إعـــــــلان

تقليص
لا يوجد إعلان حتى الآن.

شباكية خطيييييرة بلا بيض ولا خميرة من ابتكاري

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شباكية خطيييييرة بلا بيض ولا خميرة من ابتكاري



    300g زبدة نخدموها بأطراف الأصابع جيدا مع كيلو طحين و كأس صغير زيت زيتون و ملعقة كبيرة سمن و رشة ملح. نتسناو10 دقائق و نضيفو كاس جلجلان نصف محمر و مطحون جيدا + كأس لوز أو كاوكاو نصف محمر و مطحون جيدا+ ملعقة كبيرة نافع و ملعقة كبيرة قرفة مطحونين و مغربلين + مسكة حرة مدقوقة مع ملعقة كبيرة سكر+ ملعقتين كبار خل + قطرتين من روح الزهر+ زعفران حر مدقوق ( إختياري) نمزج العناصر جيدا و نجمعها على شكل عجين عادي بالحليب بارد (تقريبا كأس على حسب نوع الطحين) نعملو منو كويرات نوضعوها فأكياس بلاستيك و نشبكوها يا للا كيفما موالفين . المهم حتى نكملو الكمية ديال الشباكية اللي بغينا عاد نسخنو الزيت وندفيو العسل في حمام مريم . أثناء القلي ننتبهو خاص نار تكون متوسطة و و منزاحموهمش بزاف في المقلاة ونخليو الشباكيات حتى يتوردو من التحت عا نقلبوهم بشوية بواسطة شوكتين (2فورشيطات ) من الأحسن و اللي ما بقى من العجين ممكن نحتفضو به في المجمد حتى نحتاجوها و نخرجوها منو بليلة قبل الإستعمال ,من الأحسن باش تبقى طرية .و عموما هي تاتجي هشيشة و مرملة و شاربة العسل ديالها و تذووووووووووووب في الفم .





    نساو الوصفات القديمة ;) و جربو هادي ما غادينش تندمو وردوا علي لخبار مع دعواتكم الصالحة يا الحبيبات.

  • #2
    غير جربيها ألزين ديالي على حسابي وخا غير بنص وللا ربع المقادير باش تأكدي و المفاجأة الكبيرة هي اللي جايا:).تحياتي

    تعليق


    • #3
      gheir narja3 alalla al dar wana m3aha bayna zwinalahla ykhatik al moukhtari3a dyal anaqa ftabkh

      تعليق


      • #4
        hhhhhhhضحكتيني و الله العظيم إيوا أللا علا هاد الضرافات أناسابقاك للدار غاديا تلقايني فالباب كنتسنى باش نعاونك فالتشباك

        تعليق


        • #5
          أختي مشكووووووووووورة على الوصفة الرائعة
          لاكن أريد لفت انتباهك الى شرط مهم من قوانين المطبخ و هو
          7 : يمنع وضع اكتر من موضوع في اليوم من طرف نفس العضوة
          اقرئي
          قوانين المواضيع في منتدى الطبخ

          لذا فقد نقلت مواضيعك الأخرى اللتي كتبت
          في نفس اليوم و من نفس العضوة الى الأرشيف




          تعليق


          • #6

            تبارك الله عليك اختي
            اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُبِكَ مِنْ شَـرِّ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ .[البخاري 7/150]

            تعليق


            • #7
              خطيييييييييييرة هاد الشباكية

              غادي نجربها ان شاء الله في القريب و نرد عليك الخبار

              تبارك الله عليك

              تعليق


              • #8
                إيوا سمحي لي آللا أم نواف غير ما نتبهش لشروط المشاركة و حيت يلاه تعرفت على هاد المنتدى و شفت المشاركات الرائعة ديال الأخوات الحادكات تبارك الله عليهم و تحمست كثر من لقياس ههههههه مهم صافي ما غادياش نبقى نعاود هذا وعد ولكن مشاركاتي المنقولة إلى الأرشيف واش نعاود نوضعها لاحقا باش يستفدوا منها الأخوات ولا أنتم غاديين تحطوها تلقائيا حيت خدات مني شوية الوقت باش نكتبها بالعربية و شكرا

                تعليق


                • #9
                  الله يبارك فيكم آزوينات بنات بلادي راكم نورتو لي هاد الصفحة و فرحتوني بردودكم بزاف غير هو اللي جرباتها ترد علي لخبار و إلى عجباتها تدعي لي مع ولدي آدم ربي يصلحو و يصلح جميع وليدات و بنيات المسلمين

                  تعليق


                  • #10
                    الله يعطيك الصحة على هد الابتكار شهيتني فيها غادي نجربها ان شاء الله و نرد عليك لخبار.

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X