ميني كرواسون بنوعين من الحشو لفطور شهي لعيون احبتنا

[**ام البنات **]

19/09/2012

السلام عليكم و رحمة الله تعالى و بركاته

غير كتبدا المدرسة كيبداو معاها الشهيوات
هالكوتي
هالفطور الصباح
دائما خاصكم الجديد باش تهلاو فوليداتكم
واليوم غنشارككوم وصفة ساهلة ان شاء الله تعجبكوم

عملت ميني كرواسون بحشوتين

الاول بحشوة الجبن و المرتدلا

اخدت جبنة مربعات و قسمتها على 4 مثلثات لزوم الحجم الصغير
واضفت نصف قطعة مرتدلا






والثاني بحشوة كريمة الشكلاته يعني النوتيلا
ولازم تعملوا مسحة خفيفة فقط باش متطلعلكومش من الجناب




العجينة تجدونها هنا

http://www.anaqamaghribia.com/vb/sho...d.php?t=261090

هدا شكلهم قبل و بعد الفرن





وهنا النتيجة الحلوة

هنا رشيت الي بالجبن بالزنجلان




والي بالشكلاط غير دهنتها وصافي
















وهنا عن قرب
شوفوا ملين كتعملوا مسحة خفيفة كتعطي شكل لولبي زين الداخل



وبالجبن و المرتدلا شخصيا اعشقها
يعني الحكاية مشي للوليدات فقط








كنتمنى تعجبكم الفكرة و تطبقوها لاحبتكم
وبصحتكوم و راحتكم

4 من الأعضاء مٌعجبين بهذه المشاركة: ام هداية 04,Ella.Yasmina,gemena,masefiwia

[مغتربة مغربية]

تبارك الله عليك أختي ديمة مواضيعك متميزة. الله يخليلك بنياتك. أحسن تقييم تستاهلي

[**ام البنات **]

بارك الله فيك الحبيبة
الله يحفظليك ما اعز عليك

[om sohaib1]

ما شاء الله عليك ديما متالقة الله يخليليك وليداتك

[سكينة ام آدم]

تبــارك الله ماشاء الله عليك اختــي
جاتك فنــة كتحمق ماكرهتش ناخدها هههههه
الله يعطيك الصحة *
وصفاتك كلها رائعة

[سكينة ام آدم]

اختي بالنسبة للعجيــن واش ضروري من زيت الدرة

[أم سعد و رميساء]

[سكينة ام آدم]

اختي واش العجين كتخليها تخمر فاش تعجنيها و كيفاش حتا سرحتها على شكل دائري و واش كتخليها تخر مرة
عفاك شرحي ليا حيت كندير كرواصة وماكتصدقش ليــا
سمحي ليا الا صدعتك

[YASMINESO]

شكرا اختي ام البنات والله اجازيك كل خير . راني شفت ليك مجموعة من المشركات سواء في هدا المنتدى او غيره وكلها ما شاء الله جد قيمة وراني جربت الكرواصة ديالك وجات زوينة والله ارحم واليديك و اخليليك بناتك تشوفيهم كيما بغتي.

[**ام البنات **]

بارك الله فيكم
ياسمينة سعيدة بتجربتك و الف شكر لدعواتك لك مثلها و اكثر حبيبتي

دلوعة زوجها
اي زيت مائدة كتنفع الحبيبة بعدي غير على زيت الزيتون
بالنسبة للطريقة سهلة
اول ما كتعجني العجين كتخليه ضروري يخمر اول مرة
و كتقسميه على زوج كويرات
كتبسطيهوم عادي بالمدلك للحصول على شكل دائري
قسميه ل 16مثلثت و الا كانت الدائرة كبييرة ممكن توصل حتى ل 32
وكيكونوا صغاار و لكن مزيونين
عملي الحشو و خليهوم 10د اخرى يخمروا قبل ما ادهنيهوم و ترسليهوم للفرن
و لانهم صغار مغيخدو معاك غير 6 حتى ل8د فقط