دجاج مشرمل مع الروز والفرميسيل




  32   416    3    3      2017-10-04   

المكونات

  • السلام عليكم انيقاتي الغاليات اش خباركم اليوم جبت ليك دجاج مشرمل وبنيييييين غدي يعجبكم اكيد قدميه لضيافك ولعائلتك صغيرة كانت او كبيرة وانت واثقة من نفسك ..

طريقة التحضير


كمية من الدجاج حسب عدد الاشخاص بصلة كبيرة مشلظة شوية معدنوس توابل متكونة من ملح وخرقوم وقرفة وسكين جبير وتحميرة خنيشة صغيرة فرمسيل مرطبة في ماء بارد ارز مصلوق فلفل الوان زيتون مقطع على شكل حلقات بصلة تانية مشلظة كبدة ديال دجاج مصلوقة مع طريف حامض وورقة موسى ملح وزين وابزار
في كوكوط نصبو عادي دجاج ديالنا ونقليوو مع البصلة ونزيدو التوبل وشوية معدنوس وروي لقياس فقط نضيف نصف كاس ماء ونسد كوكوط ونخليها على نار ناقصة جدا ومرة مرة نحرك كوكوط باش ميلصقش لينا
في مقلاة نشحر البصلة مع الملح والزيت حتى طيح ونضيف الفلفل الوان والزيتون نحرك شوية ونزيد الابزار ونظيف الكبد للي نكون قطعتو طريفات صغار نقسم الخليط على 2 النصفالاول نضيفو فوق الارز المستقطر ونخلط ونرجعو يتفور اما النصف التاني نضيفو للشعرية الصينية ونرجعها تفور حتى هي غير يطيب دجاج نقدمو مرفوق مع الارز والفرميسل في طبق فردي وجماعي كيف حبيتو
وبالف صحة وعافية

التعليقات

ikramhaniin - 2018-05-22 17:21:12

شكرا جزيلا اختي

زهرة الكاردينيا - 2018-02-12 02:35:22

تبارك الله عليك حبوبتي باينة لذيذ أن شاء الله نجربو