لحم رأس مبخر




  37   333    3    2      2017-10-06   

المكونات

  • هادي طريقتي فطياب لحم الرأس كيجي صحي و خفيف بسم الله فالمقادير غادي نحتاجو لحم رأس منقي و مقطع طراف 3 ضروس ثوم حامضة كاملة ورقة سيدنا موسى قزبور أخضر مقطع بصلة كبيرة مقطعة طول

طريقة التحضير


كنخدوا اللحم ديال الرأس من بعد ما قطعناه و نقيناه و سسناه مزيان من دوك العضيمات الصغار الي فيه كنستفوه فالكسكاس ديال الكوكوط أو الكسكاس العادي كتقطعي فوق منوا البصلة و شوية الملح و الابزار و الكمون و ضروس الثوم و كنخدوا الحامضة نقطعوها دوائر نرميو طرف ديال الحامض فالماء الي فالبرمة أو فالكوكوط ديال الكسكاس مع الماء و ورقة سيدنا موسى صافي كنسدوا الكوكوط و نديروا صفارة و نخليو الرأس يطيب على خاطروا تقريبا 40 دقيقة كيكون واجد أو ساعة إلى ستعملتي كسكاس عادي كيجي غزال و بنين و ما فيهش الدهن بزاف و بالصحة و الراحة

التعليقات

ikramhaniin - 2018-06-08 18:29:54

جزاك الله خيرا اختي

ريفية حرة - 2017-11-10 16:21:20

الله يعطيك الصحة حبيبتي