه يطيب.
        السفرجل تنغسلو مزيان قبل من قطعو .....منين تنقطعو مثلا على 4 تنفلحو من الفوق و نخلليه يطيب...ديريه في الكوكوط منين يقرب يطيب زيدي عليه القرفة و السكر و خلليه يتعسل حتى يطيب السفرجل
        اوا هاهو طاب تنحطو الطجين ديالنا و تنستفو السفرجل مع الجناب و تنزينوه بالزنجلان
        و بالصحة و الراحة

        تنكتب بسرعة حيت الاذان ديال المغرب غادي ياذن دبا ....نتمنى تكوني فهمتي الطريقة راه ساهل بزاف

        تعليق


        • #5
          مشكورة اختي rabatia 12 و sadi9at lkol و ام حفصة على ردودكم و الله يجازيكم بخير

          تعليق


          • #6
            السلام عليكم ورحمة الله تعالى وبركاته
            زيادة على طريقة الاخوات طريقتي كنسلق السفرجل نص سلقة وكنحيد الماء الاول ديال السليق وكنعمل السفرجل مع شوية ديال القرفة والسكر او العسل والزبدة والزعفران او ضامة الزعفران وشوية من مرق اللحم ونخليه يكمل الطياب حتى يتعسل وبالصحة والراحة كيجي لذيذ وممتاز وحتى انا غادا نعسلو دابا ان شاء الله
            وملي كيكون عندي بزاف كنسلقو وكنعملو في المجمد لحين الاستعمال نتمنى نكون افدتك وبالصحة

            اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

            تعليق


            • #7
              شكرا بزاف اختي نجاة 44 على ردك و الله يجازيك بخير

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              شاركي الموضوع

              تقليص

              يعمل...
              X