بيتزا بعجينة العشرة دقائق من مطبخي بالصور

[وردة مغربية]

oum hedayah
11-8-2010

أخواتي الحبيبات

هاد البيتزا أول مرة نديرها من عجينة العشرة دقائق.درت فيها غير المقادير اللي كانوا عندي في الدار غير قبلو عليا و خلاص.
ممكن تستعملو الحشوات اللي كتعجبكم و متعودين تديروا بيها البيتزا.المهم هدا شكل ديالها و كل واحدة تعملها بطريقتها الخاصة.


DSC00151.JPG


بسم الله نبدأ

العجينة سبق ليا حطيتها بالمراحل المصورة في هدا الموضوع


http://www.anaqamaghribia.com/vb/showthread.php?142298-%D4%E6%D5%E6%E4-%C8%C7%E1%D8%E6%E4-%D4%E4%ED%DF-%C8%DF%D1%ED%E3%C9-%C7%E1%E1%E6%D2-%C8%E4%DD%D3-%C7%E1%DA%CC%ED%E4%C9-%E6-%CF%C7%C6%E3%C7-%E3%E4-%E3%D8%C8%CE%ED-(%C8%C7%E1%D5%E6%D1)&highlight=

درت واحد الاضافة بسيطة للعجينة.زدتها شوية ديال الزعتر و نقصت كاس من الدقيق و عوضته بالفينو.
طلقت العجينة بالمدلك و لبستها لقالب الطارطة لكن بدون ما نوصل للجوانب.أخدت قطع صغيرة من العجين و تكون متساوية.بسطت كل قطعة و حشيتها بقطع من الفروماج.أي نوع متوفر عندك.استعملت الفروماج ديال الشمال اللي كيكون مستطيل و كيكون رطب.
كل قطعة عجين محشية بالفروماج نحطها على حافة القالب و اللي بعدها تكون بعيدة عليها شوية لأنها غتنفخ في الفرن.
ملي كملت خديت شوية الحليب و دهنت بيه كويرات العجينة و دخلتها للفرن و هدا شكلها ملي خرجتها من الفران.

Photo003.jpg


حضرت صلصة ماطيشة عادية.يعني مطيشة محكوكة,بصلة محكوكة,زيت زيتون,ملح ,ابزار,وريقة سيدنا موسى إلا كتعجبك بنتها.و الهريسة إلا كتبغي الحار.

طليت الصلصة فوق البيتزا


Photo042.jpg

و زينتها بالقمرون اللي شحرته من قبل في شوية الزيت و الملح و الابزار.و الفلفلة الحمراء و الخضراء و الزيتون الأسود.

Photo044.jpg


و غطيتها بالفروماج الأحمر محكوك


Photo045.jpg

و دخلتها للفرن
هدا شكلها النهائي

DSC00150.JPG


و العجينة اللي بقات درت بيها بيتزا أخرى لكن بقطع صدر الدجاج و القمرون.و هدا شكلها


DSC00152.JPG


نتمنى تعجبكم طريقتي المتواضعة في تحضير البيتزا
اللهم أدمها نعمة و بارك لنا فيها و احفظها من الزوال.
لا تنسوني أخواتي الكريمات من صالح دعائكن بظهر الغيب و جزاكن الله عني بجنات الفردوس.

5 من الأعضاء مٌعجبين بهذه المشاركة: ام محمد امين05,الباسمة,om omar whajar,oumhaytam1,touhfa

[الحاجة مليكة]

بصحتك اختي او الاتقان في العمل تبارك الله عليك
انا غدا غادي نجربها ان شاء الله

[يقيني بربي]

مممم شهيوة غزالة شكرا لك اختي الله يجعلها في ميزان حسناتك

[oum hedayah]

تبارك الله عليك رااااااااااااااائعة ماشاء الله الله يعطيك الخير اختي بيتزا مشهية
الله يجازيك بكل خير يا ربي امين شكرا جزيلا
احسن تقييم من عندي

[oum al banin]

تبارك الله عليك مشكوره

[زهرة الخيزران]

مشكورة اختي

[amanarre]

[رجاءالخير]

شكرا لك اختي

[bent bladi]

تبارك الله عليك اختي ،بيتزا مشهية
بالصحة والراحة

[tasnime09]

ghzaaaaaaaala yesslamo