معلومه حول حلوةالكوكياجه

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • معلومه حول حلوةالكوكياجه

    شكون لمصاوبة حلوة الكوكياجة تفيدني بالمقادير والطريقة واش ستعملتي قوالب ديال البللاستيك واش ساهل تزولي الشكلاط منهم ارجو أن تفيدوني وشكرا

  • #2
    السلام عليكم ورحمة الله تعالى وبركاته,

    مقادير الكوكياجة:
    كيلو شكلاط أبيض
    نصف كيلو لوز مفسخ و مطحون مع 200غرام سنيدة
    ملون غذائي(أحمر، أخضر، ...)
    اللؤلؤة(الفنيد الفضي)
    كويغطات لون بني

    الطريقة :
    كندوبو الشكلاط في حمام ماري، و نجيبو القوالب الخاصة بالكوكياجة (تباع فمحلات بيع الأواني)، نصب الشكلاط في القوالب بواسطة ملعقة، من الأحسن متملئش القوالب حتى الأخر ديالها و من بعد دخليها للفريكو مدة 5 حتى 10 دقايق و تخرجيها و كتزولي الشكلاط من القوالب بسهولة.

    كناخذ اللوز و نقسم على عدد الألوان لي بغيت نستعمل(2، 3، ...)
    من بعد مضيفي الملون الغدائي، تشكلي اللوز على شكل خبيزات بالقد ديال الكوكياجات لي سوبتي، و توضعي خبيزة د اللوز وسط 2 الكوكيجات و تزينيها بحبة الفنيد الفضي من الفوق و توضعيها فالكويغطات و هاهي حلوتك واجدة بالصحة و الراحة و أي استفسار أنا موجودة

    اللهم إني أستغفرك من كل ذنب تبت إليك منه ثم عدت فيه وأستغفرك من كل عمل أردت به وجهك الكريم فخالطني فيه غيرك وأستغفرك من كل نعمة أنعمت بها على فاستعنت بها علي معصيتك وأستغفرك يا عالم الغيب والشهادة من كل ذنب أتيته في ضياء النهار أو سواد الليل في ملأ أو خلاء أو سر أو علانية يا أرحم الراحمين .. اللهم أمين يارب العالمين.



    تعليق


    • #3
      سمحيلي أختي بغيت نفيدك حيت حتا أنا كتعجبني بزاف إنما أنا شايفاها عند واحد الحلاويا كديرها غزااالا وبشكل عمرني شفت بحال داك العمارا ديالها ربما كل واحد وطريقتو الله يعاونك أختي
      إن شاء الله تجيك غزالة وردي علينا الخبار


      اللهم اجعلني قرة عين لزوجي واجعله قرة عين لي

      تعليق


      • #4
        اختي حتا أنا بغيت نستافد واش القوالب ديال البلاستيك إنفعو ولا كينين قوالب خاصة

        تعليق


        • #5
          نعم اختي هي قوالب الديال البلاستيك و المقادير ليكنديرها هي 500 غ شكلاط ابيض 2 معالق كبار ديال زيت 150 غ من عجينة اللوز ( اللوز مسلوق و مطحون مع سنيدة و شوية ماء الزهر و شوية ديال فوندون ) ملون احمر و اخضر العقيق الفضي للتزيين .
          تذوبي الشكلاط مع الزيت في حمام ماريا و من بعد تعمري القوالب بالشكلاط و تديرهم في المجمد حتى يبردو تتخرجيهم و تزوليهم بسهولة و تاخد عجين اللوز و تقسميه الى قسمين و احد تدير فيه الملون الاخضر و الثاني الملون الاحمر و تتعمل من اللوز كويرات صغار ثم تتوضعي كل كورة وسط 2 كوكيجات ديال الشكلاط و تتزين بعقيقة الفضية و تديرهم في الكواغط

          تعليق


          • #6
            شكرا اخواتي ولكن من درت الشكلاط في قوالب بلاستيك مابغاوش اتحيدو لي اش ندير

            تعليق


            • #7
              دهنيهم بالزيت

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              شاركي الموضوع

              تقليص

              يعمل...
              X