بريوات مالحين +الورقة ديال البسطيلة

[روح الايمان]

ثبت بتاريخ : 2011/09/07

من طرف amanarre







الحادكات هانا وليت جيت و كالعادت جبت معايا
واحد الحاجة الى كاع العيالات كيبغيو يتعلموها و المهم هو أنها تكون ساهلا
المهم بلا مانطول
جبت ليكم البريوات مالحين و بطبيعت الحال ماشي هدا هو المهم
المهم هو الورقة ديال البسطيلة باش كيتساوبو
اليو جبت ليكم القادير و الطريقة
أجيو بعدا شوفو البريوات كيف جاو


دابا نبداو بالمقادير و الطريقة ديال الورقة:

كناخدوا 100غ ديال الدقيق الجيد +كاس ديال العنبة ماء + قبصة ملح
و القليل جدا من الزيت
كنديروا كلشي فالخلاط و نضربوهم مزيان
وكنحصلو على هاد العجين


من بعد كنبداو عملية الطهي الي كنحتاجوا فيها لمقلة ديال الطيفال +شيتة بحال ديال السباغة
ولكن هي خاصة بالمطبخ +ايناء به ماء

دابا غنبداو بالطهي بطريقة حمام مريم بحيث أننا غنوضعوا الطيفال فوق الايناء ديالنا
الي غيكون فوق النار و فيه الماء الساخن بطبيعت الحال
و نبداو نديروا الشيتة فالعجين و نشيتوا بها الطيفال بلا مانخليو الفراغات
و بلا ما نخليو الورقة غليظة


هادي جاتني سميكة شوية عاد رديتلها البال هههههه

هانتوما ها هوما من بعد ما طابوا




دابا ندوزو للحشوة والصورة كتبين كلشي


مافيها باس نعاودو
عندنا فالحشوة الشعرية الصينية + كبيدات ديال الدجاج مسلوقين و مقطعين مربعات صغيرة +
قشرة الحامض المسير(المرقد) +القزبرو ضريسات ديال التوم مدقوقين + الكمون + الفلفلة حمرا
القليل جدا من الابزار + ملح

كنديرو القزبر المدقوقمع الثوم + التوابل و الكبدة فوق النار و تكون مهيلة
و بمجرد مايبداو يغليو كنضيفو الباقى و نخليوهوم يتشحروا

من بعد كنبداو نعمروا البريوات ديالنا بالطريقة المعروفة
غير كملاحظة بما أن
الطيفال كتكون صغيرة منين قنقطع الورقة على شكل مستطيل كندير 2 ديال المستطيلات
باش البريوا ديالنا تجي ملفوفة مزيان
وهاهي من بعد ما طابت


وها هي الصورة مقربة باش تبان مزيان هههه


وها هوها البريوات واجدين بلا ما تخرجوا من الدار باش تشريو الورقة
هههه
ملاحظة: هاد الكمية كتعطي 10 ديال الحبات يمكن ليكم تضاعفوا الكمية
علي القياس الي بغيتوا

لا تنسوني من صادق دعاكم بالدرية الصالحة

هذا رابط وصفاتي

http://www.anaqamaghribia.com/vb/sho...C7%ED%E3%C7%E4

3 من الأعضاء مٌعجبين بهذه المشاركة: مالك قلبي,سندرلا القلوب,وردة الهاني

[amanarre]

[zahra1977]

شكرا

[amina om yahya]

تبارك الله عليك غزالين

[naanoucha]

السلام عليكم ورحمة الله وبركاته
ماشاء الله تبارك الله حادكة الله يحفظك
هاد شي كايشهي
بيزو من نوال لاختي حنان

[زوجي حبيبي2011]

تبارك الله عليك وصلاة على النبي
شهيتيني فهاد نصاص الليل هههههههه ما نتفاكش معاك صيطي لي شي طبسيل دابااااااااااااا

[روح الايمان]

السلام عليكم ورحمة الله وبركاته
ماشاء الله تبارك الله حادكة الله يحفظك
هاد شي كايشهي
بيزو من نوال لاختي حنان

الله يبارك فيك الغزالة ديال كندا و يخليلك الكتاكيت ديالك

[روح الايمان]

تبارك الله عليك وصلاة على النبي
شهيتيني فهاد نصاص الليل هههههههه ما نتفاكش معاك صيطي لي شي طبسيل دابااااااااااااا

هههههههه تستاهلي كل خير وخا نتي ديما هاربالي بالطباسل من المنتدى ههههه

[fatini]

تبارك الله عليك اختي الله اعطيك الصحة
ما شاء الله تسلم ايدك عزيزتي

[fatima30000]

الله اعطيك الصحة

الأعضاء المٌعجبين بهذه المشاركة: houdato