سلو بلا زيت مع فقاص باللوز مع غريبة الجنجلان كلشي بالتفصيل من مطبخ التازية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سلو بلا زيت مع فقاص باللوز مع غريبة الجنجلان كلشي بالتفصيل من مطبخ التازية





    بواسطة أم آدم 2007 في تاريخه


    اخواتي هاد الحلويات وجدتهوم فالعيد الكبير و مكتابش نحطهوم و هاهي جات مناسبة جديدة وقلت ضروري نحطهوم هنا هي حلويات كلشي تبارك الله كيعرفها و لكن مافيها باس ندكر بيها و ان شاء الله تزيد تفيد المبتدئات





    اول حاجة وجدت هي سلو لان صمنا العشرة ايام قبل العيد و راجلي ضروري من سلو فالسحور و بالنسبة لسلو راكم عارفين شوية تقيل و كيدير الحرقة بليدام الي فيه و عاد جربت سلو بلا حت قطرة ديال الزيت و صدق رائع و الذ الف مرة من سلو العادي نتمنى هاد الطريقة تفيدكوم و تعجبكم

    اول حاجة حمرت الطحين عادي و من بعد ضفت ليه النواشف يعني القرفة و النافع و حبة حلاوة و المسكة الحرة و الملح و السكر الصقيل و انتم احرار ضيفولو الي بغيتو كنخليوه ناشف على جنب

    هنا واجد انا درت كيلو تقريبا





    ثم حمرت الجنجلان



    ثم اللوز انا هنا مع الزربة تحمر شوية



    هنا صافي وجدت القوام درت كلشي فعليبات و خديت الطوموبيل و فرررررر لحي السعادة هنا ففاس مشيت عند محال الي كيطحن اللوز



    هاد المحال كيطحن اللوز و حتى سلو عندو ماكينة خاصة بيه و هي الي فالصورة صورتها مزروبة





    ملي عطيتو القاوم قالي بالي الطحين بزاف خاص الكمية تكون متساوية بين الطحين و اللوز و الجنجلان فها خدا غير نصف كيلو من الطحين الي وجدت و خلطو مع اللوز و الجنجلان و دارو فالمكينة و طحنو بلا زيت ولا زبدة نهائيا حتى قطرة و هكدا خرج من الماكينة بحال الكفتة




    شفتو اللوز و الجنجلان طلقو الزيت ديالهوم و تخلطت الدقيق غير هو ملي كيتطحن كيخرج مليس بزاف ورطب بزاف الي بغاه هكدا يخليه انا بغيت تكون فيه المضغة ديال اللوز فا ملي وجدت ضفت ليه 100 غرام لوز محمر و مهرمش مع 100 غ جنجلان حتى هم محمر و مهرمش




    و ملي خلطتو جاني شوية ميدم ضفت ليه 2 معالق كبار من الطحين الي بقى



    هاهو واجد





    و فالعيد بقالي سلو قلت علاش منديرو فكويغطات و نضيفو لدواز اتاي و داكشي الي كان نخليكم مع الصور



    قسمتو فالنص شوية زينتو بالجنجلان و التاني بسكر كلاصي







    يتبع غالياتي




  • #2



    ثم وجدت غربية بالجنجلان كانت اول مرة نوجدها راجلي طلبها مني صدقات غزالة و لذيذة

    المقادير

    _ 500 غ جنجلان مغسول و محمر و مطحون
    _2 بيضات
    _250 غ سكل كلاصي
    _معلقة كبيرة طحين و معلقة صغيرة خميرة الحلوى
    _معلقة كبيرة كونفيتور مطحون
    _4 معالق كبيرة من الزبدة مدوبة
    و للتزييت :ماء الزهر و السكر كلاصي



    خديت الجنجلان و زدت عليه البيض و السكر كلاصي و الطحين و الخميرة و الكونفيتور مطحون



    خلطت المقادير مزيان ثم ضفت الزبدة



    غادي يجيكوم الخليط جاري شوية و لكن متخافوش خليوه شوية هو غادي يتشرب مزيان و يجي ساهل فالتكوير




    و باش نتاكد ان الخليط مزيان جربت 2 حبات فالفران باش نعرف غادي تصدق والحمد لله طلعات مزيانة



    من بعد عاد وجدت ماء الزهر وسكر الكلاصي و العجينة



    وبالنسبة لطبسيل الفران دهنتو بالزبدة و رشيتو بالدقيق




    وبديت كنكور كويرات و نغطسهوم فماء الزهر ثم السكر كلاصي ثم للطبسيل





    و ندخلها للفران سخون شوية وكنراقب لانها مخصهاش تتحمر بزاف باش متيبش



    و هاهي وجدات




    نتمن تنال اعجابكم و دابة ندوزو للفقاص بالزبيب و اللوز



    تعليق


    • #3
      بالنسبة للفقاص كلشي كيعرفو تبارك الله و و اليوم قلت نوريكوم الفقاص الي كيبغيه كل من داقو عندي نتمنى يعجبكم

      المقادير :

      7 بيضات - زلافة سنيدة - زلافة زبدة و زيت - زلافة ديال اللوز و الزبيب مقطعين - قشرة حامضة محكوكة - 2 خميرات الحلوى-كيلو و 100 غ فورص ممتاز مغربل



      انا خدمت يدي فالعجينة

      ازلا درت البيض ثم ضفت سنيدة و خدمتهوم مزيان






      ثم الزيت و الزبدة ومتكتروش بزاف الزبدة باش الفقاص يجي مقرمش و ميتفتتش فالتقطاع



      ثم ضفت الفواكه الجافة



      ثم الطحين المغربل كنضيف شوية بشوية







      ثم بديت كندير الحرابل






      ثم دهنتهوم بالبض و نسكافي ودرت شريطات بالفرشيطة



      وهنا وجد و طاب نص طيبة




      انا مخليتوش باتغطيتو بمنديل فازك بماء الزهر تقريبا ساعة



      و هنا بديت كنقطع و متفرتتش ابدا فالتقطاع



      وهاهوواجد انا كيعجبني محمر و كل واحد وذوقو







      تعليق


      • #4
        وهنا درت شوية من كل حاجة نتمنى ينال استحسانكم و قبلو عليا






        تعليق


        • #5
          هادشي غزال الله يعطيك صحة غريبة جات تتحمق تبارك الله عليك انا دائما تنصوب شهيوات ديالك وتندعي معاك والله العظيم وخصوصا ديك الحلوة لي بهرنيس والفلان وميزينا عائلتي وعائلت راجلي حماقو عليها وتهوما ولاو تيصاوبوها الله يجازيك بخير

          "اللهم اني اعيذ مافي رحمي بكلماتك التامة من كل شيطان وهامة,ومن كل عين لامه

          اللهم اني اسألك أن تحفظه و تجعله معافى كامل الخلقة دون زيادة أو نقصان

          اللهم حسن خلقه وخلقه وسهل حمله ومخرجه واجعله قرة عين لي واجعله من عبادك الصالحين"


          آمين يارب العالمين

          تعليق


          • #6









            احسن تقييم من عندي

            تعليق


            • #7
              ما شاء الله شكرا لك و تبارك الله عليك









              تعليق


              • #8
                تبارك الله عليك وخلاص
                رووووووووووووووعة

                تعليق


                • #9
                  تبارك الله عليك اختي داكشي رائع وخصوصا السفوف
                  حلمـي أن أكون .،
                  بالقرب من الكعبة .،
                  أصلي تحتھا وفي أخر ,..
                  سجدة ملك الموت يھمس بأذني
                  (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً ))

                  اللهم توفني و أنا ساجدة بين يديك


                  تعليق


                  • #10
                    المشاركة الأصلية بواسطة التازية مشاهدة المشاركة
                    وهنا درت شوية من كل حاجة نتمنى ينال استحسانكم و قبلو عليا






                    assalamou 3alikoum

                    tbarkelleh 3alik allah ya3tek sa77a,
                    Pour lfe99ass, je fais la même chose que toi et je rajoute les fruits secs avec (ananas et papaye) au lieu des raisins secs et c'est vrai, tous ceux qui le mangent chez moi me demande la recette, tellement il est très bon,
                    Une autre fois, BRAVO.
                    Et en fait, tu es d'où de fes? moi aussi je suis de fès, mes parents habitent à Narjisse, et moi à Oued fes, mais je vis à paris depuis plus de 23 ans.

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X