إعـــــــلان

تقليص
لا يوجد إعلان حتى الآن.

درس لحل مشاكل الشعر العديدة

تقليص
هذا موضوع مثبت
X
X
تقليص
يشاهد الموضوع حاليا: 1 (0 عضوات 1 زائرات)
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    درس لحل مشاكل الشعر العديدة


    ملاحظة:

    هذا موضوع كان ضمن دورة خفيفة ضريفة سبق لينا درناها من قبل وحبيت نذكركم بالموضوع كونه فيه وصفات جد رائعة ومفيدة لكل باحثة على حلول عملية بسيطة وفي المتناول نخليكم مع الموضوع ....




    الشعر تاج ونصف جمال المرأة :


    الشعر قالوا عليه نصف جمالنا وهو تاجو، ولكن الى كان شعر نيت صحيح وقوي وفيه كل معاني الجمال، وطبعا الشعر تيتاثر بصحتنا الداخلية الى كان نقص في الحديد او في الفيتامينات او الاكتئاب او مشاكل اخرى داخلية عافانا الله واياكن،وعدم شرب الماء الكافي تيادي لجفاف الشعر ويولي مكرد ومشعكك ومشنتف وتالف فهاذ الشعر تيادي الثمن وسط هاذ المشاكل كلها ولي هو التساقط ، ولهذا مشاكل الشعر تتختلف من انيقة لاخرى وفي اخر المطاف كلنا تنحلموا بسالف طويل ورطب وقوي يعني شعر جميل
    ورائع ولكن الى ما كانش الاهتمام والرعاية لهاذ الشعر فكيفاش غادي تحصلي عليه الى كنتي هاملاه
    وما معتنية به .

    لهذا حبيبتي عليك بمراجعة اش تتاكلي وثقفي راسك في اتباع برنامج منظم في الاكل ديالك وشربي الماء الكافي كلها امور باش تعالجي مشكل التساقط من الداخل ثم تيجي دور الوصفات والخلطات الطبيعية لي تتكون بمثابة الدواء المكمل بعد الاكل الصحي والمتنوع



    مشكل تساقط الشعر:


    اهم مشكل لي بزاف تيعانيوا منو هو التساقط و الوصفات كثيرة باش توقف لك هاذ المشكل، لي قليل هو الصبر عليها والمداومة وكذلك والاقبال عليها فيه شوية التبعكيك ها ريحة البصلة ها ريحة القطران ها ها ها ها الخ ....الشعر ماشي يكتفي بوصفة مرة وحدة وصافي انتهى الامر اااه ما دارت ليا والو ما خليت ما درت وهي كل مرة دير حاجة يعني الى تفكرات شي نهار الزغيبات لي بقاوا لها دير لهم الحنة ههه العناية بالشعر خاصها تكون مركزة ومستمرة ماشي نخلي الوقت يمر بزاف على التساقط بلاما نراجع القاموس الغذائي ديالي اشنو ناقصني اشنو خلا شعري يطيح ويتكمل عليه وتتكثر الشكوى بلا فايدة وكاينة لي تسمع بدل الوصفة الف ولكن غير معمرة بهم الاجندة ديالها ما تدير حتى تطبيق وما كتابعش المشكل باش تخلص منو لازم تبقاي مستمرة على علاج المشكل حتى تظهر لك النتيجة ولو بعد سنة المهم انك مهتمة به واكيد غادي تحصلي على شعر كما تمنيتي ان شاء الله

    اليك قناع الخروب لي خاصك داومي عليه وطبعا لي بغات تعرف على ميزة الخروب فما عليها غير توجه لمعشبة قوتي في صمتي جزاها الله خيرا باش تقرب لها الصورة اكثر على هاذ العشبة العجيبة.

    1


    2

    هاذ القناع جد مميز ونتائجه مذهلة وعجيبة تبعيه مدة شهر وغادي تشوفي النتيجة ولكن تقارنيه مع مراجعة الغذاء وتشربي الماء الكافي باش حاجة كتكمل اخرى قناع السكين جبير الرائع هاذ القناع ما تيخليش ريحة البصلة مجهدة الى ما بغتيهاش تبقى نهائيا في الغرف الماء الاخير ديري فيه فاني سائل او قهوة سريعة الذوبان وشلي بها شعرك واصلا ولا يهمك الى كانت رائحة البصل لان الاهم هو علاج مشكل التساقط وفكري باش ما يبقاش شعرك خاوي او حتى توصلي للصلع لا قدر الله شعرك عنوان صحتك


    3

    خيار اخر بالنسبة لرائحة البصل او الثوم ما تتبقاش مع طريقة تشلي شعرك في الاخير كما قلت لك سابقا اما فاني او بالقهوة



    الشعر الجاف والمتقصف والمكرد والحرش والمشعكك


    شعرك جاف ومكرد ومشعكك ولانطيرات شادين الاسكا، او بحال لاستيك او ملي تبغي طلقيه يتنفخ بحال الكنفوذ هههههه حرتي ما عرفتي ما ديري امام كل هاذ المعضلات ولي تتقولينا شعرك جد جد جااااف ايوا يالالة الانيقة وصفة الشعر الجاف تبعيها غير 4 المرات وغادي تفاجاي من النتيجة شعر ملس ورطب ولكن ماشي من الماء للماء راه خاصك دوري لو الباتشا بعد الغسيل باش الزغبة طوع وتشد طريق
    وحدة وتاخذ القوام ديالها المسبسب

    اول قناع مرطب جد رائع لي تيتعمل على طريقة الترطيبة المعروفة ولكن النتيجة خلاف بكثير الترطيبة الكيماوية تتنشف الشعر وتقصفو وتحسكو وتنسلو تيرطاب فقط في الماء وملي ينشف يولي محروق لكن هاذ الترطيبة الطبيعية لي يمكن نقولوا عليها كيراتين طبيعي تتقويه وتغذيه بعد الترطيب، ترطيبة الروز لي من اروع ما يكون تترجع الكيراتين لي تيفقدو شعرك وترجع لو الملمس الحريري وتغذيه وتقويه وتعطيه صحة وجمال الى داومتي عليها مرة في الاسبوع غادي تحصلي على شعر راااائع كما تمنيتي ودبا مع الفصل بارد هاذ القناع ملي تخلطيه مزياان ديريه في حمام مريم باش يجيك دافي وكذلك بالنسبة للروز صلقيه مزيان حتى يتعلك يعني يطيب بزااف وملي طحنيه يعطيك عجين ملس ورطب وضيفي لو باقي المكونات وديريه مرة في الاسبوع وبعد غسل الشعر نشفي شعرك بالفوطة ودهنيه بالسيروم لي غادي تلقاي بطاقته في الاسفل ودوري لو الباتشا واجي عاودي لينا على نتيجة تطبيقك لي غادي يخليك فرحانة وسعيدة ان شاء الله


    1








    مزيد من الوصفات الخاصة بترطيب الشعر وتغذيته

    2


    3







    لغسل الشعر دون مصيبة الشمبوان :


    اول شيء حاولي ما امكن تحذفي من قاموس حمامك الشمبوان لي تيهلك الزغبة والفروة بجوج بهم وما كاين ما احسن من الشمبوان الطبيعي ولي هو الغاسول المسقي بالاعشاب لي تيحفظ فروة الراس من التلف و من التساقط ومن الشيب المبكر لي السبب ديالو هو الشمبوان لي تيحرق الشعر هذا مرطب هذا فيه الرغوة كثيرة هذا ريحة زوينة وكلها مفاسد للشعر ما كاينش ما احسن من غاسول الجدات لي عندو تاريخ ما يمكنش يفسد لك شعرك قدما تيحميه ويخليه رطب وسليم لي باقي ما تدير الغاسول عمرها ما تكون انيقة مغربية حرة هههههه ديري الغاسول بالاعشاب واعطي حياة لشعرك .


    ملاحظة الثمن ديال الاعشاب ارتفع لهذا ما بقاتش 2 دراهم هههههه ديروا 5 دراهم من كل عشبة

    1





    2




    السيروم المغذي للشعر:

    لتغذية الشعر ما كاين ما احسن من سيروم مغذي ومعالج لتقصف الشعر ولي غادي تحضريه بايديك ويعطيك فوائد كثيرة ان شاء الله


    والطريقة لي تتزيد في جعل الشعر رطب والزغبة مطلوقة ومسرحة هي الباتشا طريقة سهلة مرتين في الاسبوع متتالية وهانتي مبرعة بشعر رطب ومسرح بلا مشاكل



    وفي الصباح تلقاي شعر مسبسب رطب حرير




    وفي الاخير يمكن لك تعملي مشيطة سهلة وبسيطة انيقة في نفس الوقت





    اللهم جملنا دائما بالتقوى والايمان واجعل قلوبنا بيضاء طاهرة .



    والى لقاء قريب جدا بحول الله وقوته في دورة جديدة للعناية بالشعر فكن في الموعد ان شاء الله















    • WhatsApp

    #2
    ماشاء الله عليك اختي شكرا لك بارك الله فيك

    تعليق

      • WhatsApp

      #3
      جزاك الله ألف خير حبيبتي ذاكرة.. سجلت عندي شي صور حتى نشري المكونات و نطبق ان شاء الله.

      عمرني فحياتي استعملت الغاسول ان شاء الله هاد المرة نزعم و نشريه و نبدا نستعملو.. واش زعما كيعوض الشامبوان؟ ما يبقاش الشعر مزيت؟

      تعليق

        • WhatsApp

        #4
        الله يجزيك اختي واشن هيا الباتشا.

        تعليق

          • WhatsApp

          #5
          دااااااااااااااااائما متالقة حبيبتي



          اللهم إني أسألك رضاك والجنة وأعوذ بك من سخطك والنار
          اللهم ارزقني بر ابنتي في محياي وبعد مماتي

          تعليق

            • WhatsApp

            #6
            جزاك الله خيرا على الموضوع المميز

            تعليق

              • WhatsApp

              #7
              السلام عليكم ورحمة الله


              شكرا جزييييلا اختي ذاكرة دائما متميزة



              تعليق

                • WhatsApp

                #8
                المشاركة الأصلية بواسطة ♡ ايمي ♡ مشاهدة المشاركة
                جزاك الله ألف خير حبيبتي ذاكرة.. سجلت عندي شي صور حتى نشري المكونات و نطبق ان شاء الله.

                عمرني فحياتي استعملت الغاسول ان شاء الله هاد المرة نزعم و نشريه و نبدا نستعملو.. واش زعما كيعوض الشامبوان؟ ما يبقاش الشعر مزيت؟
                ابدا هو تيغسل الشعر اكثر من الشمبوان تيخليه مكعلل اما الغاسول تيخلي الزغةب رطبة ومسرحة ومنتعشة جربيه وحتى طريقة التسجيل سهلتها لكم غير تنسخي البطاقة وهاهي عندك محفوظة حتى توجدي لها راسك وبالي به وبالصحة والراحة واش باقة كديري الشمبوان راه مصيبة صراحة
                دخلي هنا وتعرفي على فوائد الشمبوان الصحية

                #15









                تعليق

                  • WhatsApp

                  #9
                  المشاركة الأصلية بواسطة وسام2015 مشاهدة المشاركة
                  ماشاء الله عليك اختي شكرا لك بارك الله فيك
                  الله يبارك فيك حبيبتي وبالصحة والراحة وشكرا على مرورك الطيب







                  تعليق

                    • WhatsApp

                    #10
                    المشاركة الأصلية بواسطة عيدة م س مشاهدة المشاركة
                    الله يجزيك اختي واشن هيا الباتشا.
                    وانتي من اهل الجزاء والتواب اختي
                    الباتشا هي الطريقة لي تنقولوا لها العملية باش شعرك يتسرح ويتسبسب بلا سشوار وهي لي درت بالصور خطوة خطوة







                    تعليق

                    يعمل...
                    X