حرشة في دقائق

السلام عليكم سمحو لي هادي أول مشاركة لي:82: حرشة المقادير : 500 غرام سميدة الحرشة ملعقة صغيرة ملح، ملعقة كبيرة سكر رأس ملعقة خميرة الخبز، فانيلا خميرة حلوى ، فنجان


حرشة في دقائق

السلام عليكم سمحو لي هادي أول مشاركة لي:82: حرشة المقادير : 500 غرام سميدة الحرشة ملعقة صغيرة ملح، ملعقة كبيرة سكر رأس ملعقة خميرة الخبز، فانيلا خميرة حلوى ، فنجان

النتائج 1 إلى 2 من 2

الموضوع: حرشة في دقائق

السلام عليكم سمحو لي هادي أول مشاركة لي:82: حرشة المقادير : 500 غرام سميدة الحرشة ملعقة صغيرة ملح، ملعقة كبيرة سكر رأس ملعقة خميرة الخبز، فانيلا خميرة حلوى ، فنجان

  1. #1
    عضوة جديدة
    الصورة الرمزية نادية سمير
    الحالة : نادية سمير غير متواجد حالياً
    رقم العضوية : 166506
    تاريخ التسجيل : Apr 2012 17
    المشاركات : 1
    شكراً : 0
    تلقيت إعجاب : 0
    التقييم : 1

    منقول حرشة في دقائق




    حرشة, دقائق

    السلام عليكم
    سمحو لي هادي أول مشاركة لي
    حرشة دقائق 82.gif
    حرشة
    المقادير :

    500 غرام سميدة الحرشة
    ملعقة صغيرة ملح،
    ملعقة كبيرة سكر
    رأس ملعقة خميرة الخبز،
    فانيلا
    خميرة حلوى ،
    فنجان حليب بودرة (50 غرام)
    فنجان زيت ( 75 ميليليتر )
    1/4 لتر ماء

    الطريقة:

    في إناء نخلطو المقادير الناشفة بالتتابع
    500 غرام سميدة الحرشة + ملعقة صغيرة ملح
    + ملعقة كبيرة سكر + رأس ملعقة خميرة الخبز
    + خميرة حلوى +فنجان حليب بودرة + فانيلا
    نخلطو كلشي مزايان

    بعد ما يتخلط كلشي النواشف

    نضيفو الزيت
    ونفتلوها
    كيف تانفتلو الكسكس او البات بريزي
    حتا تشرب الزيت مزيان
    نضيفو4/1 لتر ماء ونعجنو السميد
    حتا نحصلو على خليط رخو
    و متماسك فنفس الوقت
    و نخليوها ترتاح
    و نديرو المقلة تسخن

    فهاد الوقت ناخدو طبسيل صغير
    نديرو فيه السميدة
    و ناخذو العجين ديالنا
    نقسموه كويرات صغار
    على القياس لي بغينا
    و نبداو فتوجاد الحرشة
    نكرصو الكويرة بشوية فطبيسيل
    نمرمدو الكويرة فالسميد
    على الوجهين بزوج
    و نحطوها فالمقلة بعد ما سخنات
    و طبعا تكون على عافية مهيلة
    باش تطيب على خاطرها
    و امتحرقش من برا
    و تبقى معجنة من الداخل
    و هاهيا واجدة فيسع لفطور او الكاسكروط

    التقديم :

    نقدموها مع اتاي او قهوة و حليب
    بالصحة و الراحة

    ملاحظة:


    بالنسبة للاخوات للي مكيعرفوش اش من نوع سميدة يختارو للحرشة
    فهناك 2 انواع اساسية باش كتعمل الحرشة
    اما سميدة الحرشة
    او سميدة الكسكس الرقيقة باش كنعملو الكسكس
    بزوجهم كتجي بيهم الحرشة زوينة فاختارو للي يناسب ذوقكم

    ايضا بالنسبة للحليب البودرة ممكن الاستغناء عليه و استعمال الحليب السائل او اللبن او الرائب
    يعني بدل متعملو الحليب البودة و تعجنو الحرشة بالماء
    عجنوها بنفس قياس السائل يعني 1/4 ربع ليتر حليب او لبن او رائب لكل نصف كيلو سميد حرش


    و بشكل عام الجودة ديال الحرشة
    (و العجائن عامة لما تكون الوصفة فيها نوع من انواع مستخلصات الحبوب)
    متعلقة بجودة السميد او الحرش المستعمل
    يعني لو كان قديم او ماشي شي نوع زوين
    ممكن متصدقش
    او تجي ناشفة
    و نراعيو المقاييس ديال السوائل
    يعني كمية الماء او الحليب باش كتجمع العجينة
    كتاثر فيها جودة الدقيق و نوعو
    عامة في كل المعجنات
    كاين الدقيق للي كيشرب الماء بزاف و كاين للي لا

    يعني عينك ميزانك لما تبغي تديري اي وصفة
    خوذي بعين الاعتبار ان الطحين انواع


    بالنسبة للاخوات للي غيسولي على قياس الفنجان
    فهنا كنقصد فنجان القهوة كحلة العادي المتعارف عليه (ماشي فنجان القهوة و حليب)
    كيهز قياس نصف كاس عنبة

    كاس العنبة كيهز 125غرام
    او 150 ميليليتر
    لو كان عامر حتى الفم ديالو
    و الفنجان هو نصف كاس عنبة
    اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد

    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

    الله يرزقنا و إياكم خيرات الدارين و لا يحرمنا من طيبات الجنة و نعيمها

    دمتن في رعاية الكريم

    اختكن نادية

    وعليكم السلام ورحمة الله وبركاته





    pvam td ]rhzr






  2. #2
    بصمة رائدة بالمنتدى
    الصورة الرمزية ريم 2012
    الحالة : ريم 2012 غير متواجد حالياً
    رقم العضوية : 33370
    تاريخ التسجيل : Jul 2009 02
    المشاركات : 10,473
    شكراً : 3,356
    تلقيت إعجاب : 11,666
    التقييم : 2147483647

    افتراضي









الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML