إعـــــــلان

تقليص
لا يوجد إعلان حتى الآن.

عناوين محلات مستلزمات الحلويات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عناوين محلات مستلزمات الحلويات

    [frame="1 80"]السلام عليكم ورحمة الله تعالى و بركاته


    الاخوات انا عندي واحد الفكرة وبغيت ندرجها في قسم الحلويات وبغيت من الاخوات المشرفات يتبتو الموضوع الى جات على خاطرهم


    الفكرة هي انني تنشوف الكثير من الاخوات ومنهم انا ما كنعرفوش بالظبط فين كيتوجدو المحلات المتخصصة في بيع الادوات او المقادير لي تنستعملوها في الحلويات واخة نمشيو لشي محلات مكنلقاوش داكشي لي كانبغيو بحال مثلا الشعرية ديال الكنافة يحال الروح ديال فني بحال لباط ديال اللوز...وزيد وزيد وانا بغيت ندير هاد الموضوع ديال ان كل اخت كتعرف شي محل في المدينة لي هي ساكنة تقول لينا العنوان ديالو والاخوات غايستافدو ويفيدو .اتمنى نلقى صدى طيب من الاخوات واستجابة الله يجازيكم بكل خبر.[/frame]

  • #2

    السلام عليكم ورحمة الله وبركاته
    فكرة زوينة اختي غادي نبدا انا الاولى
    انا ساكنة بمدينة الدارالبيضاء وغادي نكتب ليك الاماكن لي تنتقدا منها لوازم الحلويات بالنسبة للالوان وعجينة اللوز والناباج بالانواع والفونودون والشكلاط وروح الفاني واللوز والمزيد من النكهات
    كناخدهم من متجر متروا لي كاين في سيدي معروف وهو كاين الفروع ديالوا في طنجة وفاس والرباط ومراكش وحتى الثمن كتلقايه ناقس على السوق بزااف مثلا الفوندون كناخدو ب15 درهم في السوق كيتباع ب35 درهم
    بالنسبة للطوابع الحلوى والمول بالانواع كناخدهم من درب عمر
    اما شعرية الكنافة اختي كنشريها من مارشي سنترال تما تلقايها

    تعليق


    • #3

      بالنسبة للأخوات بالدار البيضاء كاين درب عمر كاين المحلات المختصين بمواد ومعدات الحلويات هناك 4 منهم "الأسلامي laslami" وهناك "القضيوي" اما في المعاريف فهناك أخت مشهورة باسم "عائشة" صاحبة المحل "Pavillon de la Boulangerie et de la Pâtisserie" تدخلو ليها من ابراهيم الروداني أو يعقوب المنصور
      انظروا البطاقة بالصورة المرفقة

      تعليق


      • #4
        المشاركة الأصلية بواسطة عبق المسك مشاهدة المشاركة
        مشكورات اخواتي
        اختي ديديو86 ممكن تفسري لنا فين جا بالضبط هاد محل المترو اول مرة نسمع به فين في سيدي معروف يعني اشوارع والزنقة القريبة له باش يسهال علينا نوصلو له بسرعة

        الأخت امينة سامي اذا ممكن فين جاو هاد المحلات في درب عمر واشنو اسميت المحلات زوج الثانيين من غير الاسلامي والقضيوي

        وشكرا لكن اخواتي
        هاذ المحلات ديال درب عمر كلهم مقاربين..
        المهم هادوك الجوج محلات الاسلامي والمحل اللي بالضبط بجنبه واللي عندهم كل ما يتعلق بالحلويات أنا نرشدك بلا مل تلفي :
        غادية تاخدي شارع محمد الخامس وأنت متجهة نحو الشمال حتى توصلي hotel licoln"يعني الفندق باليمين والمارشي سانطرال على الأيسر..هاديك الدورة اللي على يدك الأيمن واللي هي بجنب الفندق تدوري معاها باش تدخلي لدرب عمر..لكن غير كيف تدوري تزيدي بضعة امتار قليلة كاينة زنيقة على اليمين ديالك غير كيف توصليها يبانو ليك هادوك المحلات حيث حاطين داك الشي ديال les piéces montées أمام المحلات.

        تعليق


        • #5


          السلام عليكم ورحمة الله وبركاته

          بالنسبة للاخوات لي ساكنين في الرباط كاين واحد المحل قبل مادخلي للسويقة على يدك الشمال غتمشي طول على الصف ديال مالين البورطابلات حتى للاخير وغتلقاي واحد كيبيع كلشي لي بغيتيها وحتى ميترو را فيه

          تعليق


          • #6

            السلام عليكم ورحمة الله وبركاته
            هاد الفكرة عندك اختي زوينة و عحبتني حتى انا غادي نشارك فيها انا من اكادير و كناخد المواد من عند واحد المحال في تالبورجت راه مفابل تقريبا مع البوصة ديال تلبورجت ارجو اني فتدكم شوية واخا المحلات الاخرى فيها غير شوية ديال المواد يعني مكتخديش كلشي في مكان واحد بحال مرشي جوهرة لي فالطريق الداخلة و لا اخر فوق منو شوية جاء مع النهاية ديال الفضية بحال الى غادين جهة البوصة ديال الداخلة
            شكرا لك اختي على الفكرة و لي عارفة من بنات اكادير شي محل اخر و رخيص تفيدنا بيه حيت هادو العافية ولكن مشاعلاش هههههههه
            قواعد السعادة القلبيــة : لا تكره أحدا مهما أخطأ في حقك – لا تقلق أبدا وأكثر من الدعاء - عش في بساطة مهما علا شأنك - توقع خيرا مهما كثر البلاء وأحسن الظن بربك - أعط كثيرا وإن حرمت - ابتسم ولو قطر القلب دما
            ---------------------------------------------------------------------------------------------------------


            لا تملكين العربية وتريدين التخلص من اللوحة؟ تفضلي من هنا..
            http://www.anaqamaghribia.com/vb/sho...9246&highlight

            تعليق


            • #7


              انا كنعرف 1 محل معروف في الدار البيضاء في شارع الفداء كنتقدى منو كيبيع دطاي و الجملة اللي مهتمة تراسلني و نعطيها العنوان و الهاتف

              تعليق


              • #8
                بالنسبة ل انزكان بمدينة اكادير
                فانها تباع بالسوق البلدي امام بائع اللحوم
                وكذالك في المحلات التجارية الكبرى فى اكادير

                تعليق


                • #9
                  اوا يابنات مراكش فينكم منين كتقداو مقديتكم دخلو كلو لينا
                  انا كنعرف يالله رياض الزيتون القديم منو كنشري طوابع يالله فين البقية

                  تعليق


                  • #10
                    شكرا على الموضوع الهام انا فمراكش كنتقضى هاد الشي من مترو او مرجان او الملاح او حي الزفريتي
                    كنتمنى نكون فدت شي حد

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X