♡ديسيري المفضل بالحامض♡




  99   727    6    4      2018-01-13   

المكونات

  • بسكويت مطحون (تقريبا 4 بكيات صغار)
  • زبدة مدوبة
  • 3 بيضات
  • بشر حامضة
  • كاس عنبة عصير الحامض
  • 200 غ سكر
  • 80غ طحين

طريقة التحضير


صورة للمكونات
نطحنو البسكويت
و نضيفو الزبدة المدوبة شوية بشوية حتى يتجمع
و نكرصوه فمول مفرش بورق الطبخ
نخلطو السكر مع الطحين
فإناء نديرو البيض مع قريصة ملح
نزيدو بشر الليمونة و نخلطو شوية
و نزيدو الطحين المخلط بالسكر على دفعات
...
و فالأخير نزيدو عصير الحامض و نخلطو
ثم نكبو الخليط فوق البيسكوي و ندخلوها للفرن على درجة حرارة 180 (نار مهيلة) حتى تعقاد الكريمة و ما تبقاش تحرك (ولكن ما تخليوهاش حتى تقصاح)
..
هنا ملي خرجات من الفرن
خليتها حتى بردات مزيااااااان و رشيتها بسكر صقيل
و قطعتها مربعات
زوقتها بخطوط الشكلاط و قدمتها مع فنجان قهوة سوداء ♡
...
..

هدا ديسيري المفضل.. اي وحدة كتحماق على مداق الحامض تجربها و شهية طيبة ♡

التعليقات

ikramhaniin - 2018-05-22 17:15:16

راءعة اختي،كنحماق على مذاق الحامض،لكن ما زال ما شريت الفرن،لكن ضروري نجربها ان شاء الله

saadasaida - 2018-01-21 10:54:26

تبارك الله

♡ ايمي ♡ - 2018-01-21 14:38:46

الله يبارك فيك حبيبتي ♡ أسعدني مرورك.

زهرة الكاردينيا - 2018-01-19 09:28:05

تبارك الله عليك حبوبتي باينة لذيذة ميام ميام تسلم ايديك

♡ ايمي ♡ - 2018-01-21 14:37:53

الله يبارك فيك زهرتي العبقة ♡ شكرا على التشجيع يا طيبة.

"la vie" - 2018-01-18 16:44:51

تبارك الله عليك.الله اعطيك الصحة.حتى انا كيعجبني مذاق الحامض بشدة.

♡ ايمي ♡ - 2018-01-18 17:42:10

الله يبارك فيك حبيبتي.. هي كاع اتافقنا على الحامض هههه خاصنا غي شي جليسة فشي جريدة و شي ترموس د القهوة و كل وحيدة و طبيسيل ديالها ممممم هههه

"la vie" - 2018-02-10 17:31:08

هداك هو النهار الكبييير فاش نتجمعو... اجي بانلي كنتشاركو انا و اياك فشحال من حاجة ؛حبنا للشكلاط و الحامض و اشنو اخر؟؟ هههه واقل وجدة و التعليم هههههه كاين شي حاجة اخرى؟!

♡ ايمي ♡ - 2018-02-15 21:16:11

مممم الحامض، الشكلاط ،وجدة، التعليم ،القراءة.. تأخر الحمل هههههه اللهم ألحقني بك ♡

"la vie" - 2018-02-18 17:07:17

اللهم انت رب الارباب و مسبب الاسباب و خالق خلقه من تراب اللهم ارزق صديقتي "ايمي" الذرية الصالحة عاجلا غير اجل يا رب.اللهم يااا رب قر عينها بالذرية الصالحة يااا رب سبقت رحمتك قدرتك يا رب سبقت رحمتك قدرتك اللهم ارحمها و الطف بها و افرحها عما قريب كما افرحت نبينا زكرياء و نبينا ابراهيم عليهما السلام و كما افرحتني ياا رب.اللهم انت اعلم بما في قلبي .اللهم انا لا نعرف بعضنا و و لا نتشارك الا حبنا لك يا رب .اللهم لا ترد لي دعوة لشخص لا اعرفه و لا احبه الا فيك يا رب.اللهم امين اللهم امين

♡ ايمي ♡ - 2018-02-20 14:31:16

لا زلت أحاول جاهدة كبح دموعي التي انهمرت من قراءة هذا الدعاء الطيب جدا من سيدة في منتهى الطيبة مثلك.. لا أملك إلا أن أنحني أمام كرم شعورك! جزاك الله خيرا و قر عينك بذريتك.. و بدوري أشهد الله تعالى أني أحبك فيه ♡♡♡ شكرا شكرا شكرا!!

اخت لطيفة - 2018-01-18 13:49:09

ممممم كتشهي يا ايمي فنة فنة الله يعطيك الصحة حمقاتني

♡ ايمي ♡ - 2018-01-18 17:40:46

شكرا بزااااااااااف حبيبتي ♡ هادي شهادة اعتز و افتخر بها.. ربي يخليك.

تفراوت11 - 2018-01-17 23:22:30

يا سلاااااام انا من هادوك لي تيحماقو على الحامض مممممم ان شاء الله نجربها تبارك الله عليك ايمي و خلاص ♡♡♡

♡ ايمي ♡ - 2018-01-18 17:39:37

الله يبارك فيك امونة الحبوبة ♡ تشرفت بزاااااف بمرورك يا غالية و يا ربي تعجبك ملي تجربيها.

قوتي في صمتي - 2018-01-17 21:24:55

تبارك الله ياسلام هههه هو ذا الكلام وكملتيها بكاس قهوة سوداء وأنا بقول إبداعك منين ههههه كنموت على الحامض والقهوة رفيقة عمري

♡ ايمي ♡ - 2018-01-18 17:38:15

الله يبارك فيك حبيبتي.. هي قولي جبتهاليك ف 90 هههههه الحامض و القهوة و ها نتي رجعتي صاحبتي هههه

♥ منى & بيان ♥ - 2018-01-14 14:21:01

ماشاء الله علك حبوبتي جاك كيشهي ان شاء الله نجربها فاقرب فرصة ، بصحتكم وراحتكم اختي

♡ ايمي ♡ - 2018-01-18 17:37:07

الله يعطيك الصحة مونمنتي ♡ ان شاء الله تعجبك ملي تجربيها.. و شكرا بزااااف على التشجيع ♡

ريفية حرة - 2018-01-14 01:07:39

الله يعطيك الصحة حبيبتي إيمي هاد الخير عندك كيشهي اللهم بارك

خادمة الفرقان - 2018-01-15 23:10:04

غزال تبارك الله عليك

♡ ايمي ♡ - 2018-01-18 17:34:11

مديرتي الحبيبة شكرا بزاااف على التشجيع.. شرفني مرورك كما دائما ♡ اختي نعيمة شكرا بزاف على التشجيع.. الله يبارك فيك يا غالية ♡