فطوري ليوم من ايام رمضان بالصور مرحبا بيكم

[fatini]

ثبت بتاريخ : 2011/08/29

من طرف amanarre








انيقات المنتدى لاباس عليكم كيف احوالكم ياك كولشي لاباس
اليوم عاد كتاب نحط موضوع يوم من ايام شهر رمضان المبارك
يا الله نبداو علا بركة الله



اولا : بسيطلات ديال الحوت


المقادير:

هبرة ديال الحوت البيض
الكروفيت
الشومبينيون
بيضة مطربة
الشعرية الصينية
الزبدة
الحامض المصير
عصير الحامض
صلصة الصوجا
الملح
ليبزار
شوية د التحميرة
الهريسة
شوية د الكامون
القزبر و المعدنوس
ورقة د البسطيلة



طريقة التحضير:


كنشحرو الحوت مع طريف ديال الزبدة و الملح



و كنديروها في مقلة كبيرة



و كنشحرو الكروفيت مع طريف ديال الزبدة و الملح



وكنزيدوه علا الحوت



و من بعد كنضيفو ليهم الشعرية الصينية لي فايت و رطبناها في الماء غليان و مقطعة و الفطر و الحامض مصير



و من بعد كنضيفو القزبر و المعدنوس



ومن بعد كنضيفو ليبزار و التحميرة و الكامون و الهريسة



تم صلصة الصوجا



تم عصير الحامض



ونخليو كولشي يتشحر ومن بعد نبداو نعمرو الورقة لي دهنا بالزبدة مدوبة علا شكل بسيطلات صغار و نسدوهم بالبيض حتا نساليو من العمارة لي عندنا و ندهنو الوجه ديالهم بالزبدة مدوبة و ندخلوهم للفران باش يتحمرو







تانيا : لينيم ديال الحبيبة الهام مع بعض الاضافات


المقادير:


علبة ديال الطون
بيض محكوك
الكاشير محكوك
فرماج الدهن
فرماج محكوك
القزبر و المعدنوس
ورقة د البسطيلة
بيضة مطربة للدهن



طريقة التحضير:


ناخدو فرماج الدهن و نخلطوه مع الطون مزيان





و نضيفو ليهم البيض و القزبر و المعدنوس



تم الكاشير و الفرماج محكوك



نخلطو مزيان و نبداو نعمرو لينيم و نسدوهم بالبيض حتا نساليو العمارة لي عندنا و نقليوهم










تالتا : خبيزات معمرين بصدر الدجاج


مقادير العجين :


الطحين
الفينو
خميرة د الخبز
الملح
السميدة رقيقة
الحليب
الماء دافئ للعجن



مقادير الحشوة :


صدر الدجاج مقطع مربعات
طريف ديال الزبدة
الملح
ليزار
الكامون
فرماج الدهن
القزبر و المعدنوس
الزيتون مقطع دواور
الخص
مطيشة مقطعة مداور



طريقة التحضير :


كناخدو الطحين و الفينو و خميرة د الخبز و الملح و السميدة رقيقة والحليب و الماء دافئ وكنعجنوهم مزيان و من بعد كنكرصو بالسميدة





و كنقطعو دويورات صغار من العجينة و كنغطيوهم حتا يخمرو



و من بعد كنطيبوهم في مقلة تقيلة





دبا ندوزو للعمارة ناخدو الدجاج و الزبدة و الملح و الكامون و ليبزار و القزبر و المعدنوس و نخليو كولشي يتشحر



تم كنضيفو الزيتون



تم الفرماج





وهاهي المقادير كولها موجودة



ونعمرو بيهم الخبيزات حتا نساليو من الحشوة لي عندنا



و هاهي الطبلة د الفطور موجودة
فيها : الحريرة + التمر + الشباكية + سلو + بسيطلات د الحوت + البغرير لي مكيخمرش + البطبوط معمر + لينيم و الصينية ديال اتاي + عصير نسيت مصورتهم و بصحتكم و راحتكم

[h_kaoutar]

تبارك الله عليك كلشي زوين، ولبطبوط كيشهي الله اعطيك الصحة

[omwaladan]

ماشاء الله تبارك الله عليك

[imanita_30]

تبارك الله عليك كلشي زوين

[chams adoha]

tbarkalah 3lik

[أم آلاء و إسراء]

تبارك لله عليك الغزالة كلشي تايشاهي

لله يعطيك صحة و يخلي ليك نسرين

أش خبرك بعدا و فين هاد الغيبة ؟ بوسي ليا الكتكوتة

[بشارة خير]

تبارك الله عليك

بالصحة و الراحة

[امونة 1982]

اتبارك الله اعليك فطور اغزال الله يعطيك الصحة
تستاهلى احسن تقييم

[زهرة الخيزران]

السلام عليك كيف حالك اختي تبارك الله عليك كيف حال الكتكوتة

[samiira]

ماشاء الله عليك الله يعطيك الصحة