ركن لمتتبعي نصائح د. محمد فايد و د. نبيل العياشي

[hakima09]

العفو ام خليل

[hakima09]

اليوم تحدث الدكتور الفايد عن خصائص التغدية ف الشمال
اصحاب طنجة معروفين بتناولهم للسمك بكثرة ولهادا السبب متيتصابوش بامراض القلب والشرايين او امراض الغدة الدرقية ولانهم مازال شادين ف العادات الغدائية المغربية وخا عندهم هجوم كبير من المنتوجات المستوردة
وكيكثرو ايضا من الالياف الخشبية بحال الورقيات الخض ليشو الخيار و الصلطات و الخضر مسلوقة وخا كياكلو الشكلاط والاجبان الا ان الامراض مانتشراش بشكل كبير و عندهم مرض المفاصل والحساسية ومرض المعدة والامعاء وهدا بسبب المعلبات لان هاد المواد المعلبة كتحتوي على منكهات و ملونات الي كتسبب الحساسية وايضا فيها ومواد حافظة
واليوم بدا كينتشر السرطان و الانيميا و هشاشة العظام و لكن ماشي بحال المدن الاخرى
هما عندهوم عادة ف الفطور كياكلو القطاني الي فيه الزنك و المولبدن والزنك يمتص اكثر في الصباح
او كياكلو الفول ف الفطور وهدا كيخليهم يتخلصو من السموم

[kokotg]

مشكوووووورة والله يعطيك الف عافيه

[Om Mustapha]

السلام عليكم أختي حكيمة ماشاء الله عليك اليوم اللقاء المفتوح مشى للشمال إنشاء الله ننتظر تكتبي غدا موضوع تجانس الطعمة لغيتكلم عليهم دكتور الفايد و لكن ردي بالك راكي دسرتيييييييني و ولفتيني عادة كنت موالفة نفطر وهازا معايا أجندة نكتب بالزربة لا تفوتني شي كلمة ماما تقولي مالهم جاريين عليك دبا وليت نفطر على خاطري عارفة حكيمة كاينة في اناقة مغربية الله يرضي عليك و يكملك بعقلك اختي

[hakima09]

السلام عليكم أختي حكيمة ماشاء الله عليك اليوم اللقاء المفتوح مشى للشمال إنشاء الله ننتظر تكتبي غدا موضوع تجانس الطعمة لغيتكلم عليهم دكتور الفايد و لكن ردي بالك راكي دسرتيييييييني و ولفتيني عادة كنت موالفة نفطر وهازا معايا أجندة نكتب بالزربة لا تفوتني شي كلمة ماما تقولي مالهم جاريين عليك دبا وليت نفطر على خاطري عارفة حكيمة كاينة في اناقة مغربية الله يرضي عليك و يكملك بعقلك اختي

ولا عليك اختي ام مصطفى انا ف الخدمة مادسرتك ما والو نتمنى نفيدك انت والام ديالك الله يخليها ليك حتى انا من المهتمات بالغداء الصحي و لهدا كندون هدالنصائح ولكن امانة اعليك ام مصطفى الى خطات ف شي حاجة ولا نسيت ولا كتبت شي خطا نبهيني ليه باش نصححو و الانيقات يستافدو كلهم
تبارك الله عليك و تحياتي ليك وللام ديالك

[hakima09]

اليوم غادي نواصلو الحديث على خصائص التغدية ف الشمال
الدكتور ذكر بأن الشمال متوفر فيه الخير تبارك الله فيه الحليب ديال الماعز و الجبن ديال الماعز قال بكري كانو كياخدو المعزة ديالهم و كيبيعو الحليب ديالها و كيحلبوها قدام الشاري الله الله على دوك الايام ديال النية و المعقول اليوم الله يحفظنا مانعرف كاع اشكانكلو الله يحفظ الجميع هاد الهضرة قالها البارح
اما اليوم فتحدث على ان الشماليين متشبثين بالعادات الغدائية ديال بلادهم وخا عندهم واحد الغزو كبير ديال المنتوجات المستوردة والي الثمن ديالها رخيص و الي اي واحد يقدر يشريها و هاد المنتوجات الاكثرية منهم خاصة بالاطفال ولهادا ماخصهومش يكترو منها و يحاولو مايقدموهاش بزاف لاطفال دياولهم لان كتسد الشهية د الاطفال و كتسبب الحساسية لتوفرها على الملونات الغدائيةو المواد الحافظة
بحال الي عندو الاطفال كيمشيو المدرسة الام كتعطيه دوك الحلويات كيكلاها مثلا مع 10 ملي يوصل وقت الغداء مكيقدرش ياكل لان شبعان من دوك الحلويات ولهادا مرة مرة نعطيوهم دوك المنتوجات
وهاد الحلويات مكتخليش الكالسيوم يتركز ف الجسم و خا كناكلو الكالسيوم بكثرة و لكن الى كلينا معاه الحلويات ماكنستافدوش من الكالسيوم
الكالسيوم موجود حتى ف الماء
و نحاولو حتى حنا الي ماشي من الشمال نفطرو بالقطاني الا الناس الي كيضررو من الفول , ناكلو البيصارة ف الفطور هده جيدة لانها كتعطي طاقة للجسم وخا ماقدرش الواحد يتغدى بسبب العمل ماعليش كتكون عندو طاقةو هد احسن مايفطر بيه الواحد حتى الاطفال
المواد الكبريتية ولات كثيرة ف الجو و المواد الغدائية و المولبدن الموجود ف القطاني كيحمي الجسم من هاد المواد الكبريتية و حتى دخان السيارات يحتوي على الكبريت
الدكتور ختم بان الشمال بلاد الخير فيه الخضر الطرية والفواكه الطرية والاسماك و الحمد لله على نعمو التي لاتعد ولاتحصى

[hakima09]

مشكوووووورة والله يعطيك الف عافيه

الله يعافيك اختي كوكوتغ

[hakima09]

حلقة البارح 27 بناير
الشماليين عندهوهم اشياء جيدة بحال السمك ولهادا الكزارة قلال تما و هد الثقافة ديال استهلاك السمك مزيانة و هادا مكيسببش ف السمنة عند النساء و كيكثرو ايضا من الخضر و الروز ومعروف على الشماليين البوكاديوس ديال برا و الوجبات السريعة من الاحسن ميكتروش من الاكل برا الى بغاو بوكاديوس ايصيبوه ف الدار غادي يكون احسن و لى خادوهم مرة ولا مرتين ماعليش ولكن ماشي يوميا لان هاد الوجبات السريعة ديال برا كتسبب ف التسممات الغدائية
الخضر الجيدة متوفرة ف السهول د القصر الكبيرو الشاون فيها الاجاص البلدي والهندية

المشروبات و المنتوجات المستوردة مايكتروش منها لانها كتسبب الحساسية و الربو و لهادا فهي مرتفعة ف الشمال
وكاين عندهم كدلك فقر الدم الي كيجي من استهلاك الحلويات بكثرة لان فيها محليات كتحبس الاملاح المعدنية مادوزش للجسم و لهادا بدا الظهور د الانيميا لدى الاطفال
الشماليين عندهم ارث من الطبخ الاسباني و اخر مغربي
عندهم ثقافة غدائية جيدة سلطات +خضر+ اسماك
كيستهلكو الارز اكثر من الشعير
يزيدو يكثرو من زيت الزيتون سيكون احسن

[hakima09]

حلقة اليوم 28 يناير
دائما مع الدكتور الفايد و خصائص التغدية
اشنو يمكن نجيبو من الشمال ؟؟؟؟؟؟؟
كاين الي كيجيب كرة ديال الجبن لكونها رخيصة و لهادا يقبل عليها المستهلك
جل المنتوجات كتجي مهربة من سبتة و مليلية و لهادا منكتروش منها
خصوصا الاطفال و النساء الحوامل لان ولا عندهم المشكل ديال الحليب مابقاش عندهوم الحليب لان ف فترة الحمل كيكترو من المنتوجات المستوردة و كتراكم السموم ف الجسم ديالهم و هادا كيجعل الحليب قليل و لا ماكينش كاع
ولهادا الدكتور كينصح باكل المنتوجات الطبيعية مع ان التربة ديالهم خصبة و جبلية جيدة ولهادا كنلقاو الخصر صغيرة الحجم بحال دنجال صغير
و عندهم ايضا الجبن البلدي ديال الماعز او البقر كيصاوبوه لعيالات

الاكثرية ديال الكلام الي قالو قالو ف الحصص السابقة

[hakima09]

السلام عليكم سمحو ليا لبنات غادي نسافر واحد السيمانة الى قدرت نكتب ولا شي وحدة تطوع وتكمل باش تعم الفائدة و شكرا