تزيين الحلويات
السلام عليكم و رحمة الله تعالى و بركاته
اول حاجة مبروك عواشركم راه حنا في العشر الاواخر و خصنا نستغلوها ليلة القدر و ما ادراك ما ليلة القدر خير من الف شهر
و تاني حاجة بغيت نشكر هاد المنتدى الغالي لي من نهار تسجلت فيه متنسغناش عليه في اي حاجة حيت فيه كلشي طبخ خياطة تجميل تعليم دين تسلية ما شاء الله و صافي
و ثالث حاجة مي و با مشاو لعمرة و انا غير بوحدي و خصني نوجد الحلوة و صراحة ختكم يلاه مبتدئة و بغيت نعرف
اسماء الملونات الي تيلونو بيها العجينة و العقدة حيت تنشوف الغوز و الوردي و الخضر بارد و الملونات لي في قراعي عند العطار غير الحمر و الخضر
و بغيت نعرف الناباج اش سميتو و هاداك الي تترشو على الحلوة فحال دهبي معرفتش سميتو
و الخير لي ديرو فيا هو احسن طريقة لعقدة اللوز و العجينة باش تتصوبو شكيلات حليوات اللوز حيت ما شاء الله الوصفات هنا كثار و حرت من صباح و انا تنقرا في المواضيع
الله يجعلكم من عتقاء النار و انا اياكم في هاد الايام المباركة و لهلا يجعلنا من المحرومين من الاستجابة و الله يجعلنا من المغفور لهم و من المتقبل منهم و الله يبلغنا رمضان السنة القادمة الى كنا غادين نزيدو في الخير و الطاعات اما الى كنت غذا نذير في الشر الله يجعل الموت راحة لنا من كل شر و الحياة زيادة لنا في كل خير يا رب
لي عندها شي شخص غالي عليها تدعي معاه في هاد الايام و كل وحدة تطلب من اختها او صاحبتها و الوالدين هما الاولين راه دعوة الاخ لاخيه بظهر الغيب مجابة
و سمحو ليا على كثرة الهظرة
و متنساونيش الله يبارك فيكم يا رب
يلاه تفكرت هاديك الغبرة لي تيرشو على الحلوة راها فحال الزقلي غير الى مشيت عند لي تيبيع هادشي ديال الحلوة اش نقول ليه السمية
و الي عندشا شي افكار او روابط باش نتعلم نزوق الصابلي او حليوات اللوز متبخلش عليا
راه هاد المنتدى فيه حباباتي و خواتاتي سبحان تيكونو في العائلة و يخبيو عليك الوصفات و هنا ما شاء الله السخاء و الجود و حب الخير
و هادشي كلو في مميزان حسناتكم ان شاء الله
سلام عليكم ورحمة لله وبركته رمضان كريم على لجميع الله يجيب والديك على خير عمرة مقبولة انشالله بنسبة لناباج فيه أشكال كاين لمزيان كايقوله ليه ناباج أنا هاد شي لي تنقل لبائع قولي ليه لمزيان أما تزيين تل ديال l7alwa إلى كنتي من فاس نورك أختي فين تمشي عندو جميع لوازم حتى لمرشمات ديال تزيين راني ختي دايرة شكيلات ديال لوز إلى عاجبك كنت صعوبتهم لواحد لمناسبة مانعرفش نهز رابط غير قلبي راه كاين تما اقين شكل بزاف ديال لأخوات لله يجازيهم بالف خير أوباش كايتمناو ستفدنا منهم كتير إلى شي سؤال أنا رهن لإشارة البنات حتى هما دابا يدخلو يساعدك
السلام عليكم ختي سكينة
الله يبارك فيك و يطول في عمرك يا رب
الله يجعل هاد الايام مباركة عليك بتقبل الطاعات و استجابة الدعاء و بالصحة و السلامة و بشما تمنيتي يا رب
شكرا ليك اختي بزاف الله يرحم ليك الواليدين نتوما الفاسيات ما شاء الله عليكم الزين و الحداكة و الظرافة بارك الله فيك
انا ختي من كزا و شحال من شكال زوينين ديال صابلي و ديال حلوة اللوز شفتهم لكن للاسف متنلقاش لمراشم
ينقل لقسمه
لله اجيب والديك على خير الدار البيضاء ماشاء الله فيها كل شيء والدارج درك فالصابلي حلوة الرابوز والخنجر موجودين رشامي ديالها حنا فالعيون وعندنا
بارك الله فيكم الحبيبات
tebarkallah 3lik akheti ana man fes wach momkin tekouli llah yekhalik fin had lebai3 wa chokran we 3id moubarak lejami3 leakhawat we rabi ya
ti le koul okhet koul makatmana
للتسجيل اضغط
هـنـا
رد مع اقتباس
المفضلات