خبز ديال دار ب دقيق لقمح الكامل والشوفان ويوغورت طبيعي




  97   291    4    2      2018-01-09   

المكونات

  • زلافه دقيق القمح لكامل+زلافه من دقيق الشوفان(الخرطال)+زلافه من السميد رقيق او الفينو+ شويه الملح +معلقه ونص سكر +جوج معالق كبار خميره الدار حسب الجو+نص كاس يوغورت طبيعي +جوج معالق كبار زيت

طريقة التحضير


اولا كنخدو خميره مع سكر وشويه الماء نخلطوهم ونخليوهم على جنب اتفاعلو كنديرو دقيق القمح مع الشوفان و السميد رقيق او لفينو +ملح +يوغورت طبيعي ثم نضيفو خليط الخميره وسكر نعجنونه بالماء دافي خص العجين اتدلك ونعطيوه لما كتير اكون مرخووف وكيتلصق نخليه اخمر واحد عشره دقايق من بعد ندلكوه تاني ونديرو ديك زيت ندخلوه فالعجين مزيان ونخليه اخمر على اقل ساعه من بعد كنشكلوهم كويرات ونخليوهم اخمرو تاني من بعد كنديرو رشاش فيه الماء ونرشو الخبز مزيان حتا افزك ونزينوه بلي متوفر ونفلحوه بالموس ممكن نخليوه عادي سررر فداك الماء لي كنرشو بيه كيخليه هش ومحمر ودانون لي درنا فالعجين كندخلوه فران واحد 15دقيقه ونرشوه تاني ونخليه اطيب عادي وبصحتكم كيجي رائع
نفس المقادير لي عطيتكم
هنا خمر
من بعد ما وجد باقي سخووون

ضروري نرشو الخبز بماء عادي جيدااا ف المره اولى وتانيه باش اجيكم هشش و محمر دعواتكم

التعليقات

تفراوت11 - 2018-01-17 23:26:39

تبارك الله عليك اختي تيشهي ما شاء الله

ريفية حرة - 2018-01-09 08:35:41

الله يعطيك الصحة أختي خبز كيشهي تبارك الله عليك .

أم روميساء - 2018-01-09 13:46:41

الله ابارك فيك اختي لغزاله

زهرة الكاردينيا - 2018-01-11 01:15:40

تبارك الله عليك تسلم ايديك

أم روميساء - 2018-01-11 22:50:43

بارك الله فيك زين