كيكتي اللذيذة والملونة


  35   388    2    1      2017-10-04   

المكونات

  • السلام عليكم اخواتي هادي كيكة مزخرفة بالالوان الربيعية وليني بالوان طبيعية موجودة عندك في الدار اما الاساس ديال الكيكة الصراحة لذيذ الا جربتوه مغديش تندمو عليه خخخخ

طريقة التحضير


3بيضات 2 معالق لوز مطحون بقشرتو 2 معالق مايزينا كاس سنيدة كاس زيت مخلط بالزبدة او كاس زيت بوحدو عصيرنصف برتقالة ونصف حامضة 2 خمارت ديال الحلوى فاني واحدة كاس ونصف فورص او حتى تعقاد الكيكة
في مولنكس ضربي البيض والسكر والزيت مزيان اضيفي العصير وخلطي ثم افرغي الخليط في بانيو وزيدي عليه جميع النواشف والخمارة والفاني وخلطي وحطيها في مول تكوني غلفتيه ببابي سيلفريزي والا مشي متوفر وصعيها في مول زجاجي دخليها طيب 35 دقيقة في فران ناقص
بالنسبة للتزين المقادير والطريقة
2 دانون طبيعي كاس تقريبا ديال حليب نستلي او حسب لختورية للي بغيتي تحصلي عليها خنيشة حليب غبرة ديال 5 دراهم 4 حبات فرماج مربع او مثلث فلان فاني شوية شكلاط مر ونسكافي القليل من سيرو الرمان
في اناء خلطي دانون مع الفرماج ثم اضيفي حليب نستلي شوية بشوية خودي 6 معالق من الخليط وقسميها في 3 ديال زلافات صغار .. زلافة الاولى ضيفي ليها سيرو الرمان ونتي كتحركي حتى تحصلي عل لون وردي جميل
زلافة التانية ضيفي ليها شوية نسكافي وشكلاط غبرة الا جاكا لخليط عاقد بزاف خفيه بشوية نستلي زلافة الثالثة صبي فيها ساشي الفلان فاني غدي تعطيك لون اصفر نرجعو لباقي الخليط نزيدو فيه حليب غبرة حتى نحصلو على كريمة ونوزعوها على وجه الكيكة حتى تتغطى كاملة
من بعد ناخد ملعقة من الخليط البني ونحط نقيطات متفرقة فوق الكريمة ثم نقيطات من اللون الوردي ثم الاصفر وندخل الكيكة للفران يكون سخون مزيان ونخليها حتى تشد راسها ونخرجها مننساش نطفي الفراندقيقتين بعد ما ندخل الكيكة
نتمنى يكون الشرح مفهوم انيقاتي والصور ان شاء الله توضح الطريقة

التعليقات

ikramhaniin - 2018-05-22 17:25:59

الكيكة الفراشة ههه راءعة شكرا جزيلا اختي