رد مع اقتباس
تبارك الله عليك هاد شي مضخم احلي تقيم ليك
حلوة دلاحة بعقدة لوز شكل غزال من يد لكازوية
14/08/2012
بلغكن الله العشر ورفع عنا وعنكن الشر وأكرمكن بليلة القدر وأسعدكن طول الدهر يارب
هده حليوة ماتتطلبش وقت كتير وبلا فران وكتجي غزالة في شكيلها نتمنى تعجبكم
المقادير
(هده مقادير قليلة ممكن تزيدو او تنقصو )
300 غ لوز مصلوق ومنقي ومطحون مزيان
100 غ كوك حتى هو كنطحنوه في مولينكس
ملون احمر واخضر
شوية روح لوز
سنيدة على حسب ذوق
كويغطات طوال
فرميسيل ديال شكلاط
شوية ماء ورد
الطريقة
كنطحنو لكوك ونديروه في شي اناء
كنطحنو اللوز حتى هو خاصو يكون ناشف مزيان باش يتطحن مزيان انا زربت به ماتطحنش ليا مزيان كنديروه هو وسنيدة يتطحنو
كنخلطو لوز مطحون مع كوك مطحون كنضيفو شوية روح لوز وشوية ماء زهر غير باش تجمع لينا لعقدة وكنقسمو لخليط على 2 نصف كنضيفو ليه ملون احمر ونصف الآخر كنعزلوه وكنضيفو ليه ملون اخضر كنخلطو مزيان حتى يتوحد لينا لون لعقدة
وكنصنعو من العقدة كويرات متوسطين فحال هكا
كندهنو ايدينا بماء زهر
وكنورقو كورة خضرا في كف ايدينا
كنحطو وسط منها كورة حمرا فحال هكا وكنجمع ايديا عليها فحال هكا وكنبدا نغطي في لحمر الآخضر فحال هكا
تم كنكوره بين ايديا
وكنقسمها على 2 فحال هكا تم كل نصف على 2
يعني كيولي عندنا ربع فحال هكا
كنحاول نقوسها بايديا تم كنديرو شوية فيرمسيل غير باصبع واحد بمجرد كتحطوه على وسط حلوة كيلصق بوحدو
كنحطوها في كويغطات بيضين
وكنقدمها بالصحة والعافية وهنا صورة جماعية مع ولد عمو حب ملوك وبنت خالتو غريبة كيحتافلو ببنت خالتهم فاكهة موسمية أخرى غادة نحطها لكم في الحلقة المقبلةهههههههه
ه
ان شاء الرحمن
التعديل الأخير تم بواسطة أناقة كازوية ; 14-08-2012 الساعة 13:32
تبارك الله عليك هاد شي مضخم احلي تقيم ليك
اللهم لك الحمد حتى ترضى ولك الحمد إذا رضيت ولك الحمد بعد الرِّضـا.
ماشاء الله عليككككككككككك غزالة وساهلة وخفيفة الله اخليليك معز عليك والله يعطيك الصحة
وكما كيقلو طاليان brava mia bella هههههههههههههههههههه
شكرا ربي يخليك الحبيبةالمشاركة الأصلية كتبت بواسطة مدام العلوي
مبروك عواشرك
ههههههه
امين أحبيبة
شكرا ربي يحفظ لك لالة ياسمينة اختي
مبروك عواشرك
تبارك الله عليك ام هبة
حليوه رائعة وبالشرح الدقيقغادي نجي عندك لطورينو ناخد دروس
اونا خد حقي حلوة العيد غير ليبغيتي
ونقول ليك تقبل الله منا ومنك هاد الايام المباركة
ولاتنسينا من دعائك
ههههههههههههههههههههه كتعجبني عندك هاد الكزاوية كتفتاخري براسك كازاوية
وا لالا انا غنزاحمك يالله حتىانا كازاوية وكنموت علا كازا حيث مدينة الخير وناسها الله اعمر ليهم دار
وحنا المغاربة كلنا فالحقيقة مزيانين الله احفض المغرب والناس المغريب والمسلمين كاملين والله يا ام هبة حتى توحشت المغرب بزاااااااااااااااااااااااااااااااااااااااااااف
ختي تبارك الله عليك ديما كتبرعينا بالشهيوات ديالك انا بعدا كنفتاخر بيك يا لكازاوية ديالي الله يعطيك الصحة وخليلك هبة
تبارك الله عليك اختي حليوة زوييينة بزااف ومنظرها روووعة الله يعطيك الصحة
مرحبا والف مرحبا بك يالغالية ام الشباب
تستاهلي كل خير العزيزة
امين احبيبة ليناولك ولجميع المسلمين يارب
شكرا بزاف الخويلة
و مبروك عواشرك
وبكيتني اصحبتي
ربي يخليك الكازوييييييييية ههههههههه
الله يطول عمرك ويحفظ لك لعزاز على قلبك احبيبة
ضوابط المشاركة
للتسجيل اضغط
هـنـا
المفضلات