كلمار بشرمولة البصل مع صلصة الطماطم بالطون




  31   206    2    2      2017-10-04   

المكونات

  • تحياتي احبتي عواشر مبروكة نتمنى تكون دورة مميزة لكم ولينا ايضا اليوم غدي نقدم ليكم كلمار بشرمولة البصل لذيذة جدا ونقدمها ليكم مع صلصة الطماطم بالطون نتمنى تعجبكم

طريقة التحضير


كلمار مغسول ومصفي بصلةمتوسطة مشلظة انا استعملت 4 حبات بصلة خضارية بما انو البصل غلات وعزازت وهدا الموجود عندي في الدار ههه ملعقة صغيرة عامرة زبدة ..الزبدة كتعطيه نكهة خاصة وترطبو ميجيش بحال بلاستيك ملعقة زيت الزيتون كبيرة رشة زعتر محكوك ملعقة صغيرة عصير حامض فص ثوم انا استعملت ثوم مرقدة ديال الاخت غفرانك ربي الله يجازيها بخير هناتنا من التنقية كل شوية ملح وابزار
في مقلاة حطي البصل لكي يتشحر قليلا مع زيت الزيتون والزبدة والثوم
واضيفي الكلمار وحركي ورشي عليها التوابل للي هي الابزار والملح والزعتر
خلي الكل يستوي على نار متوسطة حتى تنسجم العناصر ويتشرب الخليط
.متنسايش تغطي المقلة وفاش تطفي النار نسميها بالحامض
بالنسبة لمقادير صلصة الطماطم بالطون
3 حبات طماطم متوسطة الحجم علبة طون 2فصوص ثوم محكوك+ملعقة صغيرة هريسة 2معالق كبار معدنوس او قزبر طري ملعقة متوسطة مركز طماطم للي تكوني حليتيها في كاس العنبة الا ربع ماء زيت الزيتون او زيت عادية ملح +فلفل احمر +ابزار
في هده الاثناء قطعي الطماطم وحطيها تتشحر في مقلاة اخرى اضيفي المعدنوس والقزبر الطري والثوم والهريسة
و اضيفي الطماطم المصبرة مع الماء ثم التوابل خلي الخليط يتشحر مزيان واخر شيء اضيفي لطون وحركي خليه دقيقتين فوق النار وطفي النار
وقدمي الكلمار مرفوق بالصوص وصحة وعافية انيقاتي

التعليقات

ikramhaniin - 2018-05-22 17:03:21

طبق مميز اختي

ريفية حرة - 2017-10-04 21:51:29

الله يعطيك الصحة لطوف طبق كيشهي ماشاء الله

اخت لطيفة - 2017-10-04 23:04:54

لهلا يخطيك حبيبتي منتفضلش قدام حداكتك