جوج قفاطن جداد على الموضة روعة

[مدام نوال]

وجب قبل اعتماد اي اعلان او طلب او استشارة
في قسم الاغراض المستعملة المقايضة والتبادل
وضع كاتبته لختم اخلاء المسؤولية

السلام عليكم البنات اليوم عندي ليكم جوج لبسات غزالين و اكيد جداد و على الموضة
نشرحليكم هادو ديال اختي خياطة كدير موديل من كل حاجة كانت غادي تحل محل و لكن دابا تاجل المشروع و كتبيع لي باقي ليها من الحوايج و عندها حتى اثواب و عبايات حضور زوينين بزاف حتى غدا عاد نحطهم نشوف واش اعجبوكم هادو بعدا
هاد اللبسات باليد و حاجة زوينة و غير كديرليهم اختي ليكيداسيون و الثمن زوين حيت حاجة زوينة و راقية سمحوليا طولت غير بغيت نشرح و بنات الرباط سلا و المحمدية تسليم يد بيد لي بغاتهم باقي المناطق الطريقة لي تريحكم










































اللبسة الاولى الثمن ديالها 2500 DH

اللبسة الثانية الثمن ديالها 2300 DH

البنات غدا ان شاء الله نحط عبايات راقيين
و من بعد نحط حويجات مستعملين و لكن زوينين و نقيين

[fatouha_im]

هاد الشي غزال ... يعطي الصحة اللي خيطاتو
بالتوفيق في البيع انشاء الله

[عبلة نوار]

​غزالين بالتوفيق في البيع

[الفراشة المرحة]

جميل في انتظار جديدك
سلمت يداك

[om rayan dodo]

ghalyine

[ام أشرف8]

الله يوفق ,,,, غاليين بزااااااااااااااااااااااااااااااااااااااااااااااف

[مدام نوال]

سمحوليا اخواتاتي ماشي غاليين ثمن مناسب جدا را ماشي حاجة مستعملة مخيطين للبيع شايفة هنا البنات كيحطوهم مستعملين و بهاد الاثمنة و كيردو كيقولو اثمنة زوينة هادو جداد باليد و الطرز و غاليين علاش ماعارفينش الخياطة و الاثمنة ديال اليد على العموم شكرا لكتدعي بالتيسير و لي بغات شي حاجة ممكن ادا بغات اختي تصاوب معاها

[نبــع الحنـــان]

زوينين بزاف والثمن جد مناسب ، أنا خيطت تكشيطة بلا طرز بلا والو تقامتلي 2500 درهم ، هادو راهم مطروزين ، والطرز معروف غالي ، الله يسر ليك أختي والله إلى فنين والخياطة متقونة

[noriman30]

الله يسر

[مدام نوال]

شكرا اختي نبع الحنان كما قلتي الخياطة غالية و ادا شفتيها غادي تعطيها اكتر لان الطرز متقون جدا جدا و رائع و الخياطة حتى هي و لي موالف الخياطة باليد كيعرف انها غالية و حتى لي بالماكينة ولات غالية