فقاص باللوز و الزبيب




  82   439    2    2      2017-12-18   

المكونات

  • 3 بيضات
  • كاس عنبة سكر
  • 1 فاني أو سكر بنكهة زهر البرتقال
  • كاس الا ربع زيت
  • كاس لوز مرطب ليلة كاملة فنصف كاس ما زهر
  • خليط من الزرارع: (جنجلان، نافع، حبة حلاوة) و شوية الزبيب مقطع
  • 1 خميرة الحلوى
  • طحين حسب الخليط (تقريبا 750غ)
  • ماء مذاب فيه شوية نسكافيه او كاكاو للدهن
  • نصف ملعقة صغيرة ملح.

طريقة التحضير


صورة للمكونات
نضربو البيض و سنيدة و فاني حتى دوب سنيدة و نزيدو الزيت و نضربو مزيان
نزيدو اللوز بما زهر ديالو و الزرارع و نخلط الكل
نضيفو الطحين شوية بشوية حتى يبان لينا بأنه شد فراسو و يبقى مازال كيلصق شوييييية فاليد
نقسمو العجين على 3 و نشكلو 3 حرابل و نحاولو نضغطو عليهم شوية من الفوق
ندهنوهم بخليط الماء و الكاكاو و نزوقوهم بفورشيط و نتقبوهم من الجناب و من الفوق بواسطة عود الاسنان
ندخلوهم يطيبو ففرن بارد و نار مهيلة و الباب ما مسدودش مزيان و نراقبو الطهي حتى يبانلينا شد فراسو (غادي يتنفخ شوية) ما نخليوهش بزاااف حتى يطرطق.
ملي يطيب نخرجوه و نغطيوه بمنديل مفزك و معصر مزيان و نخليوه حتى يبرد و نقطعوه بسكين حاااااد و نردوه يتحمر فالفرن مع مراقبة الطهي جيدا، ملي يتحمر من جهة نقلبوه يتحمر من الجهة الثانية.. و هادشي طبعا فنار متوسطة و شاعلة فوق من صينية الطهي.
و ها هو فقاصنا وجد بلااااا ما يفقصنا :-)
نقادوه فطبيسيل و نقدموه بحب ♡
و للاحتفاظ به، درتو فعلبة بلاستيك غذائي و غطيتو بفيلم غذائي و سديت عليه.
...

أولا خاصكم تعرفو بلي هادي أول مرة فحياتي كنصوب الفقاص.
ثانيا راه ماا كيعجبنيش صوبتو غي فضول ههه.
ثالثا سمحوليا بزاف ما صورتش أهم مرحلة لي هي التقطيع لان التلفون طفا. المهم، ما فقصنيش نهائيا الحمد لله.

التعليقات

زهرة الكاردينيا - 2017-12-21 19:10:17

تبارك الله عليك وبصحة والراحة تمت المهمة بنجاح هههه الفقاص بلا فقصة

اكليل الزهور - 2017-12-20 21:12:16

لالة الحادكة هدشي غزال صدق ليك روعة سلمت يداك توحشتكم

♡ ايمي ♡ - 2017-12-20 22:33:29

ربي يخليك حبيبتي.. فرحتيني بتشجيعك يا غالية.. حتى أنا توحشتك ♡

نجاة تادلة - 2017-12-20 18:25:52

فقاص غزال الله يعطيك الصحة أختي

♡ ايمي ♡ - 2017-12-20 22:32:16

شكرا بزااااااااف غاليتي!! و الله جدا متشرفة بمرورك و تشجيعك ♡

fati11 - 2017-12-20 17:37:18

تبارك الله عليك اختي

♡ ايمي ♡ - 2017-12-20 22:31:19

الله يبارك فيك حبيبتي!!! أنا متشرفة جدا بمرورك الطيب ♡ شكرا لك!!

omyasin iman - 2017-12-20 13:31:18

تبارك الله اعليك .تجربة جد جد ناجحة .وبلا فقصة.ههههه

♡ ايمي ♡ - 2017-12-20 17:32:24

الله يبارك فيك يا غالية ♡ اه فعلا فقاص بلا فقصة هههه. أسعدني جدا جدا تشجيعك.

يوزي - 2017-12-20 09:57:06

تبارك الله عليك

♡ ايمي ♡ - 2017-12-20 17:31:18

الله يبارك فيك حبيبتي ♡

ريفية حرة - 2017-12-19 00:43:29

ماشاء الله عليك أختي ايمي فقاص كيشهي تبارك الله عليك

♡ ايمي ♡ - 2017-12-19 22:59:52

الله يبارك فيك حبيبتي.. أسعدني جدا تشجيعك ♡

♥ منى & بيان ♥ - 2017-12-18 18:32:17

تبارك الله علك اختي وبصحتكم وراحتكم

♡ ايمي ♡ - 2017-12-18 20:07:42

الله يبارك فيك حبيبتي ♡ شكرا على التشجيع.