خبز الدار من مطبخي بالتفصيل الممل

[التازية]

ثبت في 21/3/2010....ام رزان






اليوم غادي نشارككم طريقتي في خبز الدار بالخطوات المصورة و بالتفصيل الممل خصوصا للمبتدئات نتمنى يعجبكم

نخليكم مع الصور

انا كنعجن بالطحين الزرع بالنخالة ديالو لانه صحي اكثر فقط كنضيف شوية ديال الفورص باش يجي الخبز رطب و مناشفش




في الوسط كندير الخميرة و كنضيف عليها الما دافي وعلى حسب الجو





ثم كنضيف الماء حتى تتجمع و تبقى شوية قاصحة باش ندلكها




بعد مكندلكها شي 4 دقايق كنضيف الملحة فالقصعة و كنضيف الماء و نبدى ندلك بقبطة ديال يدي







وكنبقى ندلكها و نعاود كنديرليها بحال العجين المورق في الطيات وانا كنرشها بالما مزيان تقريبا 4 الحفنات ديال الما المهم خاصها تكون خفيفة شوية لان دقيق النخالة خاصو يكون خفيف باش يجي هشيش و مييبش دغيا

يتبع

الأعضاء المٌعجبين بهذه المشاركة: تاشتووكت

[التازية]

هنا ملي وجدات





كنغطيها بمنديل ترتاح شوية من بعد نوجد شوية ديال اماء باش نقطع الكرصات





انا كندير خبيزات صغار و انتم لكم الحرية ملي كنبغي ندير كريصات كنقطع العجينة بحال القراشل





ثم كناخد بالوحدة وكنحاول نجمع العجينة فالوسط و كنقبطها بيدي و كنبقى ندورها باش تتجمع و نقلبها







ثم كنعاود نكرصها التكراص الاخير نخليكم مع الصور







كنغطيها بشي توب يكون سخون على حسب البرد و نخليها تخمر




وهنا ملي خمرات



ثم كنلقبها بسرعة فالطراح و كنتقبها بالفرشيطة الصغيرة ونطرحها ففران سخون





وهنا ملي وجدات و باقية سخونة انا كنديرهوم صغر كاع من هادشي باش كنتهنى من طراف الخبز الباردين هكدا كل واحد ياكل ديالو





بالصحة و الراحة




يتبع

2 من الأعضاء مٌعجبين بهذه المشاركة: تاشتووكت,خنساء 55

[التازية]

كنخلي الخبز الي غادي نحتاج فنهاري و الباقي كنديرو فبلاستيكة وتكون الخبز باقية سخونة شوية و الى المجمد لوقت الحاجة







نتمنى طريقتي تعجبكم وانا طامعة في دعيوات منكم


اجمل تحية للجميع

2 من الأعضاء مٌعجبين بهذه المشاركة: مغتربة24,تاشتووكت

[الساجدة]

بارك الله فيك فرحانة لانني اول وحدة تدخل الخبزات اديالي ههههههه

[أميرة في مملكتي]

merciiiiii

[bibich]

مشكوووووور والله يعطيك الف عافيه

[awinti05]

bayne rtabe o zwine allah ya3tik asa7a a khti

[ام رزان]

تبارك الله عليك اختي التازية

الله يعطيك الصحة

[Naboula1]

ماشاء الله تبارك الله

[أم جنا]

تبارك الله عليك أختي شهيتيني فشي خبيزة سخونة مع زبيدة مممممممممممممم