ملحق تجمع ريما للأكل الصحي والمتأني خاص بالوصفات فقط

السلام عليكم يا أجمل رشيقات نزولا عند رغبة الأنيقات قررنا نفتحوا هاد الملحق اللي غادي نخصصوه للوصفات الصحية سواء اللي سبق ونزلاتها لينا ريما أو الأخوات في الأجزاء السابقة


ملحق تجمع ريما للأكل الصحي والمتأني خاص بالوصفات فقط

السلام عليكم يا أجمل رشيقات نزولا عند رغبة الأنيقات قررنا نفتحوا هاد الملحق اللي غادي نخصصوه للوصفات الصحية سواء اللي سبق ونزلاتها لينا ريما أو الأخوات في الأجزاء السابقة

صفحة 1 من 29 123456789 11 ... الأخيرةالأخيرة
النتائج 1 إلى 10 من 288

الموضوع: ملحق تجمع ريما للأكل الصحي والمتأني خاص بالوصفات فقط

السلام عليكم يا أجمل رشيقات نزولا عند رغبة الأنيقات قررنا نفتحوا هاد الملحق اللي غادي نخصصوه للوصفات الصحية سواء اللي سبق ونزلاتها لينا ريما أو الأخوات في الأجزاء السابقة

  1. #1
    مشرفة قسم السمنة والنحافة و المطبخ العام
    الحالة : فاطمة التهامي غير متواجد حالياً
    رقم العضوية : 61031
    تاريخ التسجيل : Mar 2010 23
    المشاركات : 29,387
    شكراً : 27,877
    تلقيت إعجاب : 30,709
    التقييم : 2147483647

    افتراضي ملحق تجمع ريما للأكل الصحي والمتأني خاص بالوصفات فقط




    للأكل, ملحق, معلقة, الرشاقة, الصحي, الشوفان, بالحليب, بالوصفات, تجمع, خاص, يبرد, ريما, ساهلة, صغير, زوينة, عليه, عشاق, فقط, والمتأني, نتمنى, نتمنى تعجبكم, وكتجي, طريقة, طريقة ساهلة, كاس

    السلام عليكم يا أجمل رشيقات

    نزولا عند رغبة الأنيقات قررنا نفتحوا هاد الملحق اللي غادي نخصصوه للوصفات الصحية سواء اللي سبق ونزلاتها لينا ريما أو الأخوات في الأجزاء السابقة كنأكد خاص بالوصفات واللي عندها شي استفسار ولا سؤال تدخل للتجمع

    وأي أخت عندها وصفة خاصة بالرجيم ولا فيها مواصفات الأكل الصحي تتفضل مشكورة تنزلها هنا باش نستافذو جميع وباش نحيدو من الاعتقاد السائد والقديم أن الرجيم هو الأكل المصلوق ولا المبخر بالعكس كاينين وصفات لذاذ وشهيين ميخليوكش تحسي بالحرمان والملل من الرجيم
    بلا منطول عليكم على بركة الله نبدأ والوصفات اللي غادي نفتح بيها هي وصفات الغالية على قلوبنا ريما الله يفرحها ويرجعها لينا بخير وعلى خير
    نتمتى التفاعل مع الموضوع وكنطلب من مشرفتنا أم سامي تبث لينا الموضوع لأهميته وشكرا



    lgpr j[lu vdlh ggH;g hgwpd ,hgljHkd ohw fhg,wthj tr' lugrm hgvahrm hga,thk fhgpgdf dfv] shigm wydv .,dkm ugdi uahr kjlkn kjlkn ju[f;l ,;j[d 'vdrm 'vdrm shigm ;hs






  2. #2
    مشرفة قسم السمنة والنحافة و المطبخ العام
    الحالة : فاطمة التهامي غير متواجد حالياً
    رقم العضوية : 61031
    تاريخ التسجيل : Mar 2010 23
    المشاركات : 29,387
    شكراً : 27,877
    تلقيت إعجاب : 30,709
    التقييم : 2147483647

    افتراضي


    الشوربات ريما 2010 وصفات :

    1 شوربة الخضرة بالدجاج والبصلة مشوية
    خضر مشكلة بنفس المقدار ال البطاطا والجلبانة وخيزو أي كرعة خضراء –كرعة خمرا-لوبيا خضرا-
    مطيشة-كرنمب-بورو-سبانخ .....- 2 بصلت كبار مقطعين دواور رقاق ومشويين في الفران - 2 معالق
    معدنوس – قليل من الملح –قليل من البزار - 2 ضروس ثوم محكوك- 2 معالق زيت العود – صدر دجاج
    بل جلدة طبعا
    نشوي البصل ونرش لبزار والملح على الدجاج ونشويه في الفرن
    في طنجرة نحمر الثوم في 2 معالق زيت العود ونضيف الخضر مغسولة ومقطعة نشحرها شوية ونزيد
    ما يكفي من ماء باش تسلق
    لما تنضج نطحن الخضر مع نص الدجاج المشوي ونقدمها مزينة بالبصل مشوي وما تبقى من الدجاج


    2 شوربة المطيشة بالشوفان
    2 معالق زيت العود – 2 بصلت - 3 ضروس ثوم – 4 مطيشات منقيات ومطحونات- 2 معالق معجون
    الطماطم-ملح-بزار-زعيترة محكوكة-طريف الدجاج او اللحم للبنة 3عوض الضامة- قليل من اللحم
    مقطع او دجاج اختياري
    في اناء نصب زيت العود ونشحرو فيه 2 بصلت مشنفين والثوم والمطيشة مطحونة والمركز- قطع
    اللحم او الدجاج ادا توفرت –الملح –البزار ثم نضيف لتر من الماء ونخليها تنضج مدة 30 دقيقة حتى
    تعقاد
    نضيف نص كاس شوفان او دشيشة غليطة وممكن ايضا القمح مهرس او الشعير المهرس بعدما نكونو
    رطبناهم أي القمح او الشعير ليلة كاملة نحرك الشوربة ولما تنضج العناصر نحك الزعيترة ونضيف
    المعدنوس عند التقديم


    3 شوربة الطماطم والشومبنيون
    2 بصلت كبار مشنفين – 4 مطيشات منقيين- معلقة ونص طحين كومبلي- 100 غ شومبنيون - 2
    معالق معدنوس- ضرس ثوم محكوك - 2 معالق ويت العود –ملح –بزار
    في طنجرة نصب الزيت حتى يسخن نضيف الثوم والطحين ونحرك بسرعة + البصل+ +الطماطم واحيرا
    نزيد الماء الكافي 1 لتر وممكن دائما نزيد قطعة من اللحم او الدجاج للبنة
    لما تنضج الطنجرة وتختار شوية لن فيها الدقيق نطحن كل شي
    في مقلة نشخر الشومبنيون في قليل من الزيت ونضيفو على الشوربة ديال البصل والمطيشة ونعدل
    التبزيرة وعند التقديم نرش المعدنوس


    4 شوربة الكرعة الحمرا
    نص كيلو كرعة حمرا – بصلة مقطعة- 2 معالق زيت العود- نص كوزة محكوكة- 3 فرماجات ليث –
    50 غ فرماج كودا ليث محكوك –بزار -ملح
    في طنجرة نشحر البصلة في 2 معالق الزيت – الكرعة مقطعة + ونضيف لتر ونص تقريبا ماء ولما
    تنظج مزيان الكرعة نطحنها مع 3 فرماجات ونردها تغلى ونحك عليها الكوزة وعند التقديم نرش وجه
    الشوربة بالفرماج كودا/ اختياري


    5 شوربة الخص
    2 الى 3 خصات مغسولين مزيان + بصلة مشلظة+معلقة زيت العود + ملح +بزار+بزار+ كاس حليب
    خالي الدسم
    في طنجرة نعمل الزيت+ى الصل+ الخص ونضيف ليه لتر من الماء الغليان ونخليه ينضج تقريبا 15
    دقيقة وبعد دلك نطحن الشوربة ونردها على النار تختار شوية ثم نضيف ليها الحليب ولما يغلى تقدم
    بعدما نرش عليها معدنوس وحتى الجبن ممكن


    6 شوربة الكرعة الخضرا /الكورجيت
    نص كيلو كرعة خصرا – 2 بصلت كبار مشلظين رقاق – 2 ضراس ثوم – معلقة ص كامون - 2 معالق
    معدنوس- 2 معلق زيت العود – معلقة زعتر
    في طنجرة نشحر البصلة والثوم و المعدنوس ونضيف ليها الكرعة مقطعة صغيرة ولما تشحر شوية
    نضيف ليها لتر وربع ماء ثم نطخنها ونردها تغلى مع اضافة الكمون والزعتر محكوك


    7 الشوربة الحارقة ريما
    250 غ لفت ابيض- 250 غ كورجيت - 500 غ مكور 2 بسباسات ادا توفر - 250 شفلور- 3 مطيشات- 3
    -فلفلت خضرين- 2 خصات-ربطة كرافص-ربطة صغيرة معدنوس
    تسلق العناصر كلها وتطحن ومن الممكن اضافة 2 ضامة ديال البنة ومن الفضل الستعاضة عنها
    بشوية كامون وملح وبزار وقليل من الزعيترة او زعتر محكوك ويمكن اضافة قليل من اللحم او الدجاج
    وحتى الكروفيت او السمك ادا توفر لهده الشوربة الحارقة سبيسيال ريما


    8 الشوربة بالشمبنيو ن و الكروفيت والمعدنوس
    بواط الشمبنيون - 2 معالق كبار معدنوس – معلقة ونص طحين كامل – بزار –ملح- 150 غ كروفيت –
    -بصلة كبيرة مشلظة
    في طنجرة نشحر البصلة مشلظة رقيق+كروفيت+ -شمبنيون - 2 معالق زيت العود + الطحين مع
    التحريك والماء لي سلقنا فيه الكروفيت هو باش نمرقو ونزيدو المعدنوس ونخليو الشوربة على نار
    مهيلة تنضج ولما تعقد شوية نزيدوها كاس حليب ليث وتقدم بعدما نرشو عليها معدنوس


    9 شوربة بالعدس والكفتة
    كاس عدس – 100 غ ضرس الثوم- 2 معالق قزبور ومعدنوس- 3 بصلت مشلظين رقاق- معلقة صغيرة
    كامون- قليل من الملح - 2 معالق زيت العود
    في طنجرة نصب الزيت + البصلة مشلظة+الثوم محكوك+قزبور ومعدنوس+ الكامون +ملح ولما
    يتشحرو مزيان نقسم الخليط على 2 نص نحتفظ بيه جانبا ونص نزيد عليه العدس ونمرق ونسد
    الطنجرة حتى يطيب نطحنوه في مولينكس
    في مقلة نشحر الكفتة مع قليل من البزار ونضيفها للعدس المطحون ونزيد النصف التاني ديال البصل
    .لي حتفظت بيه نرد الكل فوق النار يغلى ونعدل الدوق وتقدم ساخنة


    10 شوربة بالسمك
    نص كيلو سمك ابيض والكروفيت وكالمار يعني الخليط كله 500 غ- 2 مطيشات منقيين بل زريعة
    ومقطعين - 1 فلفلة حمرا مقطعة رقيق - 1 بصلة - 2 ضروس الثوم-شوية الزعفران الحر ادا توفر-راس
    معلقة قرفة - 1 بسباسة- 2 كرعات كورجيت-نص معلقة عصير الحامض- 1 لتر من مرق السمك ناخدو
    السلسول وراس السمك ونقيوه ونسلقوه مع 1 جزرة نغرسو فيها 4 حبات قرنفل +شوية سكين
    جبير+نص بصلة ولما يغلى نصفي المرق وهو لي غادي نستعمل في الشوربة – ربطة قزبور
    ومعدنوس صغيرة تقريبا 4 معالق مكرضين- 1 معلقة زيت العود- شوية الشمبنيون السود نصبو عليه
    ماء غليان حتى يتنفخ ونقطعوه صغير
    في طنجرة نشحر البصلة رقيقة في زيت العود+ الفلفلة حمرا+ الشبنيون السود مدة 2 دقايق ثم
    نضيف البسباس مكرض صغير والكرعة مكرضة صغيرة مربعات +عصير الحامض ونمرق بماء
    السمك ونخليها طيب 15 دقيقة ثم بعد دلك نضيف المطيشة + الربيع مكرض+وال 500 غ من السمك
    والكروفيت والكالمار ونزيد من مرق السمك الى كان ناقص ونخليها الى ان ينضج السمك تقريبا شي
    10 دقايق وتقدم ساخنة جدا وبالصحة والراحة

    اهداء من اختكم في ا ريما 2010 اللهم تقبل مني ومنكم يا ا واجعلها
    صدقة جارية لمن كتب واجتهد ولم قرأ ولمن هيأ واشرف






  3. #3
    مشرفة قسم السمنة والنحافة و المطبخ العام
    الحالة : فاطمة التهامي غير متواجد حالياً
    رقم العضوية : 61031
    تاريخ التسجيل : Mar 2010 23
    المشاركات : 29,387
    شكراً : 27,877
    تلقيت إعجاب : 30,709
    التقييم : 2147483647

    افتراضي


    وصفات ريما 2010 الجزء التالث : الدجاج ولداند لاااااااااااااااااااايث


    1 اسكالوب لداند بالعشاب المنسمة
    اسكالوب 150 غ - 100 غ خيزو دواور- بصلة مشلظة- بزار- باقة منسمة من المعدنوس قزبور زعيترة....- 1/4 كاس ماء-شوية الكوري ادا توفرت
    نشحر البصلة في معلقة زيت البلدية +خيزو دواور رقيقة نضيف السكالوب وباقي العناصر ونخلي الكل ينضج 20 دقيقة
    على نار جد مهيلة


    2 لداند او دجاج بابيوت
    صدر دجاج او داند مقطع مربعات - 1 مطيشة مقطعة دواور-معلقة كبيرة من الزيتون السود المقطع- معلقة صغيرة
    عامرة مركز الطماطم- معلقة زيت العود- ملح –بزار-معلقة موتارد-ضرس ثومة محكوك
    في بابيوت نحط نصف الكمية ديال المطيشة +الزيتون السود+نخلط مركز الطماطم والمزتارد والبزار والملح +الثوم
    ونشرمل بيه قطع الدجاج ونوضعوه على دواور مطيشة ونحط من الفوق الدواور المتبقية ونغلق جيدا البابيوت ونعملها
    في الفرن مدة 20 دقيقة الفرن مسخن على درجة 210


    3 -فيلي لداند بصلصة الياوورت
    200غ فيلي دجاج او لداند- بصلة- شامبنيون طري ادا توفر وال ديال الحك – حك ياوورت طبيعي مسوس –معلقة زيت العود- ملح-بزار-صلصة طاباسكو 2 معالق
    نشحر البصلة رقيقة في المقلة +الزيت+صلصة الطاباسكو او صلصة الصوجا-قزبور مكرض+ صلصة الطاباسكو او
    الصوجا +الشمبنيون ثم القزبور في النهاية
    في مقلة نشوي الدجاج او لداند مع قليل من .البزار نحطو جانبا...في نفس المقلة نصب الياوورت مسوس ليث +قليل
    من الملح ولبزار بمجرد ما يبدا يغلى نزيد ليه قطع الدجاج ومزيج البصلة والشومبنيون نخليه بضع دقايق ونقدمو
    بالصحة


    4- اسكالوب دجاج او لداند معمر
    300 غ اسكالوب دجاج او لداند ربطة سبانخ- 1 مطيشة-ربطة من المعدنوس والقزبور- 2 معالق زيت العود- 7 زيتونات خضرين-بصلة مشلظة-نص
    حامضة مرقدة مقطعة رقيق-عصير حامضة-تحميرة-بزار-ملح
    لصوص : في مقلة نعمل معلقة من زيت العود+مطيشة+قزبور ومعدنوس+تحميرة+ملح+بزار
    الحشوة: نقطع الزيتون الخضر+السبانخ مقطعين رقاق ومشحرين مع البصلة في قليل من الزيت+نص حامضة
    مرقدة+ملح +بزار
    نرش القليل من البزار على السكالوب ونعمر بالحشوة ونسد كل اسكالوب بعود السنان
    نعملهم في الكسكاس يتبخرو 15 دقيقة ولما يفورو نقطعهم دواور وندخلهم للفرن بعدما ما نصب عليهم خليط الثوم
    والمعدنوس وعصير الحامض

    5 الدجاج ب العشاب والصوجا
    500غ ابيض الدجاج او الداند – معلقة صغيرة قشور الحامض محكوكين- 2 معالق كبار عصير الحامض- 2ضروس الثوم-معلقة صغيرة سكين جبيل اخضر محكوك-معلقة صغيرة من خليط من العشاب الخمسة كيتباع في المحلت الكبرى
    3 معالق صوص الصوجا الثقيلة – معلقة زيت العود- 1 بصلة كبيرة او 8 بصلت صغار- 200 غ الملفوف مقطع رقيق
    جدا- 150 غ الصوجا المعلبة- معدنوس مقطع رقيق
    نشرمل الدجاج + مبشور الحامض +عصير الحامض+الثوم+سكين جبيل اخضر مبشور+العطرية+ معلقة من صوص
    الصوجا ونخلوه يتشرمل 3 سوايع على القل
    نسخن مقلة غارقة فيها الزيت+الدجاج ونشحرو مزيان حتى ينضج ونزولو من المقلة
    في نفس المقلة نشحر المكور+ الصوجا المعلبة +البصلة ولما يتشحرو مزيان نزيد عليهم الدجاج لي طيبنا قبل ونزيد 2
    .معالق ديال صوص الصوجا لي بقات والمعدنوس


    6 اسكالوب الدجاج او لداند معمر ومحمص
    3 شرائح لداند –فلفلة حمرا-فلفلة صفرا-ضرس الثوم-بصلة صغيرة مشلظة-ملح-بزار-عصير حامضة –نخالة ديال
    القمح- 2 بياض البيض-معدنوس -معلقة زيت العود
    في مقلة نشحر البصلة في معلقة زيت +الفلفل +شوية ملح+شوية بزار +ثوم محكوك+معلقة عصير حامض
    نرقق السكالوب ونضربهم شوية بالدلك نرش عليهم لبزار ومعلقة الحامض ونخليهم شوية
    نعمر السكالوب بالحشوة ونلويههم ونسدهم بعود السنان
    نطرب ابيض البيضوالمعدنوس ونغطس فيه السكالوب ونمرمدو في النخالة ديال القمح وندخلهم الفرن ساخن على
    درجة 200 ونخليهم حتى يتحمر


    7 كفتة لداند في بان ماري
    500غ كفتة بيبي - 2 معالق زيت العود- 2 ضرس الثوم- 2معلقة قزبور ومعنوس- 2معالق من الزيتون الخضر-معلقة كمون+معلقة تحميرة+ملح+ 2 معالق نخالة القمح+فلفلة حمرا-فلفلة خضرا-فلفلة صفرا - 2 بياض البيض-شوية كوزة-
    فرماج احمر كودا ليث ادا توفر
    نخلط الكفتة مع العطرية والثوم والقزبور والمعدنوس
    نشوي الفلفل ونقيهم
    في قالب الكيكة المستطيل الصغير نفرش المنيوم ونسرح فيه تلث كمية الكفتة نحط فوق الكفتة فلفلة حمرا ونرش البزار
    ومليحة وشوية الكوزة ونرش الفرماج الى كان نزيد التلث التاني ديال الكفتة ونكرر نفس العملية مع الفلفلة الخضرا ثم
    الصفرا ونرش في الخير الجبن ونغطي القالب بورق اللمنيوم وندخلو لفرن ساخن 200 درجة بعدما نوضعوه في انية
    الفرن بها ماء ساخن/حمام مريم ونخلوه ينضج 30 دقيقة تقريبا وتقدم مرفوقة بشلظة..رائعة


    8 دجاج العراس ليث بطربقة ريما على طيبة لحلوة
    دجاحات او اكثر مغسولين بالماء والدقيق والخل وسكين جبيل ونزول ليهم الجلدة والشحمة ونقطعهوم قطع صغار - 2
    3بصلت كبار- 3 ضروس ثوم-راس معلقة قرفة-راس معلقة مروزية الدجاج-شوية زعفران شعرة-نص معلقة صغيرة
    خرقوم بلدي مدقوق-نص معلقة صغيرة سكين جبير- 2 معالق زيت – ملح – بزار- نص كاس اتاي ماء غليان-حفنة
    ديال الزبيب بل عظم
    في طنجرة الزيت+البصلة مشنفة +ثوم يتشحرو مزيان وهنا السر ديال البنة ثم نصبو الماء الغليان ونضيفو العطرية
    كاملة ونرمي قطع الدجاج ونحرك جيدا حتى تدخل ليقامة للدجاج ونضيف الزبيب والزعفران شعرة نحرك ونقص العافية
    مزيااااااااااااااااااااان ومنسدش الكوكوت وبل ما نضيف الماء لن الدجاج والبصلة غادي يطلقو ماهم ومرة مرة نحرك
    الطنجرة من يديها باش ميتفرتتش لي الدجاج ..ولما ينضج غادي تشوفو يا غاليات ان لون الدجاج ولى دهبي ومعسل
    بسبب الزبيب لي رميناه من البداية..انا كنعمل المقادير مضاعفة وكنقسم الدجاج بلصوص ديالو على حسب السبوع
    وكنعملو بالكونجلتور...صدقوني كيجي هائل ولاااااااااااااااااااااااااااااااايث مائة بالمائة


    9 دجاج العراس ليث بطربقة ريما على طيبة لحموضة
    2 دجاحات او اكثر مغسولين بالماء والدقيق والخل وسكين جبيل ونزول ليهم الجلدة والشحمة ونقطعهوم قطع صغار - 2بصلت كبار- 4 ضروس ثوم -راس معلقة مروزية الدجاج-شوية زعفران شعرة-نص معلقة صغيرة خرقوم بلدي
    مدقوق-نص معلقة صغيرة سكين جبير- 2 معالق زيت – ملح – بزار- نص كاس اتاي ماء غليان-حفنة ديال الزيتون بل
    عظم- حامضة مرقدة- عصير 2 حامضات
    في الطنجرة كنعمل البصل والثوم يتشحرو في معلقة الزيت +الماء غليان+ثم العطرية كاملة وعصير الحامض –
    والدجاج والزيتون وبنفس الطريقة ايضا نخلي الدجاج يطيب على نار مهيلة بل منسد الكوكوة ولما ينضج وتختار
    المريقة نضيف الحامض مرقدونخليه 5 دقايق عاد نزل الكلة وبالصحة والراحة
    وراه هنا فاش ريما ختكم كتغطس السبت والحد هاهاهاهاهاها


    10 مقيلة الدجاج او لداند بالشومبنيون
    200 غ ابيض دجاج او لداند+ حك الشمبنيون+ 2 فلفلة خضرا+ضرس الثوم محكوك+ 2 معالق زيت العود+ 2 معالق -كبار معدنوس+بزار +ملح+معلقة كبيرة صوص صوجا –اختيارية
    في تيفال نشحر الثوم في الزيت +الفلفلة+ الشومبنيون +ملح بزار+ الدجاج او بيبي ولما يتشحرو جيدا نضيف الصزجا
    ونخليه ينضج 5 الى 10 دقايق على نار مهيلة






  4. #4
    مشرفة قسم السمنة والنحافة و المطبخ العام
    الحالة : فاطمة التهامي غير متواجد حالياً
    رقم العضوية : 61031
    تاريخ التسجيل : Mar 2010 23
    المشاركات : 29,387
    شكراً : 27,877
    تلقيت إعجاب : 30,709
    التقييم : 2147483647

    افتراضي


    وصفات ريما 2010
    هديتي الى كل الغاليات حبيباتي انيقات التجمع الثاني من اجل ريجيم صحي طبي ومتأني

    1 شلظة -
    شلظة الكرومب والكرافص
    ملفوفة صغيرة - 2 جزرات محكوكين – 1بصلة بيضاء صغيرة مشلظة- قليل من زيت العود – 2 عراش كرافص
    مقطعين – قليل من الخل – قليل من الملح
    تخلط العناصر ككل وتترك لمدة ساعة قبل التقديم


    2 شلظة الدنجال والجنجلن
    يشوى الدنجال في الفرن من بعد ناخدو الداخل البيض فقط ونمعسوه مع قليل من زيت العود والجنجلن محمر


    3 شلظة الخيار ودانون مسوس وفرماج كودا ليث
    خيار محكوك – جزر محكوك – كاس ياوورت مسوس جودة - 100 غ جبن كودا ليث محكوك –قليل من النعناع
    طري مقطع
    في اناء نحك الخيار + خيزو محكوك – ياوورت ونخلط جيدا ونخليه تقريبا ساعة ا و ساعتين وعند التقديم نرش
    على الخليط الفرماج والنعناع مقطع


    4 شلظة بالكروفيت والفرماج ابيض ريجيم
    200 غ كروفيت - 2 بيضات مسلوقين 100 غ جبة مزاريل ليث او أي جبن + فينيكريت = معلقة الخل +معلقة
    موتارد+معلقة زيت العود او اركان +قليل من البزار+ قليل من الملح +فلفلة خضراو حمرا مقطعين مربعات
    صغار + شوية كرافص مكرض رقيق+ خيارة محكوكة
    يسلق الكروفيت مدة 2 قائق نقيه ونضيف ليه باقي العناصر مقطعة وفي الخير يسقى بلفينيكريت ويقدم


    5 شلظة بالدجاج المشوي 5
    200 غ من صدر الدجاج مرقد في عصير الحامض والزعيترة وزيت العود + 100 فرماج كودا ليث (كودا ليث
    فرماج يشبه الفرماج الحمر عندنا لكنه ريجيم 0 دهون موجود في المحلت الكبرى في الماكن المخصصة للجبن
    والكاشير) + 60 غ من الخبز + بصلة مقطعة رقيقة جوانح +خص+ ربع ملفوفة خضرا+ربع ملفوفة حمرا+
    ضرس ديال الثوم + 2 معالق زيت الزيتون +معلقة كبيرة عصير الحامض+شوية الملح+ شوية البزار
    ناخد الدجاج نشرملو ليلة كاملة او على القل ساعتين ونشويه اما على الفاخر او الفرن ونقطعو طريفات صغار
    نحك ضريس الثومة على الخبز ونحمرو في الفرن او في الة تحميص الخبز ونكسرو كدلك الى مربعات ثم نقطع
    الملفوف الحمر والخضر شرائح رقيقة جدا على الطول ةنخلطو مع بعض
    نفرش الخص في اناء التقديم ونحط عليه فلرشة من مزيج الملفوف او المكور ناخد نص كمية الفرماج نخلطها مع
    الدجاج ونصبها على الخص واضيف قطع الخبز وفي الخير نصب مزيج زيت العود والحامض والملح والبزار
    .ونرش ما تبقى من الفرماج المحكوك


    6 شلظة اللوبيا الخضراء والبرتقال
    250 غ لوبيا خضرا – 1 فلفلة خضرا + 4 مطيشات بل زيعة - 2 برتقالت منقيين ومقطعين دواور - 4 معالق خل+ 2 معالق زيت اركان الى كان موجود او زيت العود –قليل من الملح قليل من البزار –
    نسلق اللوبيا في ماء غليان ومملح مدة 10 دقائق بعدما نقوها ونقسموها على 2
    نقي مطيشة ونزول ليها زريعة ونقطع الفلفلة مربعات صغيرة نخلط الخضر ونسقيها بلصوص المكونة من الزيت
    والخل والملح والبزار ونزوقها بالبرتقال دواور ونقدموها وممكن نستبدلو البرتقال بالبملوموس


    7 شلظة القيمرون بالصوجا
    150 غ قيمرون مسلوق – بواطا ديال الصوجا – 1 خص – 2 معالق زيت العود + 2 معالق حامض معصور +
    . معلقة صوجا – شوية لبزار- معدنوس مقطع رقيق
    نصفي الصوجا نغسل الخص ونشفو من الماء نفرشو في صحن التقديم وندير فوقها عروش الصوجا المعلبة
    ونصب فوقها لصوص المكونة من الصوجا وزيت العود والحامض والبزار وفي الخير نوضع الكروفيت ونصب ما
    تبقى من لصوص من الفوق ونزوق بالمعدنوس رقيق


    8 سلطة ديال الكرعة/ كورجيت
    نص كيلو كرعة – معلقة صغيرة كمون –معلقة صغيرة تحميرة – 2 معلق عصير الحامض –معلقة قزبور
    ومعدنوس – 2 معالق زيت العود + 2 ضراس ثومة محكوكين
    في طنجرة نعمل الزيت + التوابل + الربيع + الثوم و نضيف الكرعة مقسومة على الطول ونغطيو الطنجرة
    ونخلوها على عافية مهييييييييلة جدا وبل منزيدو ليها الماء لن الكرعة كطلق الماء ولكن نردو البال مع العافية
    تكون بحال الشمعة ..كتجي معلكة


    9 شلظة القطنيات بالطون
    8 الى 10 معالق عدس او حمص او لوبيا بيضا – 1 بصلة مقطعة دواور + 2 ضروس ثومة محكوكة- 2 معالق
    زيت العود – معدنوس مقطع – حامضة معصورة – حك ديال الطون
    في طنجرة ندير كاس كبير ماء + ثوم+ زيت+حامض+معدنوس + نوع واحد من القطنيات وعلى عافية مهيلة
    نخليوها تنضج
    في صحن نحط العدس او الحمص او اللوبيا ونزيدها البصلة دواور رقيقة ونرش الطون على وجه القطنية
    .ولصوص لي سلقنا فيها نصبوها من الفوق بعدما تكون ختارت

    10 سلطة البروكولي
    250 غ بروكولي – 1 فلفلة خضرا - 1 فلفلة حمراء+ 100 غ الشومبنيون الطري او المعلب +قليل من البزار+ 2
    معالق خل او حامض + 2 معالق زيت العود + معدنوس مقطع رقيق جدا
    في مقلة غارقة قليل نصب الزيت+ الفلفل+ الشومبنيون + البروكولي نقص العافية ونغطي المقلة ونخلي
    البروكولي ينضج تقريبا 7 دقايق مخاصش البروكولي يطيب بزااف وعند امتزاج العناصر ونضجها نزيد الحامض
    معصور ولبزار والملح ونقدم هاد السلطة دافية بعدما نرش عليها المعدنوس






  5. #5
    مشرفة قسم السمنة والنحافة و المطبخ العام
    الحالة : فاطمة التهامي غير متواجد حالياً
    رقم العضوية : 61031
    تاريخ التسجيل : Mar 2010 23
    المشاركات : 29,387
    شكراً : 27,877
    تلقيت إعجاب : 30,709
    التقييم : 2147483647

    افتراضي


    وصفات ريما2010 الاسماك وفواكه البحر لايث من اجل تجمعات ريما للريجيم الطبي الصحي المتاني -
    الى كل الغاليات بالتجمعات الخمسة والقادم من من مسار محاربة الشحوم...
    الى مشرفتنا الرائعة ام سامي
    والى كل انيقات منتدى اناقة مغربية..من اجل صحة افضل
    اللهم اجعلها صدقة جارية لابي رحمه الله ولامي شافاها الله اللهم اكتب اجرها لمن هيأها ولمن قرأها واجعل كل حرف منها صدقة وتكفيرا عن دنوبي ودنوب كل اخواتي بتجمع ريما من اجل ريجيم طبي صحي امييييين


    1 فيليه السمك مع صلصة الليمون
    شرائح من السمك 300 حتي 400 غرام
    30غ من الخل الابيض وادا توفر البلسميك افضل
    2 بسباس
    3 البصل
    2 فصوص من الثوم
    ملعقة كبيرة زيت الزيتون 1
    . الملح
    فلفل
    الصلصة :
    . ملعقة كبيرة نشا الذرة
    2 ليمون الحامض
    2 صفار البيض
    الملح
    فلفل
    الطريقة
    يقطع البسباس والبصل والثوم رقيقا ويشحر في زيت الزيتون في كوكوت يضاف الملح والابزار وعلى نار هادئة نخليوه يتشحر مدة 10 دقائق ثم نضيف الخل البلسمي او العادي نحط عليه قطع السمك المقسوم على 2 ونخليه ينضج مدة 5 دقائق بمغرفة كتصفي نهز قطع السمك والخضر ونصفي المرق المتبقي في مصفاة
    ناخد 3 معالق من المرق المصفى ونضيف ليه المايزينا مع التحريك المستمر ونضيف ليه عصير الحامض واصفر البيض ونضيف مات بقى من عصير الحامض والمرق المصفى مع التحريك المستمر +ملح بزار ولا نترك ابدا الخليط حتى يصل درجة الغليان..في صحن التقديم نصب لصوص على قطع السمك ونزوق بالخضر المشحرة.
    فوائد السمك كثيرة ومتعددة اهمها الاحماض الامينينة وخاصة الاوميكا 3
    البسباس من الخضر الغنية بالفيتامن ومضادات الاكسدة


    2 سمك اللوط مع كريمة ياوورت لايث
    2- 4 قطع من سمك لا لوط
    15 سل من الماء
    2معالق ميزينا
    15 سل حليب بدون دسم
    2 كيسان ياوورت لايث
    3 معالق عصير الحامض
    قشر حامضة محكوكة
    نص معلقة صغيرة من السكر الاصطناعي
    القليل من المعدنوس مقطع
    الطريقة
    ناخدو الفيلي ديال السمك نعملوه في مقلاة لا تلصق مدهونة بالقليل من زيت العود 2 دقائق لكل جهة لما ينضج نغطوه في اناء .نخلط المايزينا مع الحليب لايث ونحطها على النار مع التحريك المستمر الى الحصول على صوص خاثرة بحال لا بيشاميل نقص النار ونخليها تنضج 3 دقايق مع التحريك نزلووها من النار ونزيدوها الياوورت وعصير الحامض ونصف مبشور الحامضة والسكر دايت نردوها تسخن فوق النار بلا ما تغلى نصبوها على قطع السمك ونرشوها بالمعدنوس مقطع


    3 حوت البوري بالكرعة الحمرا وبنسمة زيت اركان مرفوق بالروز
    4 فيلي من سمك البوري
    150 غ ارز
    200 غ مطيشة
    400 غ كرعة حمرا
    2 بصلات
    2 معالق زيت اركان
    1 ضامة بنة
    تحميرة – ملح- ابزار
    الطريقة
    نرقق البصلةونشحرها في مقلاة مدهونة فيها 2 معالق الزيت اركان + مطيشة مطحونة+ تحميرة+ملح +بزار+ الكرعة مقسمة الى 4 قطع نغطيها ونخليها تنضج ¼ ساعة
    في كاسرونة نعمل الماء وفيه ضامة البنة ولما يغلى نرمي فيه قطع السمك 3 او 4 دقائق ونزولها نصفيها.
    في نفس الماء نرمي الارز مع قليل من الملح و القليل من زيت اركان
    في صحن التقديم نحط الارز ونصفف عليه قطع السمك ونسقيهم بالكرعة مع لاصوص


    4 سمك الراية بالزعفران الحر
    350 غ من فيلي الراية –راها سمك لديد ورخيص تقريبا 22 درهم للكيلو فمرجان-
    100 غ من الكروفيت منقي
    معلقة زيت العود
    100 غ شامبنيون
    100 غ بصل صغير
    نص لتر من مرق السمك
    20 غ زعفران حر
    30 غ كريم فريش لايث الا ماكانتش فرماج /جبن لايث
    زعيترة –ملح-بزار-ورقة سيدنا موسى
    2 معالق دقيق
    الطريقة
    في مقلاة بها القليل من الزيت نحمر قطع السمك من الجانبين نزولها ونرمي في نفس المقلاة البصل والشومبنيون مدة 10 دقايق نعمل السمك لي حمرت شوية في المقلاة في كسكاس مع البصل فيها بعض القرنفلات والزعيترة وورقة سيدنا موسى
    نخلط الدقيق مع 100 مللتر من مرق السمك ونحركها جيد مع اضافة الزعفران الحر ولبزار والملح والجبن لايث وعصير الحامض يقدم السمك مرفوق بالخضر والارز لي غادي نطيبوها في البرمة تحت الكسكاس باش يتنسم بنسمة السمك مع اضافة ما تبقى من مرق السمك له


    5 بابيوت بسمك الطون على الطريقة التاهيتية
    2 فيلي من سمك الطون
    1 كرعة صغيرة
    200 غ لوبيا خضرا
    1 خيزو
    4 مطيشات
    1 بصلة
    2 معالق زيت العود
    حامضة محكوكة
    شوية سكين جبير اخضر محكوك
    4 معالق حليب الكوك راه موجود في المحلات الكبرى والا نصبو الماء غليان على الكوك ونخلوه حتى يطلق مزيان ونطحنوه مزياااااااااان ونصفوه

    الطريقة
    نشحر البصلة في القليل من الزيت في بابيي المنيوم او سولفيريزي نحط الخضر ونحط عليها البصل ونرش سكين جبير ومبشور الحامض ومعلقة من حليب الكوك واخير قطعة من سمك الطون نسدو بابيوت ونوضعوها في كسكاس مدة 25
    دقيقة ونقدموها بالصحة والراحة

    6 سمك في الفرن بالخضر منسم بالكوزة

    كيلو من شرائح السمك الأبيض
    حبة بصل
    < حبتاى مطيشة
    < عرش معدنوس
    < 4 فصوص ثوم
    < 50 غ زيتون أسود منزوع العظم
    < ملعقة كبيرة كمون + معلقة صغيرة قرفة
    < ملعقتان كبيرتان أعواد القرنفل
    < ملعقة صغيرة من مسحوق جوزة الطيب
    < قبصة تحميرة
    < زيت زيتون
    < ملح < إبزار
    ة1قرع

    طريقة التحضير
    تبلي شرائح السمك بالملح والقرفة وأعواد القرنفل ومسحوق جوزة الطيب واتركيها جانبا.
    قشري البصل والثوم وطحنيها ، قطعي القرعة إلى قطع، والمطيشة إلى مكعبات،وكرضي المعدنوس .
    سخني الزيت في مقلاة ، ومرري البصل والثوم حتى يصير لونهما ذهبيا، أضيفي مطيشة والمعدنوس والقرعة وتبلي بالملح والإبزار والتحميرة واتركي الجميع يطهى لمدة 20 دقيقة.
    سخني الفرن على درجة حرارة 150 مئوية.
    صففي السمك في صفيحة فرن سبق رشها بالزيت وأدخليه لمدة 10 دقائق.
    أخرجي الصفيحة ثم زيني حواشي السمك بالخضر ثم أدخليها إلى الفرن لمدة 5 دقائق
    أزيلي الصفيحة ووزعي السمك والخضر على أطباق التقديم وقدميه فورا.


    7 طاجين صويري ديال سمك الفرخ او السنور بالبصلة والزبيب وزعفران الحر
    ناخدو 500 غ من هبرة سمك الفرخ واحس مكان نطلبوه من بائع السمك هو العنكرة
    نص كيلو من البصل الابيض لان الاحمر كيزراق مع الطياب
    ¼ زبيب بلا عظم والى كان البلدي احسن
    معلقة صغيرة قرفة
    ملح-بزار-ربطة صغيرة قزبور ومعدنوس مربطة- القليل من مروزية اللحم –زيت اركان ادا توفر والا زيت العود- خرقوم بلدي مدقوق-سكين جبير-2 ضروس الثومة محكوكة
    نقطعو السمك في اناء نخلط كل العناصر ديال العطرية ونخلي شوية الزعفران الحر +قليل من الماء والزيت ونشرملو فيها السمك ممكن مدة ليلة كاملة واقل وقت ساعة
    نستف السمك في الطاجين مع ربطة الربيع ونقطع عليه البصلة دواور رقيقة ونحط الزبيب من الفوق نرش القرفة ونحك ما تبقى من الزعفران الحر نزيد 2 معالق من زيت اركان او العود ونص كاس صغير ماء لان البصلة كترخي الماء ونخليه يطيب على نار مهييييييييييييلة جدا حتى ينشف من ماه وتتعسل البصلة ويقدم بالصحة والراحة –هدا من الطواجن الصويرية الاصيلية لي كدكرني بدارنا وايام الطفولة بمدينتي الغالية مدينة الصويرة-

    8 سمك القرب الصويري بالشرمولة والزيتون احمر وطيبة زيت اركان
    ايضا هدا من الطواجن الراقية لي كانت ماما الله يطول عمرها كتعملها فالنهار لكبير
    كيلو سمك القرب مقطع
    ¼ كيلو زيتون احمر
    2 فلفلات خضرين مشويين ومنقيين
    1 فلفلة حمرا مشوية ومنقية
    2 مطيشات
    1 حامضة مصييرة
    4 معالق زيت اركان
    بزار-تحميرة-5 ضروس ثومة-معلقة صغيرة سكينجبير- 2 معالق قزبور ومعدنوس مقطعين رقاااااااااق جدا- عصير حامضة
    نشرمل الحوت بالعطرية والثومة مدقوقة الحامض والربيع نخليه يرتاح
    في طاجين نستف السمك ونزيد ليه نص كاس ماء+ زيت اركان ادا توفر احسن ونخليه يتحمر وينضج على نار مهييييلة جدا والى كان الفاخر كان احسن
    لما ينضج ويبان لينا مجمر نزوقوه بالزيتون احمر والفلفلة الملونة على شكل ضامة أي مربعات مخالفة /لوزونج واخيرا نزوق باطراف الحامض المصيير ونردو على النار حتى ينضج الزيتون غير بالبخار تقريبا شي ¼ ساعة ونقدمو لاعز الناس هاد الطاجين كيبغي الخاطر والوقت وميكونش فيه نهائيا الرق كثير ..


    9 كفتة ديال الميرلان بلاصوص طوماط
    250 غ فيلي مرلان نمعسوه بالفورشيط
    عطرية ديال الحوت : تحميرة –ثومة-سكين جبير-ملح-بزار – ربيع مكرض-عصير الحامض
    3 مطيشات محكوكة-بصلة صغيرة محكوكة-2 ضروس ثوم-معلقة صغيرة مطيشة ديال الحك- زيت العود
    نخلط الكفتة مع العطرية وفي اناء نصب مطيشة مطحونة والبصلة محكوكة والربيع مقطع ومعلقة ديال زيت الزيتون – ونوضع فيها كويرات الميرلان وممكن نزوقها بالفلفلة مشوية وبعض حبات الزيتون بلا عظم والحامض ونخلوها تنضج حتى يتخثر المرق وهي سهلة وملائمة للريجيم

    10 مكور معمر بكفتة المرلان
    نفس طريقة الكفتة السابقة فقط كنزيد مكورة نقسمها على 2 ونسلق الاوراق في ماء غليان نص سلقة ونغطسهم في ماء بارد..ناخد ورقة ونعمرها بكويرة كفتة وممكن نزيدها شوية الروز ونلويها ونستفها في لاصوص طوماط اما نعملها طيب في الطنجرة وممكن ندخلها الفرن

    11 حوتة فالفران معمرة بالعطرية صفرا
    حوتة قياس كيلو انا كناخد لهاد الوصفة سمك الموصطيل ونطلبو من بائع السمك يفتحها من الظهر – كاس ارز او قمح مسلوق-100 غ كروفيت منقي -50 غ كروفيت للتزيين- 150غ كلامار –معدنوس مكرض – شوية زعفران حر + ملون +شوية خرقوم بلدي + شوية سكين جبير-عصير الحامض

    الطريقة
    نخلط الارزمع العطرية و100 غ كروفيت و 100 غ لكلامار مصلوق+معدنوس +ثوم وباقي العناصر نعمر به الحوتة ونحاول اما نخيطها او نسدها بعواد الاسنان
    في اناء ديال الفرن نكرض القزبور والمعدنوس+ بصلة صغيرة مشلظة+ثومة+العطرية الصفراء+ 2 معالق الزيتونقطع مطيشة دواور والحامض دواور ايضا + نص كاس ماء ونحط الحوتة ولما تقرب الحوتة تنظج من بعد 45 دقسقة في فرن 200 درجة نزوقها بالكروفيت والكلامار بعدما ناخد شوية لاصوص من السمك لي كيطيب ونشحرهوم فيه ونقدمها بالصحة والراحة

    12 كراتان بفواكه البحر لايث
    غ كروفيت منقي100
    100 غ كالامار مصلوق
    50 غ مربعات سمك
    كاس مرق السمك
    نص كوزة محكوكة
    2 معالق طحين
    ملح –ابزار-2 معالق زيت الزيتون
    جبن كودا لايث محكوك
    في مقلاة غير لاصقة نشحر مربعات السمك في القليل من الزيت نملح ونبزر
    نفس الشيء بالنسبة للكلامار والكروفيت ونحطهم جانبا
    في كاسرونة نحط 2 معالق زيت+ طحين ونحرك جيدا ونصب كاس المرق+ نحك الكوزة الى غاية الحصول على بيشاميل بنكهة السمك
    في انا كراتان نصب شوية من لابيشاميل ثم نوزع السمك والكروفيت والكلامار ونرش الفرماج وبعده لا بيشاميل وفي الاخير نرش ما تبقى من الفرماج وندخلها للفرن وهكدا يكون عندي كراتان لايث يصلح كمقدمة ولو في لعراضات .

    13 سمكة فالفرن بالاعشاب
    ناخد أي نوع من السمك ونحاولو قسمو الحوتة على جوج نوضعها في اناء الفرن ونصب عليها 3 معالق زيت الزيتون + عصير حامضة كبيرة ونحك الزعيترة وازير حتى نغطي وجه الحوتة وفجناب نحط الحامض ضواور ندخلها للفرة مدة 10 الى 15 دقيقة

    14 سردين معمر بالكروفيت
    12 سردينة
    100 غ كروفيت منقي
    حك صغير شمبنيون
    عصير حامضة
    فلفلة حلوة مقطعة ضواور
    معلقة كمون
    ملح
    زعيترة
    معلقة زيت العود
    معلقة صغيرة تحميرة- حامضة ضواور
    نغسلو السردين ونزولو لو السلسول نحلط لكروفيت مع باقي العناصر ونعمر كل سردينة بمعلقة من خليط لكروفيت بالاعشاب ونلويها على نفسها ونسدها بعود الاسنان
    في اناء الفرن نفرش ضواور الحامض والفلفلة ونستف عليها السردين وندخلو للفرن حتى ينضج ويقدم مع سلطة






  6. #6
    مشرفة قسم السمنة والنحافة و المطبخ العام
    الحالة : فاطمة التهامي غير متواجد حالياً
    رقم العضوية : 61031
    تاريخ التسجيل : Mar 2010 23
    المشاركات : 29,387
    شكراً : 27,877
    تلقيت إعجاب : 30,709
    التقييم : 2147483647

    افتراضي


    وهادو وصفات كنت جمعتها من الأجزاء السابقة الشكر موصول لصاحبات الوصفات



    * ها شوربة الكرافس بحال الحريرة حامضة بل تدويرة الدقيق
    فطنجرة ديري بصلة متوسطة تشحر+دجاج مربعات مع 2معالق زيت العود زيدي 2معالق كرافس مقطع رقيق+2معالق قزبور ومعدنوس زيدي عطرية ابزار+تحميرة+سكين جبير+خرقوم بلدي بللي بقياسك الماء ملي يطيبوا زيدي 2 مطشات مطحونين خليها تطيب شويا الى بغيتي طحنيها الى ما بغيتيش خليها المرق يكون فالقياس ولى بغيتيها للغذاء زيدي كاس عدس وديريها باللحم وطحنيها كتجي خاترة وبالصحة والراحة

    * شوربة البصل بالدجاج اوالسمك
    4 اكواب الماء-نصف كيلو سمك ابيض مقطع مكعبات-مكعب ماجي
    -ثوم مفروم-زنجبيل طازج مفروم -بصل مفروم-نصف ملعقة صغيرة قزبور يابس- ربع ملعقة صغيرة قرفة - قليل من الابزار- قزبورمفروم - الحامض حسب الرغبة
    نغلي الماء مع الثوم والزنجبيل والبصل بعدها نضيف السمك نتركه يطيب مدة 20 دقيقة نضيف مكعب ماجي والقزبور اليابس والقرفة والابزارنتركه يغلي 5 دقائق ثم نضيف القزبور مفروم ونطفو النار
    والحامض نعملوه حسب الرغبة
    ممكن نعملوها بالدجاج تتجي زوينة انا شخصيا متيعجبنيش ماجي كندير فبلاصتو الخرقوم البلدي
    منها شوربة منها مشروب زنجبيل ومفيدة لمرضى السكري فيها البصل والقرفة لي كيعدلو السكر فالدم

    +نصائح لتحضير كسكس لايت _استعمال قليل زيت لعود لطهي اللحم وحتى فلفتل
    لخضر لمسموح بها انواع قرع ليشو انواع للفت فلفل حلو حار بصل دنجال جربو ليشو بريكسال الصغير تيجي رائع
    _لحم دون دهن او دجاج منزوع لجلداو سمك ابيض(فرخ)
    لكسكس من نوع جيد مصنوع من لقمح ويستحسن سميد فسميد او شعير _
    للحصول على كتافة جيدة نضيف عصير طماطم للمرق وربطةمن معدنوس وقزبر
    لالا للسمناالحار او زبدة الاكتار منسكين جبير البزار وبصحة والراحة شهيةطيبة متفوتوش8 ملاعق

    * اسكلوب لاداند او دجاج لمقادير
    شرائح من دجاج اولاداند متبلة بملح بزار _سبانخ بصل اخضر ثوم فطر توابل ملعقة زيت عود _قطع جبن
    الطريقة نعمل زيت وسبانخ ثوم محكوكة بصل مشلظ +فطر+توابل يتشحر
    تمددشرائح وسط فلم المونتيروتمدد بضغطها بثقلااو سكين تعمربلحشو تغلق باعواد اوخيط لتفادي خروج لحشوة خارجا تقلب فوق مقلةبملعقةزيت عود لتاخدللون ت تدخل لفرن انا تنرافقهابعد تقطيعها دوائر مع خضر مفورة سوتيه

    * عصائر لايث
    الاقتراح1
    ممكن تطحني مثلا الدلاح وتضيفي ليه قطرات من الحامض راه كيجي رائع
    الاقتراح2
    خودي كاس حليب لايت او عصير ليمون وطحني فيه 2 خوخات ممتااااااااااااااااز
    لكن خوديهم فالسناك ديال لعشية ماش فالعشا العشا ضروري تحترمي مكوناتو: خضر+بروتين

    * الحليب وحب الرشاد لي كيعملو للنافسات
    المهم خديت كاس حليب لايث+القليل من الابزار+قريصة ملح ورميت فيه 4 معالق حب الرشاد منقي ومغسول ولما غلا الحليب اضفت ليه بياض 2 بيضات وهدا هو عشايا

    * ***** ديال الدار
    مصوباه من الكلية+زريعة الكتان+زريعة الكرعة+زنجلان+القليل من اللوز والزبيب
    جربو الكورن فليكس ديال الدار لانه صحي ولانه ممكن تستعملي فيه كل ما عندك من الزريعة بحال زنجلان -زريعة- الكتان-زريع الدلاح-زريعة القرعة- الكلية ديال الدرى ولكلية ديال الزرع -الشوفان-الخرطال-النخالة..........
    والمكسرات على مختلف انواعها وكدلك ممكن نسموه بالقرفة او الفاني او مسكة حرة وكدلك انا كنزيد ليه شكلاط غبرة لايث المهم كيكون ارخص والد واكثر ثقة من لي موجود في السوق ومعارفينش شنو فيه
    كورن فليكس ديال الدار الد من ديال الزنقة
    غير انا مكنعملش السكر وفمكانو راه كاين العسل وبالنسبة للزبدة ممكن نستعملو 1 معلقة انا شخصيا هاكدا مجرباه وراه كيجي رااااااااااااااااائع

    * كورن فليكس منزلي :
    الوصفة طبيعية تصلاح مع الحليب في بلاصة الكورن فليكس للصغار و الكبار غادي نحتاجو
    *جوج كيسان الخرطال,
    * نوع من انواع المكسرات ممكن اللوز او الكركاع او الكاوكاو,
    * شوية النخالة الزرع,
    * شوية الزريعة مطيباش و ممكن تعويضها بزريعة الكتان,او الزنجلان,
    * فواكه الجافة ممكن تستعملي اي حاجة المشماش يابس او التمر مقطع
    طريفات او الزبيب او اي حاجة موجودة.
    نخلطو جميع المقادير ماعدا الفواكه الجافة نديروه في طاوة و ندخلوه يتحمر شوية في الفران.
    و في كاسرونة ندوبو كاس العسل الحرة مع شوية السكر و جوج معالق الزبدة شوية الفاني قبصة الملح و نخويوه على الخليط و هو سخون و نطلقوه فوق الطاوة و ممكن نستعملو طاوة اخرى من الفوق بش يتقاد.
    ندخلوه الفران عشرين دقيقة و هاهو وجد لويه في ورق الزبدة و خليه في الثلاجة و يتقدم بالصحة و الراحة


    * هذ وصفة دجاج باليوغورت مسوس لايت
    المقادير
    _دجاجة مغسولة بملح حامض سكين جبير منزوعة اللجلد مسقطرة مقطعة على 4 او اطراف صغيرة يمكن انك تخليها صحيحة كل وشهوتو
    1 ياغورت لايت
    توابل _ملح بزار سكين جبير زعفران شعرة زعتر محكوك فص ثومة محكوك نصف حامضةمعصرة
    في ميكة عملي توابل+ يوغورت خلطيه وزيدي عليه دجاج خلطيه عمليه فسوبير يتشرب ليلة كاملة تعمليه فلاطة +كاس ماء يغطى بورق لفرن تم الالمنيوم
    (احدرو في اي مناسبة ملامسة لالمنيوم للطعام مباشرة لانه غيرصحي) يطهى نصف ساعة من تم عري عليه وخليه يتحمر بصحة وراحة


    * سلطة خيار بيوغورت مسوس
    مقادير 2 خيارات محكوكين ياغورت خس جيليان رقيق يخلط يعمل بزليفات صغار يترك يتشرب عند تقديم يزين بخيزو محكوك ونا تنزيد زريعة لكتان عوض نعناعمقطع حيت مكيعجبنيش سلطة اصلهاشرقي تسمى خيار بلبن اولتو ايه
    بالنسبة للخيار، انا تنحكه و نزيد نسمه بالحامض و الزعتر، و عند التقديم عاد نزيد معلقة او 2 ديال دانون، تيجي لذيذ، و تنعوض الخيار بالملفوف، حتى هو لذيذ، غير تنعمل القياس لي غادي يتنكل، لانه الى بقا تيطلق الما و يبسال

    +بيزا لايت اخترعتها
    وطبقتهافيما سبق بتوست ابيض دبةجتني فكرة بتوست انتجرال كامل
    نوضح الطريقة عوض عجين نعمل توست غيرمحمر من دقيق كامل يدهن بصلصة طماطم مجهزةمن قبل +موزرلا لايت محكوكة +اوريجانو (او زعتر) حبق وتطهى فلفرن سريعة صحية باش منساوش شهيوات لعزيزةعلى وليداتنا تلدقنامنخسروش ريجيم بصحة وعافية ونت وحداكتك فتنويع لحشوات

    * بيتزا لاااااااااايث 100% ريما
    مكان العجينة كناخدو الكورجيت نحكوها غليظة+2 بيضات+القليل من الملح+القليل من الجبن لايث المبشور
    نسرحوها في طاوة من بعد ما ندهنوها بالقليل من زيت الزيتون ومن الاحسن تكون مكتلصقش او بقاعدة متحركة وندخلوها طيب
    لما تنضج من الاسفل نخرجوها نرشوها بالجبن+دواور الفلفلة خضراء اولا وندهنوها بصلصة الطماطم ونزوقوها بنفس طريقة البيتزا طون او كفتة نرشو القليل من الزعيترة
    فقط فمكان الجبن العادي نعملو لايث ونخلوها حتى تبرد شوية ونقطعوها صدقوني راه كتجي راااااااااااااااااااائعة

    + دجاج بشوفان
    مقادير دجاجةمنزوعةللجلد مقطعة على4 +كاس حليب +حبوب لخردل2ملاعق كمية شوفان +نصف ملعقة نشا+ملح+بزار+ملعقة زيت عود
    ناخد اطراف دجاج تقلب فشوفان تستف في لاطة لفرن عالية
    نحضر صلصة من حليب +نشا +زيت +ملح +بزار+حبوب خردل يخلط بكسرونةحتى تتثقال صلصة تفرغ على دجاج 45د فيلفرن لما ينضج نحيدو لغطا ونحمروه شوية

    * الدجاج بلفرن
    ترقد قطع دجاج في ملح بزار زعفران حامض 2 ملاعق موطارد تومة مدقوقةزيت لعود
    سوايع 2سوايع توضع فلاطةفوق دوائر رقيقة بصل+ كاس ماءااومرق تغطى تطهى
    يزال لورق يتحمر دجاج بعد دهنه مرةااخرى بموطارد يتعسل لبصل وعنداك يتحرق مرة مرة طلي الى خصو مرق زيديه






  7. #7
    مشرفة قسم السمنة والنحافة و المطبخ العام
    الحالة : فاطمة التهامي غير متواجد حالياً
    رقم العضوية : 61031
    تاريخ التسجيل : Mar 2010 23
    المشاركات : 29,387
    شكراً : 27,877
    تلقيت إعجاب : 30,709
    التقييم : 2147483647

    افتراضي


    يتبع بإذن الله


    * الحلوة بدقيق الشعير من عندي
    المقادير
    كاس تمر معجون-ربع كاس زيت العود-كاس دانون لايث-كاس جزر مبشور-نص كاس لوز مقلي ومهرمش-نص كاس كركاع مهرمش +3 بياض البيض+بيضة كاملة+معلقة صغيرة قرفة+راس معلقة مسكة حرة-كاس دقيق شعير-نص كاس نخالة محمرة-نص كاس دقيق ابيض-3 خمارات-معلقة لعسل الحر-معلقة صغيرة من ساكارين
    الطريقة
    نخلط كلشي العناصر السائلة ونضيف العناصر اليابسة ...ندهن لاطة بحال ديال البسبوسة ونصب فيها الخليط وندخلوها طيب ولما تبرد نرشو شوية شكلاط غبرة مسوس نقطعوها طريفات صغر باش تقد كل الانيقات وباش ميغلقوش


    * شربة الشوفان
    المرق
    عظام الدجاج او اللحم تنسلقوها في ماء + 4 هيل +عواد القرفة+ 4 قرنفل ثم تنصفوها او تنحثفظو بالمرق
    تناخدو قطع ديال اللحم او الدجاج انا استعمات الدجاج تنديروها تتشحر في زيت العود 3 م ك ملح ابزار
    ثم تنزيد عليها 4 مطيشاط محكوكين و 2 معالق مطيشة ديال الحك تتشحر المقادير او تنزيدو المرق ملي تغلى الطنجرة تنزيدو 6 م ك شوفان تنخلوها على العافية 5 الى 10 دقائق تنزيدو رشة كمون او الهريسة
    تنزينو بالمعدنوس


    * الشوفان مع الحليب
    بالنسبة للشوفان مع الحليب تنفطر اولا انتعشى بيه حيث هو تيشبع
    تديري الماء اغلا من بعد زيدي 4 م ك شوفان شوية الملحة اخليه اغلى 5 دقايق مع التحريك او زيدي عليه الحليب ما تكثريش الحليب الا بغيتيه خفيف كثري الحليب الا بغيتيه خفيف


    * امليط الشوفان
    رطبيه في كاس ديال الما او خليه 5 دقايق زدي عليه ابيض البيض او الجنجلان او زريعة الكتان او طيبها بالصحة


    * كاليت الشوفان 1
    معلقة ونصف شوفان + أبيض البيض + فرماج أبيض لايت (معلقة) والسكر ديال الريجيم
    تخلطي الجميع وتديريه في المقلة ديال تيفال بحال البغرير
    أنا تنحضر كمية كبيرة وتنديرها في الثلاجة، وتنعوض الفرماج الأبيض بياغورت 00


    * كاليط الشوفان 2
    أنا تندير ديال نهار واحد يعني اللي ناكل ديك الساعة تأخدي 2 بياض بيض + معلقة كبيرة son d'avoine + معلقة كبيرة جبن(ريكوتا لايت أو جبلي) وأنا تنزيد نقطة الخل على ود زفورية مع شوية ملح و تخلطي مزيااااااان وتعمليها في طيفال وكوليها بالصحة مع كأس قهوة وحليب


    * كاليط بالشوفان3
    كتاخدي القياس لي بغيتي ديال الشوفان لي غتقدري تاكليه وطربي بيضة وتكبيها عليه وتخلطي معهم دانون لينيا وتزيدي شوية سكر كاندريل او شوية العسل وتخلطي مزيان وطيبيه في مقلة مكتلصقش بحال طيفال وبصحة وبالراحة

    1- الشوربة الأولى:
    2- سمك أبيض (شوية) ، الكروفيت (إلى بغيتي) + علبة الفطر + بصلة+ 2 مطيشات + شوية المعدنوس الإبزار+ الملح+ ضامة البنة
    شحري البصل في شوية زيت الزيتون وأضيفي عليه الفطر ثم الطماطم خليه تشرب شوية
    أضيفي قطع السمك وعندما تنضج أضفي الشوربة الصينة بعد وضعها في الماء الطايب وتقطيعها

    * الشوربة الثانية
    3- الجزر (4حبات) + 2 طماطم + البصل + إبزار ملح ضامى البنة شوية الحوت الأبيض
    صلقي الخضر مزيان مع ملعقة زيت والتوابل مع ضامىة البنة
    وبعد نضجها أضيفي قطع السمك واتركيها ربع دقيقة
    اطحني الخضر ومعهم 2 قطع سمك وبقية القطع اتركيها صحيحة


    *قنية مشرملة 1 :
    شرملي لقنية بليقامة دجاج البصلة والربيع وشوية الحامض معصور والثوم والدي منه
    عملي فيها 2 معالق زيت+ بصلة مشلظة+2 ثوم+ربيع+ معلقة من مركز الطماطم + نص كاس ماء خلطي كلشي وصبيه على لقنية غطيها بالمنيوم وشعلي ليها الفران من التحت ثم من الفوق ولما تنضج زولو المنيوم وخليها تتحمر

    * قنية مشرملة 2 :
    شرملي قنية ديال مزيان وخليها تتشرب واحد الساعة
    بخريها ومن بعد دهنيها بشوية الموطارد ودخليها للفرن
    وجدي بالقشاوش ديال قنية بنفس شرمولم مع شوية زيت الزيتون


    * غادي نعطيكم واحد المايونيز تايجي غزاااال باش مانتحرموش منو
    غادي تاخدي كاس حليب حنا غدي نديرو خالي الدسم و ملعقة صغيرة موطارد و فرماجة لايت و ملعقة خل و قليل من الزيت .نخلط كل العناصر فمولينكس ماعدا الزيت تم نضيف الزيت بشوية بحال الخيط ومني يعقاج نحبسو التطراب و ها المايونيز واجد .الزيت غادي يخص ليه غير شي 3 معالق


    • الكرعة ماريني /مرقدة
    6 كرعات مقطعين بالطول رقاق
    حامضة معصورة 2 معالق كبار زيت العود بزار ـ ملحة
    فرماج كودا محكوك 0%
    نخلطت الحامض معصور+ زيت+ ملح +بزار رقدت فيه الكرعة في الليل واقل وقت هو 2 سوايع باش تتشرب الخليط
    ستفتها في اناء الفرن وصبيت عليها ما تبقى من ماريناد الحامض لما نضجات رشيت عليها الفرماج محكوك ورديتها 3 دقائق تحمرات جات فعلا وجبة رائعة


    • سلطة الجزر و التفاح
    تفاحة. 3 حبات الجزر. ملعقة كبيرة من عصير الحامض.زلافة من الملفوف محكوك . الخس
    صلصة الياغورت
    ملعقة صغيرة من الخردل. ملعقة صغيرة من عصير الحامض.ملح و ابزار .كاس يغورت خالي الدسم.ملغقة صغيرة النعناع المفروم و ملغقة صغيرة بقدونس مفروم
    طريقة التحضير
    نغسل التفاحة و الجزر نقشرهما و نحكهما في الحكاكة نضعهما في اناء نضيف عصير الحامض ثم الكرنب و نخلط جيدا و بمهل
    في زلافة كبير نخلط الخردل مع عصير الحامض و الملح و البزار نضيف البقدونس و النعناع المفرومين تم نمزج الكل نقدم السلطة مع اوراق الخس مرفوقة بصلصة الياغورت


    • طورطية بالخضر
    ملعقة صغيرة من البقدونس المفروم . فصان من الثوم .ملح .نصف ملعقة صغيرة من الكمون .نصف ملعقة صغيرة تحميرة . 6 بيضات . حبة قرع محكوكة حبتان من الجزر محكوكتان
    الطريقة
    نخلط في اناء كلا من البقدونس الثوم المهروس الملح الكمون التحميرة و البيض
    نصفف الخضر في مقلاة ملياء خاصة بالقلي و بدون دهون(كنديرو الجزر على الشكل دائري و في الوسط نديرو الكرعة)نفرغ خليط البيض و ندع الطورطية تطهى فوق نار متوسطة عندما تتماسك و تنضج من الاسفل نقلبها لتتحمر من الجهة الثانية


    • كفتة بالطريقة الشرقية:
    100غ كفتة ريجيم + معدنوس مدقوق+بصلة محكوكة+ نعناع مكرض+ راس معلقة صغيرة سكين جبير+ راس م.ص قرفة+راس معلقة فلفلة حارة+راس معلقة خليط المروزية لي كنطيبو بها طياب العرس وطبعا انا لا استعمل الملح بتاتا لي بغا يعمل شوية ملح تخلط الكفتة مع كل العناصر وتترك شي ربع ساعة ثم تشوى في الفرن راه كاتجي راااااائعة ايوا هادي هي الكفتة الشرقية لي كنشوفو في المسلسلات المصرية (كباب وكفتة)


    • طريقة ديال الدجاج بدانون مسوس
    تأخدي الدجاج ترقديه في (موتارد+توم مدقوق+ملح+إبزار+خل) ياريت تخليه ليلة كاملة الغد كوني موجدة دانون مسوس و صحن فيه لاشابلور (الخبز المحمص) تشدي دوك الطريفات وتغمسيهم في دانون من بعد في الخبزوتحطي في صحن يكون مدهون بشويت الزيت بلدية يدخل للفرن من بعد ما تخلصي وتصبي عليه شوييية زويتة بلدية وسديه عليه بورق الألومنيوم ودخليه الفرن على حساب الدجاج واش كبير ولا صغير ومني تنضج زولي الورق وخليها تقرمش وقدميها مع طبق الروز بالبصلة والفلفلة الملونة (شحري الفلفلة من بعد ضيفي لها البصلة مشلضة + شوية إبزار من بعد صبيهم في طبق يدخل الفرن مفرش بالكرم وصبي فوق منهم الروز مشحر شوية حتى يشد اللون من بعد ضيفي الماء الكافي وشوية من ضامة البنة ودخليها الفرن ينضج الكل وبالهنا والشفا هاد الطبق نيت تندير فوق منو طريفات الدجاج مشحرين وندخل الكل ينضج تيجي طبق خفيف و بنين وناشف


    • الصوبة مكونة من الكرعة خضرا+بسباس+لوبيا خضراء+طماطم+زعتر+2 طريفات دجاج طحنت كلشي والن داكشي لي غادا نشرب راني


    • الصوبة ديال المكور والكرافس واللوبيا خضرا


    • شوربة الدنجال والكرعة :
    كتاخدي مثلا 2 دنجالات صغار و3 كرعة خضراء+بصلة+مطيشة +شوية الكرافس والتوابل وكتسدي عليهم في الكوكوت غير يطيبو فتحي عليهم وطحنيهم،راه المنظر ديالها شبة اسود مافيه ميعجب ولكن المذاق لذيد


    • شوربة ديال الخس
    بصلة مشلظة+بورو تشحر في قليل من الزيت بدل الزبدة مللي تدبل نزيدو ليها الخس 1 كبيرة ا2 ولما ينضج نطحنوه بالما ديالو ونردوه يغلى ونضيفو ليه قليل من لحليب 0% ونزيدو شوووية بزار ومليحة لي كيستعملها ولي مبغاش لحليب ممكن يضيف معلقة صغيرة من مركز الطماطم والمعدنوس


    • شوربة ريما(فلفلة- مطيشة- بصلة وكثرت من البصلة الخضارية لانها موجودة- لفت- ملفوف-حزمة كرافص- ربطة معدنوس -دنجال لانه خال تماما من الدهون ومنخفض جدا من السعرات : مطهر مدر للبول وغني جدا بالمنغنيز

    • شربة الشوفان
    المرق
    عظام الدجاج او اللحم تنسلقوها في ماء + 4 هيل +عواد القرفة+ 4 قرنفل ثم تنصفوها او تنحثفظو بالمرق
    تناخدو قطع ديال اللحم او الدجاج انا استعمات الدجاج تنديروها تتشحر في زيت العود 3 م ك ملح ابزار
    ثم تنزيد عليها 4 مطيشاط محكوكين و 2 معالق مطيشة ديال الحك تتشحر المقادير او تنزيدو المرق ملي تغلى الطنجرة تنزيدو 6 م ك شوفان تنخلوها على العافية 5 الى 10 دقائق تنزيدو رشة كمون او الهريسة تنزينو بالمعدنوس

    • الشوفان هو l'avoine و طريقتو.
    ديري بصلة مشلضة تدبال مع زيت بلدية و من بعد ديري l'avoine و ممكن شوية زريعة الكتان أو حب رشاد و الماء من بعد 5mn زيدي الحليب و خليه 3 دقائق و طفي النار عليه.






  8. #8
    مشرفة قسم السمنة والنحافة و المطبخ العام
    الحالة : فاطمة التهامي غير متواجد حالياً
    رقم العضوية : 61031
    تاريخ التسجيل : Mar 2010 23
    المشاركات : 29,387
    شكراً : 27,877
    تلقيت إعجاب : 30,709
    التقييم : 2147483647

    افتراضي


    يتبع ..........


    1 مقيلة ديال ريما بالدنجال مشوي والطون
    العناصر : كيلو دنجال مقسوم على 2 ومشوي في الفرن
    بصلة كبيرة مشلظة 4 معالق ربيع مكرض 5 ضروس ثوم محكوك معلقة كمون 2 معالقكبار خل قليييييييل جدا من الملح 200 غ طون معلب لايث 2 معالق كبار زيت العود
    في مقلاة نشلظ البصلة مع باقي العناصر في 2 معالق زيت العود
    ولم تشحر نزولهم من المقلاة ونوضع فيها الدنجال مشوي وندردر عيها مزيج البصلة والثوم مشحر نخليها على نار مهيلة 5 دقايق ثم نفرتت الطون ونغطيها 3 دقايق ومن بعد نقدمها



    2الوصفة الثانية
    شلاظة مطيشة بالطون والزنجلان
    4 مطيشات منقيات ومقطعات 3 معالق زنجلان محمر بلا منطحنوه 3معالق زبيب منقي بصلة صغيرة مشلظة
    شوية ربيع مكرض مزيان خل فلفلة وحدة مقطعة طريفات صغار 150 حتى 200 غ طون او 2 حكاك صغار
    2 معالق زيت العود المهم في اناء نقطع المطيشة والفلفلة نضيف ليهم باقي العناصر ونخلط
    نخليها تتشرب قبل التقديم وراها كتجي رااااااااااااااااااااااااائعة جدا ولاااااااااااااااااايث


    * كراتان الخضر لديد وتيشبع
    تنشحر بصيلة و فلفلة خضرا و قطع الصدر فمقلاة مع ملعقة زيت الزيتون
    * تنقطع جميع الخضر الخضرا مربعات صغار انا درت دنجالة + لوبيا خضرا + 2 كورجيت + نصف سلاوية ههه وتنفورهم باش يبقاو محافضين على المنافع دياولهم وباش مايهزوش الما بزاف
    + قطع الخس هههه+ 2 معالق روز مصلوق
    * تنخلط كاس حليب مع بيضة و الكوزة ضرووووري وتنضيفو على داكشي كلو تنخلطهم مزيان وتنحك كنور و بزار وسكنجبير وتنخويهم فمول تالفران فاش تتقرب تطيب تندير فوقها فروماج لايت وتنرجعها تتحمر .ملي تنخرجها تنخليها تتبرد عاد ناكلها انا كلت منها فالغدا وبقات لي لعشا كملت داكشي لي بقا

    * لعشاتي كندير التفاح بطريقة صحية

    المقادير : - التفاح منقي و مقطع ( بالقشرة ديالوا) الماء - الجنجلان منقي و محمر و مطحون
    - قشور الحامض - القرفة
    الطريقة : ديري التفاح في طنجرة و زيدي الماء و خليه يطيب و يبقى بماه خليه يبرد و ديري القدر الي بغيتي و زيدي فوقه القرفة قشور الحامض و الزنجلان و كولي حتى تشبعي ما تخافيش راه مافيه دهون وفيه نسبة كبيرة من الماء .

    * شوربة الروبيان والشوفان الخاصة للرجيم
    المقادير:
    - 2 حبة متوسطة بصل مفروم - ملعقة ونصف ثوم مفروم - 1 ملعقة صغيرة زنجبيل مفروم - 1 عود متوسط الحجم كراث - 1 حبة متوسطة فلفل أحمر بارد - 2 حبة متوسطة بصل مفروم - ملعقة ونصف ثوم مفروم - 1 ملعقة صغيرة زنجبيل مفروم - 1 عود متوسط الحجم كراث - 1 حبة متوسطة فلفل أحمر بارد - ا كوب ذرة مثلجة أو معلبة - 8 ملاعق طعام شوفان - 2 كوب ربيان مقشر - واحد ونصف مكعب مرق خضار ( اختياري ) - 5 ملاعق طعام زيت نباتي
    - 1 ملعقة صغيرة كمون بودرة - ثلاثة أرباع ملعقة صغيرة كزبرة بودرة - نصف ملعقة صغيرة كاري - ربع ملعقة صغيرة فلفل أسود - 4 ونصف كوب ماء مغلي
    الطريقة:
    - نضع في قدر : البصل والزيت ثم نضيف إليه الثوم ومكعب مرق الخضار والزنجبيل - تترك المقادير على النار لمدة دقيقتين أو حتى يشقر البصل - نضع الربيان على المقادير السابقة على نار عالية ونقلب لمدة دقيقة - ثم نضيف باقي المقادير ما عدا الماء والذرة والشوفان .. نقلب المقادير جيدا على نار عالية لمدة دقيقتين - نضيف الشوفان والذرة ونستمر بالتقليب لمدة دقيقة أخرى ثم نضيف الماء الحار ..- ونترك الشوربة على نار عالية حتى تغلي ثم نخفض من حرارة النار وتترك الشوربة
    لمدة نصف ساعة على نار هادئه و بالهنا و الشفا






  9. #9
    مشرفة قسم السمنة والنحافة و المطبخ العام
    الحالة : فاطمة التهامي غير متواجد حالياً
    رقم العضوية : 61031
    تاريخ التسجيل : Mar 2010 23
    المشاركات : 29,387
    شكراً : 27,877
    تلقيت إعجاب : 30,709
    التقييم : 2147483647

    افتراضي


    يتبع ..........
    وصفات أم عبدو مزالة متدكراها حيت حديثة العهد ههههههههههه


    * عرفتي اليوم درت واحد المقيلة غزالة وجات بنينة وقلت نكتبها ليكم *
    شلظت بصلة فالمقلة لي متتلصقش وزدت عليها السبانخ وتنحرك حتى هبطو شوية وزدت كرعة خضرة مقطعة دوورات والدنجال مقطع وحكيت ضريس ديال الثومة ودرت شوية الزيت الزيتون ومليييييحة و حبيبتي السودانية مزودات هههه وغطيت عليها باش طيب بلا ما وكنت صالقة اللوبيا البيضا منين طابت الخضرة زدت المعيلقات ديال اللوبيا وحركت وخليتهم ينساجمو شوية وطفيت وبالصحة والراحة
    غير جربوها راها جات بنينة والخضرة وتات بعضياتها هههه

    * خديت الدجاج اطراف ودرت ليه شوية الملح وحكيت عليه الزعتر كمية لاباس بها وشوية زيت العود وشوية البزار والسكنجبير والكركم وانا عزيز عليا الحار شوية درت مزيود السودانية الكارم -- دخلي ديك العطرية فالدجاج وسديت عليها الكوكوط على عافية مهييييييييييلة -- طاب حيدتو ودرت الخضرة وسديت عليها -- اكلة في دقائق هههههه

    * خديت شريحة ديال لاداند وقطعتها طريفات رقاق بشكل طولي ودرتهم فمقلة وزدت مباشرة بصلة مشنفة و البروكلي وحكيت عليهم الزعتر ودرت شوية خل التفاح ومليييييييييحة والسودانية او بزار وغطيتهم والعافية تكون مهيييييلة باش منديروش الما والا احتجيتي ليها الما زيدي غير شوية منين تقريبا طابت دوزت معيلقة ديال زيت الزيتون وطفيت وهاهي واجدة ومتتخدش الوقت بزاف

    * تفكرت واحد الحاجة -- البارح درت واحد الشربة جات بنينة وزوينة نكتب ليكم مقاديرها ربما تعجبكم واخا الاذواق تختلف هههه فطنجرة شلظت البصلة ودرت شوية الزيت وقليتها بلما تحرق وزدت عليها الكرم مقطع صغير وحركت ثم زدت الكرعة خضرا مقطعة صغيرة ومطيشة مقطعة والكرافس والربيع والتوابل ملح ابزار سكنجبير كركم ومرقت وسديت عليها طيب وملي طابت زدت عليها معلقة او جوج ديال ايلان مطحون مزيااااااااان بحال الدقيق -- عجباتني ونتمنى تعجبكم
    ملاحظة -- ممكن ديري طريفات لحم او دجاج حسب امتى غتاكليها وممكن تكتفي غير بالخضر

    * واليوم درت كراتان ديال الدنجال ممممممممممممممم
    قسمت الدنجال بالطول ودهنتو بالقليييييييييل جدا من الزيت ودخلتو الفرن حتى طاب وذبال
    درت الصوص -- بصلة مشلضة مع زيت الزيتون وضفت شوية الكفتة ومن بعد ضفت الكرعة خضرا محكوكة وشوية صوص مطيشة والمعدنوس والتوابل المحببة -- هاهو واجد
    خديت شريحة من الدنجال ودرت معيلقة من الصوص الكفتة وطويتها وحطيتها فالطبق لي غيدخل للفرن وهكا حتى كملت وحكيت فوقها موتزريلا لايت ودخلتها الفرن ممممممممممممممم يا سلام كي جات خسارة معنديش باش نصور ولكن غير جربوه غيعجبكم






  10. #10
    مشرفة قسم السمنة والنحافة و المطبخ العام
    الحالة : فاطمة التهامي غير متواجد حالياً
    رقم العضوية : 61031
    تاريخ التسجيل : Mar 2010 23
    المشاركات : 29,387
    شكراً : 27,877
    تلقيت إعجاب : 30,709
    التقييم : 2147483647

    افتراضي


    يتبع ..

    المقيلة بالخضر
    كناخد مقلة وندير فيها معلقة زيت زيتون + بصيلة مشلضة
    كنزيد عليك مكور مقطع رقيق والى قدرتي بشكل طولي نحرك ونخليه ينزل شوية
    نزيد عليه لفت محكوك غليض
    فالاخير نزيد عليه قرعة خضرا محكوكة باش مكيخدوش الوقت بزاف فالطياب حيت مكنديرش الماء غير اللي كيطلقوا
    وفالاخير كنزيد عليهم شوية ديال أزير ابزار مليحة
    وبعض المرات كنزيد معاهم بيضة كاملة وبعض المرات كنخليها بلاش
    هادي هي مقيلتي هههههه
    ويمكن تزيدي فيها حتى طريفات ديال صدر لاداند ولا دجاج ولا كويرات كفة ديال لاداند كتجي زوينة

    وهادو روابط وصفاتي صحيين حتى هما

    * سمك بالفلفلة والبسباس

    http://www.anaqamaghribia.com/vb/sho...d.php?t=247309

    * كراتان بصدر بيبي صحي

    http://www.anaqamaghribia.com/vb/sho...d.php?t=218596

    * كراتان الشفلور صحي

    http://www.anaqamaghribia.com/vb/sho...d.php?t=230766

    * فلفلة معمرة بطريقة صحية

    http://www.anaqamaghribia.com/vb/sho...d.php?t=231423







صفحة 1 من 29 123456789 11 ... الأخيرةالأخيرة

المواضيع المتشابهه

  1. الجزء السابع من تجمع ريما للاكل الصحي ........ مرحبا
    بواسطة lolly في المنتدى قسم خاص بالسمنة والنحافة ،مشاكل وعلاج
    مشاركات: 10047
    آخر مشاركة: 10-05-2012, 20:26
  2. الشيخ حسان يحصل على الدكتوراه مع مرتبة الشرف من "الأزهر"
    بواسطة أترجة في المنتدى ::منتدى الصحافة و الاعلام ::
    مشاركات: 14
    آخر مشاركة: 23-04-2012, 09:20
  3. شوفوا مع الشيخ مسعد انور خزعبلات الصوفية مصحكة جدا ما تفوتنها اخواتي
    بواسطة ام عفيفة في المنتدى ::منتدى الصوتيات والمرئيات الاسلامية ::
    مشاركات: 2
    آخر مشاركة: 19-04-2012, 18:01
  4. قصة عجيبة أبكت الشيخ صالح المغامسي ..عجيبة جدّاً ..!!
    بواسطة MENNA في المنتدى ::منتدى الصوتيات والمرئيات الاسلامية ::
    مشاركات: 9
    آخر مشاركة: 17-04-2012, 09:10

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML