بريوات اللوز بطريقتي الخاصة (بالصور)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بريوات اللوز بطريقتي الخاصة (بالصور)

    بسم الله الرحمــن الرحيــم
    السلام عليكم و رحمة الله و بركاته


    اليوم جبت ليكم البريوات باللوز بطريقة جديدة.نتمنى تعجبكم و تجربوها.


    البريـــــوات باللـــوز





    المقادير:

    500غ لوز مصلوق و مقلي و مهرمش
    250غ سنيدة
    4 بيضات كاملين
    ملعقة صغيرة قرفة
    نصف كاس الماء الزهر
    كاس الزيت و ممكن تستعملي الزيت اللي قليتي فيها اللوز
    الورقة البسطيلة
    الزيت للقلي
    العسل


    الطريقة:

    فوق نار هادئة,نحط مقلة كبيرة و من الأحسن تكون ما قتلصقش,نصب فيها الكاس الزيت و نخليه حتى يسخن مزيان.ناخد اللوز المقلي اللي طحناه لكن ماشي بزاف و نخلط معاه السنيدة و القرفة .نصب هذا الخليط على الزيت ملي تسخن و نخلط حتى تندمج العناصر مع بعضها مزيان .نزيد البيض بيضة و نخلط مزيان عاد نضيف البيضة الأخرى حتى نكمل الأربع بيضات .نبقى كنخلط بملعقة خشبية حتى نحس بالخليط بدا كيعقد,نضيف الزهر و نخليه فوق النار مع التحراك حتى يبان لي الخليط تجمع و ما بقاش لاصق في المقلة.

    نطفي النار و نخليه حتى يبرد مزيان .ناخد منديل ديال حياتي نظيف و نحطه على صفية و نصب فيه الخليط.نجمع الصرة و نخليها في الثلاجة كيستقطرحتى الغد عاد نعمر بيها البريوات.
    راه العقدة كتجي غزالة و معلكة .
    نقليهم في الزيت و نطفيهم في العسل يكون منسم بالمسكة الحرة مطحونة.

    و هذا هو الطبق ديال البريوات قولوا ليا كيف جاكم


    و هادي صورة ديال الشباكية اللي صايبت في أول رمضان



    لكن ما قدرتش نحطها في وقتها
    لأنه كان عندي مشكل في تحميل الصور
    دابا صافي درتو الشباكية و كليتوها بالصحة و الهنا
    الله يعطينا و يعطيكم طولة العمر و إن شاء الله


    1 كيلو دقيق خاص بالحلويات
    كاس الجنجلان محمر و مطحون
    كاس اللوز مفسخ و مقلي و مطحون مزيان
    ملعقة كبيرة النافع البلدي مطحون
    ملعقة صغيرة قرفة مطحونة
    راس الملعقة صغيرة مسكة حرة مطحونة
    بيضة واحدة و ممكن تستعملي غير الصفر لأنه كنستعمل بيضة في 2 كيلو
    1 كاس الزبدة مدوبة
    كاس الزيت مخلطة بلدية و زيت المائدة
    نصف كاس الماء الزهر
    نصف كاس الخل
    قبصة الملح
    شوية الزعفران الحر مطلوق في كاس الماء دافيء
    2 أكياس الخميرة الحلوة
    زلافة صغيرة الخميرة البلدية
    و إلا ما عندكش الخميرة البلدية ديري غير قبيصة ديال خميرة الخبز خصوصا مع هاد الحرارة
    و إدا احتاج الأمر ممكن تضيفي الماء دافي للعجن.

    الزيت للقلي
    العسل منسم بالماء الزهر و المسكة الحرة
    الجنجلان للتزيين


    ملاحظة:الكاس اللي كنعبر بيه هو كاس العنبة
    السر ديال الشباكية هو الدليك.لازمك تدلكي العجينة مزيان حتى ترخف و تكون مطاطية ممكن تجبديها بيدك بلا ما تتقطع.
    ملي تقلي الشباكية تطفيها مباشرة في العسل يكون غير دافي ماشي سخون.
    إلا ما كنتي أختي كتبغي الحلاوة بزاف بحالي .ملي تطفيها في العسل ما تخليهاش مدة طويلة.يكفي غير دقيقة أو 2و حيديها من العسل راه كتبقي مقرمشة من الداخل و معسلة غير من برا.و ممكن تاكلي فيها بزاف بلا ما تكهمك.

    نتمنى تجربوها و إن شاء الله تعجبكم

    لا تنسوني أخواتي من صالح دعائكن بظهر الغيب
    جزاكن الله خير الجزاء



    رجاء خاص من أخواتي مشرفات القسم الغاليات اللي تتكرم منهم و تكتب لي اسمي و رابط المنتدى على الصور ربي يجازيها الفردوس الأعلى و يعطيها ما تمنات في خاطرها.

  • #2
    77 مشاهدات و لا واحدة ردات على الموضوع.
    باين ليا بريواتي ما عجبوش الأنيقات.
    إوا ما كاين باس الله يجازيكم بخير.

    تعليق


    • #3
      tbarkallah 3lik, dakchi kaychahi wakha ana makanbghich lhlawa bzf

      تعليق


      • #4
        تبارك الله عليك كلشي عندكي غزال و متول او كايشهو
        بسم الله الرحمن الرحيم


        لا تنسى ذكر الله ;)
        :s11556:

        تعليق


        • #5
          merciiiiiiiiiiiii

          تعليق


          • #6
            تبارك الله طريقة روعة

            تعليق


            • #7
              غزالين تبارك الله عليك
              sigpichttp://hh7.net/

              تعليق


              • #8
                الله يعطيك الصحة
                غزالين تباركة الله عليك
                اختك انهى

                تعليق


                • #9
                  تبارك الله على وريدتنا. هادشي كامل او مايعجبناش. غزالين تبارك الله. كيشهو و المنظر واعر. الله يعطيك الصحة و يحفظك و يخليك ديما مبرعانا بالوصفات المميزة. و حتى الشباكية جاتك غزالة تبارك الله. واقيلا انجي نتعلم عندك الشباكية رمضان الماجي ان شاء الله. هههه
                  عواشر مبروكة الزين و في انتظار حلويات العيد باذن الله







                  تعليق


                  • #10
                    تبارك الله عيك اختي






                    اجعلي اختي غض البصر كحل عينيك فتزداد بريقا ,ضعي لمسات الصدق على شفتيك تصبحين اكثر جمالا ,اما احمر الخدود فاستعمليه من ماركة الحياء ,استعملي صابون الاستغفار لازالة الذنوب ,اما الاكسسوار فانصحك بوضع حلق الادب على اذنيك وجملي يديك بسوار التواضع وخاتم التسامح ,استعملي عطر العفة ذو الرائحة الجذابة وهذا لا يوجد الا في محلات الاخلاق الحميدة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X