عجينة الشوكولا




  120   617    0    5      2018-06-15   

المكونات

  • نحتاجو 50 قطعة شوكولا بيضاء 2 معالق كبار عامرين گليكوز 1 ورقة جيلاتين كاس ونص سكر گلاصي سبيسيال ( كاس عنبة ) و ملونات حسب الرغبة

طريقة التحضير


المكونات المطلوبة
1 نوضع شوكولا فحمام مائي
نعمل ورقة جيلاتين فالقليل من الماء البارد
مني يذوب الشوكولا نضيف ليه 2 معالق كبار من الگليكوز
نحرك جيدا راه كيرجع متكثل متيبقاش سائل
نصفي ورقة الجيلاتين من الماء جيدا و نخلط بسرعة و مزياااان
نضيف السكر گلاصي ضروري يكون منخول من قبل ممكن تضيفو رشة فانيلا ونجمع العجين باليد راه تيطلق قطرات من الماء معلش نستمرو فالعجن قدما برد الشوكولا كيبدا ينشف وهذا شكل العجين
نضيف و ملونات حسب الرغبة شرط الملونات متكونش سائلة باش العجين يبقا متماسك
ندخلها لثلاجة 10 ساعات عاد يمكن نستعملها فالتزيين هنا غنشكل منها كويرات باش نصنع ورود
نعمل قلب الزهرة كيكون بهاد الشكل
نوضع كل كرة ونبسطها بدلاك
و نبدا نلفهم
بهاد الشكل
حتى ننتهي
نشكل اوراق و هنا عملت لمسة من الملمع الغذائي

كنتمنى الوصفة تنال اعجابكم وتجربوها و تستمتعو وانتم كتزينو بيها حلوياتكم

للاشارة راه العجينة كتقساح مني تبغيو تخدموها اما عملوها ف ميكرواوند ولا غا حطوها فلمطبخ فمكان دافئ وغادة تطلق

التعليقات

لا يوجد تعليقات