الرزيزة باليد سهلة و ناجحة




  121   754    0    11      2018-06-15   

المكونات

  • زلافة فورص مغربل زلافة الا ربع فينو ملح و ماء دافئ

طريقة التحضير


صورة للمكونات
نجمع المكونات مع بعض العجين لازم يكون قاسح من ناحية الماء و يتدلك جيدا بهاد الطريقة
من بعد نلفو فبلاستيكة و نخليه على الاقل 2 ساعات
بعد مرور 2 ساعات نشكل منو حرابل بهاد الحجم نخليهم يرتاحو 5 دقائق
نحتاج فالتوريق زبدة خاصة بالاكل و زيت المائدة الزبدة نذوبها لازم تغلي باش نتخلص من الماء لي فيها باش ميقطع العجين
ندير يدي فخليط الزيت و الزبدة
و نبدا نطول فالعجين نجبدو من الطرف بشوية باش ميتقطعش ليا بهاد الشكل
نطول شوية و نحطو مجموع نرشو بخليط الزبدة و الزيت و نمر ل كمية اخرى حتى نسالي و نرجع لاول حربول نرققو من جديد بنفس الطريقة
خاص يطوال بلا ميتقطع كنكرر هاد العملية 3 مرات
و نرجع لاول كمية رققتها نرجع نرققها بنفس الطريقة فاش تيصبح العجين رقيق بهاد الشكل ماشي مشكل الى تقطع لنا
دابا غنرجع لاول كمية و نبدا نلف على اليد 4 اصابع و مانزيرش نلف بشوية
نخليهم يرتاحو نصف ساعة
من بعد نبدا نبسط غير بالاصابع بشوية وفهاد الوقت المقلة الثقيلة خاص تكون سخوووونة و على نار قليلة
ونعملها تطيب نرش مرة مرة بخليط الزبدة و الزيت
هي كتطيب مرة مرة نقلبها و نحاول نفتحها من الجوانب
نستمر هكذا حتى ننتهي و هاهي واجدة معانا

كنتمنى الشرح يكون واضح وكنتمنى تجربوها و تنال رضاكم





ملاحضة :فاش تبغيو تسخنوها عملوها فالكسكاس و فرشو لها منديل متخلوهاش تفور بزاف و بالصحة والراحة

التعليقات

الفنون الجميلة - 2018-12-26 12:25:57

الله اعطيك الصحة اختي .شكرا

أُمْ زكرياء - 2018-06-17 03:26:08

تبارك الله عليك اختي كتشهي ...

ريفية حرة - 2018-06-15 21:32:04

بسم الله ماشاء الله اللهم بارك الله يعطيك الصحة حبوبة رزيزة واعرة تبارك الله عليك .

♥ منى & بيان ♥ - 2018-06-15 21:37:55

الله يبارك فحياتك حبوبتي ربي يحفظك يارب ويحفظ لك كل عزيز وغالي يارب