صفحة 1 من 10 1 2 3 4 5 6 7 8 9 ... الأخيرة
النتائج 1 إلى 10 من 93
  1. #1
    بنت أناقة مغربية
    Status
    Offline

    رقم العضوية
    53448
    تاريخ التسجيل
    24/01/10
    التقييم
    258
    المشاركات
    1,277
    معدل تقييم المستوى
    10

    المعاملات الإدارية : من خطبتي .... إلى زواجي

    بسم الله الرحمان الرحيم
    انا إسمي اسماء و متزوجة لبناني و مقيمة بالسعودية ... و دائما كيجيوني تساؤلات على وحدة من المعاملات الإدارية ،فكرت في هاد الموضوع باش البنات للي يله بداو طريقهم يعرفو اش كيتسناهم و تكون عندهم فكرة ، حيث من اصعب الاشياء هو تكوني حاطة شي حاجة فراسك و ماتعرفي منين تبداي.
    كنتمنى ان الموضوع يساعد اكبر عدد ممكن من البنات و من المشرفات يقومو بتثبيتو و يحطوه في القسم المناسب في حال كنت غلطانة

    نبدا باسم الله

    اولا : زيارة زوجي مع امه للمغرب اول مرة (قبل الزواج)

    الاوراق للي طلبو ليه في السفارة المغربية في لبنان باش ياخد الفيزا سياحة :

    *كشف حساب بالبنك : يجب ان يكون 5000 دولار و ما اكثر
    *عقد عمل او صورة عن إقامة
    *حجز الطائرة
    *حجز فندق

    من بعد درت الزواج بالوكالة ،و ذلك بسبب اني ماكانش عندي معلومات على الزواج بالمغرب و اني كنسمع عليه انه كياخد وقت بزاف و صعيب ووووو.... المهم تزوجت بالوكالة في لبنان


    الزواج بالوكالة


    بحكم ان زوجي لبناني التوكيل كان في السفارة اللبنانية
    كتكتبي توكيل و ديري ليه مصادقة من المقاطعة و العمالة و الخارجية و السفارة ، بهذا الترتيب و ترافقيهم مع الاوراق ديال الزواج المطلوبة في حالتي كان :
    *كوبي ديال باسبور 3 اوراق الاولى تليكاليزيها في المقاطعة و العمالة و الخارجية و السفارة
    *تحاليل ديال الزواج : : maladies sexuelement transmissible +grouppage+NFS+الامراص المنقولة جنسيا + كروباج
    * و شهادة عزوبة
    كلشي مصادقين من المقاطعة و العمالة و الخارجية و السفارة .
    و اكيد التوكيل كيكون بإسم شخص
    و الصيغة ديال التوكيل تختلف ، ممكن تكتبي فيه الشروط ديالك و المهر و .....

    Read more: http://www.anaqamaghribia.com/vb/sho...#ixzz19WNnvcKz

    صيغة التوكيل



    بسم الله الرحمان الرحيم




    وكالة خاصة


    أنا الموقعة ادناه : ........ ،المولودة في ......... بتاريخ ........ المغربية الجنسية ، و المقيمة حاليا في .....، حملة لجواز السفر المغربي رقم : .......، الصادر في ....... بتاريخ ...... ، أصرح طوعا و اختيارا بانني اوكل بصفتي الشخصية السيد ............ ؛ ال....... الجنسية ، بان ينوب عني و يقوم مقامي بكافة إجراء ات و المعاملات اللازمة لدى كافة المراجع و الدوائر ....... المختصة لا سيما لدى المديرية العامة للامن العام من اجل إجراء العقد و التلفظ بالفاظ الزواج و تحديد المهر و إتمام معاملات زواجي من السيد : ............... ؛ ال..... الجنسية ، المولود بتاريخ ............. في ....... ، رقم سجله ............، و والدته السيدة : ........... ، و الحامل لبطاقة هوية ..... ،رقم ................ ، و الإستحصال على اي مستند يخصني و تسجيل هذا الزواج و له من اجل ذلك حق التوقيع عني و باسمي على كل مستند يلزم بهذا الخصوص و عليه حرر


    توقيع الموكلة :
    ...............


    معلومات هامة

    التحاليل تتم المصإدقة عليها من العمالة الطبية و الخارجية و السفارة اللبنانية
    شهادة العزوبة مصإدق عليها من العمالة و الخارجية و السفارة
    اما النسخة ديال جواز السفر و التوكيل : من المقاطعة ، العمالة ، الخارجية و السفارة

    ايوا العمالة را 2 دراهم الورقة يمكن و هادوك الشلاهبية شوفي كي تسلكي راسك معاهم!
    الخارجية عيطي قبل ماتمشي شدي موعد و را 20 درهم للورقة
    و السفارة ديال لبنان هي السيزي 150 درهم للورقة

    و العنوان ديال السفارة في الرباط
    جات حدا الغابة ديال هيلتون و قريبة للسفارة ديال الاردن و الزنقة سميتها عبد الملك بن مروان و هذا التلفون :
    Ambassade du Liban

    quartier Souissi, n°114 rue Abdelmalek Benmarouane q. Olm
    10000-RABAT
    Tél. 1 : 05 37 65 69 49
    Tél. 2 : 05 37 65 69 85
    Fax 1 : 05 37 65 71 95


    بالنسبة لاي سفارة اخرى المرجو مراجعة هاد الموقع فيه العناوين و ارقام الهواتف مضبوطة : www.telecontact.ma


    وثائق الزواج المطلوبة للعقد في المغرب


    اكيد انا درت زواج بالوكالة و انا جبت اللائحة ديال الوثائق من موضوع ام هند للإفادة فقط


    لائــحـة وثائق الزواج المختلط بالمغرب Liste Document Pour Un Maraiage Mixte au Maroc

    لائحة وثائق الزواج المختلط
    Liste Document Pour Un Maraiage Mixte
    بالنسبة للطرف الاجنبي:
    1 -النسخة الكاملة
    copie intégrale d'acte de naissance
    2- السجل العدلي من الدولة التي يحمل جنسيتها
    certificat de bonne conduit et de manque d'antécédents judiciaires délivre par l'autorité coméitente de son pays d'origine
    3- شهادة طبق الاصل تثبت الاسلام
    ( conversion a L'ISLAM ( les adules notaires
    النسبة للخطيبة اذا كانت ترغب في الحفاط على دينها الاصلي تدلي بشهادة ذلك
    copie conforme a l'originale de l'acte de l'islam ou attestation de garder la religion origine pour la fiancée
    4- شهادة كفاءة الزواج من السفارة او القنصلية مصادق عليها من طرف وزارة الشؤون الخارجية والتعاون
    certaficat de capacité de mariage délive par l'ambassade ou le consulat de pays de son origine homologue par le ministrère de affaire étrangers marocaines
    5- شهادة العزوبة او صورة من طبق الاصل من حكم الطلاق
    certaficat de célibat ou photocopie légalisée de jugement de divorce ou photocopie
    6- شهادة العمل او الدخل الشهري
    attestation de salaire ou bulletin de paie
    7- أربع صور فوتوغرافية حديثة
    quatre photos d'identité
    8- صورة من جواز السفر وصورة من الصفحة التي تثبت تاريخ الدخول الى المغرب
    photocopie du passeport
    9- شهادة السجل العدلي المركزي الخاص بالاجانب وتسلم من المصلحة المختصة بوزارة العدل
    certificat du casier judiciaire délivré par la ministère
    10- شهادة الجنسية مسلمة من طرف السلطات الوطنية لبلدي المعني بالامر او من طرف المصالح القنصلية لبلده المعتمدة بالمغرب او ببلد اقامته
    certificat de nationalité
    11- شهادة طبية
    certificat médicale
    12- صورة من بطاقة التعرف الوطنية وكذا من شهادة الاقامة اذا كان مقيما بالمغرب او ببلده الاصلي
    مــلاحــظــة :
    كـل الوثائق يجب ان تترجم اما الى العربية او الفرنسية

    بالنسبة للطرف المغربي:
    1- نسخة كاملة من رسم الولادة تسلم من الجماعة المزداد بها المعني بالامر.
    2- السجل العدلي من المحكة الابتدائية التي ازداد بدائرة نفودها المعني بالامر
    3- شهادة ادارية معدة لابرام عقد الزواج''شهادة الخطوبة'' تسلم من الشيخ ويصادق عليها في المقاطعة.
    4- نسخة من رسم الزواج ونسخة من رسم الطلاق ان كان هناك زواج سابق.
    5- بالنسبة للمخطوبة : اشهاد بموافقة ولي الامر. (للبنت المغربية)
    6- شهادة العمل او الدخل الشهري.
    7- اربع صور شخصية فوتوغرافية.
    8- صورة لبطاقة التعريف الوطنية مصادق عليها.
    9- شهادة السكنى.
    10- شهادة طبية باللغة العربية
    11- طلب الاذن بالزواج المختلط موجه الى السيد قاضي الاسرة بالمحكمة الابتدائية القاطن المعني بالامر بـها

    Read more: http://www.anaqamaghribia.com/vb/sho...#ixzz1DAEo1BaW

    توثيق الزواج او تذييل العقد الاجنبي بالصيغة التنفيذية



    على ما داز عليا بغيت نوصل الرسالة لكل واحدة دارت عقد برة المغرب و بغات تخلي العقد معترف به هنا في المغرب
    اول حاجة تكتبي طلب التذييل عند كاتب عمومي و تعطيه سميات و سمية ديال الزوج و رقم جواز السفر ديالو و المعلومات و تاخدي معاك عقد الزواج الاصلي
    في محكمة الاسرة .. دوزي للصندوق خلصي شي بركة يمكن 160 درهم و كيعطيك ورقة فيها يوم الجلسة و رقم القاعة و رقم الطلب و القاضي ....
    شدي الورقة و سيري لداركم :)
    نهار الجلسة جي حضري ليها دغيا كدوز باش كيتاكدو انه ما نقصك والو و كيعطيك موعد إصدار الحكم .
    بالنسبة للحكم مزيان تحضري ليه باش تعرفي واش الدعوة تقبلت او لا و إلا ماكنتيش مسالية جي من بعد 3 او 4 ايام من إصدار الحكم و خودي معاك تنبر ديال 20 درهم و غادي يقول ليك المسؤول اش غادا الديري حيت انا معقلتش
    من بعد غادي يعطيك ورقة و بهاديك الورقة تمشي عند عدول و دي ليه فوطوكوبي ديال عقد الزواج باش ياخد منو المعلومات و يكتب ليك عقد زواج مغربي و ها حنا سالينا
    المدة تقريبا : 3 اسابيع
    و تنبيه ان المحكمة ماكايقبلوش فوطوكوبي ديال العقد الاجنبي او نسخة مطابقة للاصل ، ضروري الاصلي


    اقتباس من مشراكتي في موضوع ام هند
    Read more: http://www.anaqamaghribia.com/vb/sho...#ixzz1DAF9gAs8

    طلب التذييل

    الحمد لله وحده الدار البيضاء في: ../../....



    مقال رام إلى تذييل عقد الزواج اجنبي بالصيغة التنفيذية



    إلى السيد رئيس المحكمة الإبتدائية
    بالدار البيضاء الكبرى
    " قضاء الاسرة "
    لفائدة : السيدة ..... ...... -مغربية-راشدة
    الكائنة ب: ........(عنوان داركم).........................


    ضد : من يجب

    سيدي الرئيس

    تتشرف العارضة بأن تعرض على أنظاركم ما يلي
    حيث انها متزوجة بالسيد ..... ...... ...... بعضهما من بعض و ذلك حسب العقد عدد .../.... بتاريخ ../../.. .
    و حيث انه استصدر عقد زواج بالجمهورية اللبنانية و الذي قضى بعقد زواج السيد ....... ...... ....... بالسيدة ........ .......... عقد زواج عدد .../.... بتاريخ ../../.. .
    و حيث انها تلتمس من المحكمة الموقرة الحكم بتذييل العقد الزواج الاجنبي المشار إلى مراجعه اعلاه بالصيغة التنفيذية .


    لهـذه الاسبـاب

    فإن العارضة تلتمس من سيادتكم الموقرة و بكل احترام ما يلي :
    في الشكل : بقبول الطلب لاستيفائه جميع الشروط المتطلبة قانونا
    في الموضوع : الحكم بتذييل العقد الزواج الاجنبي عدد ../... بتاريخ ../../..
    بالصيغة التنفيذية المشار إلى مراجعه اعلاه .
    - شمول الحكم بالنفاذ المعجل .


    تحت جميع التحفظات
    التوقيع :
    المرفقات :
    *عقد الزواج



    Read more: http://www.anaqamaghribia.com/vb/sho...#ixzz1DANnl4Nd


    زيارة زوجي بعد عقد الزواج


    هاد المرة طلب وثائق الفيزا تغيرو و كان اسهل اكيد
    طلبو ليه :
    * نسخة من عقد الزواج
    *و خطاب مني مصادق من المقاطعة ( كتبت اني اريد زيارة ديالو) سكانيتو ليه و سيفطتو في ايميل
    *وحجز الفندق و الطائرة



    سفري إلى لبنان


    باش ناخد فيزا للبنان اول شيء اتصلت بالسفارة و عطاتني الاوراق للي هي :
    * نسخة ملونة لاول 3 صفحات من جواز السفر
    *فوطو كوبي عن إخراج قيد
    *فوطو كوبي عن عقد الزواج
    *صورة شمسية
    350* درهم

    الإقامة في لبنان


    انا اسكن في الدار البيضاء و باش نبقى كل مرة طالعة نازلة للرباط باش ناخد فيزا ، فكرت بالإقامة
    فاش مشيت لبنان ، اتصل زوجي بالامن العام و سولهم على الاوراق اللازمة و كانت سهلة واخا مامفكراهاش ، للي مفكراه هو
    * فوطوكوبيات على عقد الزواج
    *و إخراج قيد
    *و التزام بعدم مزاولة اي عمل ماجور(عند كاتب عدل)
    *و صور شمسية خاصة بالإقامة
    *و الباسبور الاصلي

    دفعنا كلشي و بعد 10 ايام مشينا للامن العام جبت الباسبور ديالي و الإقامة مجانية لمدة 3 سنوات

    إيوا رجعت فحالي للمغرب و زوجي مشا يخدم في السعودية و كان موعد طلب الإستقدام

    طلب الإستقدام


    الاوراق للي طلبو ليه في السعودية :

    1- وثيقة زواج
    2- شهادة مصدقة من السفارة السعودية
    3- صورة عن باسبورت ديال زوجة
    4- خطاب من الشركة + طلب للاستقدام
    5- 2000 ريال سعودي
    6-صورة عن الإقامة

    في نفس اليوم عطاوه ورقة صفراء ، و قالو ليه زوجتك تراجع السفارة في الرباط بعد اسبوعين
    و سكانا الورقة هي و الإقامة ديالو و سيفطهم ليا في إيميل
    و انا اكيد طبعتهم و خليتهم عندي


    استقدام عن طريق السفارة السعودية في الرباط
    .


    الوثائق الخاصة بتأشيرة الاقامة


    - احضار تذكرة مراجعة التأشيرات الأصلية: الورقة الصفراء .
    - احضار صورة واضحة من اقـــامة الزوج.
    - احضار صورة مصدقة من عــقد الــزواج .(في المقاطعة فقط)
    - احضار عقود الازدياد للأطفــال المرافقين .
    - احضار الصور الشخصية


    Read more: http://www.anaqamaghribia.com/vb/sho...#ixzz19WMHrFlL

    إيوا و جيت هنا و خديت الإقامة معقلتش على الاوراق


    ماتنساونيش من دعواتكم ليا و لزوجي للي ساعدني في تجميع المعلومات ... باش تكون مرجع للكل
    في امان الله
    و شكرا
    نــــــــــور حبوبتي الله يحفظها



    وِإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ

    سبحان الله و بحمده ... سبحان الله العظيم

    ام معاذ السلفية ســـابقا
    رد مع اقتباس
  2. #2
    عضوة متميزة
    Status
    Offline

    رقم العضوية
    28025
    تاريخ التسجيل
    30/04/09
    التقييم
    50
    المشاركات
    412
    معدل تقييم المستوى
    8

    سلام و عليكم أختي أم معاد تبارك الله عليك معلومات مهمة بزاف غادي تفيد الأنيقات انشالله، ولكن لاحضت معقدين بزاف لأمور هاد راجل مسكين خاص يكون صبار باش مايهربش
    الله يسهل على لبنات كاملين أو يسهل عليك حبيبة أو يخلي ليك راجلك أو يرزقكم درية صالحة انشالله
    رد مع اقتباس
  3. #3
    بنت أناقة مغربية
    الصورة الرمزية فاعلة خير
    Status
    Offline

    رقم العضوية
    15601
    تاريخ التسجيل
    02/07/08
    التقييم
    2147483647
    المشاركات
    6,621
    معدل تقييم المستوى
    21474850

    ماشاء الله عليك اختي راكي كتبتي كل المعلومات شكرا لك بزاف والله ييسر لك انت وزوجك ياربي.
    رد مع اقتباس
  4. #4
    بنت أناقة مغربية
    Status
    Offline

    رقم العضوية
    53448
    تاريخ التسجيل
    24/01/10
    التقييم
    258
    المشاركات
    1,277
    معدل تقييم المستوى
    10

    اقتباس المشاركة الأصلية كتبت بواسطة ouamir
    سلام و عليكم أختي أم معاد تبارك الله عليك معلومات مهمة بزاف غادي تفيد الأنيقات انشالله، ولكن لاحضت معقدين بزاف لأمور هاد راجل مسكين خاص يكون صبار باش مايهربش
    الله يسهل على لبنات كاملين أو يسهل عليك حبيبة أو يخلي ليك راجلك أو يرزقكم درية صالحة انشالله

    الصبر كيعدي كلشي واخا راك عارفة الإدارات ديالنا إلا ماسخسخوكش مايبقاوش على خير
    امين و شكرا على دعيوات و لك بالمثل إن شاء الله


    اقتباس المشاركة الأصلية كتبت بواسطة khadija100
    ماشاء الله عليك اختي ام معاد الله يجازيك كل خير كتساعدي البنات بهاد الموضوع

    و إياكم إن شاء الله، ا الله يجعلو عمل خالص لوجه الله



    اقتباس المشاركة الأصلية كتبت بواسطة فاعلة خير
    ماشاء الله عليك اختي راكي كتبتي كل المعلومات شكرا لك بزاف والله ييسر لك انت وزوجك ياربي.
    امين ا زين الله يبارك فيك و كنتمنى يفعوك المعلومات
    نــــــــــور حبوبتي الله يحفظها



    وِإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ

    سبحان الله و بحمده ... سبحان الله العظيم

    ام معاذ السلفية ســـابقا
    رد مع اقتباس
  5. #5
    عضوة محترفة
    Status
    Offline

    رقم العضوية
    60101
    تاريخ التسجيل
    16/03/10
    التقييم
    68
    المشاركات
    223
    معدل تقييم المستوى
    7

    ماشاء الله عليك اختي ام معاد الله يجازيك كل خير كتساعدي البنات بهاد الموضوع
    رد مع اقتباس
  6. #6
    عضوة فعالة
    Status
    Offline

    رقم العضوية
    89155
    تاريخ التسجيل
    28/11/10
    التقييم
    50
    المشاركات
    93
    معدل تقييم المستوى
    6

    سيري الله يحفطك اختي ام معاد السلفية موضوع جا في وقته انا يلا باغى ندير تدييل وكنت باغى نمشي غدا ندير محامي ساعة بان ليا من خلال كلامك انه موضوع ما محتاجش محامي ندفع سنطيحة ونمشي راسي حتى نشوف
    رد مع اقتباس
  7. #7
    عضوة متميزة
    Status
    Offline

    رقم العضوية
    68038
    تاريخ التسجيل
    10/05/10
    التقييم
    1510
    المشاركات
    471
    معدل تقييم المستوى
    21

    هدا هو الحب والا فلا .
    رد مع اقتباس
  8. #8
    عضوة متميزة
    Status
    Offline

    رقم العضوية
    84666
    تاريخ التسجيل
    07/10/10
    التقييم
    58
    المشاركات
    400
    معدل تقييم المستوى
    6

    السلام عليكم اختي ام معاد السلفية اختي الله يسر امرك تبارك الله عليك مقصرتيش الله يفتح ليك ابواب الخير ويرزقك ربي بالدرية الصالحة يارب .
    اختي بغيت نسولك او سمحيلي اشنو هي المهنة ديال راجلك حيت حتى انا راجلي في السعودية ولكن عندو في المهنة عامل وسمعت باللي صعيب باش يجيبني عندو خاصو يدل المهنة اللي في الباسبور.
    وبغيت نسولك واش طلب الاستقدام كيخرج في نفس النهار .حيت بزاف البنات دافعين ليهوم ازواجهم ومزال ماجاوبوهومش.سمحيلي اختي بزاف الى كترث عليك الاسئلة
    كنتمنى امتى ربي يجمعني بالزوج ديالي وكل البنات اللي كيتسناو ياربي
    رد مع اقتباس
  9. #9
    بنت أناقة مغربية
    Status
    Offline

    رقم العضوية
    53448
    تاريخ التسجيل
    24/01/10
    التقييم
    258
    المشاركات
    1,277
    معدل تقييم المستوى
    10

    السلام عليكم و رحمة الله و بركاته



    اقتباس المشاركة الأصلية كتبت بواسطة لطوفة2010
    سيري الله يحفطك اختي ام معاد السلفية موضوع جا في وقته انا يلا باغى ندير تدييل وكنت باغى نمشي غدا ندير محامي ساعة بان ليا من خلال كلامك انه موضوع ما محتاجش محامي ندفع سنطيحة ونمشي راسي حتى نشوف

    ايييييييييييييييييه كلشي من الصنطيحة ، طلب التذييل نقليه في word و عمري الفراغ و طبعيه
    و إلا ساكنة في كازا سيري لمحكمة الاسرة في الاحباس و للي سول لاكايتلفش
    و إلا بغيتي معلومات اكثر دخلي شوفي موضوع ام هند را البنات كانو كيطرحو تساؤلات و منهم الفاسية للي جربات و صدقات ليها بدون محامي



    اقتباس المشاركة الأصلية كتبت بواسطة fadma40
    هدا هو الحب والا فلا .

    لله الحمد و المنة ، و للي حطات في راسها تاخد اجنبي ، تعول على التكرفيص




    اقتباس المشاركة الأصلية كتبت بواسطة takwa26
    السلام عليكم اختي ام معاد السلفية اختي الله يسر امرك تبارك الله عليك مقصرتيش الله يفتح ليك ابواب الخير ويرزقك ربي بالدرية الصالحة يارب .
    اختي بغيت نسولك او سمحيلي اشنو هي المهنة ديال راجلك حيت حتى انا راجلي في السعودية ولكن عندو في المهنة عامل وسمعت باللي صعيب باش يجيبني عندو خاصو يدل المهنة اللي في الباسبور.
    وبغيت نسولك واش طلب الاستقدام كيخرج في نفس النهار .حيت بزاف البنات دافعين ليهوم ازواجهم ومزال ماجاوبوهومش.سمحيلي اختي بزاف الى كترث عليك الاسئلة
    كنتمنى امتى ربي يجمعني بالزوج ديالي وكل البنات اللي كيتسناو ياربي

    ماشي مشكل اختي
    انا زوجي عندو في الجواز فني كهربائي و هي باش قدم ليا الطلب و حسب ما قال ليا انه كياخد الورقة في 5 او 10 دقائق .
    و كيف ما كتبت بين الاوراق المطلوبة كيطلبو الشهادة ، يعني زوجك إلا ممعاهش شهادة و عندو عامل محالش يسمحو ليه بالإستقدام واخا يكون عندو ماندا مزيانة .
    و للي سمعت انه من الممكن يشري ليك إقامة بالفلوس 20000 ريال يمكن بالتبزنيس اكيد.
    الله يسهل عليك و يلم شملك باقرب وقت إن شاء الله
    نــــــــــور حبوبتي الله يحفظها



    وِإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ

    سبحان الله و بحمده ... سبحان الله العظيم

    ام معاذ السلفية ســـابقا
    رد مع اقتباس
  10. #10
    بصمة رائدة بالمنتدى
    الصورة الرمزية ام الصالحين
    Status
    Offline

    رقم العضوية
    1019
    تاريخ التسجيل
    06/09/06
    التقييم
    29320768
    المشاركات
    20,110
    مقالات المدونة
    1
    معدل تقييم المستوى
    293237

    الله يسر حملك ويبارك لك يارب ويحفظك فزوجك وربي يكمل عليكم بالخيرات .ماشاء الله اكيد حبيبتي موضوع ملم وفيه مجهودات كثيرة من ظرفك ربي يجعلها فميزتن جسناتك وربي يقبل منك ويبارك لك فزواجك يارب.امين.

    استودعكن الله الذي لا تضيع ودائعه
    ام نسرين واخواتها اللهم اجمعنا في ظلك يوم لا ظل الا ظلك
    امة الستير طهورا حبيبتي
    رد مع اقتباس
صفحة 1 من 10 1 2 3 4 5 6 7 8 9 ... الأخيرة

المواضيع المتشابهه

  1. نعاود ليك على خطبتي لكانت اسبوع ماضي
    بواسطة زينة لبنات في المنتدى ::منتدى عروس اناقة مغربية ::
    مشاركات: 55
    آخر مشاركة: 17-09-2012, 01:32
  2. التماطل في الحكم بالمحكمة الإدارية بمكناس
    بواسطة ام عائشة الموحدة في المنتدى منتدى الاستشارات القانونية
    مشاركات: 5
    آخر مشاركة: 12-08-2012, 23:03
  3. ستتم خطبتي.. ألن تهنأنني؟؟ ولكن .. هل توافقون على خطبتي؟؟
    بواسطة صـفـ ح ـة الأيـام في المنتدى ::منتدى النقاشات الجادة والساخنة ::
    مشاركات: 27
    آخر مشاركة: 11-06-2009, 17:25

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •