مربى الخوخ من يدياتي انيقاتي الرشيقات




  46   203    3    2      2017-10-16   

المكونات

  • السلام عليكم انيقاتي اش خباركم وكيف عاملين مع شي صهودات الله يرحم ضعفنا اليوم جيتكم بمربى الخوخ اللذيذ ..كيف كتعرفو هذا الموسم ديالو وموجود بكثرة والثمن ديالو عندنا يا الله 5 دراهم وممكن اكثر شوية او اقل حسب النوع والجودة طبعا هاني جبت ليكم خبار السوق ههه

طريقة التحضير


في كوكوط خلطي الخوخ مع سنيدة والحامض وخليهم يطلقو ساعة او اكثر انا كنت مزروبة خليتهم ساعة فقط وشعلت عليه وخليتو يطيب 20 دقيقة مع التحريك مرة مرة وطحنتو
ممكن تخليه طريفات كيجي شكلو زوين حتى هو وللي عندها دراري بعكاكين بحال لي عندي ما عليها غير تطحنو ههه
هنا فاش درت فيه السكر وخليتو حتى يطلق السيرو لي فيه
هنا فاش بداتو الغلية الاولى
ملي طاب طحنتو
وهو ساخن طبعا عمريه في قريعات معقمين وسدي مزيان وقلبيهم على فمهم وخليهم حتى يبردو بهاد الطريقة كيبقى مدة وخا غير في بلاكار بلا ما يفسد
وبالصحة والراحة
دهني بيه خبز بلا متنساي زبدة بلدية بطريقة ريفية حرة هههه https://www.anaqamaghribia.com/vb/fo...84%D9%8A%D8%A8 ملاحظة نفس الطريقة بالنسبة لمربى الشهدية ارجو الدعاء لوالدتي بالشفاء العاجل جزاكم الله خيرا ولاولادي بالصلاح والتوفيق ولكن بالمثل ان شاء الله

التعليقات

ikramhaniin - 2018-05-22 17:29:18

الله يشافيلك الميمة و يصلحلك وليداتك ويحفظك ليهوم

ام عبد الله87 - 2017-10-16 18:54:43

يعطيك الصحة ورب يشف والدتك وينعم عليها بالصحة ويصلح اولادك ويمتعك ببرهم وصلاحهم