طلب من بنات زاكورة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طلب من بنات زاكورة

    اولا عواشركم مبروكة.
    عندي طلب من بنات زاكورة و الصحراء و هو كيفية صنع القديد بطريقتهم الخاصة لانني كنت دقتو عند واحد السيدة وما عرفتش كيفاش تيدار.
    كان صغيور قد المشمشة الصغيرة و لكن فيه بزاف ديال العشوب.
    كنتمنى من الاخوات يجاوبوني و لهن جزيل الشكر

  • #2
    الطلب اللي قصدت هوالكرداس كنتمنى من شي اخت تفيدني
    وشكرا

    تعليق


    • #3
      كنتمنى اجوبك لاخوات

      تعليق


      • #4
        اهلا بيك ماطلبتي غير الموجود وغادا نعطيك الطريقة على الراس والعين الزين ليك ولكل وحدة بغات تعرف طريقة صنع الكرداس الزاكوري
        يالالة خاصك بعدا تصايبي البزار الصحراوي المقادير ديالو هي :
        -البصلة الحمراء مقطعة وميبسة فالشمس
        -القزبر اليابس
        -ازير
        -ورقة سيدنا موسى
        -لحية الشيخ
        -الكامون
        غادا تحمري البصلة اليابسة و ازير والقزبر اليابس غير يتحمرو ماشي تحرقيهم من بعد غادا تطحني البصلة بوحدها عاد تطحني الباقي وتخلطيهم مزيان ايوا ها البزار واجد عندك.
        ايوا خاصك عاود الخل الصحراوي هادا كايتوجد مدة قبل من العيد باش يكون واجد لينا دابا نقلب ليك على الرابط ديال الوصفة كاملة.
        المهم فاش تبغي توجدي الكرداس من بعد ماغسلتي الكرشة والمصارن وكولشي غادا ترقديهم فالخل شوية وتخليهم ينشفو مزيان كاتقطعيهم قطع ماشي صغيرة ماشي كبيرة من بعد كتزيدي عليهم البزار الصحراوي اللي وجدنا التحميرة الحلوة والحارة اللي بغاها وشوية الملحة و الخل شوية الخرقوم هادا اختياري وكاتخليهم يتشربو مزيان الاقامة من بعد كاتبداي تشدي طريف ديال الكرشة كاتحطي وسط منو
        قطعة من المصران وقطعة من الرية شوية الشحمة من بعد كاتلوي تلويهم بالمصران الرقيوق اللي غسلناه مزيان وكرطناه حتا ولا بحال الخيط ايوا كاتلوي حتى تولي كرديسة. من بعد كاتنشريهم فشي حبل فالظل باش ينشفو واللي بغات تديرهم بالفركو ماشي مشكل ولكن حتى يكرمو مزيان وبصحتكم الكرداس ويلا خصاتكم شي حاجة انا موجودة على الراس والعين وراه كاينين عندنا شهيوات خاصين غير بالعيد الكبير كايشهيو ايلا بغيتوهم نعطيكم المقادير وعواشركم مبروكة ودعيو معايا يسهل عليا الله نتزوج براجل صالح باش العيد الماجي ندوزو فداري ههههههههه

        تعليق


        • #5
          ها هو الرابط ديال الخل الصحراوي ويالا كنت شي استفسارات انا في الخدمة 24/24 بحال المستعجلات الله يحفظكم هههه


          http://www.anaqamaghribia.com/vb/showthread.php?t=41233

          تعليق


          • #6
            كنشكرك بزززززززززززززززاف الزين
            و يا ربي يرزقك شي ولد الناس اللي يصونك ويقدرك.
            اوا قولي امممممممممممممممممممممممممممممممميييييييييييييين يا ربي

            تعليق


            • #7
              بغيت يا الحبيبة نسولك كيفاش نيبس البصلة فعندنا في مراكش الشمس اعطاها الله. ولكن الطريقة اللي كنتمنى تقدميها لنا.
              و شكرا مسبقا

              تعليق


              • #8
                سلام اعلكم هد الكرداس كيحمق لعطتن الله يسهل عليك اللحبيبة

                تعليق


                • #9
                  لهلا يخطيكم ياربي يقبل دعواتكم بالنسبة للبصلة كاتقطعيها رقيقة وتزيدي عليها الملحة تخليها شوية وتدريها فشي طبق وتحطيها فالشمس مدة طويلة حتا تيبس مزيان ايوا خاصك تديريها من دابة راه مابقاش الوقت صاوبيها وحطيها فالسطح ومرة مرة طلي عليها حركيها واي سؤال انا موجودة على الراس والعين

                  تعليق


                  • #10
                    الله يعتيك الخير اختي اية الله كنسلم عليك بزاف

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X