إعـــــــلان

تقليص
لا يوجد إعلان حتى الآن.

مقال: طريقة صنع الغسول المسقي في البيت

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مقال: طريقة صنع الغسول المسقي في البيت




    اليوم جبت لك غاسولي الي شم ريحتو تيسولني
    ايوا قلت علاش ما نفيدش به انيقاتي الغاليات



    وتيقول المثل المغربي القديم
    الزين خليقة والشعر تلبيقة

    وكلنا تنعرفوا ان نصف جمال المراة شعرها
    ايوا ملي القضية فيها التلبيقة ونصف الجمال
    نباليوا بالشعر هو الاول ونعطيوه اهمية
    ونعتنيوا به باش يعطينا جمال في جمال
    اول شيء هو نحضروا الغاسول ديالنا بمواد
    طبيعية 100 في 100 وبيديك صاوبيه
    ان شاء الله ،غادي تحتاجي لكيلو الغاسول
    حجرة يكون داكن اللون تخليه في الشمس
    حتى يتشقق ، ومن بعد تجيبي 2 دراهم
    من الحاجة :


    ورد قرنفل خزامة ريحان
    تارة زريعة الكتان اليزير
    السنبل الخروع البابونج
    العرعار الصبار الزعتر

    ملاحظة

    ( الصبار راه فيه انواع الي هو الوي فيرا


    تيرطب الشعر بزااااف لي لقيتي في
    هاذ الانواع الي في الصورة ديريه
    غادي تحكي غير شوية منه )

    الاعشاب كلها تشمش وتطحن مزيان
    وتكبي عليها لتر الماء الزهر وتخليها جانبا

    نرجعوا للغاسول ملي تشقق نكبوا عليه الماء
    ونخليوه حتى يتشرب ومن بعد نعجبنوه باليد
    ونزيدوا له الاعشاب الي مرقدة في الماء الزهر
    نكبوا كلشي ونعجنوه مزيان غادي يحتاج الماء
    نزيدوه باش يجي جاري وتجيبي غربال السلك
    او صفاية وكبي فيها وانت تتحكي حتى ينزل
    كله وسرحي ميكة او قلع وكبي فيه حريرة
    الغاسول وسرحيه وخليه في الشمس حتى
    يولي بحال الي في الصورة



    جمعيه وعمليه في حك او علبة يكون
    عندها الغطاء وبداي تستعمليه هو قبل
    ما تغسلي شعرك كماسك مغذي ومرطب
    ومقوي للشعر تيرطب وتيقوي وتيطول
    الشعر ويمنع التساقط دهني شعرك
    بزيت مخلط بالاعشاب الي
    تكوني محضرها من قبل ورطبي شوية
    الغاسول مع شوية الماء وديريه لشعرك
    وخليه حتى ييبس بحالا دايرا الحنة ومن
    بعد غسلي كالعادة و ديري غير شووووية
    الشمبوان ديالك الي دائما ديري قطيرات الحامض
    معاه ، باش يعطيك اللمعان ملي تبغي
    تهبطي الغاسول وبلا ديميلور شعرك رطب
    بحال الحرير وداومي عليه
    يبقى الشعر مستافد من مزايا الاعشاب
    وغادي تشوفي شعرك مسبسب ورطب
    وريحتو فنننننة وحينها غادي تحسي
    براسك نيت شعرك منتعش ورجعتي لو الحياة
    وحتى الم الراس ما يبقاش عندك
    وبالصحة والراحة




    اي استفسار اختكم رهن اشارتكم
    ومرحبا بكل من دعت لي دعوة طيبة

المتواجدون الآن 1. الأعضاء 0 والزوار 1.

أكبر تواجد بالمنتدى كان 2,525, 26-09-2016 الساعة 21:58.

الأعضاء الأكثر نشاط

تقليص

There are no top active users.
يعمل...
X