إعـــــــلان

تقليص
لا يوجد إعلان حتى الآن.

بغرير بغرير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بغرير بغرير

    السلام عليكم ورحمة الله وبركاته كيف حالكم نتمنى تكونو بخير عندي مشكل مع بغرير كان كيجيني غزال و دابا ولا كيصدقلي حاجة خرى هههههههه راجلي ولى كيقولي بلاما تعدبي راسك او تصاوبيه ههههههههههه هاد الايام وليت كنصوبو يوميا علا و عسى يصدق سعى والو واحد ينسيك فلاخر وليت كنلكلو بوحدي ههههههههه شناهوا المشكل فندركم وشكرا ليكم بزاف

  • #2
    عليكم السلام ورحمة الله وبركاته
    أختي منكدبش عليك أنا من شحال هادي معملتو وديما تنبغي نديرو غير مع الخدمة ... ولكن إن شاء عن قريب غنحاول نديرو، حنا تنديروه وهاذي طريقة ماما العزيزة بالحرش فقط لا فورص ولا سميدة ولا يحزنون وتييجي روووووعة ومتقب إن شاء الله عن قريب نزلولو فهاذ المنتدى
    بالنسبة ليك أحبيبة قلتي أنكِ كان تيجيك مزيان أظن أن المشكل في المقلاة حينت خاص تكون المقلة خاصة ديال البغرير تستعمليها فقط للبغرير والكريب حينت كثرة الاستعمالات تتخرج على المقلاة
    هذا أظنه من الأسباب وتنتمنى الأخوات يدخلوا ويفيدوك كثر
    وتنحييك على عزيمتك وإرادتك وحماسك في صنع البغرير ههههههه
    الله يبارك فيك ويحفظ ليك زوجك ويخليكم لبعضياتكم

    تعليق


    • #3
      شكرا اختي نهال ولكن حتى المقلى استعملتها جديدة و لكن بدون جدوى انا كنعملو غير بالسميدة باش مادرشناش اوا الله يعيني عليه هههههههههه وانا في انتضار الوصفة شكرا لك الله يجيك بالخير و يخلي ليك الاسرة ديالك

      تعليق


      • #4
        السلام عليكن كن جربةي البغرير ديال ام ادم راه مضمؤن

        تعليق


        • #5
          السلام عليكن كن جربةي البغرير ديال ام ادم راه مضمؤن

          تعليق


          • #6
            أنا تندير وصفة ساهلة 1/2 كيلو فينو
            خميرة حمراء
            شوية خميرة الخبز
            بيضة
            الملح و قبصة سكر

            تنخلط الكل و تنزيد عليهم ماء دافئ و تنوضعو في الخلاط الكهربائي من بعد تنخليه يخمر و تانبدا نطيب فيه عادي (ملاحظة ما خاصش تكون العجينة ثقيلةخاصها تكون خفيفة شوية) ماشي جارية عاوتني

            تخرج ليا تبارك الله مثقب و تيجي خفيف ماتتقلش على المعدة ,

            ملاحظة أخرى أنا فاش تنكون تنطيب بغرير تنجهد العافية شوية لأن الى كانت العافية مهيلة ما تثقبش .

            علمتني الحياة ان اجعل قلبي مدينه بيوتها الحب وطرق حياتها التسامح
            وان اعطي ولا انتظر الرد على العطاء

            تعليق


            • #7
              البغرير الا بغتي يطلع غزال ديري الماء بارد وهده نصيحة من اللقاء المفتوح وفعلا النتيجة راءعة والطريقة هي ديري الماء بارد والسميدة رقيقة والملح وخميرة الخبز وخميرة الحلوة2 السميدة تقريبا رابعة والماء تحاولي مايجش جاري يكون متوسط وديره في مولنكس يتطحن لمدة6حتى 8دقائق يخمر شوي وطيبه بالصحة والراحة انا كيطلع زوين نتمنى نفيدك

              تعليق


              • #8
                salam hta ana akhti kan kaydirha bya owa7ed ynasik f lakhor odar kayda7ko 3lia wgalt lia mart khali rah man monenex wfi3lan badalt monenex wjani wa3er mta9ab f7al chahda badli monenex wraj3i 3lia lkhbar

                تعليق


                • #9
                  أختي نقول ليك واحد الحاجة حتى أنا كان تيجيني غزال من بعد واوالو ولا كيف الصحراء دابا ولا عندي بغرير هو البسطيلة كنتشهاه و مانقدر نديروو

                  تعليق


                  • #10
                    السلام عليكم ورحمة الله وبركاته
                    كيما وعدتك أختي أملينة
                    ها الرابط ديال وصفة البغرير
                    http://www.anaqamaghribia.com/vb/showthread.php?t=90682

                    تعليق


                    • #11
                      ا لسلام عليكم ورحمة الله وبركاته انا عندي طريقة لا تحتاج مقلاة ممتازة كيفما كانت يصدق 500غ سميدة رقيقة +قليل من الفورص 2 خمارات حمرين ملح خميرة معجونة 6 او7 كيسان ماء دافي خلطي الكل في الخلاط ر طيبيه بالصحة
                      لا اله الا الله محمد رسول الله


                      sigpic

                      تعليق


                      • #12
                        diri tari9a dyal l okht sandra 27 hiya li kandir dima kayji tbarkallah rzal rir ana makandirch sokare rayjik zwin khososan ila khalati fih bayda kayji bnin o matansaych ana ldaghrir katabrih l3in rir 9ray lmo3awidatayne fach tkoni kadirih o ayat lkorsi ma3a lbasmala dima tab3an oradi 3liya lakhbar rah ta ana kadakhlo liya l3in rir kan7ayadha lih kayarja3 zwin ti9i biya

                        تعليق


                        • #13
                          السلام عليكن

                          انا تنتبع هذه الطريقة و كيجي رائع

                          تنخدو زلافة او كاس على حسب القياس لي بغينا

                          2 كيسان فينو النوع الممتاز

                          1كاس نص فورص ونص سميدة رقيقة

                          5 كيسان ماء دافي او 5 ونص على حسب نوع الدقيق

                          شوية خميرة معجونة + 2 خمارات حمراء +2م.ك. سنيدة +ملح

                          في اناء يخلط الدقيق +سنيدة+الملح+الخميرة+4 كيسان ما ثم يخلط في الخلاط

                          مع اضافة الكاس الخامس د الما شوية بشوية وفي الأخير نضيف الخمارة والى جا ثقيل شوية نزيدو النصف الاخر

                          يترك البغرير يرتاح من 10الى15 دقيقة ونبداو نطيبو على نار متوسطة .الى خليتوه كثر من هد المدة مكيجيش زوين


                          وبالصحة والراحة
                          جربوه وردو عليا الخبار
                          اللهم إنك سلطت علينا عدواً عليما بعيوبنا - يرانا هو وقبيله من حيث لانراهم -- اللهم آيسه منا كما آيستـه

                          من رحمتك وقنّطه منا كما قنّطـته من عـفوك -- وباعــد بيننا وبينه كما باعـدتينه وبين رحمتك وجنتك*

                          (الدعاء اللذي يخافه الشيطان)

                          تعليق

                          المتواجدون الآن 1. الأعضاء 0 والزوار 1.

                          أكبر تواجد بالمنتدى كان 2,525, 26-09-2016 الساعة 21:58.

                          يعمل...
                          X