إعـــــــلان

تقليص
لا يوجد إعلان حتى الآن.

راجلي و الحوت ...هم ما يفوت

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • راجلي و الحوت ...هم ما يفوت

    الله يجزيكم بخير بغيت شي اكلات ديال الحوت راه راجلي قهرني بالحوت و وفواكه البحر لدرجة انا كرهتو واخا كان عزيز عليا الحوت و لكن راجلي ولا عندو الحوت بحال الخبز يوميا كياكلو راه عيت من المقلي و المسلوق فالحوت مكرهتش شي وصفات بالكلمار و الكروفيت ...الخ ومكرهتش كاع يكون قسم خاص بالسمك و فواكه البحر ... كنتمنى يكون هاد القسم باش نقل منه وصفات دالحوت لي كرهني فيه راجلي ولكن اشغندير خصني يبقالي على خاطرو هوا راه مكرهش نكون حوتة حتبكترت ماعزيز عليه الحوت ولات كتجيني الغيرة منه ؛ الله يعطيكم مكمناوتتمناو شوفو من حالي :o

  • #2
    ههههههههههه ضحكتيني وليتي تغري من الحوت

    قولي شنو انواع السمك اللي موجودة عندك ونعطيك وصفات ديالها

    مثلا السردين باش تغيري من طريقة التقديم ديالو العادية

    ديريه في الفرن قطعي دوائر من البصل وفرشيها في صينية الفرن وديري فوق منها السردين مخلط مع فلفل احمر اللي هو التحميرة والكمون والملح والزيت وديره من فوق البصلة وزيدي نصف كاس ماء في جنب الصينية ودخليها للفرن كيجي راائع

    عندي وصفات اخرين بالنسبة للحوت الكبير الابيض طريقة بالبصلة والزبيب

    ادا بغيتي نزيد نكتبلك

    اما بخصوص الكلمار والكروفيت راه كاين وصفات فالمنتدى مزيونين

    تعليق


    • #3
      الحوت ولا كيخرج لي من ودني راه فقصني البارح جيب لي كيلو دسردين و راية منقيش قلت له والله حتى تنقيه نتا ودار لي خاطري ولكن بغيت نوع شوية كل مرة ندير وصفة فشكل الى كان قسم خاص بالحوت غيكون احسن هكدا نتبادلو الوصفات وهاد الوصفة لي عطيتني اختي مغربية مغتربة هيا لي غنديرها نشالله للعشا باش نفك عليا السردين وشكرااااا بزاااف اختي الله ياربي فينما حطيتي يديك و رجليك تلقاي الخير

      تعليق


      • #4
        ضحكتيني باغا ترجعي حوتة كاع ايوة الالة هذو وصفات جمعتهم لك للكروفيت والكلمار ان شاء الله يعجبو راجلك
        كلمار

        دقيق

        كمون

        سودانية

        حبوب قسبور مطحون

        ياغورت

        شبت







        الطريقـة



        تقطع الكلمار.

        مع إضافة الملح والكمون والسودانية إلى الدقيق.

        إضافة الياغورت الى الكلمار وغمسه في خليط الدقيق.

        قلي الكلمار في الزيت كتخليه غير يبان محمر يعني ما تكملش حتى 2 دقايق

        .






        2) كلمار طاجن :

        كلمار

        القسبور

        كرفس

        طماطم

        بصل جوانح

        ثوم

        كمون

        ملح

        ابزار



        الطريقـة





        قلي البصل مع إضافة الثوم والكمون والملح والابزار.

        إضافة الطماطم والكرفس والقسبور.

        تقطع الكلمار وإضافته.

        ترك المزيج على نار هادئة.


        الكلمار المحشو بالأرز

        الكلمار يكون من نفس الحجم و يتم تنظيفه دون تمزيقه ؛ يقطع رأسه و أجنحته فقط إلى مكعبات.

        العناصر و المقادير بالنسبة للحشوة:
        رأس وأجنحة الكلمار مقطعة إلى مكعبات.(حسب الرغبة)
        بصلة كبيرة مقطعة إلى قطع صغيرة جدا.
        3معالق الزيت
        2 طماطم
        250غرام من الأرز
        ملعقة كبيرة من البقدونس
        ملعقة صغيرة ابزار
        نصف ملعقةصغيرة الزعفران
        ملح حسب الذوق
        تحضير الحشوة:
        شحري البصل المقطع في الزيت حتى يذبل و يتحمر شوية ثم تضاف إليه أجنحة و رأس الكلمار, تترك قليلا و تضاف إليها مطيشة من بعد ماتكون تنقات و حيدنا ليها الزريعة ديالها.
        تملح و تتبل الخليط ويضاف إليها الزعفران .
        تخلط العناصر جيدا و تطبخ حتى يتبخر كل الماء ثم تنزل من فوق النار و يضاف إليها الأرز و البقدونس المفروم .
        يخلط الكل جيدا و يحشى به الكلمار إلى 4/3فقط لأن الأرز سيزداد حجمه أثناء الطهي .
        تخاط فتحة الكلمار مع الإحتفاظ بفتحتين صغيرتين ليتمكن المرق من التسرب إلى داخله .أو تغلق على بأعواد

        العناصر و المقادير الصلصلة:
        بصلة مقطعة قطع صغيرة
        4ملاعق كبيرة الزيت
        ورقة سيدنا موسى
        4 طماطم
        ملعقة صغيرة ابزار و قليل من الزعفران.
        ملعقة كبيرة من البقدونس المفروم
        ملح
        طهي الكلمار المحشو :
        شحري البصلة في الزيت على النار تملح وتتبل ويضاف إليها الزعفران تخلط و يرمى فيها الكلمار بلطف كي لا يفتح ثم يضاف إليه كوبان من الماء وورقة الغار تغطى الطنجرة و يتابع الطبخ بعد ساعة وربع أو ساعة ونصف و عند التأكد من ليونة لحم الكلمار تضاف الطماطم المفرومة دون قشور و بذور
        تترك تطبخ حتى تلين ، عند التأكد من نضج الكلمار و تماسك المرق يضاف البقدونس وتنزع الطنجرة من على النار.

        طاجين الكروفيت
        المقادير
        :



        كيلو كروفيت مقشر
        3
        حبات طماطم مقطعة صغيرة
        فص ثوم
        زيت زيتون
        ملعقة كبيرة من مركز الطماطم مذابة مع ملعقتين من الماءالحار
        الكمون+السودانية+ملح
        المعدنوس مقطع
        ورقة سيدنا موسى


        الطريقة
        :



        نمزج الكروفيت مع المقادير المذكورة كلها ونخليوه يطيب على نار
        هادئة

        الكروفيت المحمر مع الارز
        المقادير
        * 4 حبات فلفل أخضر
        * 4 حبات طماطم
        * 4 ملاعق زيت المائدة
        * 300 غرام أرز ذو الحبة الطويلة
        * بصلة مفرومة
        * 4 فصوص ثوم مفرومين
        * مكعب مرقة الدجاج مذاب في كأس من الماء
        * باقة بقدونس مفرومة
        * عصير ليمونة حامضة
        * كيلو غرام كروفيت
        * ملح
        * ملعقة صغيرة ابزار
        * ملعقة صغيرة فلفل أحمر حلو
        * نصف ملعقة صغيرة فلفل أحمر حار

        طريقة التحضير
        * في مشواة فوق نار معتدلة، ضعي الفلفل الأخضر يشوى من جميع الجوانب.
        * عندما يشوى جيدا ضعيه في كيس بلاستيكي واقفلي جيدا الكيس وانتظري حتى تبرد، ثم ازيلي القشرة بكل سهولة.
        * احرصي على عدم استعمال الماء اثناء نزع قشرة الفلفل المشوي، وبعد تقشيرها اغسليها جيدا بالماء الغزير ثم قطعيها الى شرائح.
        * في إناء معدني كبير، يصلح للدخول الى الفرن، ضعي 2 ملاعق كبيرة زيت، واضيفي الأرز وقلبي جيدا فوق نار معتدلة.
        * اضيفي الكروفيت المقشر والمنظف جيدا، الفلفل المشوي والمقطع الى شرائح، الثوم المفروم، البصل المفروم، عصير الحامض، مرق الدجاج، الملح، الابزار، الفلفل الاحمر الحلو، الفلفل الاحمر الحار والبقدونس المفروم.
        * خلطي الكل جيدا ثم اضيفي الماء وادخلي الاناء الفرن ليطهى لمدة 30 دقيقة.
        * عندما يتحمر وجه الاناء اخرجيه من الفرن وقدميه بالف صحة وعافية

        <DIV align=center>الكروفيت مقلي بالثوم


        المقادير

        250 غرام الكروفيت كبير الحجم
        2 ملاعق زيت الزيتون
        2 فصوص الثوم مدقوق
        معدنوس
        زعتر
        قليل من الفلفل الاحمر
        ملح
        إبزار

        الطريقة

        في مقلاة تسخن الزيت قليلا ثم نضيف الثوم والكروفيت
        تضاف التوابل مع التحريك
        يرش المعدنوس مفرما والزهتر محكوكا ويترك الخليط فوق النار مدة 5 دقائق
        يقدم ساخنا مصحوبا بدوائر الحامض
        اللهم بارك لي في أولادي ووفقهم لطاعتك واهديهم وخذ بأيديهم إليك يارب






        تعليق


        • #5
          اله يعطيكم الصحة والله بديت كنتهنى شوية ايوا ارا برع لي عندها شي وصفة بحرية تفيدنا كاملين

          تعليق


          • #6
            ضحكتيني بزاااف الله يضحكك وسعداتك بالحوت كل نهار ولكن بصح راه يقلق يوميا . ولكن راه صحي عندي طريقة للسردين زوينة تقبطي
            خيزو محكوك والكرعة محكوكة وتشحريهم مزيان مع شرمولة ديال الحوت غادي تكوني دابا خبيرة فيها ههه وتضيفي عليهم الشعرية الصينية بعدما تعمليها في ما غليان مع ورقة سيدنا موسى
            وتقبطي السردين تقسميها على زوج وتحطي شوية ديال العمارة وتلوي الشريحة ديال الحوت وهاكا تتكملي الحوت الي عندك تم تعملي لصوص ديال مطيشة راكي عارفاها اكيد تخويها فطبسيل الفران وتستفي فوقها الحوتات الملويات وتدخليهم الفران وممكن تزوقي بالفلفلة الملونة وبالحة والراحة
            اسعدني تواجدي في هذا الجمع المبارك
            شكرا لكل من تبدل من اجل نفع اخواتها في الله


            تعليق


            • #7
              <b><span>
              اللهم بارك لي في أولادي ووفقهم لطاعتك واهديهم وخذ بأيديهم إليك يارب






              تعليق


              • #8
                كتاب الاسماك
                http://www.ziddu.com/download/6249701/samakrm.rar.html
                او برعي ليا سي السيد ديالك هههههه

                تعليق


                • #9
                  قصتي قصة مع الحوت غي خليهاعالله والله فرحتوني الله يفرحكم

                  تعليق


                  • #10
                    هاني قلبت ليك على لي بغيتي إوا سيري برعليا الزوج ديالك راني درت ليك قسم خاص بالسمك غير في موضوعك ههههههههه
                    أنا معاك في قضية يكون قسم خاص بأطباق السمك ويمكن ليك توضع طلب لذلك في منتدى الاقتراحات
                    دعي معاي أختي وهاذ اليوم الجمعة يرزقني وجميع العازبات الزوج الصالح يكون على خلق وعلى ودين عاجلا غير آجل
                    أسأل الله أن يديم السعادة والمحبة بينكِ وبين زوجكِ
                    دمتِ في رعاية الرحمان

                    تعليق


                    • #11
                      يا ربي يرزقك و يرزق كاع بنات الناس ولد لحلال لي يبغيكم و يتهلا فيكم وميكونش عندو الحوت بحال الماء حتى هادي مهمة

                      تعليق


                      • #12
                        الله يرزقك وجميع البنات الزوج الصالح
                        اسعدني تواجدي في هذا الجمع المبارك
                        شكرا لكل من تبدل من اجل نفع اخواتها في الله


                        تعليق


                        • #13
                          بالنسبة للحوت الابيض الكبير

                          تعمليه على شكل طاجين اما بالبطاطس اولا بلاش

                          ادا بغيتيه بالبطاطا تحتاجي لحوتة كبيرة او اكثر حسب الافراد
                          3 حبات بطاطس متوسطة الحجم 4 بصلات مقطعين على شكل طولي
                          3 حبات طماطم معدنوس ابزار ملح زعفران زيت...كاس صغير دالزبيب

                          الطريقة

                          قطعي البصلة على شكل طولي وعمليها فمقلاة مع شوية دالزيت حتى تنزل وتطيب مزيان بلا متحرق تكون على نار مهيلة

                          من بعد خودي منها شوية عمليه فقاع الطاجين عملي فوق منو البطاطا مقطعة دوائر وزيدي البصلة اللي بقات من الفوق

                          ونزلي فوق منها الحوتة بعدما تكوني رقدتيها شي ربع ساعة فالتشرميلة المتكونة من مطيشة محكوكة ..ملعقة مركز الطماطم ادا بغيتي المعدنوس مقطع رقيق او مطحون الابزار الزيت الملح الزعفرن

                          عملي الحوتة فالطاجين فوق البطاطا والبصلة وزيدي عليها التشرميلة اللي بقات من الفوق وعمل من الفوق الزبيب الابيض خصوصا من الجناب ديال الطاجين باش يتغطى بالمرق وميتحرقشي ملي تكوني غادا تحمري الطاجين

                          صافي مرقي على حسب الكمية يعني عينك ميزانك

                          وعمليه يطيب وملي يطيب فوق المجمر ديال الفاخر او البوطة عادية دخليه للفرن باش يتحمر

                          وبالصحة والراحة وادا بغيتي اي حاجة انا موجودة حتى انا راجلي مصاحب بزاف مع الحوت

                          التشرميلة .......هي........الشرمولة

                          وادا مبغيتيش تديري البطاطا كتعملي نفس الطريقة والمراحل غير كتحذفي البطاطا ولكن تكتري البصلة

                          صراحة بجوج كيجيو روعة

                          تعليق


                          • #14
                            السلام،
                            شكون اللي عندها وصفات بسمك الصومون,الله يرحم الوالدين

                            تعليق


                            • #15
                              أنا لحبيبة تنحمق على الحوت أو لكان لقيت ناكلو كل يوم ولكن مشي أنا نطيبو يعني يكون واجد

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X