طورطة مزينة بورود من عجينة السكر مع طريقة عمل الورود

[نجاة تادلة]

06/02/2012













مقادير الجينواز


8 بيضات

240 سكر

200 دقيق

40 نشا

خمارة حمراء



مقادير كريم باتسري


نصف لتر حليب

3 أصفر البيض

4 معالق سكر

3 معالق كاكاو

2 معالق دقيق

قشرة برتقالة محكوكة



مقادير الكناش

200 شكلاط أسود

2 كيسان قشدة طرية سائلة

2 معالق زبدة


ضربت البيض والسكر بالضراب مزيان






أضفت له الدقيق و النشا و الخميرة مغربلين بالتدريج مع التخلاط بملعقة






فرغت العجين في مول على شكل قلب و دخلته للفران





مقادير عجينة السكر

250 سكر كلاصي

ورقة جيلاتين

15 غرام ماء قياس 2 معالق كبار المعلقة الموجودة في الصورة

8 غرام زبدة قياس معلقة صغيرة

25 غرام عسل قياس معلقة كبيرة

ملونات غذائية






وضعت الجيلاتين مع الماء في كسرونة مدة 5 دقائق حتى ترطاب أضفت لهم العسل و الزبدة وضعت الكسرونة

على نار مهيلة حتى داب الكل طفيت عليه و فرغته مباشرة على سكركلاصي ماشي كمية السكر كلها خلطت الكل

مع اضافة السكر حتى أصبح عندي عجين متماسك ما يلصق في اليد قسمته على حسب الألوان لي عندي

من الأحسن يكون الملون غبرة الى كان سائل نحتاج الى اضافة السكر حتى تتماسك مرة أخرى






عملت كرات صغار من كل لون وضعتهم على بلاستيك و فوقهم بلاستيك اخر






دوزت عليهم بشوية بالمدلك






نعاود نضغط عليهم بالأصبع حتى تكون رقيقة نتاكد أولا أنه مالصقش على البلاستيك أو نعمل سكر كلاصي أسفل الدوائر






نأخذ شوية نعمله على شكل بلوطة نرقق الجهة العليا وتبقى غليظة من الأسفل






نوقف البرعم






نلصق عليه الدائرة تكون متساوية من الفوق مع البرعم






ثم الدائرة الثانية من الجهة الأخرى






ودائرة ثالثة من الأمام نبقى نضغط غير من الوسط باش تلصق أما من الفوق تبقى مفتوحة






ودائرة أخرى من الخلف






بنفس الطريقة أنا عملت 6 دوائر الى بغيناها كبيرة نضيف عدد الدوائر

من بعد تنجمعها من الوسط






وتنقطع الأسفل بالسكين






هاهما الوردات لصايبت






لعمل الورقات طلقت اللون الأخضر بين البلاستيك بالمدلك






وقطعته بالسكين على شكل ورقات الى كانت عندنا قطاعة الورقة نستعملوها






وشرطتهم بالسكين بحال الورقة






ها الجينواز بعد ما طاب و برد






قسمته على 3 وضعت الجينواز الأول






سقيتو بالسيرو ثم طبقة من الكريم باتسري





بنقس الطريقة الجينواز الثاني سقيتو بالسيرو والكريم باتسري ثم وضعت الجينواز الثالث






وضعت القشدة الطرية مع الشكلاط على النار حتى داب الشكلاط زولتو و أضفت لهم الزبدة دفى شوية و فرغته على الجينواز






عملت الطورطة في الثلاجة حتى بردات و ز ينتها بالوردات و الأوراق










تنتمنى تعجبكوم هاد الطورطة و نكون توفقت في شرح طريقة عمل الورود والى كان شي سؤال مرحبا

[ام اسحـــــــاق]

ماشااااااااااااء الله عليك اختي تبارك الله عليك موفقة باذن الله جعلها الله في ميزاان حسناتك حتى الطريقة مبسطة نجربها و نرد عليك ان شاااااااااء الله
بصحتك

[تيليلة]

السلام عليكم
ماشاء الله اختي
الله يعطيك خير الردرين
اكثر من رائعة
ثم التثبيت
5*****

[مغربية24]

تبارك الله عليك

[*يارب اكون ام*]

تبارك الله عليك

[madridrajaa]

tbarkelah 3lik had chi gzal lah ye3tek saha ou hta tarika d charh wadha bezaf

[أمة الله بديعة]

ماشاء الله اختي
الله يعطيك الصحة

[أم ملاك أماني]

razala tarika , tbark allah 3alik raki 7adga basahatak

[الهام ام سعد]

سلام عليكم
مبدعة مشاء الله وفنانة
ااحلى تقييم

[نجاة تادلة]

شكرا لك أختي تيليلة على التثبيث الله يجازيك كل خير